Nyuutɩna Wɩɩsɛ, ɩ nɛ́ tɛ ŋ wɩ héwíŋ fá
31
1 Davidi yɩl, a mɩŋ yɩyɩɩra nyúútɩ́na yɩɩla kɛnɔ sɩɛrʋ.2 Nyuutɩna Wɩɩsɛ, ŋ yúólí, sɩɛ́ sɩ́ ló rɩ́ŋ dí hɩ̃́ɩ̃́sɛ abadá!
Ɩ táŋa ná yɩr mɛ́, lo mɩŋ dɩtáŋa.
3 Ɓilí dɩllɛ a cáásɩ́ŋ, ká fa kɩ́kɛ́lɛ́ a ko láŋ a tá.
A bʋ́tal ná há dúókó páŋ, a a kɛ́rɛ ná sɩɛrʋ ŋ há sɩ́ ná laatɛ́.
4 Ʋ ká ɛ́ nɛ́, ɩ nɛ́ ká ŋ bʋ́tal ná há wómó.
Tɩ́ɛ́sɩ́ŋ, a nʋɔlɩ́ŋ ɩ táŋa ná yɩr mɛ́.
5 A rɩ́ŋ lú lɩ bará ná ɓa há hé rɩ́wɔ́ kánɩ́ŋ mɛ́,
beé wɩ́ɛ́, ɩ nɛ́ ká ŋ laataarɔ́.
6 Ŋ píŋ hiẽso héí nɛ́sɛ mɛ́,
Nyuutɩna Wɩɩsɛ, ɩ nɛ́ ká táŋa Wɩɩsɛ, ɩ nɛ́ láŋ a tá>>
7 Ŋ bɛrɛ veŋɓaarɔ́;
Nyuutɩna Wɩɩsɛ, ŋ é píŋ tɩɩ a pɛ́ɩ́ nɛ́.
8 Ŋ sɩ́ jʋɔsɩ́ sawér ná yɩr mɛ́,
beé wɩ́ɛ́, ɩ bélíŋ susu, ɩ náŋ wɩɩla.
9 Ɩ wɩ lóé rɩ́ŋ zʋ́ŋ dɩŋdɔma nɛ́sɛ,
ɩ nɛ́ ɛ́ɛ́ ŋ cɩ́nɩ́ŋ naasɛ nʋɔ mɛ́, ɩ nɛ́ lóé ŋ tɩ́llɩ́ŋ tɩɩ.
10 Nyuutɩna Wɩɩsɛ, pɛ́ŋ mɛ́,
ŋ sɩɛrʋ wuu ní zɔkɛ́, a péríŋ tɛŋ rɩ́rɩ́ŋ dʋma,
sɩ́ɛ́ wɩ wúó bel, sazɔkɔ́ há nɩ́ɩ́sɩ́ŋ.
11 Ŋ hiẽso mí, wɩɩla nɛ́ káŋ ɓɩdiili,
bɩŋsɛ fɩfa, ká hííne cɩ rʋ́ʋ́ ɓʋ́ŋ.
Ŋ wuu pii bɛ́klɛ, ŋ wɩ́bɔma há dúkí nɛ́sɛ wɩ́ɛ́,
ŋ táŋa wuu ní tenne.
12 Ŋ gɛbasa nɛ́ káŋ dɩŋdɔma zome,
ká ŋ kénnináŋa há susúúri.
Nɩɛ ná há ɩ̃́ŋ, wɩ́ŋ kɔwɛ;
rɩ́wɔ́ cémíŋ ŋmɛ́nɔ́ ɓaá fá nɛ́.
13 Ɓa baá wɩ́ŋ ɛ̃́, ɓa sʋ́llɩ́ŋ wɩ́ɛ́
anɛ nɩsʋ́wɩ́, anɛ oŋkɔ́sɔ́.
14 Nɩɛ há bʋlwɔ́ ná aá tɛ́ ŋ mɛ́, ŋ nɛ́ rɛ́,
dɩhɩ̃́ wuu kéŋ héwíŋ a páŋ,
ɓaá vʋ́ʋ́rɩ́ŋ wɩ́ɛ́ nɛ́, ɓa cɩ́nɔ́ rɩ́wɔ́ lɩ́sɩ́ŋ mɩɩsɛ nɛ́.
15 Amá ŋ Tɩna Wɩɩsɛ (Nyuutɩna Wɩɩsɛ), ŋ é píŋ tɩɩ a pɛ́ɩ́ nɛ́;
Ŋ é sɛ́: «Ɩ nɛ́ ká ŋ Wɩɩsɛ».
16 Ŋ hiẽso minɩ́ nɛ́sɛ mɛ́ nɛ́ tɛ́ŋ wuu mí;
láŋ ŋ dɩŋdɔma, ŋ ɓʋ́ʋ́ra nénídafɩllɛ mɛ́.
17 Ŋ kɛ́ɩ́ tʋtʋnnɔ, kánɩ́ŋ rɩ́ nɛ́ɓaráwa;
láŋ tá ɩ sawér ná yɩr mɛ́.
18 Nyuutɩna Wɩɩsɛ, ŋ yɩrɔ́ aá hé mí ní, sɩɛ́ sɩ́ lo rɩ hɩ̃́ɩ̃́sɛ díŋ.
Táŋa lo rɩ́ nɩbɔma (yarda rɩ́ kisó tó nɩɛ) nyaŋ nɛ́ bɩr dí hɩ̃́ɩ̃́sɛ!
Rɩ́wɔ́ sʋsɛ, a sikli a mʋ́ lɛlɛtɔ́ɔ́! (rɩ́wɔ́ sikli anɛ nɩsʋsɛ́)
19 A rɩ́wɔ́ a dɩltenne,
ɓa ká nyɩ́ɛ́tɩ́ɩ́na, bɔ́ŋbɔ́ŋ rɩ́ nɩguóno súwó,
ɓa ká nɩbɔma, aá walmɛ nɩtáŋa.
20 Amá ná Nyuutɩna Wɩɩsɛ zile há mɔ́ ɛ́, ʋ nɩɛ (nɩtáŋa) yɩr mɛ́!
(Pi nʋɔ bʋl wɛ́), nɩɛ wuu sɩ́ɩ́ nóú ná
ɩ há píé aá pɛ́ɩ́ nɩɛ.
21 Ɩ nɛ́ káwɔ́ fɩ́ɛ́l, (cúé tɔ́wɔ́ mɛ́)
nɛ́ŋ tó aá walmɩ́wɔ́.
Ɓa mɩnɩ́ fɩ́ɛ́l mɛ́,
wɩ́bʋltɩ́ɛ́nnɛ wʋ́ɔ́ peri.
22 Nyuutɩna Wɩɩsɛ, ŋ cʋɔlɩ́ rɛ́, ɩ makɩ́ sawér ná há wɩ wúó máŋsɛ a páŋ,
ŋ é nɛ́ŋ ná, fá há nɩhɩ̃́ tɔ́ɔ́ ná lalyóóre há kúé kíl.
23 Ŋ sɩɛrʋ fá há zɔ́kɛ́ a daarɛ, ŋ sɛ́:
«Ɩ kíríŋ ŋ kɛ́kɩ́ mɛ́.»
Amá ŋ há jɛ́nnɩ́,
ŋ há ŋmɔwɛ búŋse a pɛ́ɩ́, ɩ fáŋ susu.
24 Wɩɩsɛ laadiire wuu, ɩ́ colli Nyuutɩna Wɩɩsɛ,
beé wɩ́ɛ́, Nyuutɩna Wɩɩsɛ nɩ́ɩ́ bel nɩɛ há lɔ́ʋ́ dí mí.
Amá nɩbɔma é rɩ́,
ɓa há dú ná nɛ́ ʋ a ɓaá kʋ́ŋ. (ɓa wɩ́'állɛ nɛ́ ʋ pi aá túŋwó mí).
25 Ɩ́ nɩɛ ná wuu há yɩɛlɛ Nyuutɩna Wɩɩsɛ,
ɩ pɩrɩ́wa baŋcɩllɛ, ɩ́ dí nyamma.