Nyuutɩna Wɩɩsɛ liŋó
29
1 Davidi yɩl.
wɩŋsa , ɩ́ zil Nyuutɩna Wɩɩsɛ,
ɩ́ zɩŋ rɩ Nyuutɩna Wɩɩsɛ nɛ́ tɛ́ píŋ, rʋʋ nɛ́ duóke.
2 Ɩ́ ko píŋsi Nyuutɩna Wɩɩsɛ,
ɩ́ ɓírmú sɩ́ɛ́,
beé wɩ́ɛ́ Nyuutɩna Wɩɩsɛ kɔ́ʋ́ dʋŋɔ rɛ́.
3 Nyuutɩna Wɩɩsɛ piŋo, ʋ nɛ́ kéŋ doɓɛɛ́lɔ́ a bɩrɛ ɛ́ ʋ haá jɛ́,
Nyuutɩna Wɩɩsɛ liŋó nɩ́ɩ́ dɔ́ŋ nyii daha,
Nyuutɩna Wɩɩsɛ kéŋ tíŋ nyikaná rɩ́.
4 Nyuutɩna Wɩɩsɛ liŋó lɩ rɩ́ dóé ní,
Nyuutɩna Wɩɩsɛ liŋó lɩ rɩ́ tíŋ ní.
5 Nyuutɩna Wɩɩsɛ liŋó bonni sɛɛdɩrɛ tuuni,
Nyuutɩna Wɩɩsɛ bonni sɛɛdɩrɛ tuuni há mɩŋ Libaŋ mí.
6 Ʋ ɔ́ɔ́ Libaŋ pallɛ nyɩ́ɩ́sɛ anɛ nɔɓalɓʋɔllɛ,
ká a Hɛrmɔŋ paalɔ má nɩ́ɛ̃́sɛ baknɔɓʋɔl.
7 Nyuutɩna Wɩɩsɛ liŋó ní ɛ́ɛ́ caŋwʋllɛ pupoŋsi.
8 Nyuutɩna Wɩɩsɛ liŋó ní kéŋ gɩrbétéke aá zikli,
Nyuutɩna Wɩɩsɛ ní kéŋ Kadɛsɛ gɩrbétéke aá zikli.
9 Nyuutɩna Wɩɩsɛ liŋó ní kéŋ tuzeŋse aá zikli,
ʋ nɩ́ɩ́ ginni gɩra tuuni wuu.
Nyuutɩna Wɩɩsɛ jaa sɩɛrʋ
nɩɛ wuu sɩ́ bʋlɛ́: «Ɩ́ píŋsi Wɩɩsɛ!»
10 Nyuutɩna Wɩɩsɛ nɛ́ ká nyii ná há wɩ tokó kéné (nyigire) nyúútɩ́na,
ʋ kuorí waá tenni ná.
11 Nyuutɩna Wɩɩsɛ sɩ́ pɔ́ʋ́ nɩɛ dóé,
ʋ sɩ́ hé barka a pɔ́wɔ́, a lo rɩ́wɔ́ ká tɛŋfɩ́ɛ́l.