Nɛrɔ ná há wɩ́ɩ́ ɛ̃́ nɛ́ yɩrɛ́ aá hé Wɩɩsɛ mɛ́
26
1 Davidi yɩl.
Nyuutɩna Wɩɩsɛ, la táŋa a páŋ,
beé wɩ́ɛ́, wɩ́zɔkɩ́ wuu tóŋ mí,
ŋ yɩ́ɛ́la wuu mɩnɩ́ mɛ́ nɛ́, héwíŋ mʋɔ́ má tóŋ mí.
2 Nyuutɩna Wɩɩsɛ, mɩlɩ́ŋ ná,
kɩ́ɛ́lɩ́ŋ sɩɛrʋ arɩ́rɩ́ŋ sabɩŋsɛ a ná.
3 Ŋ sɩ́ɩ́ cɔ́ɩ́ sawér malla mɛ́,
ká mɩnɩ́ táŋa ná má sɩɛrʋ.
4 Ŋ rɩ́ nyɩ́ɛ́tɩ́ɩ́na wɩ bɩsɛ kéné,
ŋ rɩ́ nʋŋmɔ́ŋyɔɔwa má waá va.
5 Ŋ nɩbɛ́rɛ́ nɛ́ ká wɩ́bɔ́ŋ'aara púl,
ŋ rɩ́ nɩbɔma wɩ ŋmana pur kéné.
6 Ŋ sɩ́ sɛ́mɛ́ŋ nɛ́sɛ, ŋ há wɩ wɩ́ɩ́ ɛ̃́ wɩ́ɛ́,
ká mʋ́ kilí koro ná, Nyuutɩna Wɩɩsɛ,
7 a bárkɩ́
ká dɛ́nnɩ́ ɩ wɩ́wéré ná wɩ́ɛ́.
8 Nyuutɩna Wɩɩsɛ, ŋ cóí jaa ná ɩ há mɩ́nʋ́ sɩɛrʋ,
ráŋ ná ɩ píŋ há mɩ́ŋ ráŋ.
9 Sɩ́ŋ píí makɛ wɩ́bɔ́ŋ'ar,
sɩ́ŋ mɩɩsɛ lɩ́sʋ́ anɛ nɩɓʋ́ʋ́ra ná
10 nɛ́ŋsa há a wɩ́tɩɛnnɛ,
a la zilyɔ́wɛ́ ɓɩkaná.
11 Ŋ é wɩ wɩ́bɔ́ŋ kené;
fáŋ búŋse ká láŋ tá.
12 Ŋ dɩnʋɔsɩ́ wɩ héwíŋ kéné,
ŋ sɩ́ bɩ́ɩ́ mɛ́ Nyuutɩna Wɩɩsɛ ɩ púlli sɩɛnnɛ.