Nyuutɩna Wɩɩsɛ nɛ́ káŋ penʋɔlɔ
23
1 Davidi yɩl.
Nyuutɩna Wɩɩsɛ nɛ́ káŋ penʋɔlɔ,
ŋ óŋ já gúl.
2 Ráŋ ná nyɔlɔ́ tɛŋ há fɩ́ɛ́lɔ́, ráŋ nɛ́ ʋ kánɩ́ŋ aá mʋ́ rɩ́ŋ fɩɛlɛ,
ʋ nɛ́ kéníŋ aá mʋ́ nyifɩ́ɛ́la fuo.
3 Ʋ nɩ́ɩ́ páŋ dóéfɛlɔ,
ʋ nɛ́ kéníŋ aá va ŋmɛ́ŋwéré sɩɛrʋ,
beé wɩ́ɛ́, ʋ nɛ́ ká Ɩzɩrayɛl penʋɔlɔ.
4 Rɩ́ŋ nɩ́ɩ́ ná va polo ná sʋʋ cúúno há mɩŋ ráŋ má,
ŋ wɩ wɩ́ɩ́ wuu fá, beé wɩ́ɛ́, ɩ é Nyuutɩna Wɩɩsɛ mɩnɩ́ har.
Ɩ nɛ́ kéníŋ aá va, ɩ nɩ́ɩ́ pɔ́ŋ mɛ́, ɛ́ nɛ́ tɛ héwíŋ wɩ́ŋ kéné.
5 Ɩ nɛ́ bil ɓɩdiwéré aá páŋ
ŋ dɩŋdɔma má tɩɩ sɩ́ɛ́ mɛ́.
Ɩ nɛ́ cémé káníŋ, a ɔ́ŋsɛ nʋʋ ná sɔ́ŋ há wéró aá hé nyúú mí,
Ɩ nɛ́ ɛ́ɛ́ (dɩvɛ́ŋ) ŋ nyíŋgbaŋa sú aá bɩsɛ.
6 Ʋ ká ɛ́ nɛ́, tápʋ́l wuu, ŋ hiẽso mí,
ɩ sawér rɩ́rɩ́ zile de tɩ́ŋɩ́ŋ mɛ́ nɛ́.
Nyuutɩna Wɩɩsɛ, ŋ sɩ́ mɩ́nɩ́ jaa ná mɛ́,
a kaá jáŋ tápʋ́la ténné.