Nyuutɩna Wɩɩsɛ ká nɩyaara arɩ́ wɩ́lnaara wuu laataarɔ́ nɛ́
9
1 Yɩl ná Davidi há yɩ́ɛ́, ʋ mɩŋ yɩyɩɩra nyúútɩ́na yɩɩla kɛnɔ ná sɩɛrʋ. Ʋ yɩ́ʋ́ arɩ́ gɔkɛcɩksɛ nɛ́.
2 Nyuutɩna Wɩɩsɛ, ŋ có rɩ́ŋ barkɩ́ rɩ́rɩ́ŋ sɩɛrʋ wuu,
ŋ có rɩ́ŋ bɩ́ɩ́ mɛ́, ɩ tʋtʋŋwéré ná wuu yɩr mɛ́.
3 Ɩ yɩr mɛ́ nɛ́, ŋ colli rɩ́ŋ yɩ ballɩ́ yɩɩla,
a dɛ́nnɩ́ Wɩɩsɛ, ɩ nɛ́ há kɛ onni wuu.
4 Ŋ dɩŋdɔma bɩrɛ tule,
ɓa guló, ɓa nɩ́ɩ́ sʋ́sɩ́ sɩ́ɛ́ mɛ́ nyɛ.
5 Ɩ tʋ́ŋ yɛ́rɛ́ a páŋ, ɩ nɛ́ la taŋá a pá;
ɩ nɛ́ ká taŋá, a kéní kuóɓasa nyúú aá dí sarɩya arɩ́ taŋá.
6 Ɩ tɩksɛ duhʋɔra, a zɔkɛ nɩbɔma,
ɩ ɔ́ɔ́ ɓa yɩra yʋ́ksɛ a de kaá mʋ́ wuu.
7 Dɩŋdɔmɔ yɩr baa waá yɩrɛ, ʋ yɩr yʋ́ksɔ́ ɓóŋ:
ʋ tɔ́nɛ́ bɩrmɛ́ tɔ́ɓoru, ʋ yɩr yʋ́ksɔ́.
8 Nyuutɩna Wɩɩsɛ wʋ́ʋ́ kuóɓasa ná nyúú túwí ná,
ʋ kenú daha aá dí sarɩya.
9 Ʋ nɩ́ɩ́ bel dúníé nɩɛ mɛ́ arɩ́ arɩ́ taŋá,
ʋ wɩ nɩɛ caksɛ.
10 Nyuutɩna Wɩɩsɛ nɛ́ ká súmó dɩyuolo,
ʋ dɩyuoli wɩɩla tɛ́ŋ mɛ́.
11 Nɩɛ ná há ɩ̃́ há kɔ́ʋ́, ɓa yɩɛlɩ́!
Beé wɩ́ɛ́ Nyuutɩna Wɩɩsɛ, ɩ wɩ́ɩ́ har bɩrɛ́ aá tɛ nɩɛ ná há bɩrɩ́wɔ́ sɩ́ɛ́ caasɩ́.
12 Ɩ́ dɛnnɛ Nyuutɩna Wɩɩsɛ ná kuóɓasa há mɩŋ Sɩɔŋ mɛ́;
ɩ́ césú tʋŋtʋŋwéré nɩɛ sɩɛrʋ,
13 beé wɩ́ɛ́, nɩɓʋ́ʋ́ra sɩ́ bil nʋɔ ʋ sɩ́ɛ́,
ʋ wʋ́ɔ́ nɩɓʋ́ʋ́lɛ́ ná wɩ́ɛ́ sʋ́llɛ́,
ʋ wɩ summe ná ŋmɔ́wɛ búŋse aá hóú mí wɩ́ɛ́ sʋ́llɛ́.
14 Caalɩ́ŋ, Nyuutɩna Wɩɩsɛ;
bel dɔkɔ ná ŋ haá díé,
nɩɛ ná há cɛ́ɛ́ bɛ́rɩ́ŋ nɛ́sɛ mɛ́,
ká lokri a láŋ sʋʋ nenidafɩllɛ mɛ́.
15 A makɛ rɩ́ŋ bɩrɛ a ɓaasɛ a máŋsɛ wɩ́ɛ́ ná há tɛ, ŋ mɔ́ rɩ́ŋ dɛnnɩ́,
Sɩɔŋ nɩɛ sɩɛrʋ,
ŋ sɩ jɛ́sɛ (nyʋkɛ), ɩ há káŋ laataarʋ wɩ́ɛ́.
16 Butuo luŋo ná nɩhʋɔra há lúé, ɓa tɩɩ túwú sɩɛrʋ;
a-bayɛlɛ́ mɩŋtʋɔrɛ wáásɩ́wɔ́ tɩɩ, (b-bará ná ɓa há lʋɔrɛ hé, bɩrɔ́ tʋ́ʋ́rɩ́wɔ́ tɩɩ naa mɛ́).
17 Nyuutɩna Wɩɩsɛ nyɩ́ɩ́sʋ́ tɩɩ, (tanyɩnɛ́, nyɩnyɩka>>)
ʋ tʋŋ taŋá:
ʋ yíkú bɔ́ŋtɩ́ɩ́nɔ́ hé bará ná ʋ tɩɩ há hé sɩɛrʋ.
18 Rɩ nɩtɩ́ɛ́nnɛ mʋ́ lɛ́lɛ́ tɔ́ɔ́,
ɛ́ nɩhʋɔra wuu sʋllɛ Wɩɩsɛ há kɔ́ʋ́.
19 Summo é, Wɩɩsɛ wʋ́ʋ́ wɩ́ɛ́ sʋ́llɩ́ ná,
nɩyaara kéŋ yɩɩla tɛ́ŋ wuu mí.
20 Nyuutɩna Wɩɩsɛ, pɔ́wéri rɩ́ nɩbííno sɩ́ dóé dí!
A rɩ nɩhʋɔra bílwó nʋʋsɛ ɩ sɩ́ɛ́.
21 Nyuutɩna Wɩɩsɛ, a rɩ́wɔ́ fúkli.
a rɩ́ ɛ́ nɩhʋɔra ná: ɓa ká nɛ́múrtɩ́ɩ́na.