Elifaaze líŋsi: Nɩbɔmɔ waá lú lɛ́
15
1 Ɛ́ nɛ́ Elifaaze wúrú nʋɔ mɛ́, a bʋ́lɛ́:2 Zɩzɩnnɔ́ zɩmɛ́ nʋlɩsɔ́ sɩ́ a poo,
wɩɩsɛ dɩpomí poo sɩ́ súú>>
3 Ʋ sɩ́ bʋ́l wɩ́yɔ́ɔ́wa,
wɩ́ɛ́ ná há wɩ nyʋ́ɔ́rɛ kéné, aá já rʋ́ʋ́ lɔ́ʋ́ tɩɩ>>
4 Ɩ zɔkɛ Wɩɩsɛ heŋwifɔ́,
ká pɔ́ rɩ́wɔ́ sɩ́ Wɩɩsɛ wɩ́ɛ́ bɩ́ɩ́nʋ́.
5 Beé wɩ́ɛ́, ɩ wɩ́zɔkɩ́ nɛ́ kéní nʋɔ aá tʋ́ŋ,
ɩ bɛ́llɔ́ pi lɩ́ŋtɩ́ɩ́na wɩ́ɛ́ bʋ́lɛ́.
6 Ɩ tɩɩ nʋŋduli níí vɔ́wɩ́, ŋ é rá tó,
ɩ tɩɩ nʋɔ wɩ́bʋlɛ́ nɛ́ cɩ́nɩ́ mɛ́.
7 Ɩ nɛ́ ɓa la sɩ́ɛ́ lʋ́l nɩbííne mí>>
Ɩ nɛ́ la pallɛ sɩ́ɛ́ a ko tɔ́ɔ́>>
8 Ɩ nɛ Wɩɩsɛ wɩ́féŋse rí>>
Ɩ pi zɩmɛ́ makɩ́ dʋŋɔ omo ní>>
9 Beé rí ɩ zɩ́ŋ, ká á é wʋ́ʋ́ ɛ̃́>>
Beé mʋ́l rɛ, ɩ nɛ́ ká á wʋ́ʋ́ mʋ́l nɩ́ɛ́>>
10 Bánɩ́ɩ́náwa, nyúpʋpʋ́ŋsɛ /nyúpʋpʋ́mma tɩ́náwa mɩ́ŋrá sɩɛrʋ,
ɓa bɩŋsɛ kɩ́ɩ́ áná bɩŋsɛ.
11 Wɩɩsɛ bʋ́ɔ́lɛ ná,
arɩ́ wɩ́bʋlpɔrɛ́ ná á há bʋlɛ́ aá pɛ́ɩ́ wɩ́ɩ́ mɔhɛ̃́>>
12 Beé rí tɛ́ ɩ cɔ́ɛ́ wɩ́wɛ́,
ɩ fɩ́fɩ́llɛ́ (nyúnyúmmi) sɩ́ɛ́>>
13 Ɩ bɩ́rɩ́ cɔ́wɩɩllɔ́ a cɛ́ Wɩɩsɛ mɛ́ nɛ́,
ʋ rɩ́ nɛ́ ɩ bʋ́bʋ́l wɩ́ɛ́ nyáŋ duó>>
14 Beé rí ká nɩbííno, a mɔ́ rʋ́ʋ́ bʋ́lʋ́ wɩ busunnú kéné,
háálɔ bio ká beé rí, aá bʋ́lʋ́ ka nɩtaŋá>>
15 Rɩ́ Wɩɩsɛ nɛ́ wʋ́ʋ́ malɩkawa lɛ́ɛ́ dí,
rʋ́ʋ́ nɩ́ɩ́ bél bána rʋ́ʋ́ kéŋ busunnú,
16 ʋ nɛ́ ɛ́rɛɛ́ rɛ́, rɩ́ɩ́ pá nɩbíwíé há bɔ́mɔ́, a a gɩ́ŋgɩ́tɩ́ŋ,
bɔ́ŋbɔ́ŋ ɛ́ɛ́ nɩ́ɛ̃́sɛ nyii ʋ háá nyɔ́ɛ́ a pɔ́ʋ́>>
17 Zesi, ká rɩ́ŋ pɛ́ɩ́ wɩ́ɩ́;
ká rɩ́ŋ máŋsʋ́ ná ŋ há néí a pɛ́ɩ́,
18 zɩ́mɛ́ tɩ́náwa há bʋ́lʋ́ ná,
ʋ ná ɓa há nɩ́wɔ́ ánáwa, ká wɩ kéné féŋsi.
19 Ɓa dʋŋɔ nɛ́ ɓa fa pi tɔ́ɔ́ ná pá,
nɩhʋ́ɔ́r oro wuu fa ha wʋ́ɔ́ sɩɛrʋ tɩŋɛ́ dáárɛ.
20 «Nɩbɔmɔ mɩ́ŋ wɩɩla sɩɛrʋ, ʋ hiẽso wuu mí;
rɩ sahɔ́tɩ́ɩ́nɔ́ bɩŋsɛ có rɩ́wɔ́ mɔ́ ɛ́rɛɛ́ má,
21 dɔmɛ ná há kéŋ héwíŋ sɩ́ dɔ́mʋ́ dɩlla mɛ́:
Nɛ́ŋ ná há wɩ zɔ́kɛ, kaá káánɛ́ nɛ́ túóse aá kóú mí.
22 Ʋ wɩ bɩ́ɩ́nɛ́ rʋ́ʋ́ sɩ́ lú lɛ́ bino mí,
tokówí nɩ́ɩ́ dɛ́llʋ́ (ballʋ́);
23 ʋ báárɔ́ aá já ɓɩdííle ní,
ʋ ɩ́ɔ̃́ rɩ bino tápʋ́l dɛ́llʋ́.
24 Vúkme arɩ́ sazɔkɔ́ cáásɔ́ hé héwíŋ pɔ́ʋ́.
Ɓa cɩ́nʋ́ mɛ́ anɛ kuóro há kénú tɩɩ rʋ́ʋ́ yo lal;
25 beé wɩ́ɛ́, ʋ ɓɔ́ʋ́ nɛ́sɛ a cɛ́ Wɩɩsɛ mɛ́,
ʋ cɛ́ Doewuutɩna mɛ́,
26 Ʋ pɩrɛ baŋcɩla ká nyɩ́ɩ́rɛ a zɩ Wɩɩsɛ,
ʋ há kéŋ hɔkɛrsɛ há piŋó (zeno) a kɛ́rʋ́ tɩɩ mɛ́ wɩ́ɛ́.
27 Ʋ fa vʋ́ɔ́, ʋ sɩ́ɛ́ wuu tɔ́,
a lɛ́ mʋ́bʋʋsɛ;
28 amá ʋ fa mɩ́ŋ tɔ́nɛ́ ná há zɔkɛ́ sɩɛnnɛ nɛ́,
a mɩŋ jɩɓoru mí,
jɩɩsɛ ná há cɛ́ ɓallɛ́ mɛ́ sɩɛnnɛ.
29 Ʋ ɓɩ́ɛ́ é ráá rʋ́ʋ́ baa ka,
ʋ nɛ́kanɔ́ waá pul ná,
Ʋ dunɩɛ baá wá púl tíé nyúú.
30 Ʋ waá wolli kɛ́kɛ bino mí.
Níŋ sɩ́ a rʋ́ʋ́ hilli hɩl,
ʋ sɩ́ mʋ́ dɩboli a tɩ́ŋʋ́ nʋpoo mí.
31 Ʋʋ́ sɩ́ nyɩɛrʋ laá dí! Ʋ sɩ́ tɛ́lʋ́ tɩɩ,
beé wɩ́ɛ́, nyɩɛrʋ nɛ́ sɩ́ ɔ́ʋ́ túme.
32 Ɛ́ sɩ́ tʋ́ŋ rʋ́ʋ́ tápʋ́lɛ́ há wɩ cesé,
ʋ hili báá waá tɔ́wɛ ná.
33 Ʋ sɩ́ yuóri anɛ viínyi tuu ná nɔnɔ ná há wɩ bɩ́ɛ́ ká yúóri,
anɛ ɛ́ olívi tuu fɩ́ɩ́la háá yúóre.
34 Nɩbɔma púl wɩ duó ka,
Níŋ sɩ́ dí nɩɛ ná há có ɓalwa lɛ́ɛ́ (nʋmáánɔ́ ɓɩɛ́) jɩɩsɛ.
35 Nɛ́ŋ ná há kéŋ bɔ́ŋbɔ́ŋ puo, ʋ sɩ́ ko lʋ́l wɩ́hala;
rɩ́ gɩ́ŋgɩ́rmɛ ná há mɩ́nʋ́ sɩɛrʋ nyɩ́ɩ́sɛ.