Mardose ná píŋse
6
1 Ɛ́ kal tɩ́taŋ, kuóro wɩ wóllé pɛ́ dóŋ. Ɛ́ nɛ́ ʋ a ɓa pa kuóre wɩ́'állɛ kɛnnɛ ko, ʋ a ɓa kármɩ́wɔ́ pɔ́ʋ́. 2 Ɓa sɩɛ́ karmɛ dɩhɩ̃́ ná háá máŋsɛ kuóro minísiwa ná bɛllɛ wɩ́ɛ́, Bigitaŋ rɩ́ Tɛrɛsɛ, fa háá bel dánnʋɔ mɛ́, ɓa fa há bɩ́ɩ́nɛ́ rɩ́wɔ́ ɓʋ́ kuóro Asuerusi, ɛ́ nɛ́ Mardose wúllíwó mʋ́l. 3 Ɛ́ nɛ́ kuóro bɔsɛ bʋlɛ́: «Beé zilé rɩ́ bee yɩ́r wɩ́ɩ́ rɛ́ ɓa fa aa pá Mardose ɛ́ wɩ́ɛ́?» Kuóro tʋtʋnna sɛ́: «Ɓa wɩ wɩ́ɩ́ wuu ɛ́ɛ́ pɔ́ʋ́.»4 Ɛ́ nɛ́ kuóro sɛ́: «Áŋ rɛ́ wuolo mí?» Hamaŋ nɛ́ fa kúé aá zʋ kuóro zʋ́ɔ́ wuolzeno sɩɛrʋ. Ʋ fa kúó rʋ́ʋ́ bʋl kuóro mí rʋ́ʋ́ a rɩ́wɔ́ ka Mardose hé zugléŋ líŋi ná mɛ́ ʋ há ɛ́ɛ́ ɓa bɩ́rmʋ́ wɩ́ɛ́ nɛ́. 5 Kuóro há bɔsɛ́ ɛ́, ʋ tʋtʋnna sɛ́: «Hamaŋ nɛ́ mɩŋ wuolo mí.»Kuóro sɛ́: «Rʋ́ʋ́ zʋ.» 6 Hamaŋ zʋ, kuóro bɔ́sʋ́ bʋlɛ́: <<Nɛ́ŋ rɛ́ ŋ de caasɛ aá ja rɩ́ŋ zílú, ɛ́rɛ́wa rɛ́ sɩɛ́ mɔhɛ̃́ rɩ́ŋ a tɩ́na?>> Hamaŋ sabɩɩna mɛ́, ʋ sɛ́: <<Áŋ rɛ́ sɩɛ́ kuóro jɩ́ja rʋ́ʋ́ zíl, rɩŋ raá?>> 7 Ɛ́ nɛ́ ʋ bʋl kuóro rɩ́ bʋlɛ́: <<Rɩ kuóro já rʋ́ʋ́ zíl nɛ́ŋ, 8 rʋ́ʋ́ a rɩ́wɔ́ ja kuóro gɛsuulí (a su tɩ́na), á rɩ́wɔ́ ka kuózaka, a pi kuóŋnúgiró cúú nyúú mí, a a rʋ́ʋ́ zɛ́ kuóro záka. (A revoir) 9 Ká rɩ́ɩ́ minísiwa ná nɔ́ŋɔ pi kuógɛrɔ ná su tɩ́na, a a rʋ́ʋ́ zɩ́nɩ́ záka ná ɓa há pí , ká rʋ́ʋ́ la sɩ́ɛ́ a kánʋ́ lɩɩ gʋɔrɛ tɔ́ɔ́ dɩjɛlɔ káá cáási bʋlɛ́: ‹Nyɛ nɛ́ ɓa a aá pá nɛrɔ ná kuóro háá zílé.› » 10 Kuóro bʋl Hamaŋ mɛ́ bʋlɛ́: «A kɩ́kɛ́lɛ́, pi gɛzeno ná, a ka záka ná má, a tʋŋ ɛ́ ná tɩɩ ɩ há máŋsɛ́ páŋ, a pá Zuwifi Mardose ná há ké kuóro zʋ́ɔ́ dánnʋɔ. Pɔ́ rɩ́ sɩ́ɩ́ wɩ́máŋsɛ ná oro wuu cókí tá.>> 11 Hamaŋ ɓɩɛ́na pi gɛzeno ná, a ka záka ná má; ʋ sɩɛ́ pi gɛzeno ná su Mardose, a a ʋ zɛ́ záka ná ká ʋ la sɩ́ɛ́, a kánʋ́ gʋɔrɛ tɔ́ɔ́ dɩjɛlɔ́ ká cícáási bʋlɛ́: <<Nyɛ nɛ́ ɓa a aá pá nɛrɔ ná kuóro háá zílé!>>
12 Ɛ́ har mɛ́, Mardose bɩ́rɔ́ mʋ́ ké kuóro zʋ́ɔ́ dánnʋɔ, ká Hamaŋ ɓalaɓala, rʋʋ cúrú nyúú a mʋ́ jaa rʋ́ʋ́ kɛkɛ hɩɩsɛ mɛ́. 13 Ʋ sɩɛ́ cesi wɩ́ɩ́ ná há pérú a pɔ́ʋ́ háálɔ Zɩrɛsɛ rɩ́rʋ́ naŋnɔ́ŋsɛ. Ʋ cɩ́cáána rɩ́rʋ́ háálɔ bʋl pɔ́ʋ́ bʋlɛ́: <<Mardose né sɩ́ɛ́ ɓa há púlé aá múúrí nyɛ kɔ́ʋ́ a Zuwifi nyɛ, ɩ waá a rɩ́ɩ́ ko wóllú, ɩɩ́ á rɩ́ɩ́ de ɔsɛ aá múúrú sɩ́ɛ́ nɛ́.>> 14 Ɓa nʋʋsɛ ha wɩ tíé ɓálɛ́, rɩ kuóro minisiwa nɛ́ kúé, a háárɛ Hamaŋ mɛ́ a kánʋ́ mʋ́ cana ná Ɛsɩtɛɛrɛ há ɛ́ɛ́ dɩhɩ̃́.