Ɩzɩrayɛl nɩɛ dɩ́ɩ́sɛ́ wɩ́ɛ́
9
1 Ɓa dɩ́ɩ́sɛ́ Ɩzɩrayɛl nɩɛ wuu a hé Ɩzɩrayɛl kuóre wɩ́'állɛ kɛnɔ mɛ́. Ziida nɩɛ wɩ́zɔkɛ́ nɛ́ tɛ ɓa kɛ́sɩ́wɔ́ mʋ́ yomí Babɩlɔɔnɛ mɛ́. 2 Nɩɛ ná há lá sɩ́ɛ́ kéwó dɩtɩ́llɛ mɛ́, ɓa tɔ́nɛ mɛ́, ɓa nɛ́ ká Ɩzɩrayɛl nɩɛ rɩ́ Levitiwa ná há ká vʋk'ɔɔsa arɩ́ nɩɛ ná haá tʋŋ Wɩɩsɛ jaa mɛ́.3 Ná jɩmʋ́ʋ́la ná há bɩ́rɛ́ ko ké Zerizalɛmɛ mɛ́: Ziida jɩmʋ́l nɩɛ, Bɛŋzamɛ jɩmʋ́l nɩɛ, Ɩfɩrayɩŋ jɩmʋ́l nɩɛ arɩ́ Manase jɩmʋ́l nɩɛ. 4 Ziida jɩmʋ́l sɩɛrʋ Utayi ní. Utayi áná nɛ́ ká Amihuudi, Amihuudi áná nɛ́ ká Omiri, Omiri áná nɛ́ ká Imiri, Imiri áná nɛ́ ká Bani, Bani ná há lɛ́ Pɛrɛsɛ duo sɩɛrʋ. 5 Sela bɛlɛ sɩɛrʋ: Asaya há ká bihɔ̃́, ʋ rɩ́rʋ́ bɛlɛ nɛ́. 6 Zera bɛlɛ sɩɛrʋ: Yehuwɛl rɩ́rʋ́ maábináŋa; ɓa nɩɛ wuu fa ka zɔwalgo mɛɛ́sɩbaná rɩ́ fí (690).
7 Bɛŋzamɛ bɛlɛ sɩɛrʋ Salu ní: Salu áná nɛ́ ká Mesulammɛ, Mesulammɛ áná nɛ́ ká Hodaviya, Hodaviya áná nɛ́ ká Senuya; 8 Yibneya áná nɛ́ ká Yerohammɛ, Ela áná nɛ́ ká Uuzi, Uuzi áná nɛ́ ká Mikiri; Mesulammɛ áná nɛ́ ká Sefatiya, Sefatiya áná nɛ́ ká Rehuwɛl, Rehuwɛl áná nɛ́ ká Yibniya. 9 Ɓa rɩ́wɔ́ maábináŋa, a tɩŋ duó duówa, ɓa ká nɩɛ zɔlɔ nɛ́mɛ́ mɛɛ́sɛllɛ rɩ́ fí rɩ́ balgo (956). Ɓa ɛ́ nɩɛ wuu fa ká jɩtɩ́nawa nɛ́.
10 Vʋk'ɔɔsa má sɩɛrʋ: Yedaya rɩ́ Yoyariibe rɩ́ Yakɛŋ arɩ́ Azariya. 11 Azariya áná nɛ́ ká Hilikiya, Hilikiya áná nɛ́ ká Mesulammɛ, Mesulammɛ áná nɛ́ ká Sadɔkɛ, Sadɔkɛ áná nɛ́ ká Merayɔtɛ, Merayɔtɛ áná nɛ́ ká Ahituubɛ há ká Wɩɩsɛ jaa sɩ́dííro; 12 Adaya áná nɛ́ ká Yerohammɛ, Yerohammɛ áná nɛ́ ká Pasuur; Pasuur áná nɛ́ ká Malkiya; Masayi áná nɛ́ ká Adɩɛl, Adɩɛl áná nɛ́ ká Yazera, Yazera áná nɛ́ ká Mesulammɛ, Mesulammɛ áná nɛ́ ká Mesilemiti, Mesilemiti áná nɛ́ ká Imɛɛrɛ. 13 Wɩɩsɛ vʋk'ɔɔsa ná rɩ́wɔ́ maábináŋa ná há ká jɩtɩ́náwa; ɓa wuu fa ká nɩɛ bʋ́ɩ́ rɩ́ zɔwalpɛ mɛɛ́sɩbotoro (1 760) a a nɩtaŋáwa aá tʋŋ Wɩɩsɛ jaa mɛ́.
14 Leviti nɩɛ má sɩɛrʋ: Semaya áná nɛ́ ká Hasuubɛ, Hasuubɛ áná nɛ́ ká Azirikammɛ, Azirikammɛ áná nɛ́ ká Hasabiya, ɓa ká Merari dunɩɛ nɛ́; 15 Bakbakaarɛ; Herɛsɛ; Galal; Matanɩya áná nɛ́ ká Miise, Miise áná nɛ́ ká Zikiri, ʋ lɛ́ Asafɛ duo sɩɛrʋ nɛ́; 16 Abdɩyasɛ áná nɛ́ ká Semaya, Semaya áná nɛ́ ká Galal, Galal áná nɛ́ ká Yedutuni; Berekiya áná nɛ́ ká Asa, Asa áná nɛ́ ká Ɛlkana; ɛ́ Ɛlkana nɛ́ fa ke Netofa nɩɛ tɔ́nɛ mɛ́.
17 Dánnʋpɔ́ɔ́ra sɩɛrʋ: Saluumi nɛ́ ka sɩdiiro, a sɩɛ́ pi Akuubi, Talmɔŋ, rɩ́ Ahimaŋ arɩ́wɔ́ maábináŋa, 18 arɩ́ zaa wuu ʋ dunɩɛ nɛ́ ha ká kuóro dannʋɔ ná há mɩŋ Wɩɩsɛ jaa wɩɩsɛ dɩpomí mí pʋ́pɔ́ɔ́ra; ɓa nyáŋ nɛ́ ká Levitiwa púllí dánnʋpɔ́ɔ́ra. 19 Koore bio Saluumi há ká Abiyasafɛ nihĩ, ká a Koore nihĩ kokú; rɩ́rʋ́ maábináŋa arɩ́ Koore jaa nɩɛ náŋa nɛ́ faá bel táŋtɛ jaa dánnʋʋsɛ ná mɛ́. Bee wɩ́ɛ́, ɓa naabálwa faá tʋŋ ɛ́ nɛ́ Nyuutɩna Wɩɩsɛ púl ná sɩɛrʋ. 20 Ɩlazaarɛ bio Pinihasɛ nɛ́ fa káwɔ́ sɩ́dííro, bee wɩ́ɛ́, Nyuutɩna Wɩɩsɛ fa mɩ́nʋ́ har. 21 Meselemiya bio Zakari nɛ́ fa ká céme táŋtɛ jaa dánnʋpɔ́ɔ́rɔ. 22 Dánnʋpɔ́ɔ́ra ná wuu ɓa há lɩ́sɛ́ nɛ́ nɩɛ zɔwɛllɛ rɩ́ fí rí bɛllɛ (212). Ɓa dɩ́ɩ́sɩ́wɔ́ héwó tɔ́nɛ nɩdɩ́ɩ́sɛ kɛnnɛ sɩɛrʋ. Davidi rɩ́ wɩ́laabʋllɔ Samɩɛl nɛ́ fa bílwó rɩ́wɔ́ tʋ́tʋ́ŋwɔ́ tʋtʋmɛ́ tɛ́ŋ wuu mí. 23 Ɓa rɩ́wɔ́ bɛlɛ nɛ́ fa tɛ́ Nyuutɩna Wɩɩsɛ táŋtɛ jaa ná, dánnʋʋsɛ pɔ́ɛ́.
24 Dánnʋpɔ́ɔ́ra fa mɩŋ cɔ́rʋ baná ná wuu mí ní: wɩɩsɛ dɩpomí rɩ́, wɩɩsɛ dɩzʋʋlɩ́ rɩ́, wɩɩsɛ dɩpomí nɛ́gʋ́ɔ́ rɩ́, arɩ́rʋ́ wɩɩsɛ dɩpomí néduu rí. 25 Tápʋlɛ́ balpɛ wuu, dánnʋpɔ́ɔ́ra ná naŋá há mɩŋwɔ́ tɔ́nɛ mɛ́, mɔhɔ̃́ rɩ́wɔ́ ko lɔ́wɔ́ maábináŋa nyúú mí, a pɔ́ jaa ná dánnʋʋsɛ mɛ́. 26 Amá Leviti duo nɩɛ baná ná há ká dánnʋpɔ́ɔ́ra ná sɩ́dííre, é fa mɩŋ róŋ tɛ́ŋ wuu mí; aá bel Wɩɩsɛ jaa jɩwiisi mí, arɩ́rʋ́ kuóɓɩɛ mɛ́. 27 Tɩ́taŋ wuu, ʋ mɔhɔ̃́ rɩ́wɔ́ pɛ́ kíl Wɩɩsɛ jaa ná, bee wɩ́ɛ́ ɓa nɛ́ mɔhɛ̃́ rɩ́wɔ́ pɔ́ʋ́ mɛ́, cɩ́cʋ́ɔ́ wuu ɓa nɩ́ɩ́ wúnnú dánnʋʋsɛ.
28 Wɩɩsɛ jaa dánnʋpɔ́ɔ́ra náŋa tʋtʋmɩ́ nɛ́ ká rɩ́wɔ́ dɩ́dɩɩsɛ Wɩɩsɛ jaa tʋtʋ́nnɩ́cɩksɛ ná ɓa há kené aá zʋ́, ká baa kaá lɛ́ mɛ́. 29 Ká ɓa náŋa má bíbel cɩksɛ ná há káánɛ́ mɛ́, arɩ́ onni ná há ká Wɩɩsɛ dʋŋɔ tɩ́llɛ mɛ́ rɩ́ míŋ rɩ́ dɩvɛ́ŋ rɩ́ nʋʋ rɩ́ áŋsáŋsɛ arɩ́ tulaaléwa ná sɔ́ŋ há wéró mí. 30 Amá Wɩɩsɛ vʋ́k'ɔɔsa bɛlɛ nɛ́ mɔhɛ̃́ rɩ́wɔ́ ja tulaaléwa ná sɔ́ŋ há wéró, a kuosi náŋá mɛ́ bíl.
31 Saluumi há ká Koore duo nɛ́ŋ, ʋ bihɔ̃́ Matitiya há ká Levi dunɛrɔ, ʋ nɛ́ faá a dɩpɛ́ŋwa ná ɓa háá bíl Nyuutɩna Wɩɩsɛ sɩ́ɛ́. 32 Kehatɛ dunɩɛ ná náŋa nɩ́ɩ́ wasɛ dɩpɛ́ŋwa ná ɓa há bilé. Fɩɛlɛ tapʋ́l wuu ní ɓaa wásɩ́wɔ́.
33 Levi dunɩɛ jɩtɩ́náwa ná há ká yɩyɩ́ɩ́rá é cɔ́wɔ́ tɩɩ jɩɩsɛ mɛ́ nɛ́. Ɓa báá wɩ tʋtʋmɩ́ nɔ́ŋ kené, bee wɩ́ɛ́ wɔhɔ rɩ́ tɩ́taŋ wuu, ɓa mɩ́ŋwɔ́ tʋtʋmɛ́ mɛ́.
34 Levi dunɩɛ ná há ká jɩtɩ́náwa, ɓa woowa ná há tʋ́kɛ́ náŋá mɛ́ sɩɛrʋ nɛ́ ɛ́. Ɓa fa mɩŋ Zerizalɛmɛ mɛ́ nɛ́.
Sayul jaa wɩ́ɛ́
35 Yehiyɛl há ká Gabayɔŋ tɔ́tɩ́na rɩ́rʋ́ háálɔ Maaka fa ké Gabayɔŋ mɛ́ nɛ́. 36 Ʋ bihɔ̃́ ní ká Abdɔŋ arɩ́ náŋá: Suuri rɩ́ Kiisi rɩ́ Baalɛ rɩ́ Nɛɛrɛ rɩ́ Nadaabɛ rɩ́ 37 Gedɔɔrɛ rɩ́ Ahiyo rɩ́ Zakari arɩ́ Mikʋlɔtɛ. 38 Mikʋlɔtɛ rɩ́rʋ́ bio Simeya. Ɓa fa ké Zerizalɛmɛ mɛ́, arɩ́wɔ́ maábináŋa
39 Nɛɛrɛ nɛ́ lʋ́l Kiisi, Kiisi lʋl Sayul, ɛ́ nɛ́ Sayul lʋl Zonataŋ rɩ́ Malkisuwa, Abinadaabɛ arɩ́ Ɩsɩbaalɛ. 40 Zonataŋ bio ní ká: Meribaalɛ. Meribaalɛ lʋl Miise. 41 Miise bɛlɛ nɛ́ ká: Pɩtɔŋ rɩ́ Mɛlɛkɛ arɩ́ Tarɩya. 42 Ahaazɛ bio nɛ́ ká Yaara, Yaara lʋl Alɛmɛtɛ rɩ́ Azɩmavɛtɛ arɩ́ Zimiri. Zimiri lʋl Mosa; 43 Mosa lʋl Bineya, Refaya rɩ́ Elasa rɩ́ Asɛl. 44 Asɛl má lʋ́l bɛlɛ balgo, nówó yɩra: Azirikammɛ rɩ́ Bokuru rɩ́ Ɩsɩmayɛl rɩ́ Seriya, Abdɩyasɛ arɩ́ Hanaŋ. Ɓa nyáŋ nɛ́ ká Asɛl bɛlɛ.