Rubaŋ dunɩɛ wɩ́ɛ́
5
1 Ɩzɩrayɛl ná há ká Zakɔbɛ dʋ́ŋdʋ́ʋ̃́ bio nɛ́ ká Rubaŋ. Amá Rubaŋ kenú áná háálɔ nɔ́ŋɔ pɛ́. Ɛ́ nɛ́ tɛ, ʋ áná Ɩzɩrayɛl lɔ́ʋ́ hɩɛ̃́sɛ a pá Zozɛfɛ bɛlɛ. Ɛ́ nɛ́ tɛ, ɓa báá wɩ Rubaŋ bú rʋʋ ká bihɔ̃́. 2 Ziida maábináŋa sɩɛrʋ, ʋ nɛ́ ká bibar, sɩ́dííro lʋ́ʋ́ dunɩɛ sɩɛrʋ nɛ́. Amá hɩɛ̃́sɛ ker é ká Zozɛfɛ dunɩɛ nɛ́ tʋ́ʋ̃́.3 Ɩzɩrayɛl bihɔ̃́ Rubaŋ bɛlɛ nɛ́ ká: Hanɔkɛ rɩ́ Palu rɩ́ Hɛsɩrɔŋ arɩ́ Karmi. 4 Zʋwɛl bɛlɛ nɛ́ ka: Semaya rɩ́ Gɔɔgɛ rɩ́ Simeyi rɩ́ 5 Miise rɩ́ Reya rɩ́ Baalɛ rɩ́ 6 Bera ná, Asiiri kuóro Tegɩlatɛfalasaar há kené mʋ́ yomí; ɛ́ Bera nɛ́ fa ká Rubaŋ dunɩɛ sɩ́dííro.
7 Bera maábináŋa duó duówa wuu sɩɛrʋ, yɩra pʋ́ŋsɛ kɛnnɛ sɩɛrʋ; ɓa nɛ́ nyɛ́: Yeyɛl nɛ́ ka dʋ́ŋdʋ́ʋ̃́ nɛrɔ, Zakari tʋkɛ; 8 rɩ́ Bela áná há ká Azaazɛ, Azaazɛ áná a Sema, Sema má áná a Zowɛl. Ɓa fá ke Arɔyɛɛrɛ mɛ́ nɛ́, a mʋ́ lɛ́ Nebo, ká kaa mʋ́ yakɛ Balmeyɔŋ mɛ́. 9 Ɓa ké gɩrbétéké wɩɩsɛ dɩpomí rí nɛ́, a kaa mʋ́ peri Ɩfɩratɛ fuo nʋɔ; bee wɩ́ɛ́, ɓa pʋsɛ fa kánɔ́ Galaadɛ tɔ́ɔ́ mɛ́. 10 Sayul tɛ́ŋ mɛ́ nɛ́, ɓa yoo dí Hagaarɛ dunɩɛ, ká tɩ́llɩ́wɔ́ táŋtɛwa ná fa há mɩŋ Galaadɛ wɩɩsɛ dɩpomɩ cɔ́ɔ́ rɩ́ wuu.
Gaadɛ dunɩɛ wɩ́ɛ́
11 Gaadɛ dunɩɛ fa ké Rubaŋ dunɩɛ sɩ́ɛ́ nɛ́, Basaŋ mɛ́, a kaa mʋ́ lɛ́ Salka. 12 Dʋ́ŋdʋ́ʋ̃́ duo ná há ké róŋ nɛ́ ká: Zowɛl duo; bɛllɛ nyúú mí duo nɛ́ ka: Safaŋ; ká Yanayi rɩ́ Safatɛ má mɩŋ Basaŋ mɛ́. 13 Ɓa maábináŋa ná há ké róŋ jaá jaáwa, ɓa yɩra nɛ́ nyɛ́: Mikayɛl rɩ́ Mesulammɛ rɩ́ Seba rɩ́ Yorayi rɩ́ Yakaŋ, Ziya rɩ́ Ebɛɛrɛ; ɓa wuu ní jɩɩsɛ balpɛ. 14 Ná Abihayil naábalwa: Abihayil áná nɛ́ ká Huuri, Huuri áná nɛ́ ká Yaroha, Yaroha áná nɛ́ ká Galaadɛ, Galaadɛ áná nɛ́ ká Mikayɛl, Mikayɛl áná nɛ́ ká Yesisayi, Yesisayi áná nɛ́ ká Yado, Yado áná nɛ́ ká Buuzi; 15 Ahi áná nɛ́ ká Abdɩɛl, Abdɩɛl áná nɛ́ ká Guni. Ahi ní fa káwɔ́ jɩtɩ́na. 16 Ɓa fa ké Galaadɛ rɩ́ Basaŋ mɛ́ nɛ́; arɩ́wɔ́ kílo tɔ́wɩɛla mɛ́; a cɛ́ róŋ mí mʋ́ peri Sarɔŋ gɩr nʋɔ.
17 Ziida kuóro Yotammɛ kuorí díí tɛ́ŋ, rɩ́ Ɩzɩrayɛl kuóro Zerobowammɛ má kuorí díí tɛ́ŋ nɛ́; ɓa pʋ́ŋsɛ Galaadɛ dunɩɛ wuu yɩra hé kɛnɔ mɛ́.
18 Rubaŋ rɩ́ Gaadɛ jɩmʋ́l sɩɛrʋ, rɩ́ Manase jɩmʋ́l fá ná sɩɛrʋ; ɓa báála ná há ká lalyóóríbɩbara, a wólli hɔkɛ́rɛ rɩ́ tókowí kaá tʋmɛ́, ká zɩŋ túó kaa yo lal; ɓa nɛ́ báála bʋ́ɩ́ mɛɛ́sɛllɛ rɩ́ baná arɩ́ zɔwalpɛ mɛɛ́sɩbotoro (44 760). 19 Ɓa yó a Hagaar dunɩɛ rɩ́ Yetuur dunɩɛ rɩ́ Nafiisi dunɩɛ rɩ́ Nodaabɛ dunɩɛ. 20 Tɛ́ŋ ná mɛ́ ɓa há kéŋwó tɩɩ rɩ́wɔ́ yo Hagaarɛ dunɩɛ rɩ́wɔ́ har nɩɛ; ɓa sʋ́l Wɩɩsɛ, ʋ pɛ́wɔ́ mɛ́ ɓa yoo díwó. Bee wɩ́ɛ́, ɓa fa lawɔ́ Wɩɩsɛ dí. 21 Ɓa kɛ́sɩ́wɔ́ pʋsɛ: Nyʋkmawa bʋ́ɩ́mɛ́ɛ́sllɛ mɛɛ́sɛllɛ rɩ́ bʋ́ɩ́ fí (50 000), pʋwɩɛla má bʋ́ɩ́ zɔwɛllɛ mɛɛ́sɛllɛ rɩ́ fí (250 000), kokúsi bʋ́ɩ́wɛllɛ (2 000), arɩ́wɔ́ nɩɛ bʋ́ɩ́ zɔlɔ (100 000). 22 Nɩkana nɛ́ sʋ́sɛ́, bee wɩ́ɛ́ Wɩɩsɛ tɩɩ nɛ́ faá yóé. Ɓa kéwó dɩmɩnɩ́ ná mɛ́ a kaá mʋ́ peri tɛ́ŋ ná ɓa há kúé kɛ́sɩ́wɔ́ a mʋ́ yomí.
Manase dunɩɛ ná há ké Zʋrdɛŋ fuo daarɛ́
23 Manase jɩmʋ́l fá nɩɛ ná ké tɔ́ɔ́ ná mɛ́, a pɔ́ Basaŋ mɛ́ ká mʋ́ yakɛ Balhɛrmɔŋ, Seniiri arɩ́ Hɛrmɔŋ paalɔ mɛ́. Ɓa fa káŋ. 24 Nówó jɩtɩ́náwa yɩra: Efɛɛrɛ rɩ́ Yiseyi rɩ́ Eliyɛl rɩ́ Aziriyɛl rɩ́ Zeremi, Hodawiya arɩ́ Yadiyɛl. Ɓa nyáŋ nɛ́ ká Manase jɩmʋ́l fá jɩtɩ́náwa, ɓa fa ká lalyóóríbibara, ɓa yɩra lɛ́ wérí.
25 Amá, ɓa tʋ́ŋ wɩ́tɩɛnnɛ a zɔ́kwɔ́ ánáwa Wɩɩsɛ mɛ́, ká ɓaarɛ tɔ́ɔ́ ná nɩɛ Wɩɩsɛ fa há lá sɩ́ɛ́ zɔ́kwɔ́ ɓa sɩ́ɛ́ mɛ́, ɓa wɩŋsa. 26 Ɛ́ nɛ́ Ɩzɩrayɛl Wɩɩsɛ yiki Asiiri kuore Puul rɩ́ Tɩglatɛpilnesɛɛr; ɓa kɛsɛ Rubaŋ rɩ́ Gaadɛ rɩ́ Manase jɩmʋ́l fá ná, a kaa mʋ́ Hala rɩ́ Habɔɔrɛ rɩ́ Hara rɩ́ Gozaŋ polo nʋɔ ɓa ké róŋ, a ko aa lɛ́ zaa.
Levi duo nɩɛ wɩ́ɛ́: Vʋ́k'ɔɔsa nɩhɩɛ̃́sɛ
27 Levi bɛlɛ nɛ́ ká: Gɛrsɔŋ rɩ́ Kehatɛ arɩ́ Merari. 28 Kehatɛ bɛlɛ nɛ́ ka: Amɩraŋ rɩ́ Yisehaarɛ rɩ́ Hebrɔŋ rɩ́ Uzɩyɛl. 29 Amɩraŋ bɛlɛ nɛ́ ká: Aarɔŋ rɩ́ Moyizi rɩ́ Miriyaŋ. Aarɔŋ bɛlɛ nɛ́ ka: Nadaabɛ, Abihu rɩ́ Ɩlɩyazaarɛ rɩ́ Itamaarɛ. 30 Ɩlɩyazaarɛ nɛ́ lʋ́l Fineyaasɛ; Fineyaasɛ má lʋ́l Abisuya; 31 Abisuya lʋl Buki; Buki lʋl Uuzi; 32 Uuzi lʋl Zerahiya; Zerahiya lʋl Merayɔtɛ; 33 Merayɔtɛ lʋl Amariya, Amariya lʋl Ahituubi; 34 Ahituubi lʋl Sadɔkɛ; Sadɔkɛ lʋl Ahimaasɛ; 35 Ahimaasɛ lʋl Azariya; Azariya lʋl Yohana; 36 Yohana lʋl Azariya. Ɛ́ Azariya nɛ́ fa ká Wɩcʋɔlɩjɩzeno ná Salɔmɔŋ há sɔ́ɛ́ Zerizalɛmɛ mɛ́ vʋk'ɔɔsɔ. 37 Azariya lʋl Amariya; Amariya lʋl Ahituubi; 38 Ahituubi lʋl Sadɔkɛ; Sadɔkɛ lʋl Salummi; 39 Salummi lʋl Hilkiya; Hilkiya lʋl Azariya; 40 Azariya lʋl Seraya; Seraya lʋl Yehosadakɛ 41 Ɛ́ Yehosadakɛ nɛ́ Nyuutɩna Wɩɩsɛ a Nabikanezaarɛ pɛ́ ka rɩ́ Zerizalɛmɛ nɩɛ, arɩ́ Ziida nɩɛ kaa mʋ́ yomí.