Ziida dunɩɛ náŋa wɩ́ɛ́
4
1 Ziida dunɩɛ nɛ́ ká: Pɛrɛsɛ rɩ́ Hesɩrɔŋ rɩ́ Karmi rɩ́ Huur arɩ́ Sobaal. 2 Sobaal bio nɛ́ ká Reya. Reya bio nɛ́ ká Yahatɛ. Yahatɛ bɛlɛ nɛ́ ká Ahumayi rɩ́ Lahadɛ. Ɓa nɛ́ ka Sora dunɩɛ naábálwa. 3 Ná Etammɛ áná dunɩɛ: Zɩzɩrayɛl rɩ́ Isema rɩ́ Idibasɛ arɩ́wɔ́ natoló Hasɩlɛlponi. 4 Gedor áná nɛ́ ká Penʋwɛl, ká Husa áná nɛ́ ká Ezɛɛrɛ; ɓa nyáŋ wuu sɩɛ́ fa ká Huur bɛlɛ nɛ́. Huur tɩɩ ká Efirata bihɔ̃́ nɛ́, ʋ nɛ́ fa ká Betelehɛmɛ tɔ́tɩ́na má.5 Tekua áná nɛ́ ká Asehuur, ʋ fa kéŋ háála bɛllɛ, ɓa nɛ́ ká: Hela, rɩ́ Naara. 6 Ʋ háálɔ Naara lʋ́l bɛlɛ pɔ́ʋ́, ɓa nɛ́ ká: Ahuzaammɛ rɩ́ Hefɛɛrɛ rɩ́ Temeni arɩ́ Ahasetari.
7 Hela lʋ́l bɛlɛ, ɓa nɛ́ ka: Serɛtɛ rɩ́ Sohar arɩ́ Ɛtɩnaŋ.
8 Kɔɔsɛ nɛ́ lʋ́l Anuubi arɩ́ Sobeba. Kɔɔsɛ nɛ́ ká Harummi bio Aharehɛl dunɩɛ naábál.
9 Yabɛsɛ nɩtáŋnɛ fa kʋʋ̃́ maábináŋa. Ʋ máá fa pɔ́ʋ́ yɩr Yabɛsɛ, bee wɩ́ɛ́ ʋ lʋ́lɛ́ mɛ́ ʋ ná wɩɩla weri. 10 Yabɛsɛ sʋ́l Ɩzɩrayɛl Wɩɩsɛ a bʋ́lɛ́: Rɩɩ nɛ́ héŋ nyúú barká; a a rɩ́ŋ dɩtɩ́llɛ́ jɛllɛ, rɩ́ɩ́ nɛ́sɛ nɛ́ mɩ́nɩ́ŋ mɛ́, a kɛ́rɛ rɩ bɔ́ŋbɔ́ŋ rɩ́ wɩ́ɩ́la sɩ́ŋ pérú... Ɛ́ nɛ́ Wɩɩsɛ sáŋʋ́ sʋlɛ́.
11 Suha maábinɔ́ŋɔ Kelubi nɛ́ ká Mehir áná, ká Mehir má lʋl Ɛsɩtɔŋ, 12 Ɛsɩtɔŋ má nɛ́ lʋ́l Bɛtɩrafa rɩ́ Paseya arɩ́ Tehina. Tehina nɛ́ ká Nahasɛ tɔ́tɩ́na. Ɓa wuu sɩɛ́ fa ká Reka tɔ́ɔ́ nɩɛ nɛ́.
13 Kɛnazɛ bɛlɛ nɛ́ ká: Ɔtɩnɩɛl arɩ́ Seraya. Ɔtɩnɩɛl bɛlɛ nɛ́ ká: Hatatɛ arɩ́ Mewonotayi. 14 Mewonotayi nɛ́ lʋl Ɔfɩra. Seraya lʋl Zʋabɛ. Ʋ nɛ́ ká nɛsɛ tʋtʋnna ná há mɩŋ polo mí áná, bee wɩ́ɛ́ ɓa fa ká nɛ́sɛ tʋtʋnna nɛ́.
15 Yefune bio Kalɛbɛ lʋ́l bɛlɛ botoro, ɓa nɛ́ ká: Iru rɩ́ Ela arɩ́ Nammɛ. Ela bio ní ká Kenaazɛ.
16 Yehalelɛl bɛlɛ nɛ́ ká: Zifi rɩ́ Zifa rɩ́ Tiriya arɩ́ Asarɛl.
17 Ɛsɩdɩra bɛlɛ nɛ́ ká: Yetɛɛrɛ rɩ́ Merɛdɛ rɩ́ Efɛr rɩ́ Yalɔŋ. Merɛdɛ háálɔ lʋl Miriyaŋ rɩ́ Samayi arɩ́ Iseba. Iseba nɛ́ ká Ɛstɩmʋa tɔ́tɩ́na. 18 Merɛdɛ fa já Ziida tɩ́náwa toló, a lʋl Yerɛdɛ. Yerɛdɛ nɛ́ ká Gedɔɔrɛ tɔ́tɩ́na; rɩ́ Hebɛɛrɛ há ká Soko tɔ́tɩ́na, arɩ́ Yekutɩɛl há ká Zanʋɔ tɔ́tɩ́na. Faarɔŋ toló Bitiya, Merɛdɛ há jɛ́ bɛlɛ nɛ́ ká nyáŋ.
19 Hodiya já Nahammɛ nátoló, a lʋl Garɛmmɛ rɩ́ Maaka. Garɛmmɛ nɛ́ Keyila tɔ́tɩ́na Maaka nɛ́ ká Ɛsɩtemʋa tɔ́tɩ́na.
20 Sɩmɔŋ bɛlɛ nɛ́ ká: Amɩnɔŋ rɩ́ Rinna rɩ́ Bɛnɛhanaŋ rɩ́ Tilɔŋ: Iseyi bɛlɛ nɛ́ ká: Zohetɛ rɩ́ Bɛnɛzohɛtɛ.
21 Ziida bio Sela dunɩɛ nɛ́ ká: Ɛɛrɛ, há ká Leka tɔ́tɩ́na, rɩ́ Lada há ká Marɛsa tɔ́tɩ́na, rɩ́ pɛ́ŋyóóre ná há mɩŋ Bɛtasebeya mɛ́, a ka gɛpúwɩɛlɩ́wie aá tʋŋ. 22 Ká Yokimi arɩ́ Kozeba nɩɛ rɩ́ Zʋasɛ arɩ́ Sarafɛ dunɩɛ nɛ́ fa dí dóé Mɔwabɛ nɩɛ rɩ́ Yasubilehɛmɛ nɩɛ nyúú. Wɩ́ɛ́ nyáŋ ká fól wuu wɩ́ɛ́ nɛ́. 23 Ɛ́ nɩɛ fa ká vimáára nɛ́, a ka tunni baksɛ, a a pʋdɔ́ɔ́ra má. Ɓa fa ké róŋ ní, kuóro laka, a tʋŋ aá pɔ́ʋ́.
Sɩmɩyɔŋ dunɩɛ wɩ́ɛ́
24 Sɩmɩyɔŋ bɛlɛ nɛ́ ká: Nemʋwɛl rɩ́ Yamɩŋ rɩ́ Yarib rɩ́ Zera rɩ́ Sahul. 25 Sahul bio nɛ́ ká Salummi. Salummi bio ní ká Mibsaŋ. Mibsaŋ bio ní ká Misema. 26 Misma bio ní ká Hamʋwɛl. Hamʋwɛl bio ní ká Zakur. Zakur bio ní ká Simeyi. 27 Semayi lʋ́l heŋbólli fí rí balgo arɩ́ tolé balgo. Amá ʋ maábináŋa ná é wɩ bɛlɛ kɩ́ŋkáŋ lʋ́lɛ́. Ɛ́ nɛ́ tɛ́ ɓa duówa pulé wɩ Ziida nɩɛ péré.
28 Ɓa fa ké Bɛrsɩba, Molada rɩ́ Hasarɩsʋɔl rɩ́ 29 Bila rɩ́ Esɛmmɛ rɩ́ Tɔladɛ rɩ́ 30 Bɩtʋwɛl rɩ́ Hɔrma rɩ́ Sɩkɩlagɛ rɩ́ 31 Bɛtmarkabɔtɛ rɩ́ Hasarsusimmi rɩ́ Bɛtbiri arɩ́ Sarayimi mí ní. Tɔ́nɛ nyáŋ mɛ́ nɛ́ ɓa ké, a kaa mʋ́ peri Davidi kuorí díí tɛ́ŋ. 32 Arɩ́wɔ́ tɔ́wɩɛla bɔmmʋ́ɔ́: Etammɛ rɩ́ Ayɩŋ rɩ́ Rɩmɔŋ rɩ́ Tɔkɛŋ arɩ́ Akaŋ; 33 arɩ́ tɔ́wɩɛla ná wuu há kíl tɔ́zeŋsi nyáŋ, a kaa mʋ́ yakɛ Baalɛ mɛ́. Tɔ́nɛ ná ɓa há kéŋwó mí, ká ɓa yɩra pʋ́ŋsɛ kɛnɔ mɛ́ nɛ́ ɛ́.
34 Ná Sɩmɩɔŋ jɩmʋ́l duówa sɩ́dííre yɩra: Mesobabɛ rɩ́ Yamɩlɛkɛ rɩ́ Amasiya bio Yosa; 35 rɩ́ Zɔwɛl rɩ́ Yehu. Yehu áná nɛ́ ká Yosiba, Yosiba áná nɛ́ ká Seraya, Seraya áná nɛ́ ká Asɩɛl, 36 rɩ́ Eliohenayi rɩ́ Yakoba, Yesohaya rɩ́ Asaya rɩ́ Adɩɛl rɩ́ Yesɩmɩɛl rɩ́ Benaya rɩ́ 37 Ziiza. Ʋ áná nɛ́ ká Siifeyi, Siifeyi má áná nɛ́ ká Alɔŋ, Alɔŋ má áná nɛ́ ká Yedaya, Yedaya áná nɛ́ ká Simiri, Simiri má áná nɛ́ ká Semaya. 38 Ɓa nɩɛ nyáŋ ɓa há dɩ́ɩ́sɛ ka jɩtɩ́náwa nɛ́ ɓa duó sɩɛrʋ, ɓa dunɩɛ púló kɩ́ŋkáŋ. 39 Ɛ́ nɛ́ tɛ́ ɓa náŋa káŋwɔ́ pʋsɛ mʋ́ Gedɔɔrɛ nʋɔ rɩ́, a kaa mʋ́ lɛ polo wɩɩsɛ dɩpomí rɩ́ɩ́ cɔ́ɔ́, a makɛ rɩ́wɔ́ pʋwɩɛla ná nyɔ́ɔ́ dí. 40 Tɔ́ɔ́ ná ɓa há zʋ́ɛ́, ká tɔ́ɔ́ jɛllɛ rɛ́, tɛŋfɩɛl mɩŋ róŋ, walmɛ toó, ʋ pʋsɛ ɓɩ́dííle kéŋ kɔrɔ, a a werí. Sammɛ dunɩɛ nɛ́ fa ké róŋ. 41 Ziida kuóro Ezekiyasɛ kuorí díí tɛ́ŋ mɛ́ nɛ́, nɩɛ nyáŋ yɩra há dɩ́ɩ́sɛ, mʋ́ pérí ɛ́ tɔ́ɔ́, ɓa zɔ́kwɔ́ jɩɩsɛ rɩ́wɔ́ táŋtɛwa wuu, a ɓʋ́ʋ́sɩ́wɔ́ wuu, rɩ́wɔ́ yɩr baa sɩ́ yɩrʋ́, a kaa ko lɛ́ zaa. Ɓa tɩɩ ké róŋ, bee wɩ́ɛ́, ɓa pʋwɩɛla nyɔ́dííle mɩŋ ráŋ.