Ziida dunɩɛ wɩ́ɛ́
2
1 Ná Ɩzɩrayɛl nɩɛ yɩra: Ribaŋ rɩ́ Sɩmɩyɔŋ rɩ́ Levi rɩ́ Ziida rɩ́ Ɩsakaarɛ rɩ́ Zabɩlɔŋ rɩ́ 2 Daŋ rɩ́ Zozɛfɛ rɩ́ Bɛŋzamɛ rɩ́ Nɛfɩtalɩ rɩ́ Gaadɛ arɩ́ Asɛɛrɛ.3 Ziida háálɔ há lɛ́ Kanaŋ, a a Suwaŋ tolo, lʋ́l heŋbólli botoro, nówó yɩra: Ɛɛrɛ, Onaŋ, arɩ́ Sela. Ʋ bihɔ̃́ Ɛɛrɛ ɔ́ɔ́ zɔkɛ Nyuutɩna Wɩɩsɛ mɛ́, ɛ́ nɛ́ ʋ lɔ́ʋ́ mɩɩsɛ a. 4 Ziida biháálɔ Tamarɛ lʋ́l heŋbólli bɛllɛ pɔ́ʋ́, Pɛrɛsɛ rɩ́ Zera. Ziida bɛlɛ wuu ká heŋbólli bɔmmʋ́ɔ́. 5 Pɛrɛsɛ bɛlɛ nɛ́ ká: Hɛsɩrɔŋ arɩ́ Hamul. 6 Zera bɛlɛ nɛ́ ká: Zimiri rɩ́ Ɩtaŋ rɩ́ Hemaŋ rɩ́ Kalkɔl rɩ́ arɩ́ Dara, ɓa wuu ká bɔmmʋ́ɔ́. 7 Karmi bio ní ká: Akaarɛ. Ʋ nɛ́ tʋ́ŋ wɩ́tɔk ba pɔsɛ wɩɩla hé Ɩzɩrayɛl mɛ́, bee wɩ́ɛ́ ʋ pá lal ɓɩɛ ná há ká Wɩɩsɛ tɩ́llɛ, a ka. 8 Etaŋ bio nɛ́ ká Azariya. 9 Hɛsɩrɔŋ bɛlɛ nɛ́ ká: Yeramɩyɛl rɩ́ Ramɛ rɩ́ Kelubayi.
10 Rammɛ bio nɛ́ ká Amɩnadabɛ, Amɩnadabɛ má lʋl Naasɔŋ, Ziida bɛlɛ sídííro. 11 Naasɔŋ má lʋl Salma, Salma má lʋl Bʋazɛ, 12 Bʋazɛ má lʋl Ɔbɛɛdɛ, Ɔbɛɛdɛ má lʋl Zeese. 13 Zeese bihɔ̃́ nɛ́ ká, Eliyabɛ, bɛllɛ nyúú mí Abɩnadabɛ, ká Samma a botoro nyúú bio. 14 baná nyúú mí Netanɛyɛl, bɔmmʋ́ɔ́ nyúú mí Radayi, 15 balgo nyúú mí Osɛmmɛ, ká Davidi a balpɛ nyúú mí bio. 16 Ɓa natolé nɛ́ ká: Seruya arɩ́ Abigayil. Seruya bɛlɛ nɛ́ ká: Abigayil rɩ́ Zʋwabɛ rɩ́ Asayɛl, ɓa wuu ká botoro. 17 Abigayil lʋl Amasa, Yetɛɛrɛ há ká Ɩsmayeliti bio ní ká Amasa.
18 Hɛsɩrɔŋ bio Kalɛbɛ lʋl bɛlɛ botoro, arɩ́rʋ́ háála Azuba arɩ́ Yeriyɔtɛ, ɛ́ bɛlɛ nɛ́ ká: Yesɛr rɩ́ Soba rɩ́ Arɩdɔŋ. 19 Azuba sʋwɛ, ká Kalɛbɛ ja Ifirata, ʋ lʋl Huur pɔ́ʋ́. 20 Huur lʋl Uuri, Uuri lʋl Bɛtsalɛl.
21 Ɛ́ har mɛ́, Hɛsɩrɔŋ já Makiiri toló, Makiiri nɛ́ fa ká Galaadɛ áná. Hɛsɩrɔŋ fa kéŋ bɩŋsɛ mɛɛ́sɩbotoro ní ká jɔ́ʋ́, ʋ lʋl Seguubi pɔ́ʋ́. 22 Seguubi lʋl Yahiiri. Galaadɛ dɩtɩ́llɛ mɛ́, ʋ fa tɛ tɔ́wɩɛla mɛ́rɛ rɩ́ botoro ní. 23 Amá Gesuuri arɩ́ Arammɛ kuóre yóó la Yahiiri tɔ́wɩɛla ná, arɩ́ Kenatɛ rɩ́rʋ́ kílo tɔ́wɩɛla, ɓa wuu fa ká tɔ́wɩɛla mɛɛ́sɩbotoro ní. Nɩɛ ná wuu fa há mɩŋ ɛ́ tɔ́nɛ sɩɛrʋ fa ká Makiiri há ká Galaadɛ áná dunɩɛ nɛ́. 24 Hɛsɩrɔŋ há sʋ́wɛ́, Kalɛbɛ Efirata nɛ́ púú háálɔ Abiya ja a lʋl Asɩhuur. Asɩhuur nɛ́ ká Tekua áná.
25 Hɛsɩrɔŋ bihɔ̃́ Yeramɛyɛl bɛlɛ nɛ́ ká: Rammɛ há kɔ́ʋ́ bihɔ̃́, rɩ́ Buna, rɩ́ Ɔrɛŋ, rɩ́ Ɔsɛmmɛ arɩ́ Ahiya. 26 Yeramɛyɛl já háálɔ nɔ́ŋɔ, ʋ yɩr a Atara, ʋ nɛ́ lʋ́l Onammɛ. 27 Yeramɛyɛl bihɔ̃́ Rammɛ bɛlɛ nɛ́ ká: Maasɛ, Yamɛŋ arɩ́ Ekɛɛrɛ. 28 Onammɛ bɛlɛ nɛ́ ká: Samayi, rɩ́ Yada. Samayi bɛlɛ nɛ́ ká: Nadaabɛ rɩ́ Abisur. 29 Abisur háálɔ yɩr nɛ́ fa ká Abihayɛl; ʋ lʋ́l Abaŋ rɩ́ Molidi. 30 Nadaabɛ bɛlɛ nɛ́ ká: Seledɛ rɩ́ Apayimmi. Selɛdɛ sʋ́wɔ́ rʋʋ wɩ bíí kené. 31 Apayimmi bio nɛ́ ká: Iseyi, Iseyi má bio nɛ́ ká: Sesaŋ; Sesaŋ má bio nɛ́ ká: Alayi. 32 Semayi maábinɔ́ŋɔ Yada bɛlɛ nɛ́ ká: Yetɛɛrɛ rɩ́ Zonataŋ. Yetɛɛrɛ sʋ́wɔ́ rʋʋ wɩ bíí kené. 33 Zonataŋ bɛlɛ nɛ́ ká: Peletɛ rɩ́ Zaaza. Ɓa nyáŋ nɛ́ ká Yeramɛyɛl dunɩɛ.
34 Sesaŋ fa wɩ heŋbólli lʋ́lɛ, tolé dʋŋɔ́ nɛ́. Sesaŋ fa kéŋ yomo há lɛ́ Ezipiti, ʋ yɩr a Yaara, 35 Ɛ́ nɛ́ Sesaŋ púú tolé ná nɔ́ŋɔ pɔ́ʋ́ yomo Yaara, ʋ ja, a lʋl Atayi. 36 Atayi lʋl Nataŋ, Nataŋ lʋl Zabaadɛ, 37 Zabaadɛ lʋl Efilalɛ, Efilalɛ lʋl Ɔbɛdɛ, 38 Ɔbɛɛdɛ lʋl Yehu, Yehu lʋl Azariya, 39 Azariya lʋl Helɛsɛ, Helɛsɛ lʋl Elasa, 40 Elasa lʋl Sɩsmayi, Sɩsmayi lʋl Salummi, 41 Salummi lʋl Yekamiya, Yekamiya má sɩɛ́ lʋl Elisama.
42 Yeramɛyɛl maábinɔ́ŋɔ Kalɛbɛ bɛlɛ nɛ́ ká: Ʋ bihɔ̃́ nɛ́ ká Mesa, ʋ tʋkɛ́ nɛ́ ká Maresa. Mesa nɛ́ lʋ́l Zifi. Hebrɔŋ áná nɛ́ ká Maresa. 43 Hebrɔŋ bɛlɛ nɛ́ ká: Koora rɩ́ Tapʋa rɩ́ Rekɛŋ arɩ́ Sema. 44 Sema lʋl Rahammɛ, Rahammɛ lʋl Yɔrɩkʋamɛ. Rekɛŋ lʋl Samayi, 45 Samayi lʋl Mahɔŋ, Mahɔŋ má sɩɛ́ baa lʋl Bɛtɩsuri. 46 Kalɛbɛ háwie Ifa, nɛ́ lʋ́l Haraŋ, Mosa, rɩ́ Gazɛɛzɛ. Haraŋ má lʋ́lʋ́ bio a má báá hóú yɩr Gazɛɛzɛ. 47 Yadayi bɛlɛ nɛ́ ká: Regɛmmɛ rɩ́ Yotammɛ rɩ́ Gesaŋ rɩ́ Peletɛ rɩ́ Efa rɩ́ Saafɛ. 48 Kalɛbɛ háwie Maaka, lʋl Sebɛɛrɛ rɩ́ Tirihana. 49 Ʋ baa lʋ́l bio, a pɔ́ʋ́ yɩr Saafɛ, a lʋl nɔ́ŋɔ má ʋ yɩr a Seva. Saafɛ lʋl Madɩmana. Ká Seva má lʋl Makbena rɩ́ Gibeya. Kalɛbɛ lʋl toló má, ʋ yɩr a Aksa.
50 Ɓa nyáŋ nɛ́ ká Kalɛbɛ dunɩɛ: Huur nɛ́ kɔ́ʋ́ rɩ́rʋ́ háálɔ Ifirata bihɔ̃́. Huur nɛ́ lʋ́l Sobaal há ká Kiriyatiyarimi tɔ́tɩ́na,
51 a súúri Salma há ká Bɛtɛlehɛmɛ tɔ́tɩ́na, arɩ́ Harɛfɛ há ká Bɛtɩgɛdɛɛrɛ tɔ́tɩ́na. 52 Sobaal há ká Kiriyatiyarimi tɔ́tɩ́ná bɛlɛ nɛ́ ká, Haroye rɩ́ Menuhɔtɛ dunɩɛ ɓáámɔnáŋáwa. 53 Kiriyatiyarimi duo nɩɛ nɛ́ ká; Yetɛɛrɛ dunɩɛ rɩ́ Puti dunɩɛ rɩ́ Sumatɛ dunɩɛ rɩ́ Miserayi dunɩɛ. Sora nɩɛ rɩ́ Esɩtahɔl nɩɛ sɩɛ́ lɛ́ ɛ́ duówa sɩɛrʋ nɛ́.