Davidi lɩɔ́ aá kiri Amalesitiwa nɩɛ har
30
1 Ʋ tápʋlɛ botoro kal, Davidi rɩ́rʋ́ nɩɛ kúó peri Sɩkɩlagɛ. Sɩ́ bʋ́lɛ́ Amalesitiwa má lɩ́ɔ́ yo lal, a pɔ́ Zida Nɩgɛɛvɛ mɛ́, a yoo mʋ́ zʋ ɛ́ Sɩkɩlagɛ. A yóó dí Siklagɛ a mʋ́ lɛ, ká tɔkɛ níŋ nyɩkɛ tɔ́ɔ́ wuu. 2 Ɓa kɛ́sɛ́ háála, nɩhɩ́ɛ̃́sɛ rɩ́ heŋbiisi, ɓa a lal yósi, a kaá col. Ɓa taŋa wʋ́ɔ́ nɛ́ŋ wuu ɓʋ́ɛ́. 3 Davidi rɩ́rʋ́ nɩɛ kúó, rɩɩ tɔ́ɔ́ wuu dí níŋ. Ká ɓa kɛ́sɩ́wɔ́ háála, ɓa ɓɛlɛ rɩ́wɔ́ tolé má kaa col. 4 Davidi rɩ́rʋ́ nɩɛ de zʋ wííle. A wii síksi wuu, dóé má tɩɩ báá tó rɩ́wɔ́ wi. 5 Amalesitiwa fa kɛ́sɛ́ Davidi háála na má bɛllɛ kaa col. Ʋ háálɔ Ahinʋɔmɛ há lɛ́ Zizɩreyɛl, arɩ́ Abigayil ná fa há ká Karamɛl Nabal háálɔ. 6 Davidi sɩɛrʋ wuu zɔkɛ, beewɩ́ɛ́, ʋ hatɩŋna ná wuu bɩ́ɩ́nɛ́wɔ́ bɛlɛ rɩ́wɔ́ tolé wɩ́ɛ́, káá ja rɩ́wɔ́ pa dɔ́wʋ́ɔ́ yósú ɓʋ́. Amá Davidi bɩ́ɩ́nʋ́ Wɩɩsɛ lahárma wɩ́ɛ́, ʋ naasɛ dúóri. 7 Ɛ́ nɛ́ ʋ bʋl Wɩɩsɛ vʋk'ɔɔsɔ, Ahɩmelɛkɛ bio Abiatarɛ rɩ́ bʋlɛ́: >> Pi ephodi ná ɓa há kené aá bɔsɛ Wɩɩsɛ ko páŋ!>> Abiatarɛ pi ɛ́ ephodi ko pá Davidi. 8 Davidi la, a bɔsɛ Wɩɩsɛ bʋlɛ́: >>Rɩŋ lɩ́ɔ́ kiri nɩɛ nyáŋ har, ŋ sɩ́ púwó> >> Ɛ́ nɛ́ Wɩɩsɛ sɛ́: >>Lɩɩ kiri, ɩ sɩ́ púwó, a lɛ́ɩ́ nɩɛ.>> 9 Davidi rɩ́rʋ́ nɩɛ zɔwalgo lɩɩ zʋ ŋmɛ́nɔ. Ɓa há mʋ́ɛ́ peri Bezɔrɛ nyipalna, náŋa káánɛ ráŋ. 10 Nɩɛ zɔwɛllɛ bɔ́lɔ́, a wɩ fuo ná wuó daarɛ. Ɓa káánɛ ráŋ, ká Davidi rɩ́ nɩɛ zɔwaná daarɛ col.11 Davidi nɩɛ ná mʋ́ céŋ báálɔ oro, ʋ lɛ́ Ezipiti ní; a kánʋ́ mʋ́ Davidi rɩ́. Ɓa pɔ́ʋ́ ɓɩdííle, a pɔ́ʋ́ nyii má. 12 Ɓa lɩ́sɛ pirnɔŋhɩlɛ́, arɩ́ víínyi nɔŋhɩlɛ́ paakɛ bɛllɛ má pɔ́ʋ́. Ʋ díó ko tenni, rʋʋ sɩ́ɛ́ púró. Beewɩ́ɛ́ ʋ fa wɩ óŋ wuu díé, a wɩ nyii nyɔ́ɛ́ tápʋlɛ botoro, wɔhɔ rɩ́ tɩ́taŋ wuu. 13 Davidi sɩɛ́ bɔ́sʋ́ bʋlɛ́: >>Ɩ lɩ́ nɛ́ɛ́>>, áŋ nɛŋ rɛ́ kɛ́ɩ́> >> Ɛ́ nɛ́ ʋ sɛ́: >> Ŋ lɛ́ Ezipiti ní ká a Amalesiti báálɔ nɔ́ŋɔ yómo. Ŋ faá wɩ́ɩ́lʋ́ nɛ́, ŋ nyúútɩ́na vɛ́ŋ tá, ʋ tápʋlɛ botoro ní nyɛ. 14 Á fa lɩ́ɔ́ aá yo lal nɛ́. Á pɔ́ Keretitiwa Nɩgɛɛvɛ rɩ́ nɛ́, a ko zʋ Zida tíé , a ko yo Kalɛbɛ nɩgɛɛvɛ nɩɛ, a ko yoo di Sɩkɩlagɛ ká tɔkɛ níŋ nyɩkɛ.>> 15 Davidi baa bɔ́sʋ́ bʋlɛ: «Ɩ sɩ́ wólli kánɩ́ŋ mʋ́ makɛ ɛ́ nɩɛ dɩhɩ̃́ páŋ>>» Ɛ́ nɛ́ ʋ sɛ́: «Rɩɩ nɛ́ wɩ́ŋ ɓʋ́, ɛ́ rá má rɩɩ nɛ́ wɩ́ŋ káá mʋ́ páŋ nyúútɩna ná, ɩ ŋmɩ́ɛ́sɛ Wɩɩsɛ yɩr mɛ́, ká rɩ́ŋ mʋ́ makɩ́wɔ́ dɩhɩ̃́ pɛ́ɩ́.»
Davidi yóó dí Amalesitiwa
16 Ɛ́ nɛ́ baalɔ ná ka Davidi mʋ́ Amalesitiwa ná rɩ́. Rɩ ɓa fa dé jɛrɛ dɩhɩ̃́ wuu, aá dí, aá nyɔ; ɓaá dí cana nɛ́, ɓa há yóé la oŋkana ná Filisiti nɩɛ rɩ́ Zida nɩɛ rɩ́ wɩ́ɛ́. 17 Davidi tɔ́wɔ́ hé a ŋmasɛ wuu tápʋlpírme bɛllɛ; ɓa balá má wɩ lúé. Heŋbiwafɛlɛ zɔwana dʋŋɔ nɛ́ zɛ́ nyʋ́kmáwa a fá yʋ́ksɛ. 18 Davidi lá onni ná wuu ɓa há pá Sɩkɩlagɛ mɛ́. Ʋ lɔ́ʋ́ háála ná má bɛllɛ. 19 Davidiwa nɩɛ ná ɓa há kɛ́sɛ́, ɓa nɛ́ŋ balá má wɩ fúólé, heŋbiisi, nɩhɩɛ̃́sɛ, rɩ́ tole wuu sɩɛrʋ. Ɓa óŋ balá má wɩ ɛ́ nɩɛ rɩ́ káánɛ́. Davidi bɩ́rɔ́ lɔ́wɔ́ wuu. 20 Davidi lá pʋwɩɛla rɩ́wɔ́ pʋzeŋsi má wuu ní, Amalɛkɛ nɩɛ ná rɩ́. Nɩɛ ná há kírí pʋsɛ ná vɩ́va sɛ́: «Davidi há yó lal a la onni ná nɛ́ nyɛ́.»
21 Davidi sɩɛ́ bɩrmʋ́ pérú hatɩŋna ná zɔwɛllɛ, fa há bɔ́lɛ́, a káánɛ Bezɔrɛ fuo nʋɔ. Ɛ́ nɛ́ ɓa má isi céŋ Davidi rɩ́rʋ́ nɩɛ ná háá kué. Davidi mʋ́ péríwó a bɔ́llɩ́wɔ́. 22 Saháksɩ́tɩɩna rɩ́ nɩkɔŋsa ná há tɩ́ŋɛ́ mʋ́ lal dɩyóé, sɩɛ́ bʋl Davidi rɩ́ bʋlɛ́: >>Ɓa há wɩ lal dɩyóé mʋ́ɛ́, á wɩ́rá oŋyoolaalɛ́ nyáŋ oro wuú lɩ́sɩ́ɩ́ pɔ́wɔ́. Ɓa háála rɩ́wɔ́ bɛlɛ dʋŋɔ nɛ́ rá pii pɔ́wɔ́; wɔ́ kɛ́sɩ́wɔ́ ɓɩɛ a kaa col. 23 Amá Davidi sɛ́: «Maábináŋa, ɩ́ sɛ́ ɛ́ a, arɩ́ ɓɩɛ ná Wɩɩsɛ há párá. Wɩɩsɛ nɛ́ pɔ́rá mɛ́, a kɛ́sɩ́rá dɩŋdɔmɔ há kórá mɛ́, a hérá nɛ́sɛ mɛ́. 24 Rɩɩ́wa á ɛ́, nɛ́ŋ wuu wɩ taŋá píí pɛ́ɩ́wa. Ɛ́ wɩ́ɛ́, nɛrɔ ná há mʋ́ lal dɩyóé rɩ́ nɛrɔ ná há wɩ mʋ́ɛ́ ká pɔ́ cɩksɛ mɛ́, ɓa wuu ker ní balá. Ɓa wuu sɩ́ kaa ɛ́ onni ɓa náŋá.» 25 A kaa pɔ́ ɛ́ kal mɛ́, ʋ ɛ́ dé a wada rɩ́ ŋmɔ́ɔ́ nɛ́ Davidi bil Ɩzɩrayɛl wuu mí, ʋ ha mɩŋ arɩ́ zaa.
26 Davidi há mʋ́ɛ́ peri Siklagɛ, ʋ lɩ́sɛ oŋyoolaalɛ́ ná tɛ ɓa kaa mʋ́ pá Zida nɩhɩ́ɛ̃́sɛ, a lɩ́sɛ pɔ́ʋ́ naŋnɔ́ŋsɛ, ká bʋ́lwɔ́ rɩ́ bʋlɛ́: «Wɩɩsɛ dɩŋdɔma nɛ́ a yoodí ká lɔ́wɔ́ ɓɩɛ; ɓa nɛ́ ŋ lɩ́sɛ dí zilé pɛ́ɩ́wa.>> 27 Ʋ lɩ́sɔ́ a pá Betɛl nɩhɩ́ɛ̃́sɛ, a lɩ́sɛ pá Ramɔtɛ há mɩŋ nɩgɛɛvɛ mɛ́ nɩhɩɛsɛ, a pá yatiiri nɩhɩɛsɛ. 28 A pá Arɔyɛɛr nɩɛ, a pá Sɩfɩmɔtɛ nɩɛ, a pá Ɛstɩmʋɔ nɩɛ. 29 A lɩ́sɛ pá Rakal nɩhɩɛsɛ, a pá Yeramelitiwa tɔ́nɛ wuu nɩɛ, a pá Kenitiwa tɔ́nɛ wuu nɩɛ. 30 A lɩ́sɛ pá Hɔrma nɩɛ, a pá Bɔr'asaŋ nɩhɩɛsɛ, a pá Atakɛ má nɩhɩɛŋsɛ. 31 Ʋ lɩ́sɔ́ pá Ebrɔ́ŋ nɩhɩɛŋsɛɛ, a pá tɔ́nɛ ná wuu ʋ Davidi rɩ́rʋ́ nɩɛ há tɩ́ŋɛ́ daarɛ nɩhɩɛŋsɛ.