Filisiti nɩɛ lɩ́sɛ Davidi ɓa lalyoore sɩɛrʋtá
29
1 Filisiti nɩɛ lalyoore wuu mʋ́ɔ́ ciki náŋá mɛ́ Afeki mí, ká Ɩzɩrayɛl má lalyoore mʋ́ ciki náŋá mɛ́ Zizirayɛl nyibúlbʋɔ laka. 2 Filisiti nɩɛ kuóre isi a láwɔ́ zɔlɔ zɔlɔwa rɩ́ bʋ́ɩ́ bʋ́ɩ́wa sɩ́ɛ́ aá col, ká Davidi rɩ́rʋ́ nɩɛ tɩŋ Akisi har rɩ́ ɓáá va. 3 Filisiti nɩɛ kuóre sɛ́: «Áŋwa rɛ́ ká Ebirewa nyáŋ>>» Ɛ́ nɛ́ Akisi bʋl pá Filisiti nɩɛ kuóre ná: >> Ɩzɩrayɛl Sayul tʋtʋnnɔ Davidi ní. Ʋ tápʋlɛ káŋ, ʋ kɩ́l bɩná ŋ dɩhɩ̄́, ʋ sɩ́ɛ́ há kóŋ dɩhɩ̄́ fól ná wuu a kaa ko áá lɛ zaa, ʋ ha wɩ wɩ́ɩ́ wuu zɔ́kɛ́ rɩ́ŋ háksʋ́ nʋɔ mɛ́ ná. >> 4 Filisiti nɩɛ kuóre cɔ́ɛ́ wɛ Akisi ɛ́ nɛ́ ɓa bʋl pɔ́ʋ́: >> Kiri báálɔ́ né tá; rʋ́ʋ́ bɩrɛ mʋ́ ráŋ ná ɩ fa há bílú. Ʋ wɩ mɔhɛ́ rʋ́ʋ́ tɩ́ŋ rá mɛ́ mʋ́ lal, lal yoé tɛ́ŋ mɛ́ ʋ wuóló bɩ́rɛ áá yó rá. (Ɛ́ wɩ́ɛ́, ɛ rɛ́ɛ́wa rɩ́rá a ká rɩ́ bál né bɩrɛ mʋ́ʋ́́ Nyúútɩna dɩhɩ̃́ arɩ́ tɛŋfɩ́ɛ́l, rʋʋ wɩ́rá nɩɛ nyunni cónné.) 5 Á sɩ́ sʋ́llʋ́ rɩ Davidi né ní háála yɛ yɩɩla káá gɔ a bʋlɛ́: Sayul ɓʋ́ dɩŋdɔma bʋ́ɩ́ ká Davidi ɓʋ́ dɩŋdɔma bʋ́ɩ́ fí, 6 Akisi yɩ́rɛ Davidi a bʋ́lʋ́ rɩ́: >> Nyuutɩna Wɩɩsɛ Wómmó! Ɩ ká nɩtaŋá rɛ́, ŋ sɩ́ɛ́ có rɩ́ŋ rɩ́rɩ́ ka lalyoore mʋ́ lal káá ko, béé wɩ́ɛ́ ɩ há dé kóŋ dɩhɩ̃́ wuu a kaa ko áá lɛ zaa ŋ ha wɩ wɩ́bɔ́ŋ wuu né ɩ dɩhɩ̃́, amá Filisiti nɩɛ kuóre náŋa wɩ́ɩ́ có. 7 Ɛ́ wɩ́ɛ́, bɩrɛ mʋ́ɩ́ dɩhɩ̃́ arɩ́ tɛŋfɩ́ɛ́l a makɛ rɩ́ sɩ́ wɩ́ɩ́ á rɩ́ zɔkɛ Filisiti nɩɛ kuóre sɩɛnnɛ. 8 Davidi bɔsɛ Akisi: (>> Amá béé rí sɩ́ɛ́ ŋ a>>) Ŋ á béé mɔ nyɛ>> Béé rí ŋ aa zɔkɛ fól ná wuu ŋ há mɩ́nɩ́ dɩhɩ̃́ a kaa ko áá lɛ zaa, a makɛ rɩ́ŋ sɩ́ mʋ́ yóŋ nyúútɩna, ŋ kuóro dɩŋdɔma>> >> 9 Akisi bʋ́lɔ́ pá Davidi: «Ŋ ɛ̃ ɛ́ mɛ́ rɛ́, bee wɩ́ɛ́ ŋ cóí anɛ Wɩɩsɛ málka nɛ́; amá Filisiti nɩɛ kuóre sɩ́ rɩ́ wɩ mɔhɛ̃́ rɩ́ɩ́ tɩ́ŋ rá mɛ́ mʋ́ lal dɩhɩ̃́. 10 Ɩ sɩ́ɛ́ mɔhɔ̃́ rɩ́ɩ́ isi cíé cɩ́cʋɔ fól, ɩ rɩ́rɩ́ nyúútɩna tʋtʋnna ná há kení ko, a mʋ́ ráŋ ná ŋ há bílíwa. Sɩ́ ló rʋʋ a wɩ́ɩ́ , bee wɩ́ɛ́ ŋ cóí wɩ́ɛ́. Rɩ tɔ́ɔ́ kúó aá pʋl, ɩ́ cɔŋ fól col.» 11 Ɛ́ nɛ́ Davidi rɩ́rʋ́ nɩɛ isi cɩ́cʋɔ fól a bɩrɛ mʋ́ Filisiti nɩɛ tɔ́ɔ́; ká Filisiti nɩɛ má isi mʋ́ Zizireyel.