Davidi vɛ́ Sayul ɓʋ́ɩ́
24
1 Davidi lɛ ɛ́ dɩhɩ̃́ a mʋ́ Aŋgedi, a féŋsi pallɛ sɩɛrʋ ráŋ ná zʋɩ há dúókó. 2 Sayul há kírí Filisiti nɩɛ ká bɩrko, ɓa bʋ́lɔ́ pɔ́ʋ́ bʋlɛ́: «Davidi mɩŋ Aŋgedi gɩr sɩɛrʋ.» 3 Sayul tʋɔsɛ sóójiduoru bʋ́ɩ́ toro Ɩzɩrayɛl wuu mí, wɔ́ lɩɩ ja Davidi rɩ́rʋ́ nɩɛ. Ká Davidi rɩ́rʋ́ nɩɛ mɩŋ dɩhɩ̃́ ná ɓa há yɩ́rɛ baka buŋgboksi bʋ́ɔ́ mɛ́. 4 Ɓa há lɩ́ɛ́ aá col, ɓa mʋ́ɔ́ peri petuni ná há mɩŋ ŋmɛ́nɔ laka. Bɔɓoo oro sɩɛ́ fa mɩŋ ráŋ; Sayul mʋ́ zʋ ráŋ rʋ́ʋ́ pɔ́ŋ tíé. Sɩ́ bʋ́lɛ́ Davidi má rɩ́rʋ́ nɩɛ mɩŋ ɛ́ bʋɔ sɩ́ɛ́rɩ́ ké. 5 Davidi nɩɛ lʋɔrɛ bʋ́lʋ́ rɩ́ bʋlɛ́: «Zaa nɛ́ ká kal ná wɩ́ɛ́ Wɩɩsɛ há bʋ́lɛ́ bʋlɛ́: ‹Kal oro, ŋ sɩ́ kánɩ́ dɩŋdɔmɔ héí nɛ́sɛ mɛ́, rɩ́ɩ́ gɛ́rʋ́ ɛ́ ɩ há có.› » Ɛ́ nɛ́ Davidi lʋɔrɛ peri, a coki Sayul kapoti nʋɔ. 6 Amá, ʋ há cókí gɛrɔ ná ko tenni, rʋ́ʋ́ baŋcɩla dé yíyó kɩ́ŋkáŋ. 7 Ɛ́ nɛ́ ʋ bʋ́lʋ́ nɩɛ ná rɩ́ bʋlɛ́: «Rɩ́ Wɩɩsɛ kɛ́rɩ́ŋ mɛ́, rɩ́ŋ sɛ́ nyɛ wɩ́ɩ́ a ŋ nyúútɩ́na mɛ́. Bee wɩ́ɛ́, Wɩɩsɛ tɩɩ nɛ́ lɩ́sɛ báálɔ né, ʋ a kuóro.» 8 Davidi bʋlɛ́ ná nɛ́ kɛ́rɛ́, ʋ nɩɛ ná wɩ Sayul wɩ́ɩ́ wuu ɛ́ɛ́.Sayul isi lɛ, a púú ŋmɛ́nɔ aá col. 9 Ɛ́ nɛ́ Davidi sɩɛ́ ko lɩɩ cɛ́ ká yɩ́rʋ́ bʋlɛ́: «Kuóro! Ŋ nyúútɩ́na!» Ɛ́ nɛ́ Sayul bɩ́rdɛllɛ. Davidi ɓírmi, a ka sɩ́ɛ́ cú tíé, a cʋ́ɔ́lʋ́. 10 Ká bʋlɛ́: «Beé rí ɩ la nɩɛ ná há sɩ́ŋ ja rɩ́ŋ ɓʋ́ɩ́ nʋɔ wɩ́ɛ́ dí>>» 11 Belná, Zaa má tɩɩ, Wɩɩsɛ kení páŋ bʋ́ɔ́ né sɩɛrʋ. Ŋ nɩɛ sɩ́ŋ ɓʋ́ɩ́ rɛ́, káŋ píítá. Ŋ waá ja rɩ́ŋ píŋ nɛ́sɛ tɩ́kɩ́ mɛ́, bee wɩ́ɛ́ Wɩɩsɛ nɛ́ lɩ́sɩ́ ɩ a kuóro. 12 Bel ná, kuóro, bel néí kapoti ŋ há cóké kánɩ́ŋ nɛsɛ mɛ́! Ʋ dʋŋɔ nɛ́ ŋ coki ká wɩ́ɩ́ ɓʋ́ɛ́. Sɩɛ́ zɩŋ rɩ́ŋ wɩ́ɩ́ mɛ́ cɩ́nɛ́, ŋ wɩ́ɩ́ ɓʋ́ɩ́ máá ja. Ŋ wɩ bɔ́ŋbɔ́ŋ ɛ́ɩ́ ɩ mɛ́. Ɩ nɛ́ taŋa kíré aá jáŋ, rɩ́ɩ́ lɩ́sɩ́ŋ mɩɩsɛ. 13 Rɩ́ Nyuutɩna Wɩɩsɛ nɛ́ árá bɛllɛ sarɩ́yadííro. Wɩɩla ná ɩ há píé áŋ mɛ́, rʋ́ʋ́ nɛ́ díŋ tɛŋbuoro páŋ; ŋ é tɩɩ wɩ́ŋ nɛ́sɛ píí tɩ́kɩ́ mɛ́. 14 Anɛ sɩ́ŋsʋ́ɔ́lɔ bɩnɛ́ nɔ́ŋɔ há sɛ́: >>Sahaksɩ́ lɛ́ saháksɛ́ tɩɩna nɛ́.>> Amá ŋ é nɛ́sɛ wɩ́ɩ́ mɩ́ɩ́ tɩkɛ. 15 Áŋ rɛ́ ɩ e Ɩzɩrayɛl kuóro lɩɩ cɛ́ waasɛ, aá ja>> Ŋ nɩ́ɩ́ kíkiri, ŋ vásʋwɩ́ né nɔ́ŋɔ, ŋ má kʋ́ɛ́ né nɔ́ŋɔ>> 16 Wɩɩsɛ nɩ́ɩ́ dírá sarɩ́ya. Ʋ́ muuli wérí a záŋ mɛ́, a pi taŋá páŋ, ká láŋtá ɩ nɛ́sɛ mɛ́.»
17 Davidi há bʋ́lʋ́ wɩ́ɛ́ tenni, ɛ́ nɛ́ Sayul sɛ́: «Davidi, ŋ bio, ɩ tɩɩ nɩ́ɩ́ bʋlɛ́> >> Ká dee zʋ wííle. 18 Ká baa bʋl Davidi rɩ́ bʋlɛ́: >>Ɩ nɛ́ kéŋ taŋá, ká nyɩɛrʋ mɩ́nɩ́ŋ rɩ́. Ɩ áŋ wérí, káŋ é ɛ́ɩ́ bɔ́ŋbɔ́ŋ. 19 Ɩ zaa mákɩ́ sawér páŋ. Wɩɩsɛ fa keníŋ pɛ́ɩ́, kɛ́ɩ́ wɩ́ŋ ɓʋ́ɛ́. 20 Rɩ nɛ́ŋ kúó cémú dɩŋdɔmɔ, ʋʋ́ púútá cɩ́mm ʋ col rí>> Ɛ́ wɩ́ɛ́, rɩ́ Wɩɩsɛ túŋ wɩ́weró né ɩ há píé áŋ mɛ́ zaa, a pɛ́ɩ́. 21 Taŋá wuu, ŋ ɩ́ɔ̃́ rɩ́ɩ́ sɩ́ dí Ɩzɩrayɛl nɩɛ kuorí, kuorí ná há sɩ́ dáánɩ́ nɛ́sɛ mɛ́. 22 Ɛ́ wɩ́ɛ́, cɛ́ Wɩɩsɛ sɩ́ɛ́ ká ŋmɩ́ɛ́sɛ páŋ, rɩ́ŋ nɛ́ sʋ́wɛ́ má, ɩ wɩ́ŋ duo wuu túúhé, káá dʋ́sɩ́ŋ yɩr, ŋ áná jaa nɩɛ sɩɛrʋ.>> 23 Ɛ́ nɛ́ Davidi ŋmɩ́ɛ́sɛ ɛ́ pɔ́ʋ́. Sayul sɩɛ́ bɩrmʋ́ jaá, ká Davidi má rɩ́rʋ́ har nɩɛ isi mʋ́wɔ́ dɩféŋsi, paalɔ daha.