Davidi pɛ́ Keyila nɩɛ mɛ́ a yo Filisiti nɩɛ
23
1 Kal oro, ɓa kuó bʋl pá Davidi rɩ́ Filisiti nɩɛ kúó tɔ́ Keyila hé, a kúóríwó pílíwa ɓɩdííle wuu. 2 Ɛ́ nɛ́ Davidi bɔsɛ Nyuutɩna Wɩɩsɛ a bʋlɛ́: >>Ŋ mʋ́ yo Filisiti nɩɛ nyáŋ, ŋ sɩ́ wóllíwó> >> Nyuutɩna Wɩɩsɛ sɛ́: >>Oh! mʋ́, ɩ́ sɩ́ yoo dí Filisiti nɩɛ, ká la Keyila nɩɛ tá.>> 3 Davidi har nɩɛ sɛ́: >>Á há mɩŋ Zida mɛ́ rɛɛ́, ká héwíŋ káŋrá nyɛ, raá mʋ́ Keyila ráá yo Filisiti nɩɛ, ʋ wɩ nyɛ bɔ́ŋsɛ>>» 4 Davidi baa bɔsɛ Wɩɩsɛ. Ɛ́ nɛ́ Wɩɩsɛ sɛ́: «Isi, mʋ́ Keyila! Ŋ sɩ́ kɛsɛ Filisiti nɩɛ pɛ́ɩ́, rɩ́ɩ́ wóllíwó.» 5 Davidi rɩ́rʋ́ nɩɛ isi mʋ́ Keyila, a yo Filisiti nɩɛ dí ɓóŋ. Ká kíríwó pʋsɛ kaa col. Ɛ́ nɛ́ Davidi la Keyila nɩɛ tá.6 Ayimelɛkɛ bio Abiyataarɛ há lɩ́ɛ́ fá aá ko Davidi rɩ́ Keyila mɛ́ ɛ́, ʋ fa pɔ́ɔ́ pi vʋk'ɔɔsa gɛrɔ ná, ɓa háá su aá bɔsɛ Wɩɩsɛ.
7 Sayul nɛ, rɩ ɓa sɛ́ Davidi mɩŋ Keyila mɛ́; ɛ́ nɛ́ ʋ sɛ́: «Wɩɩsɛ zaa kenú héŋ nɛ́sɛ mɛ́. Ʋ há zʋ́ tɔ́ɔ́ ná keŋ bonni a wóóli aá yakɛ́, ɛ́ wɩ́ɛ́ ʋ tɔ́ʋ́ tɩɩ hé párá.» 8 Ʋ sɩɛ́ yɩ́rʋ́ lalyoore hé náŋá mɛ́, rɩ́wɔ́ mʋ́ tɔ́ Davidi rɩ́rʋ́ nɩɛ wuu hé Keyila mɛ́. 9 Davidi zɩŋ rʋ́ʋ́ wɩ́ɛ́ nɛ́ Sayul vʋ́vʋʋrɛ, ɛ́ nɛ́ ʋ sɛ́ rɩ́ vʋk'ɔɔsɔ Abiyataarɛ, ka vʋk'ɔɔsa gɛwie ná ko pɔ́ʋ́, rʋ́ʋ́ bɔsɛ Wɩɩsɛ ná. 10 Ʋ la, a vʋrɛ Wɩɩsɛ bʋlɛ́: >>Nyuutɩna Wɩɩsɛ, Ɩzɩrayɛl Wɩɩsɛ, ŋ nɩ́ɔ̃́ rɩ Sayul bɩ́ɩ́nʋ́ rʋ́ʋ́ ko zɔkɛ Keyila ŋ wɩ́ɛ́. 11 Sayul ɓɩɛ́na sɩ́ ko Keyila>> Rʋʋ kúó, Keyila nɩhɩ́ɛ̃́>>sɛ sɩ́ kánɩ́ŋ pɔ́ʋ́ anɛ ɛ́ ŋ há nɩ́ɛ̃́>> Nyuutɩna Wɩɩsɛ, Ɩzɩrayɛl Wɩɩsɛ, bʋl taŋá páŋ.>> Wɩɩsɛ sɛ́: >>Taŋá rɛ́, Sayul sɩ́ ko.>> 12 Davidi baa bɔsɛ: >>Keyila nɩhɩ́ɛ̃́sɛ sɩ́ píŋ rɩ́rɩ́ŋ nɩɛ wuu hé Sayul nɛ́sɛ mɛ́ yáá> >> Wɩɩsɛ sɛ́: >>Oh! ɓa sɩ́ pííwa hóú nɛ́sɛ́ mɛ́.>> 13 Davidi rɩ́rʋ́ nɩɛ há pérí zɔwalgo, de pɔ́wɔ́ tɩɩ kɩ́kɛ́lɛ́ a lɛ́ Keyila mɛ́, a mʋ́ dɩhúó. Ɓa há bʋ́lɛ́ pá Sayul rɩ́ Davidi lɩ́ɔ́ fá, ʋ má píí lal yoe tá.
14 Davidi fá zʋ gɩrbétéke sɩɛrʋ, a mʋ́ mɩ́ŋ pallɛ daha, Zifi gɩrbétéke sɩɛrʋ. Ká Sayul há gʋɔrɛ aá jɔ́ʋ́, ʋ ráŋ mɩnɛ́ wuu mí. Amá Wɩɩsɛ wʋ́ʋ́ lóé, rʋ́ʋ́ ɓal Sayul nɛ́sɛ mɛ́. 15 Davidi zɩŋ rʋ́ʋ́ nɛ́ Sayul lɩɩ cɛl aá ja rʋ́ʋ́ ɓʋ́. Davidi fa ké Horesa mɛ́ nɛ́, Zifi gɩr ná sɩɛrʋ.
16 Kal oro, Sayul bio Zonataŋ iso mʋ́ Davidi rɩ́ Horesa ná mɛ́. A mʋ́ dúóri Davidi naasɛ Wɩɩsɛ yɩr mɛ́. 17 Ʋ bʋ́lʋ́ rɩ́ bʋlɛ́: >>Sɩ́ héwíŋ fá, ŋ áná Sayul wɩ́ɩ́ wuó ká. Ɩ sɩ́ dí kuóri Ɩzɩrayɛl nyúú, ká rɩ́ŋ tʋ́kɩ́ mɛ́. Ŋ áná tɩɩ ɛ̃ ɛ́ mɛ́.>> 18 Ɛ́ nɛ́ ɓa wuu bɛllɛ tá nʋɔ pá náŋá Wɩɩsɛ sɩ́ɛ́ mɛ́. Zonataŋ sɩɛ́ bɩrmʋ́ jáá, ká Davidi káánɛ́ Horesa mɛ́.
Sayul lɩ́ɔ́ aá kiri Davidi
19 Zifi tɩ́náwa mʋ́ɔ́ ná Sayul Gilbeya mɛ́, a bʋ́l pɔ́ʋ́ bʋlɛ́: «Davidi mɩ́ŋ rá cɔɔ rɩ́, a féŋsi Horesa gɩr pallɛ sɩɛrʋ. Ʋ mɩŋ Hakila dúŋdúóme nyúú, a caasɛ polcʋ́ɔ́rɛ rɩ́. 20 Rɩ́ɩ́ jɔ́ʋ́ kanɛ́, kuóro, ɩ ko, á sɩ́ kánʋ́ héí nɛsɛ mɛ́.» 21 Sayul sɛ́:«Rɩ́ Wɩɩsɛ héíwa nyúú bárka. Ɩ é fáŋ susu rí. 22 Ɩ́ taŋa bɩrmʋ́ a kɩ́ɛ́lɛ wérí, a zɩ́mʋ́ dɩmɩnɩ́ tɩɩ. Ɩ́ bɔsɛ zɩŋ nɛrɔ ná há nóú. Ɓa sʋ́ʋ́ kéŋ lɩ́ŋ wérí. 23 Ɩ jaa zɩŋ dɩhɛ̃́ ná wuu ʋ há wuolé aá féŋsi; a bɩrko bʋl taŋá páŋ, rɩ́ŋ tɩ́ŋɩ́ɩ́ wa mɛ́ mʋ́. Rʋʋ mɩŋ tɔ́ɔ́ né sɩɛrʋ é ní, ŋ sɩ́ wúlli Zida wuu a mʋ́ túkú mí.>>
24 Zifi tɩ́náwa bɩrla Sayul sɩ́ɛ́ a mʋ́ jɩɩsɛ́. Ɛ́ tɛ́ŋ mɛ́ rɩ Davidi rɩ́rʋ́ nɩɛ fá mɩŋ Maɔŋ gɩrbétéke sɩɛrʋ nɛ́, polcʋ́ɔ́rɛ nédu cɔɔ rɩ́. 25 Sayul rɩ́rʋ́ sóójiwa lɩɩ mʋ́ rɩ́wɔ́ ja Davidi. Ɛ́ nɛ́ ɓa bʋl pá Davidi, ʋ isi zɛ́ mɩŋ pallɛ pɛ́ksɛ, Maɔŋ gɩr ná mɛ́. Sayul baa nɛ, a tɩŋ mʋ́ aá jɔ́ʋ́ ráŋ. 26 Sayul rɩ́rʋ́ sóójiwa tɩŋ paalɔ cɔɔ nɔ́ŋɔ aá ja, ká Davidi má rɩ́rʋ́ nɩɛ tɩŋ cɔɔ nɔ́ŋɔ aá col. Davidi rɩ́rʋ́ nɩɛ fɩ́fá wɔ́ kɛkɛ Sayul mí, kɔ́ʋ́ má rɩ́rʋ́ sóójiwa tuupíperi, aá ja rɩ́wɔ́ kɛsɛ Davidi wa. 27 Nɩtʋmɩ́ nɔ́ŋɔ lɛ har rɩ́ ko, a bʋl Sayul rɩ́ bʋlɛ́: >>Bɩrfá ko, Filisiti nɩɛ nɛ́ kúé aá yo tɔ́ɔ́.>> 28 Ɛ́ nɛ́ Sayul pi Davidi kiré tá, ká bɩrmʋ́ céŋ Filisiti nɩɛ. Ɛ́ nɛ́ ɓa ka ɛ́ dɩhɩ̃́ aá yɩ́rɛ >>Ɓacákɔ́ bʋ́ɩ́>>.