21
1 Ɛ́ nɛ́ Davidi isi col, ká Zonataŋ má bɩrzʋ tɔ́ɔ́ sɩɛrʋ.Davidi fɔ́ɔ́ mʋ́ Nɔɔbɛ
2 Davidi mʋ́ Nɔɔbɛ, vʋk'ɔɔsɔ Ahimɛlɛkɛ rɩ́. Ahimɛlɛkɛ lɩɩ cémú, a cícel ká bɔsɛ bʋlɛ́: «Beérí ɩ dʋŋɔ kúko ká nɛ́ŋ tóí har>>» 3 Davidi bʋl pɔ́ʋ́ bʋlɛ́: «Kuóro páŋ liŋó a bʋlɛ́: ‹Sɩ́ lo rí nɛ́ŋ wuu zɩŋ rɩ́ŋ nɛ́ tʋ́mɩ́, a sɩ́ ló rɩ́wɔ́ zɩŋ wɩ́ɩ́ ná ŋ há tʋ́mɩ́ bʋlɩ́ mʋ́ a.› Ɛ́ nɛ́ tɛ ŋ sɩ́ŋ harwa cɛ́ dɩhɩ̃́ oro, á há mákɛ́ pá náŋá. 4 Mʋl né mí, bee rí mɩ́nɩ́ rɩ́ , anɛ ɓɩdíílí>> Páŋ dɩpɛ́ŋwa bɔmmʋɔ́, ɛ́ raa má, óŋ ná há mɩnɛ́.>> 5 Ɛ́ nɛ́ vʋk'ɔɔsɔ Ahimɛlɛkɛ sɛ́: >>Dɩpɛŋ yɔ́ɔ́ wa toó, dɩpɛŋ ná ɓa há pá Wɩɩsɛ dʋŋɔ nɛ́ káánɛ́. Rɩɩ hartɩŋna nɩ́ wɩ háála pɩ́nɛ́, rɩ́ŋ kaa ko pɛ́ɩ́.>> 6 Davidi sɛ́: >>Á wɩ háála kɔwɛ aá pɛ́, a nɛ́ tɛ́ŋ ná mɛ́ ŋ háá mʋ́mʋ́ lal dɩhɩ̃́ a wɩ háála pɛ́ ɛ́. Á zaa valɛ́ né to lal yoe á lɛ; amá ŋ nɩɛ mʋ́ʋ́rɩ́wɔ́ tɩɩ. A tɩŋ ɛ́ wɩɛ, háála busunnu tórá mɛ́. 7 Ɛ́ nɛ́ vʋk'ɔɔsɔ ná lɩ́sɛ ɛ́ dɩpɛ́ŋ pá Davidi; bee wɩ́ɛ́ dɩpɛ́ŋ bamma báá fa to róŋ. Dɩpɛ́ŋ ná ɓa háá kaazʋʋ pá Wɩɩsɛ, a pii sakɛ tablɛ daha, ká rɩɩ ɓa kéŋ dɩpɛ́ŋ fɛlɛ zʋ, ɓa paa kaalɛ nɛ́. 8 Ɛ́ kal sɩɛ́, rɩ Sayul tʋtʋnnɔ oro má fa mɩŋ Wɩɩsɛ jaa mɛ́ ráŋ, aá sʋl Wɩɩsɛ. Sayul penʋɔla sɩɛrʋ bɩbar nɛ́; ʋ yɩr nɛ́ ká Dʋwɛgɛ, a lɛ Edɔŋ.
9 Davidi bɔsɛ Ahimɛlɛkɛ: >>Cɔlmɛ tóí rí rɛɛ́, ɛ́ rá má tókowí>> Kuóro tʋmɛ́ ná lʋ́mɩ́ŋ tɛŋ mɛ́, ŋ wɩ wóllé cɛ́ píŋ tókowí, ŋ wɩ́ŋ lal cɩ́ká wuu píé.>> 10 Ɛ́ nɛ́ vʋk'ɔɔsɔ ná sɛ́: >>Filisiti nɩɛ báálɔ, Goliyatɛ ná ɩ há ɓʋ́ɛ́ terebɛŋtɛwa butuo sɩɛrʋ, ʋ tókowí ní rɛ́ɛ́. Ʋ nɛ́ ɓa ka gɛrɔ tɔ́, a pii bil vʋk'ɔɔsa gɛnnɛ har rɩ́. Rɩɩ́ jɔ́ʋ́ nɛ́, ɩ pi; ʋ dʋŋɔ nɛ́ ká lal yóórí óŋ rɛ́ɛ́.>> Davidi sɛ́: >>Rɩ́ oro baa mɩŋ a kɩ́llʋ́>> Kaa páŋ.>>
Davidi mʋ́ Filisiti nɩɛ rɩ́, Gatɛ mɛ́
11 Davidi ísó a fá kɛkɛ Sayul mí, ɛ́ kal. A mʋ́ peri Gatɛ tɩ́náwa kuóro Akisi dɩhɩ̃́. 12 Ɛ́ nɛ́ Akisi tʋtʋnna zʋʋ bʋ́l pɔ́ʋ́́ bʋlɛ́: >>Davidi raá rɛ́ɛ́, tɔ́ɔ́ kuóro>> Ʋ raá ɓa yɛ yɩɩla pá a bʋlɛ́:
>>Sayul ɓʋ́ dɩŋdɔmɔ bʋ́ɩ́,
ká Davidi ɓʋ́wɔ́ bʋ́ɩ́ fí> >>»
13 Davidi nɛ́ ɛ́ wɩ́ɛ́, ɓa dʋ́mʋ́ baŋcɩla mɛ́, ká kuóro Akisi héwíŋ wuu kánʋ́. 14 Ʋ de isi aá a gɩŋgáwɩ́ɛ́ Filisiti nɩɛ sɩ́ɛ́ mɛ́. A yiki wɩ́ɛ́ aá yo, a mʋ́ aá tuuri onni dánnʋzeno boro nyúú, a gaarɛ mɩŋtʋɔrʋ aá hóú tɔma mɛ. 15 Ɛ́ nɛ́ Akisi bʋ́lʋ́ tʋtʋnna rɩ́ bʋlɛ́: «Ɩ́ tɩɩ ná báálɔ́ né ʋʋ́ gáásʋ́ nɛ́; beé rí ɩ́ kánʋ́ aá koŋ rí>> 16 Gɩŋgátɩ́ɩ́ná rɛ́ ŋ jaagúl, ɩ́ ka ŋ́ né ko, ʋ ɩ́ a gɩŋgáwɩ́ɛ́ nyáŋ ŋ sɩ́ɛ́ mɛ́>> Aɩ́! Ŋ́ né wɩŋ jaá zʋ.»