Zonataŋ rɩ́ Davidi tá nʋtallɛ pá náŋa
20
1 Davidi lɩ́ɔ́ fá Nayɔtɛ há mɩŋ Rama laka mɛ́. Ʋ mʋɔ̃́ ná Zonataŋ a bɔ́sʋ́: «Béé rí ŋ a>> Béé rí káŋ wɩ́zɔkɩ́, béé wɩ́bɔ́ŋ rɛ́ ŋ a cáásɩ́ áná, a makɛ rʋ́ʋ́ jɩ́jáŋ ɓʋ́ɩ́>>» 2 Zonataŋ bʋ́lʋ́ dɩhɩ̃́: «Ʋ to taŋá! Ɩ waá sʋwɛ. Ŋ áná ha wɩ wɩ́ɩ́ wuu ɛ́, rʋʋ ká wɩ́wíé ɛ́ rá má wɩ́zéní, rʋʋ wɩ bʋ́lɛ́ páŋ; Béé rí sɩ́ɛ́ tɛ ʋ pi ŋ né é fíféŋsíŋ mí>> Ɛ́ wɩ wó.» 3 Davidi sɛ́: «Ŋ ŋmɩ́ɛ́sɔ́ a pɛ́ɩ́ ɛ́ tɩɩ nʋ̃́ʋ̃́ nɛ́ sɩ́ɛ́ dé.Taŋa ɩ áná ɩ́ɔ̃́ wérí rɩŋ kɛ́ɩ́ naŋnɔ́ŋɔ nɛ́; ʋ ɩ́ɔ̃́ rɩɩ nɛ́ nʋ̃́, ɩ sɩɛrʋ sɩ́ zɔkɛ.» Ŋ ɩ́ɔ̃́ rɩ Nyúútɩna Wɩɩsɛ wómmó ká ɩ má wommi, ʋ káánɛ mʋ́ɔ̃́ɔ̃́ káŋ sʋwɛ.» 4 Zonataŋ bʋ́l Davidi rɩ́ bʋlɛ: «Ɩ há jɔ́ʋ́ ná ŋ sɩ́ ɔ́́ʋ́ pɛ́ɩ́.» 5 Ɛ́ nɛ́ Davidi bʋl Zonataŋ rɩ́: «Cíé ní ká caŋfɛlɔ cana, ʋ mɔhɔ̃́ rɩ́ŋ rɩ́ kúóro ké di ɓɩɛ; táŋ rɩ́ŋ col, rɩ́ŋ mʋ́ féŋsi baka mɛ́ a káá ja tápʋlɛ botoro kal gbaŋ.» 6 Rɩɩ áná nɛ́ kué rɩ́ jɩ́jáŋ rɩ́ bɩ́bɔ́sɩ́ŋ wɩ́ɛ́ lʋ́ŋlʋ́ŋ, bʋl pɔʋ́ rɩ́ŋ sʋ́l ŋmɛ́nɔ ɩ rɩ́, rɩ́ŋ mʋ́ŋ t ɔ́ɔ́ Beteleyɛmɛ kɩ́kɛ́lɛ́, béé wɩ́ɛ́ ŋ jaa nɩɛ wuu bɩna súó vʋk' ɔsɔ́ kal nɛ́. 7 Rʋʋ nɛ́ sɛ́: ‹Ʋ wéró! wɩ́ɩ́ tóó a páŋ nɛ́ ɛ́; amá rʋʋ cɔ́ɛ́ nɛ́ ísé, ɩ sɛ́ zɩŋ rʋʋ ɓɩ́ɛ́na jáŋ ɓʋ́ɩ́ nɛ́.› 8 Ɩ wo wérí tʋŋ áá páŋ, béé wɩ́ɛ́ á tá nʋɔ nɛ́ a dí náŋá nanɔŋnɛ Nyuutɩna yɩr mɛ́. Ɛ́ wɩ́ɛ́ rɩŋ nɛ́ á wɩ́ɩ́ rɩ́ zɔkɛ, ɩ tɩɩ de ɓʋ́ŋ, béé rí tɛ ɩ píŋ áá héí áná nɛ́sɛ mɛ́ nɛ́>>9 Zonataŋ sɛ́: «Sɩ́ ɛ́ bɩ́ɩ́nʋ́, rɩ́ŋ áná jɩ́ja rʋ́ʋ́ ɛ́ɩ́ bɔ́ŋbɔ́ŋ rɩ́ŋ zɩŋ ká sɩ́ bʋ́lɩ́ pɛ́ɩ́>>» 10 Davidi bʋl Zonataŋ rɩ́ bʋlɛ́: «Áŋ rɛ́ sɩ́ ko bʋl páŋ rɩ áná nɛ́ ísé rɩ́ hɩ́háksɛ wɩ́ɛ́ ɩ dɩhɩ̃́>> 11 Ɛ́ nɛ́ Zonataŋ bʋl Davidi dɩhɩ̃́ bʋlɛ́: «Ko rá mʋ́ baka.» Ɓa wuu bɛllɛ col baka ná. 12 Zonataŋ bʋl Davidi dɩhɩ̃́ bʋlɛ́: «Rɩ́ Ɩzɩrayɛl Nyuutɩna Wɩɩsɛ nɛ́ árá dáŋsɩ́ɛ́, ŋ nɛ́ bʋ́lɛ́ pɛ́ɩ́, cíé nyɛ cɛ́rɛ mɛ́ ɛ́ra má cíéto rɩŋ bɔ́sɩ́ŋ áná a nóú sabɩŋsɛ. Rʋ sabɩna nɩ́ weré a cáásɩ́, ŋ sɩ́ bʋl pɛ́ɩ́. 13 Rɩŋ áná nɩ́ɩ́ já rʋ́ʋ́ ɛ́ɩ́ bɔ́ŋbɔ́ŋ ká rɩŋ nɛ́ wɩ bʋ́lɛ́ pɛ́ɩ́, rɩ́ nyuutɩna Wɩɩsɛ bɛŋsɩ́ŋ, a baa bɩrɛ cɛ́ dahá bɛŋsɩ́ŋ ŋ há wɩ bʋ́lɛ́ pɛ́ɩ́ rɩ́ fá wɩ́ɛ́. Ŋŋ́ já rɩ́ Nyuutɩna mɩnɩ́ har, anɛ ɛ́ ʋ fa há mɩ́nɩŋ áná har. 14 A káá mʋ́ wuu, rɩŋ nɛ́ háá hiẽ́sé tʋŋ wérí arɩ́ Nyuutɩna cólle a cáásɩ́ŋ, a makɛ rɩ́ŋ sɩ́ sʋ́wʋ́. 15 Rɩŋ nɛ́ sʋ́wɛ́ má ha de tʋŋ wérí wuu arɩ́ cólle a cáásɩ́ŋ jaa nɩɛ, rɩ Nyuutɩna ní kué a, rɩ́ɩ́ dɩŋdɔmɔ nyɩ́ɩ́kɛ tíé nyúú balá baláwa má.» 16 Ɛ́ nɛ́ Zonataŋ tá nʋɔ arɩ́ Davidi jaa nɩɛ a bʋlɛ́: «Rɩ́ Nyuutɩna Wɩɩsɛ dí tɛŋbuoró Davidi dɩŋdɔma nyúú!» 17 Ʋ báá sʋ́l Davidi rʋ́ʋ́ baa tá nʋtálɔ a rɩ́ cólle ná ʋ há kené a rɩ́rʋ́ yɩr mɛ́; bee wɩ́ɛ́ ʋ sɩ́ɛ́ ɓɩ́ɛ́na fa có Davidi rɩ́rʋ́ sɩɛrʋ wuu ní. 18 Zonataŋ bʋl pɔʋ́: «Cié nɛ́ ká caŋfɛlɔ cana kal; ɓa sɩ́ zɩŋ rɩ́ wɩ kué, béé wɩ́ɛ́ ɩ dɩkéni sɩ́ cɛ́ yɔ́ɔ́.» 19 Cié tóó, mʋ́ kɩ́kɛ́lɛ́ a féŋsi dɩhɩ̃́ ná ɩ fa há féŋsé wɩ́ɩ́ né kal ná, Ɩzɛl dɔ́wɩ́ ná laka. 20 Ŋ sɩ́ yo tuhɛmɛ botoro anɛ omo ŋ há yoé a caasɛ ɛ́ dɩhɩ̃́. 21 Ká sɩ́ɛ́ tʋŋ heŋbie: Mʋ́ jaa pa túhɛmɛ ná.Rɩŋ nɛ́ bʋ́lʋ́ dɩhɩ̃: ‹Bel rɛ́ɛ́wa, hɛmɛ ná mɩ́nɩ́ laka, pɔ́wɔ́›, zɩŋ rɛ́ wɩ́ɛ́ ná wuu cɛ́rɔ́ pɛ́ɩ́ nɛ́ ɛ́, ɩ wuóló bɩrɛ áá ko. Nyuutɩna sɩ́ɛ́ nɛ́ ŋ bʋl, wɩ́ɩ́ wuu tóó ni ɛ́. 22 Amá rɩŋ nɛ́ bʋ́lʋ́ dɩhɩ̃́: ‹Ɩ rɩ́ hɛmɛ ná dɩhɩ̃́ ha bóló!› Ɛ́ wɩ́ɛ́ ɩ de cɩ́col, béé wɩ́ɛ́ Nyuutɩna nɛ́ có rɩ́ col. 23 Nʋtálɔ ná ŋ rɩ́rɩ́ há tɛ́ɩ́ a pá náŋá, Nyuutɩna Wɩɩsɛ sɩ́ a rá cɛ́ tɩkɛ arɩ́ taŋá a káá mʋ́ wuu.» 24 Davidi sɩ́ɛ́ mʋ́ féŋsi baka sɩɛrʋ.
Sayul dé caasɛ aá ja Davidi ɓʋ́ɩ́ nɛ́
Caŋfɛlɔ cana kal, kuoro Sayul mʋ́ɔ́ ké rʋ́ʋ́ dí ɓɩɛ. 25 Kuoro sɩ́ɛ́ kénú kuoɓasa daha anɛ ɛ́ ʋ há válɛ́ kiké a yelli zeŋ mí, Zonataŋ isi ká Abinɛr ko ké Sayul laka, amá Davidi dɩkéni dé cɛ́ yɔ́ɔ́ nɛ́. 26 Amá Sayul wɩ wɩ́ɩ́ wuu bʋ́lɛ́ ɛ́ kal; Ʋ bɩ́ɩ́nɔ́ rɩ Davidi há wɩ kué ná, ʋ á busunu wɩ́ɩ́ rɛ́. 27 Ʋ tɔ́ɔ́ há pʋ́lɛ́, caŋfɛlɔ tápʋlɛ bɛlɛ kal Davidi dɩkéni ha dé cɛ́ yɔ́ɔ́ nɛ́. Ɛ́ nɛ́ Sayul bʋ́lʋ́ bio Zonataŋ rɩ́: «Béé rí tɛ Ezayu bio die rɩ́ zaa wɩ ɓɩdííli dɩhɩ̃́ kué>> 28 Zonataŋ bʋ́l>> kuóro Sayul rɩ́: «Davidi sʋ́lɩ́ŋ wérí rɩ́ŋ tɔ́ɔ́ rʋ́ mʋ́ Beteleyɛmɛ. 29 Ʋ sɛ́: ‹Lo rɩ́ŋ col, ŋŋ́ sʋ́lɩ́ béé wɩ́ɛ́ á kéŋ jaa vʋk'ɔsɔ́ ráŋ, ɛ́ nɛ́ ŋ máálá yɩ́rɩ́ŋ rɩ́ŋ ko. Rɩŋ nɛ́ kɛ́ɩ́ naŋnɔ́ŋ é, lo rɩ́ŋ fá mʋ́ néŋ mááláwa.› Ná ɛ́ há tɛ Davidi wɩ́ dɩhɩ̃́ kué rʋ́ dí cana ɓɩdííli.» 30 Ɛ́ nɛ́ kuóro Sayul cɔ́ɛ́ isi Zonataŋ nyúú ɛ́ nɛ́ ʋ bʋ́lʋ́ rɩ́: «Hátɔk bio! Ŋ ɩ́ɔ̃́ rɩ ká Ezayu bio né naŋnɔ́ŋɔ nɛ́, ʋ kɛ́ɩ́ hɩ̃ɩ̃sɛ́ a ɛ́ɩ́ maá hɩ̃ɩ̃sɛ́. 31 Amá zesi wɩ́ɩ́ né wérí: Rɩ Ezayu bio né ní dé wɩ sʋ́wɛ́ ɩ wáá wóllí dí kuorí; ɛ́ wɩ́ɛ́ tʋŋ nɛ́ŋ rʋ́ʋ́ mʋ́ kánʋ́ a kaa ko páŋ, béé wɩ́ɛ́ ʋ mɔhɛ̃́ ɓʋɩ́. 32 Zonataŋ bɔ́sʋ́ áná Sayul: Béé rí tɛ ʋ mɔ ɓʋɩ́>> Béé wɩ́bɔ́ŋ rɛ́ ʋ a>> 33 Ɛ́ nɛ́ Sayul de kánʋ́ cɔlmɛ ɓɔ́ cáásʋ́ rʋ́ yakɛ. Ɛ́ nɛ́ Zonataŋ zɩŋ rʋ áná fa kénú tɩɩ rɛ́ wérí rʋ́ ɓʋ́ Davidi. 34 Zonataŋ cɔ́ɛ́ isó kɩ́ŋkáŋ ʋ isi ká tá ɓɩdííli. Ká caŋfɛlɔ tápʋlɛ bɛllɛ kal ʋ wɩ cana ɓɩdííle díé; béé wɩ́ɛ́ ʋ sɩɛrʋ zɔ́kɔ́ wérí Davidi wɩ́ɛ́, ʋ áná há tʋ́ksɛ́ Davidi bɔ́ŋbɔ́ŋ.
35 Ʋ tɔ́ɔ́ há pʋ́lɛ́ cɩ́cʋɔ, Zonataŋ mʋ́ baka, cémé ná ʋ rɩ́ Davidi fa há vʋ́ʋ́rɛ́ bil; a ká biwie fa tɩ́ŋʋ́ mɛ́. 36 Ʋ bʋ́l biwie rɩ́: «Fá lasɩ́ɛ́! A tʋɔsɛ túhɛmɛ ná ŋ há sɩ́ yo.»Biwie fa ká Zonataŋ yo túhɛŋ ʋ mʋ́ dáárʋ́. 37 Biwie há mʋ́ɛ́ peri Zonataŋ há yó tuhɛŋ ʋ mʋ́ ɓal ráŋ ná, Zonataŋ yɩ́rʋ́: «Ɩ rɩ́ túhɛŋ ná wɩ bol kɩ́ŋkáŋ rɛ́>>» 38 Ʋ báá yɩ́rʋ́: «Kɩ́kɛ́lɛ́, hé doé, sɩ́ cɩ́nʋ́!» Ɛ́ nɛ́ Zonataŋ biwie pi túhɛŋ ná a kaa bɩrɛ kóú nyúútɩna rɩ́. 39 Biwie é fa wɩ wɩ́ɩ́ mʋ́l ɛ̃; Zonataŋ rɩ́ Davidi dʋŋɔ nɛ́ fa ɩ́ɛ̃́. 40 Zonataŋ púú tuó rɩ́rʋ́ túhɛmɛ a pá biwie ná a bʋlʋ́ kaa bɩrɛ mʋ́ tɔ́ɔ́ sɩɛrʋ. 41 Biwie ná há cólé, Davidi isó lʋ́ʋ́ dɩféŋsi, dɔ́wɩ́ ná néduu lúlɔ́ŋɛ rɩ́, a kánʋ́ sɩ́ɛ́ cú tíé naasɩ́ botoro Zonataŋ sɩ́ɛ́, ɓa wuu baasɛ náŋá báŋá mɛ́ a wi kɩ́ŋkáŋ. 42 Ɛ́ nɛ́ Zonataŋ bʋl Davidi dɩhɩ̃: «Mʋ́ rɩ́ tɛŋfɩ́ɛ́l, mʋ́lnéémi á wuu há tá nʋtálɔ Nyuutɩna Wɩɩsɛ yɩr mɛ́ a bʋlɛ́: «Rɩ́ Nyuutɩna Wɩɩsɛ a dáŋsɩ́ɛ́ ŋ rɩ́rɩ́ pɛ́kɛ, a a daŋsɩ́ɛ́ á duo nɩɛ m á pɛkɛ a kaámʋ́ wuu.»