1 Samɩɛl 12

Samɩɛl hatɩ́ŋnɛ́ líŋsi

1 Samɩɛl bʋ́l Ɩzɩrayɛl nɩɛ rɩ́ bʋlɛ́: >>Ɩ́ ná, ŋ zésíwa liŋó, a ɔ́ʋ́ ná wuu ɩ́ há sɩ́ŋ a. Ŋ bíl kuóro má pɛ́ɩ́wa. 2 Mʋ́lnémí sɩɛ́, ɩ́ ná kuóro ná há sɩ́ lɛ́ɩ́wa sɩ́ɛ́, a kánɩ́ɩ́wa aá va. Ŋ nɛ́ keníwa va ŋ heŋbíírí mí wuu a ko lɛ zaa. Amá ŋ é nɩ́ɩ́nɔ́, ŋ nyúú wuu tʋ́ʋ́sɛ; ŋ bɛlɛ nɛ́́ ha mɩ́nɩ́ɩ́wa sɩɛrʋ nyɛ. 3 Ɩ́ náŋ nɛ́ cɩ́nɩ́ɩ́wa sɩ́ɛ́! Ɩ́ bʋl taŋá Nyuutɩna Wɩɩsɛ sɩ́ɛ́ a rɩ́rʋ́ nɩlɩ́sɛ sɩ́ɛ́: Ɩ́ orí nɔ́ɔ́ rɛ́ ŋ la>> Ɩ́ orí kokúme é rí sɩɛ́ ŋ la>> Ŋ vɩ́rɩ́wa oro>> Ŋ bɛ́ŋsɩ́ɩ́wa oro>> Ɩ́ orí kéŋ meéwí ko páŋ, ŋ la ká a anɛ ŋ wʋ́ʋ́ wɩ́'állɛ né>> Rɩŋ lá nɛ́ŋ óŋ ɛ́, ʋ́ bʋl rɩ́ŋ jɔ́ʋ́ ɓɩnɔ pɔ́ʋ́.>> 4 Ɛ́ nɛ́ ɓa sɛ́: >>Ɩ wɩ́rá vɩ́rɛ́, ɩ wɩ́rá bɛ́ŋsɛ́, ɩ wɩ́rá nɛ́ŋ wuu óŋ lɛ́ɛ́.>> 5 Samɩɛl baa bʋlɛ́: >>Nuutɩna Wɩɩsɛ ká dáŋsɩ́ɛ́, kuóro má a dáŋsɩ́ɛ́, rɩŋ wɩ́ɩ́wa oro wuu wɩ́ɩ́ zɔ́kɛ́.>> Ɛ́ nɛ́ ɓa sɛ́: >>Óó! ɛ́ nɛ́!>> 6 Ká Samɩɛl sɩɛ́ bʋl jamáŋ ná wuu rɩ́ bʋlɛ́: >>Nyuutɩna Wɩɩsɛ nɛ́ lɩ́sɛ Moyizi rɩ́ Aarɔŋ, a tʋ́ŋwɔ́ ɓa kánɩ́wa naabálwa lɛ Ezipiti mí. 7 Ɛ́ wɩ́ɛ́, ɩ́ ko cɛ́ Nyuutɩna Wɩɩsɛ sɩ́ɛ́ rɛɛ́ mʋ́lnémí, rá dí náŋá sarɩ́ya; rʋ́ʋ́ a dáŋsɩ́ɛ́ ká rɩ́ŋ máŋsɛ wɩ́were ná wuu ʋ há ɛ́ɛ́ pɛ́ɩ́wa rɩ́rɩ́wa naabálwa. 8 Zakɔbɛ rɩ́rʋ́ jaa nɩɛ há kúé ké Ezipiti mí, wɩɩla péríwó, ɓa búŋsi pá Wɩɩsɛ; ɛ́ nɛ́ Wɩɩsɛ a Moyizi rɩ́ Aarɔŋ mʋ́ lɛ́ɩ́wa naabálwa tá, a káŋwɔ́ ko hé tɔ́ɔ́ né mí. 9 Amá ɩ́ naabálwa ná kúó sʋ́llɩ́wɔ́ Nyuutɩna Wɩɩsɛ, ɓa Wɩɩsɛ mɛ́; ɛ́ nɛ́ ʋ má píwó tá, a pá Hatsɔrɛ lalyoore kuóro Sizera, a ko píwó hé Filisiti nɩɛ nɛ́sɛ mɛ́, a baa píwó hé Mowabɛ kuóro má nɛ́sɛ mɛ́, ɓa rɩ́wɔ́ yo náŋá. 10 Ɓa baa búŋsi pá Nyuutɩna Wɩɩsɛ, rʋ́ʋ́ fáwɔ́ búŋse, a bʋ́lɛ́: >>Á ɔ́ɔ́ zɔ́kɩ́ɩ́ mɛ́ á Nyuutɩna Wɩɩsɛ; á vɛ́ɩ́ tá ká cʋɔlɛ Baalɛ wa rɩ́ Asɩtarte wa. Mʋ́lnémí sɩɛ́, lárata á dɩŋdɔmɔ nɛ́sɛ mɛ́, á sɩ́ tɩ́ŋɩ́ mɛ́.>> 11 Ɛ́ nɛ́ Nyuutɩna Wɩɩsɛ tʋŋ Yerubaalɛ, rɩ́ Bedaŋ, rɩ́ Zefite, arɩ́rɩ́ŋ Samɩɛl. Ɓa ko lɛ́ɩ́wa ta ɩ́ kílo dɩŋdɔmɔ wuu nɛ́sɛ mɛ́, ká ɩ́ ké arɩ́ tɛŋfɩ́ɛ́l. 12 Ɩ́ há kúé ná Amɔŋ bɛlɛ kuóro Nahakɛ rʋʋ kúó rʋ́ʋ́ yo lal arɩ́rɩ́ wa, ɩ́ bʋ́lɩ́ŋ rɩ́ bʋlɛ́: >>Áá ja kuóro ní!>> A nɛ́ Nyuutɩna Wɩɩsɛ há kɛ́ɩ́wa kuóro ná, ʋ wɩ mɔhɛ̃́. 13 Ɩ́ ná kuóro ná ɩ́ há bɛ́llɛ́ lɩ́sɛ; ɩ́ há sʋ́l kuóro ná, ɩ́ nóú ní Nyuutɩna Wɩɩsɛ pɛ́ɩ́wa. 14 Rɩɩ́wa nɛ́ sɩɛ́ fá nyuutɩna Wɩɩsɛ, a tʋŋ aá pɔ́ʋ́, aá zésú liŋó ká wʋ́ʋ́ wɩ́bʋlɛ vɛ́ɛ́ tá, ɩ́ Wɩɩsɛ sɩ́ lo rɩ́ɩ́wa rɩ́rɩ́wa kuóro tɩ́ŋʋ́ mɛ́. 15 Amá rɩɩ́wa vɔ́ʋ́ liŋó zesé, a vɔ́ʋ́ wɩ́bʋlɛ má saŋɛ́, Nyuutɩna Wɩɩsɛ nɛ́sɛ sɩ́ túwíwa nyúú, anɛ ʋ há túwíwa naabálwa nyúú ɛ́. 16 Mʋ́lnémí, ɩ́ ko cɛ́́ rɛ́ɛ́, ká ná Nyuutɩna Wɩɩsɛ há á rʋ́ʋ́́ tʋ́mʋ́ ná ɩ́ sɩ́ɛ́ mɛ́. 17 Bilé kʋsɛ́ tɛ́ŋ raá rɛ́ɛ́>> Ŋ sɩ́ yɩ́rɛ hé nyuutɩna Wɩɩsɛ mɛ́, rʋ́ʋ́ a rɩ́ duóŋ ko, a ɓɛ ɓɛ́llɛ. Ɛ́ nɛ́ rɩ́ɩ́wa zɩŋ rɩ́ɩ́wa há sʋ́l kuóro ná, ʋ ɛ́ ká wɩ́bɔ́ŋ ɓɩzéní rí Nyuutɩna Wɩɩsɛ sɩ́ɛ́ mɛ́.>> 18 Samɩɛl yɩ́rɛ hé Nyuutɩna Wɩɩsɛ mɛ́, ʋ a duóŋ ko a ɓɛ ɛ́ kal wuu. Ɛ́ nɛ́ jamáŋ wuu fá Nyuutɩna Wɩɩsɛ héwíŋ, a fá Samɩɛl má héwíŋ. 19 Ɛ́ nɛ́ ɓa wuu isi bʋl Samɩɛl rɩ́ bʋlɛ́: >>Sʋ́l Nyuutɩna Wɩɩsɛ ɩ Wɩɩsɛ ná párá, a makɛ ráá sɩ́ sʋ́sʋ́; á há sʋ́l kuóro ná, ʋ ká wɩ́bɔ́ŋ rɛ́, a súúrírá wɩ́bɔmɔ náŋá mɛ́.>> 20 Samɩɛl bʋ́lwɔ́ rɩ́́ bʋlɛ́: >>Ɩ́ sɩ́ Héwíŋ fá! Ʋ ká wɩ́bɔ́ŋ é rí ɩ́ a; amá, ɩ́ sɩ́ Nyuutɩna Wɩɩsɛ vɛ́ɛ́tá, ɩ́ tʋŋ pɔ́ʋ́ a rɩ́rɩ́ɩ́wa sɩɛrʋ wuu. 21 Rɩɩ́wa kúó pí Nyuutɩna Wɩɩsɛ tá, ɩ́ɩ́ mʋ́ cʋɔlɛ wɩyɔ́ɔ́wa ná há wɩ wɩ́ɩ́ mɛ́ séké, a wɩ́ɩwá wo la aá tá nɛ́. Beewɩ́ɛ́ ɓa ká wɩyɔ́ɔ́wa nɛ́. 22 Nyuutɩna Wɩɩsɛ há lɩ́sɩ́wa rɩ́ɩ́wa ɔ́ʋ́ duo, ʋ wɩ́ɩ́wa vɛ́ɛ́ tá, ʋ yɩzeno zɔkɛ́ wɩ́ɛ́. 23 Rɩŋ má nɛ́ wɩ Nyuutɩna Wɩɩsɛ sʋ́lɛ́ aá pɛ́ɩ́wa, ʋ ká wɩ́bɔ́ŋ rɛ́ ɛ́ ŋ aa caasɛ Wɩɩsɛ. Ŋ ha sɩ́ máŋsɛ wérí wérí arɩ́ bɔŋ bɔŋ aá pɛ́ɩ́wa. 24 Ɩ́ taŋa fá Nyuutɩna Wɩɩsɛ nɛ́, a tʋŋ pɔ́ʋ́ arɩ́ táŋa, a rɩ́rɩ́wa sɩɛrʋ wuu. Ɩ́ nóú há a wɩ́zeŋsi mɔ ɛ́ a pɛ́ɩ́wa! 25 Amá rɩ́ɩ́wa vɔ́ɔ́ ká tʋ́ŋ́ bɔ́ŋ bɔ́ŋ, ɩ́ɩ́ sʋ́sʋ́ nɛ́, ɩ́ rɩ́rɩ́wa kuóro wuu.>>