10
1 Ɛ́ nɛ́ Samɩɛl pi nʋʋ rɩ́ loŋŋo, a cuuri Sayul nyúú mí, a kánʋ́ kormi, ká bʋlɛ́: >>Nyuutɩna Wɩɩsɛ tɩɩ nɛ́ hé nyúcúúrínʋʋ ɩ nyúú mí, rɩ́ɩ́ ɔ́ʋ́ duo nɩɛ kuóro. 2 Ɩ háá á rɩ́ɩ́ kɛ́kɩ́ŋ mɛ́ rɛ́ɛ́ mʋ́lnémí, ɩ sɩ́ céŋ báála bɛllɛ Selsa mɛ́; rɩɩ ɓa mɩŋ Rasɛl lɛlbule laka, Bɛŋzamɛ duo nɩɛ súsúbʋɔ mɛ́. Ɓa sɩ́ bʋl pɛ́ɩ́ bʋlɛ́: >>Kokúmaáwa ná ɩ há lɩ́ɛ́ aá ja, ɓa nówó rí. Ɩ áná báá wʋ́ɔ́ wɩ́ɛ́ bɩɩnɛ, ʋ bɩ́rɔ́ aá bɩ́ɩ́nɩ́ wa wɩ́ɛ́ nɛ́, ʋ háá a ɛ́ káá nóú bio.>> 3 Rɩɩ dáárɩ́wɔ́ mɛ́ mʋ́ sɩɛ́ mʋɔ́, ɩ sɩ́ mʋ́ peri Taborɛ tuu ná ɓa háá yɩ́rɛ sɛɛnɛ. Raŋ nɛ́ rɩ́ɩ́ céŋ Báála botoro há kúé aá mʋ́ Wɩɩsɛ cʋɔlɛ́ Betɛl mɛ́. Ɓa nɔ́ŋɔ cɩ́ɩ́nɛ bʋwiisi botoro, nɔ́ŋɔ ka dɩpɛŋwa botoro, ká nɔ́ŋɔ má laalɛ pur rɩ́ dɩvɛ́ŋ. 4 Ɓa sɩ́ bɔ́llɩ́ ká lɩ́sɛ dɩpɛŋ bɛllɛ pɛ́ɩ́; lɔ́wɔ́ ɓa nɛ́sɛ mɛ́. 5 Ɩ sɩ́ daarɛ ráŋ a mʋ́ peri dɩhɩ̃́ ná ɓa háá yɩ́rɛ Gibeya'elohiŋ, Filisiti nɩɛ sɩ́dííre há cíkí ráŋ ná. Rɩɩ nɛ́ lɛ́ ráŋ zʋ tɔ́ɔ́ sɩɛrʋ, ɩ sɩ́ céŋ Wɩɩsɛ wɩ́laabʋlla ɓɩkana rɩ ɓa lɛ́ tɔ́ɔ́ dúŋdúóŋ nyúú aá ko; a la Wɩɩsɛ nʋɔ wɩ́ɛ́ bʋl aá pá jamáŋ, ká nɩɛ lɔ́wɔ́ sɩ́ɛ́ aá dú cemo, rɩ́ beŋtére, aá mu muule, rɩ́ nyɩ́la. 6 Nyuutɩna Wɩɩsɛ Sabɩɩna sɩ́ túwí nyúú, a kánɩ́ bɩ́rsɛ rɩ́ɩ́ a nibíhúó, a má la Wɩɩsɛ nʋɔ wɩ́ɛ́ bʋl aá pá nɩɛ ɓa sɩɛrʋ. 7 Rɩɩ kúó ná wɩ́ɛ́ nyáŋ wuu ŋ há máŋsɛ́ rɩɩ ɓa tʋ́mɔ́, zɩŋ rɛ́ Wɩɩsɛ mɩ́nɩ́ har. Ɛ́ wɩ́ɛ́, ɔ́ʋ́ ná wuu ɩ há né rʋʋ cɛ́rɔ́. 8 Ká rɩ́ɩ́ láŋ sɩ́ɛ́ tuwi Gilgal rɩ́ŋ kúkó. Ŋ sɩ́ ko púí ró́ŋ, a ɔsɛ vʋkfísi*, arɩ́ vʋk ná ɓa háá tʋɔsɛ Wɩɩsɛ kere dʋŋɔ a físi*. Ɩ sɩ́ ké ráŋ tápʋlɛ balpɛ a dɛ́llɩ́ŋ rɩ́ŋ ko, a mákɩ́ há mɔhɛ̃́ rɩ́ɩ́ ɔ́ʋ́ ná.>>9 Sayul há ísé a kɛkɛ Samɩɛl mɛ́ tenni, Wɩɩsɛ kenú sabɩɩna bɩ́rsɛ ɓóŋ. Ká Samɩɛl há máŋsɛ wɩ́ɛ́ ná má wuu nʋɔ sú ɛ́ kal tɩɩ. 10 Sayul rɩ́rʋ́ tʋtʋnnɔ ná há mʋ́ɛ́ peri Gibeya, Wɩɩsɛ wɩ́laabʋlla ɓikana ísó céŋwó ráŋ. Wɩɩsɛ Sabɩɩna tuwi Sayul nyúú, ʋ má zʋ́wɔ́ sɩɛrʋ a la Wɩɩsɛ nʋɔ wɩ́ɛ́ aá bʋl. 11 Nɩɛ ná wuu fa há ʋ́ʋ̃́, nóú rʋʋ lá Wɩɩsɛ nʋɔ wɩ́ɛ́ aá bʋl, Wɩɩsɛ wɩ́laabʋlla sɩɛrʋ. Ɛ́ nɛ́ ɓa bɩ́bɔsɛ náŋá a bʋlɛ́: >>Beé rí pérí, Kiisi bio>> Sayul má ká Wɩɩsɛ wɩ́laabbʋllʋ́ rɛ́> >> 12 Ɛ́ dɩhɩ̃́ báálɔ nɔ́ŋɔ sɛ́: >>Áŋ rɛ́ sɩɛ́ kɔ́wɔ́ áná> >> Ɛ́ nɛ́ ɓa sʋ́ɔ́lɛ bʋlɛ́: >>Sayul má mɩŋ Wɩɩsɛ wɩ́laabʋlla sɩɛrʋ rɛ́> >> 13 Sayul há lá Wɩɩsɛ nʋɔ wɩ́ɛ́ bʋl tenni, ʋ ísó mʋ́ tɔ́ɔ́ dúŋdúóŋ nyúú. 14 Sayul aŋwie bɔ́sʋ́ rɩ́rʋ́ tʋtʋnɔ ná bʋlɛ: >>Ɩ́ fa mʋ́ nɛ́ɛ́> >> >> Ɛ́ nɛ́ Sayul sɛ́: >>Á lɩ́ɔ́ ja kokúháála ná nɛ́. Á sɩɛ́ wʋ́ɔ́ né, ɛ́ nɛ́ á mʋ́ vʋrɛ Samɩɛl.>> 15 Ʋ aŋwie ná bɔsɛ bʋlɛ́́: >>Samɩɛl há bʋ́lʋ́ ná́ pɛ́ɩ́wa,cesi páŋ.>> 16 Sayul sɛ́: >>Ʋ sɛ́ ɓa ná kokúsi ná rɛ́.>> Amá kuorí ná é wɩ́ɛ́ Samɩɛl há bʋ́lɛ́, ʋ wʋ́ʋ́ wɩ́ɛ́́ bʋ́lɛ́ pɔ́ʋ́ aŋwie.
Sayul dí kuorí
17 Samɩɛl yɩ́rɛ jamáŋ wuu ɓa ko Nyuutɩna Wɩɩsɛ sɩ́ɛ́ ráŋ ná ɓa háá yɩ́rɛ Misipa. 18 Ʋ bʋl Ɩzɩrayɛl nɩɛ rɩ́ bʋlɛ́: >>Nyuutɩna Wɩɩsɛ há ká Ɩzɩrayɛl Wɩɩsɛ, ʋ sɛ́: >>Ŋ nɛ́ lɩ́sɛ Ɩzɩrayɛl duo nɩɛ Ezipiti mí, a lɔ́wɔ́ tá Ezipiti nɩɛ nɛ́sɛ mɛ́, arɩ́ kuóre ná náŋa rɩ́wɔ́ nɩɛ má fa háá bɛ́ŋsɩ́wɔ́ nɛ́sɛ mɛ́.>> 19 Ɩ́ zaa vɛ́ɩ́wa Wɩɩsɛ ná die há lɛ́ɩ́wa tá, ɩ́ wɩɩla rɩ́rɩ́wa sazɔkɔ́ wuu mí, ká bʋlʋ́ ja kuóro pɛ́ɩ́wa. Ɩ́ ko lɛ Nyuutɩna Wɩɩsɛ sɩ́ɛ́ rɛɛ́, a ké jɩmʋ́lwa, arɩ́ jaáwa.>>
20 Samɩɛl a Ɩzɩrayɛl nɩɛ jɩmʋ́ʋ́la wuu tuuperi, ɓa yo bíé a ka Bɛŋzamɛ jɩmʋ́l. 21 Ʋ a Bɛŋzamɛ jɩmʋ́l nɩɛ tuuperi, jaáwa, ɓa yo a ka Matiri jaa. A baa zʋ Matiri jaa sɩɛrʋ, a ka Kiisi bio Sayul. Ɓa ja Sayul, ká wʋ́ʋ́ né. 22 Ɓa baa bɔsɛ Nyuutɩna Wɩɩsɛ bʋlɛ́: >>Ɛ́ báálɔ kó rɛɛ́ é rí> >> Ɛ́ nɛ́ Nyuutɩna Wɩɩsɛ sɛ́: >>Nóú ní féŋsi cɩksɛ har rɩ́.>> 23 Ɓa mʋ́ lɩ́sʋ́ ráŋ, ʋ ko zʋʋ cɛ́ jamáŋ sɩ́sɩ́ɛ́nnʋ́wa, a kieki nɩɛ wuu mí. 24 Samɩɛl sɩɛ́ bʋl jamáŋ wuu rɩ́: >>Ɩ́ ná nɛrɔ ná Nyuutɩna Wɩɩsɛ há lɩ́sɛ́; Ɩzɩrayɛl wuu mí ʋ nɔ́ŋ tóó.>> Jamáŋ ná wuu de cáási a bʋlɛ́: >>Rɩ́ kuóro ka mɩgbó!>> 25 Ɛ́ nɛ́ Samɩɛl máŋsɛ wɩ́ɛ́ ná há mɔhɛ̃́ rɩ́wɔ́ aa pá kuóro, arɩ́ kuóro má há mɔhɛ̃́ rʋ́ʋ́ ɔ́wɔ́ ná wuu pɔ́wɔ́, ká pʋ́ŋsɩ́wɔ́ wuu hé kɛnɔ mɛ́, a pii bil Nyuutɩna Wɩɩsɛ sɩ́ɛ́. Ká Samɩɛl tá nɩɛ ná wuu ɓa bɩrmʋ́ jɩɩsɛ́. 26 Sayul má bɩrmʋ́́ Gibeya ʋ tɔ́ɔ́. Wɩɩsɛ bʋl nɩtaŋáwa bamma rɩ́, ɓa tɩŋ Sayul mí a kánʋ́ mʋ́ʋ́ tɔ́ɔ́. 27 Amá, nɩkɔŋsa bamma má mɩ́ŋ ráŋ aá guoni Sayul, a wɩ zilé díé aá pɔ́ʋ́, ká bʋlɛ́: >>Ŋ́ né sɩ́ wólli lárá tá> >> Ká Sayul é ha táŋŋʋ́ nʋ́ɔ́.