1 Samɩɛl 9

Sayul wɩ́ɛ́

1 Bɛŋzamɛ duo nɩɛ sɩɛrʋ, báálɔ oro fa mɩŋ ráŋ a a nɩpíŋí, ɓaá yɩ́rʋ́ Kiisi. Ʋ áná nɛ́ ká Abɩɛl; Abɩɛl má áná nɛ́ ká Sɩrɔrɛ; Sɩrɔrɛ má áná nɛ́ ká Bekora; Bekora má áná nɛ́ ká Afia a lɛ Bɛŋzamɛ duo sɩɛrʋ. 2 Ɛ́ Kiisi sɩɛ́ fa kéŋ bihaŋpʋɔl oro, ʋ wér há kɛ Ɩsɩrayɛl bɛlɛ wuu; ʋ gbési má kɩ́llɩ́́wɔ́ wuu.

Kiisi kokúmaáwa yʋ́ksɔ́

3 Kal oro, Sayul áná Kiisi kokúmaáwa yʋksɛ. Ɛ́ nɛ́ ʋ bʋ́lʋ́ bio Sayul rɩ́ bʋlɛ́: «Isi ka tʋtʋnna nyáŋ nɔ́ŋɔ, rɩ́ɩ́wa lɩɩ ja kokúsi ná.» 4 Ʋ ka nɔ́ŋɔ, ɓa lɩɩ cɛl Efirayimi pallɛ dɩhɩ̃́ wuu, a zʋʋ gʋɔrɛ Salisa tíé wuu ká wʋ́ɔ́ né. Ɓa lɩɩ zʋ Salimi tíé ká wʋ́ɔ́ né. Ɓa gʋɔrɛ Bɛŋzamɛ tíé wuu ká ha wʋ́ɔ́ né. 5 Ɓa mʋ́ɔ́ zʋ Sufi tíé, ɛ́ nɛ́ Sayul bʋl tʋtʋnnɔ ná rɩ́ bʋlɛ́: «Lo ráá bɩrmʋ́ jáá; ŋŋ́ fá rɩ́ŋ áná háá tá kokúsi wɩ́ɛ́, ká bɩrɛ aá bɩ́ɩ́nɩ́rá wɩ́ɛ́ nɛ́.» 6 Ɛ́ nɛ́ tʋtʋnnɔ ná sɛ́: «Tɔ́ɔ́ né há mɩŋ sɩ́ɛ́, Wɩɩsɛ báálɔ nɔ́ŋɔ mɩŋ ráŋ, nɩɛ wuu zɩ́mʋ́ mɛ́. Rʋʋ sɛ́ wɩ́ɩ́ sɛ́ a, ɛ́ wɩ́ɩ́ ɓɩɛ́ná á nɛ́. A ráá mʋ́ nóú, nyɛ mɛ́ ʋ ɛ̃ ŋmɛ́nɔ ná á há sɩ́ tɩŋ.» 7 Sayul bɔ́sʋ́ tʋtʋnnɔ ná bʋlɛ́: «Á sɩɛ́ kéŋ béé ráá kaa mʋ́ pá ɛ́ Wɩɩsɛ báálɔ>> Dɩpɛ́ŋ báá há tórá kotokówa sɩɛrʋ, ká á wɩ zilé oŋ́ má kené, áá ka beé rí rɩ́ɩ́ mʋ́ʋ́ pɔ́ʋ́>>» 8 Ɛ́ nɛ́ tʋtʋnnɔ ná baa bʋl Sayul rɩ́ bʋlɛ́: «Ŋ kéŋ wárɛwie ŋ ɓɩɛ sɩɛrʋ, ŋ sɩ́ púú pá Wɩɩsɛ báálɔ ná, ká rʋ́ʋ́ mákrá ŋmɛ́nɔ párá.» 9-11 Rɩ Sayul sɛ́: «Ɛ́ wéró, á mʋ́!»

Ɛ́ nɛ́ ɓa mʋ́mʋ́ ɛ́ báálɔ tɔ́ɔ́, a céŋ tolwiisi háá mʋ́ɛ́ rɩ́wɔ́ tɔwɛ nyii; a bɔ́sɩ́wɔ́ bʋlɛ́:>>Muulináárɔ mɩŋ rɛɛ́ nɛ́> >>

Ɩzɩrayɛl mɛ́ fa, rɩ nɛrɔ nɩ́ɩ́ já́ rʋ́ʋ́ bɔsɛ Wɩɩsɛ a ná wɩ́ɩ́, ʋʋ́ bʋlɛ́: >>Ɩ́ ko ráá mʋ́ ná muulináarɔ́.>> Bee wɩ́ɛ́, nɛrɔ ná ɓa zaa há kené aá yɩ́rɛ >>Wɩɩsɛ wɩ́laabʋllɔ>>, ɓa faá yɩ́rʋ́ >>muulináárɔ>> nɛ́.-

12 Ɛ́ nɛ́ tolwiisi ná sɛ́: >>Óó! Ʋ mɩ́nɩ́ sɩ́ɛ́; zaa nɛ́ tɔ́ɔ́ nɩɛ lɩɩ hé náŋá mɛ́, tɔ́ɔ́ dúŋdúóŋ nyúú, rɩ́wɔ́ ɔsɛ vʋk. Ɛ́ wɩ́ɛ́ nʋ́ʋ́ ko, ɩ́ mʋ́ kɩ́kɛ́lɛ́. 13 Rɩɩ́wa zʋ́ tɔ́ɔ́ sɩɛrʋ, ɩ́ sɩ́ púú rʋʋ ha wɩ vʋk dɩ'ɔsɩ́ mʋ́ɛ́ rʋ́ʋ́ dí ɓɩɛ; bee wɩ́ɛ́, ʋ nɛ́ mɔhɛ̃́ rʋ́ʋ́ mʋ́ hé bárka vʋk nyúú, ká nɩyɩ́rɛ ná zɩŋ dí ɓɩɛ, rɩ ɛ́ rá ɓa wɩ wuó dí.>>

Sayul mʋ́ɔ́ céŋ Samɩɛl

14 Ɛ́ nɛ́ ɓa daarɛ col. Ɓa zʋ́ tɔ́ɔ́ sɩɛrʋ, rɩ Samɩɛl fa lɩ́ɔ́ aá mʋ́ dúŋdúóŋ nyúú, a ko céŋwó. 15 nyuutɩna Wɩɩsɛ sɩɛ́ fa lá sɩ́ɛ́ bʋ́lwɔ́ náŋá céme wɩ́ɛ́ Samɩɛl rɩ́, rɩ ɛ́ tɔ́ɔ́ ha wɩ pʋ́lɛ́, 16 a bʋlɛ́: >>Cíé nyɛ cɛ́rɛ mɛ́, Bɛŋzamɛ duo sɩɛrʋ báálɔ nɔ́ŋɔ sɩ́ ko cémí. Rʋʋ kúó, ɩ ɔ́ŋsɛ nyúcúúrínʋʋ hóú nyúú mí, rʋ́ʋ́ nɛ́ a kuóro ŋ Ɩzɩrayɛl nɩɛ nyúú. Rʋ́ʋ́ isi yo lal a lɔ́wɔ́ tá Filisiti nɩɛ nɛ́sɛ mɛ́. Ɓa búŋsó héŋ mí, ŋ nówó wɩɩla.>> 17 Samɩɛl há kúé ná Sayul, Nyuutɩna Wɩɩsɛ bʋ́lʋ́ rɩ́ bʋlɛ́: >>Ná báálɔ ná ŋ há bʋ́lʋ́ wɩ́ɛ́ ɩ rɩ́ nɛ́; ʋ nɩ́ɩ́ á rʋ́ʋ́ tɩ́llɩ́ŋ duo nɩɛ, a ɔ́wɔ́ kuóro.>> 18 Sayul tuuperi Samɩɛl tɔ́ɔ́ dánnʋɔ ná mɛ́, a bʋlɛ́: >>Ŋŋ́ sʋ́lɩ́ rɛ́, makɛ muulináárɔ jaa páŋ.>> 19 Ɛ́ nɛ́ Samɩɛl sɛ́: >>Ŋ nɛ́ ká ɛ́ muulináárɔ. Tɩ́ŋɩ́ŋ mɛ́ ráá mʋ́ tɔ́ɔ́ dúŋdúóŋ nyúú. Ɩ́ zaá díŋ dɩhɩ̃́ nɛ́; ká rɩ́ cíé cʋ́cʋɔ, rɩ́ŋ mákɩ́ sɩɛrʋ wɩ́ɛ́́ pɛ́ɩ́, ká tɛ́ɩ́ rɩ́ col. 20 Kokúháála ná há yʋ́ksɛ́, ɓa tápʋlɛ botoro ní zaa; báá sɩ́wɔ́ wɩ́ɛ́ bɩ́ɩ́nʋ́, ɓa nówó rí. Amá taŋa zɩŋ, rɩɩ Ɩzɩrayɛl nɩɛ kéŋ oŋwérí, ʋʋ́ kóí ní́, ɩ rɩ́rɩ́ áná jaanɩɛ. 21 Ɛ́ nɛ́ Sayul sɛ́: >>Ŋ ká Bɛŋzamɛ jɩmʋ́l nɛrɔ nɛ́; jɩmʋ́l ná há múúré Ɩzɩrayɛl jɩmʋ́ʋ́la wuu sɩɛrʋ. Bɛŋzamɛ jɩmʋ́l nɩɛ jɩɩsɛ má sɩɛrʋ, ŋ lɛ́ jaa ná há múúré ní. Ɛ rɛɛ́ mɛ́ sɩɛ́ ɩ pi nyɛ bílíŋ mí> >>

22 Ká Samɩɛl ka Sayul rɩ́rʋ́ tʋtʋnnɔ zʋ ɓidííle jaa, a a ɓa ké nɩpiŋe dɩkéŋsi, nɩyɩ́rɛ há pérí mɛrɛ́ rɩ́ fi sɩ́ɛ́. 23 Samɩɛl bʋl ɓɩdí'aarɔ rɩ́ bʋlɛ́: >>Namɩɛ ná ŋ há lɩ́sɛ́ tɛ́ɩ́ mɛ́, a bʋlɩ́ɩ́ pii bílú dʋŋɔ, pii ko pá nɩ́ɛ́ nyáŋ.>> 24 Ɓɩdí'aarɔ ná mʋ́ pi naŋhũĩ́ rɩ́ onni ná wuu há cɔ́ʋ́ mɛ́, a kaa ko bil Sayul sɩ́ɛ́. Ɛ́ nɛ́ Samɩɛl sɛ́: >>Dídí namɩɛ ná, ɩ nɛ́ tʋ́ʋ́; ŋ há yɩ́rɛ nɩ́ɛ́ tɛ́ŋ ná mɛ́ nɛ́, ŋ a ɓa lɩ́sʋ́ bílí mí nyɛ wɩ́ɛ́.>> Sayul rɩ́ Samɩɛl sɩɛ́ hé náŋá dí ɓɩɛ ɛ́ tápʋl. 25 Ɓa lɛ dúŋdúóŋ ná nyúú, a zʋ tɔ́ɔ́ sɩɛrʋ. Samɩɛl rɩ́ Sayul zɛ́ ké luso daha aá bʋl wɩ́ɛ́.

Samɩɛl pí Ɩzɩrayɛl kuorí pá Sayul

26 Tɩ́tapʋlla, Sayul rɩ́rʋ́ tʋtʋnnɔ isi, ɛ́ nɛ́ Samɩɛl yɩ́rɛ Sayul luso ná daha a bʋlɛ́: >>Isi rɩ́ŋ kánɩ́ lɩɩ va ŋmɛ́nɔ mɛ́ tá.>> Ɛ́ nɛ́ Sayul isi, ɓa rɩ́ Samɩɛl wuu hé náŋá lɛ ŋmɛ́nɔ. 27 Ɓa há válɛ́ mʋ́ lɛ tɔ́ɔ́ tokó, Samɩɛl bʋ́l Sayul rɩ́ bʋlɛ́: >>A rɩ́ɩ́ tʋtʋnnɔ lárá sɩ́ɛ́ col>> Tʋtʋnnɔ ná la sɩ́ɛ́ a kɛ́kwɔ́ mɛ́. Ká Samɩɛl baa bʋl Sayul rɩ́ bʋlɛ: >>Ɩ é cɩ́ rɛɛ́, rɩ́ŋ máŋsɛ Wɩɩsɛ há bʋ́l wɩ́ɩ́ ná, a pɛ́ɩ́.>>