17
SARƖ́YADÍÍRE TƐ́Ŋ MƐ́ WƖ́Ɛ́ NÁŊAMɩɩka veno jaa wɩ́ɛ́
1 Ɩfɩrayɩŋ pallɛ mɛ́, báálɔ oro fa mɩŋ ráŋ ɓaá yɩ́rʋ́ Mɩɩka. 2 Kál oro, ʋ bʋ́lʋ́ maá rɩ́ a bʋ́lɛ́: «Ɩ meéwícááka bʋ́ɩ́ rɩ́ zɔlɔ (1 100) ná ɓa há gɛ́; ɩ bʋrɛ hé tɩ́na mɛ́ ŋ nɛ́, ná ɛ́ meéwí ní, ŋ nɛ́ fa píé!» Ɛ́ nɛ́ ʋ maá sɛ́: «Ŋ bio, rɩ́ Nyuutɩna Wɩɩsɛ héí nyúú bárka!» 3 Mɩɩka pi meéwícááka ná bʋ́ɩ́ rɩ́ zɔlɔ ná 91 100) pɔ́ʋ́ maá. Ʋ la ká bʋ́lʋ́ rɩ́ a bʋ́lɛ́: «Ŋ bio, ɩ yɩr mɛ́, ŋ pí meéwí né aá pá Nyuutɩna Wɩɩsɛ nɛ́; rɩ́wɔ́ pii má veno, a cʋɔrɛ kɔmɔ́ tɔ́ʋ́ mɛ́. Ɛ́ wɩ́ɛ́, ŋ bɩ́rɔ́ pi ɛ́ meéwí a pɛ́ɩ́ nɛ́ mʋ́l né mí.» 4 Amá, ʋ báá pí ɛ́ meéwí a pɔ́ʋ́ maá. Ʋ laa lɩ́sɩ́wɔ́ sɩɛrʋ meéwícááka zɔwɛllɛ (200), a pá veŋmáárɔ. Ʋ láá cʋɔrɛ veno, a cʋɔrɛ kɔmɔ́ tɔ́ʋ́ mɛ́, ɓa káá zʋ́ʋ́ bil Mɩɩka jaa mɛ́.
5 Mɩɩka tɩɩ fa kéŋ veno jaa. Ʋ má veŋgúlli náŋa, ká lɩ́sʋ́ tɩɩ bio nɔ́ŋɔ, ʋ ɔ́ʋ́ vʋk'ɔɔsɔ, ʋ a ɓa nyɛrɛ gɛluŋo pɔ́ʋ́. 6 Ɛ́ tɛ́ŋ mɛ́, rɩ kuóro fa to Ɩzɩrayɛl mɛ́, ká nɛrɔ wuu fá ɩ́'ɔ́ʋ́ há cóú ná.
7 Levi jɩmʋ́l heŋbiwafɛlɔ oro fa kúó ké Beteleyɛmɛ mɛ́, Ziida dɩtɩ́llɛ mɛ́. 8 Ʋ lɛ́ Beteleyɛmɛ mɛ́ aá ja tɔ́ɔ́ nɔ́ŋɔ rʋ́ʋ́ ké. Ʋ há pí ŋmɛ́nɔ, ʋ dé vaa mʋ́ zʋ Mɩɩka jaa nɛ́, Ɩfɩrayɩŋ dɩtɩ́llɛ pallɛ sɩɛrʋ. 9 Mɩɩka bɔ́sʋ́ bʋ́lɛ́: «Ɩ lɛ́ nɛ́ɛ́>>» Ʋ sɛ́: «Ŋ ká Levi jɩmʋ́l nɛ́ rɛ́, a lɛ́ Beteleyɛmɛ, Ziida dɩtɩ́llɛ. Ŋ gʋ́ɔ́rɔ́ aá ja dɩkéni ní.» 10 Ɛ́ nɛ́ Mɩɩka bʋ́lʋ́ rɩ́ a bʋ́lɛ́: «Ko kéníŋ jaa mɛ́, a áŋ áná ká áŋ vʋk'ɔɔsɔ má. Ká rɩ́ŋ pɩ́pɛ́ɩ́ ɓɩdííle rɩ́ gɛnnɛ, aá túmí bɩná wuu meéwícááka fí.» Levi jɩmʋ́l báálɔ ná zʋ́ʋ́ jaa. 11 A saŋ ké Mɩɩka jaa mɛ́, ʋ bíbélú mí anʋ́ tɩɩ bilʋlɩ́. 12 Mɩɩka sɩɛ́ bil ɛ́ Levi jɩmʋ́l báálɔ, ʋ ɔ́ʋ́ jaa vʋk'ɔɔsɔ, a kénú jaa mɛ́. 13 Mɩɩka sɛ́: «Mʋ́l néé mí, Levi jɩmʋ́l báálɔ há káŋ vʋk'ɔɔsɔ, ŋ ɩ́ɔ̃́ rɩ Nyuutɩna Wɩɩsɛ sɩ́ tʋŋ wérí páŋ.»