Zefte arɩ́ Ɩfɩrayɩŋ nɩɛ nɛsɛ wɩ́ɛ́
12
1 Ɩfɩrayɩŋ báála hé náŋá mɛ́, a daarɛ Zʋrdɛŋ fuo a mʋ́ Safɔŋ. Ɓa bʋl Zefte rí a bʋ́lɛ́: «Beé rɩ́ tɛ, ɩ mʋ́ yo Amɔŋ nɩɛ ká wɩ ráá yɩ́rɛ́ ráá ko pɛ́ɩ́ mɛ́>> Á sɩ́ nyɩ́kɩ́ rɩ́ rɩ́ɩ́ jaa wuu.» 2 Zefte bʋl pɔ́wɔ́: «Ŋ rɩ́rɩ́ŋ nɩɛ fá nɛsɛ ɓɩzeno arɩ́ Amɔŋ nɩɛ. Ŋ yɩ́rɛ a héíwa mɛ́, amá ɩ́ wɩ ráá lɛ́ɛ́ tá ɓa nɛ́sɛ mɛ́.aaaaa 3 Ŋ há kóé zɩ́ŋ rɩ́ɩ́wa waá kó yóó láŋ, ŋ wɩ́ŋ mɩɩsɛ gíéle, ká mʋ́ yo Amɔŋ nɩɛ. Nyuutɩna Wɩɩsɛ kɛ́sɩ́wɔ́ héŋ nɛ́sɛ mɛ́. Beé rɩ́ sɩɛ́ tɛ zaa, ɩ́ isi ko rɩ́ɩ́wa yóŋ.» 4 Zefte yɩ́rɛ Galaadɛ báála wuu hé náŋa mɛ́. Ɓa mʋ́ yoo dí Ɩfɩrayɩŋ jɩmʋ́l nɩɛ nɛ́. Ɛ́ Ɩfɩrayɩŋ jɩmʋ́l nɩɛ nɛ́ fa sɛ́: «Ɩ́ é Galaadɛ nɩɛ, ɩ́ ká Ɩfɩrayɩŋ jɩmʋ́l nɩɛ nɛ́, a fá mʋ́ kéŋ Manase duo sɩɛrʋ.» 5 Galaadɛ nɩɛ la Zʋrdɛŋ fuo ráŋ ná ɓa há tɩŋɛ́ aá daarɛ, a pɔ́ rɩ́ Ɩfɩrayɩŋ nɩɛ sɩ́ daarʋ. Rɩ Ɩfɩrayɩŋ nɩkáánɛ ná oro wuu kó rʋ́ʋ́ daarɛ, ɓa kánʋ́ a bɔsɛ: «Ɩ ká Ɩfɩrayɩŋ nɛrɔ nɛ́ ɓó>>» Rʋ́ʋ́ nɛ́ sɛ́: “ aɩ́”, 6 ɓaá bʋ́lʋ́ yɩ́rɛ yɩr né: “Cɩɩbɔlɛtɛ”. Báálɔ naá bʋ́lɛ́: “Sibole”, beé wɩ́ɛ́, ʋ wʋ́ʋ́ sɩ́ɩ́ mɛ́ wúó yɩ́rɛ. Ɓa sɩɛ́ kánʋ́ a ɓʋ́ Zʋrdɛŋ fuo ráŋ ná há tɩ́ŋɛ, aá daarɛ. Ɛ́ tɛ́ŋ mɛ́, Galaadɛ nɩɛ tʋ́ŋ ɛ́, a ɓʋ́ʋ́sɛ Ɩfɩrayɩŋ báála bʋ́ɩ́ mɛɛ́sɛllɛ arɩ́ bɛllɛ (42 000).7 Zefte há lɛ́ Galaadɛ, dí Ɩzɩrayɛl nɩɛ sarɩ́ya bɩŋsɛ balgo ní, ká sʋwɛ ɓa húú ʋ tɔ́ɔ́ mɛ́, Galaadɛ mɛ́.
Ɩbɩsaŋ, Ɩlɔŋ arɩ́ Abɩdɔŋ wɩ́ɛ́
8 Zefte har mɛ́, Ɩbɩsaŋ há lɛ́ Beteleyɛmɛ nɛ́ ká Ɩzɩrayɛl nɩɛ sarɩ́yadííro. 9 Ʋ lʋ́l heŋbólli mɛrɛ́ rí fí, arɩ́ tolé má mɛrɛ́ rí fí. Ʋ pi tolé ná pá báála ná há tóú duo nɩɛ, ká ja duo náŋa má nɩɛ tolé, pɔ́ʋ́ heŋbólli. Ʋ dí Ɩzɩrayɛl nɩɛ sarɩ́ya bɩŋsɛ balpɛ nɛ́, 10 ká sʋwɛ ɓa húú Beteleyɛmɛ mɛ́.
11 Ɩbɩsaŋ har mɛ́, Ɩlɔŋ há lɛ́ Zabɩlɔŋ duo sɩɛrʋ, ʋ nɛ́ dí Ɩzɩrayɛl nɩɛ sarɩ́ya bɩŋsɛ fí. 12 Ʋ sʋwɛ, ɓa húú Ayalɔŋ mɛ́, Zabɩlɔŋ dɩtɩ́llɛ.