Ɩfɩrayɩŋ jɩmʋ́l nɩɛ dí cɔ́ɛ́ Zedeyɔŋ nyúú
8
1 Ɩfɩrayɩŋ jɩmʋ́l nɩɛ bɔsɛ́ Zedeyɔŋ rɩ́ a bʋ́lɛ́: «Bee rɩ́ ɩ wɩ́rá yɩ́rɛ́ ráá ko pɛ́ɩ́ mɛ́, a yo Madɩaŋ nɩɛ>>» Ɓa gáásɛ wɩ́ɛ́ wérí Zedeyɔŋ nyúú. 2 Ɛ́ nɛ́ Zedeyɔŋ bʋ́lwɔ́ rɩ́ a bʋ́lɛ́: «Ŋ há ɔ́ʋ́ ná péríwa há ɔ́ʋ́ ná rɛ́>> Ɩfɩrayɩŋ jɩmʋ́l nɩɛ há ɔ́ɔ́ ná ʋ wɩ Abɩɛzɛrɛ jɩmʋ́l nɩɛ há ɔ́ɔ́ ná kɛ rɛ́>> 3 Wɩɩsɛ kɛ́sɛ Madɩaŋ nɩɛ sɩ́dííre Ɔrɛbɛ rɩ́ Zɛɛbɛ a héíwa nɛ́sɛ. Beé wɩ́ɩ́ rɛ́, ŋ a mɔ́ɩ́wa há ɔ́ɔ́ ná>> Zedeyɔŋ há bʋ́l ɛ́, Ɩfɩrayɩŋ nɩɛ cɔ́ɛ́ pɔ́rɔ́.Zedeyɔŋ mɩŋ Zʋrdɛŋ wɩɩsɛ dɩpomí rɩ́ cɔɔ
4 Zedeyɔŋ rɩ́rʋ́ báála zotoro ná há kúé daarɛ Zʋrdɛŋ fuo, rɩ́ ɓa bɔ́lɔ́ ká há kiri tɩŋwɔ́ dɩŋdɔmɔ mɛ́. 5 Ɓa mʋ́ɔ́ peri Sukɔtɛ tɔ́ɔ́, ɛ́ nɛ́ Zedeyɔŋ sɩɛ́ bʋl tɔ́ɔ́ ná nɩɛ rɩ́ a bʋ́lɛ́: «Ŋŋ́ sʋ́l ɓɩdííle rɩ́ŋ páŋ nɩɛ, bee wɩ́ɛ́ ɓa dóé ténnó, káŋ kíkiri Madɩaŋ kuóre Zeba arɩ́ Salmuna har.» 6 Ɛ́ nɛ́ Sukɔtɛ sɩ́dííre bʋ́l Zedeyɔŋ rɩ́ bʋ́lɛ́: «Beé mʋ́l mɛ́ rɛ́, ɩ sɩ́ ráá já ɓɩdííle pɛ́ɩ́ lalyoore, kɛ́ɩ́ há wɩ yóé dí Zeba rɩ́ Salmuna>>» 7 Zedeyɔŋ bʋ́lwɔ́ rɩ́ a bʋ́lɛ́: «Ʋ wéró, rɩ Nyuutɩna Wɩɩsɛ nɛ́ kɛ́sɛ Zeba arɩ́ Salmuna héŋ nɛ́sɛ mɛ́, ŋ sɩ́ fɩ́rɩ́wa rɩ́ sɔkolli arɩ́ saŋsɔrʋ.» AAA 8 Zedeyɔŋ baá cɩ́ ráŋ mɛ́ a mʋ́ Penʋwɛl tɔ́ɔ́ a sʋl ɓɩdííle. Ɓa má báá bʋ́l ɛ́ tɩɩ nɛ́ pɔ́ʋ́, anɛ ɛ́ Sukɔtɛ nɩɛ fa há bʋ́lɛ́ pɔ́ʋ́. 9 Zedeyɔŋ bʋ́lwɔ́ má rɩ́ a bʋ́lɛ́: «Rɩ́ŋ nɛ́ dí dóé rɩ́ɩ́ bɩ́rko, ŋ sɩ́ zɔ́kɩ́wa tɔ́ɔ́ jɩtukgbó né.»
10 Zeba rɩ́ Salmuna arɩ́wɔ́ lalyoore fa mɩŋ Karɩkɔɔrɛ mɛ́ nɛ́. Ɓa é wɩɩsɛ dɩpomí nɩgʋɔrɛ́ ná lalyoore bʋ́ɩ́ fí rɩ́ bɔmmʋ́ɔ́ (15 000) nɛ́ fa kúé káánɛ. Beé wɩ́ɛ́, ɓa lalyoore bʋ́ɩ́ zɔlɔ rɩ́ mɛrɛ́ (120 000) nɛ́ ɓa fa ɓʋ́ʋ́sɛ. 11 Zedeyɔŋ tɩŋ nɩgʋ́ɔ́rɛ́ ŋmɛ́nɔ ná há mɩŋ wɩɩsɛ dɩpomí, a caasɛ Noba rɩ́ Yogboha nɛ́, a mʋ́ yoo dí lalyoore ná fa há bɩ́ɩ́nɛ́ rɩ́ ɓa ké tɛŋfɩ́ɛ́l mɛ́ nɛ́. 12 Madɩaŋ kuóre ná bɛllɛ Zeba rɩ́ Salmuna fɔ́ɔ́, amá Zedeyɔŋ kíró kɛ́sɩ́wɔ́, ká héwíŋ zʋ́wɔ́ lalyoore wuu, ɓa fá pɩsɛ náŋá mɛ́.
13 Zowase Zedeyɔŋ há bɩ́rɛ́ lɛ́ lal ná dɩyóé aá kó, ʋ tɩŋ Hɛrɛsɛ dúŋduó rí ní. 14 Ʋ há kúé a peri Sukɔtɛ, ʋ kéŋ heŋbólwíé a bɔ́sʋ́, ʋ pʋ́ŋsɛ tɔ́ɔ́ ná sɩ́dííre arɩ́wɔ́ nɩhɩ́ɛ̃́sɛ yɩra a pɔ́ʋ́. Ɓa wuu ká báála mɛɛ́sɩbotoro rɩ́ fí rɩ́ balpɛ. 15 Ɛ́ har mɛ́, Zedeyɔŋ mʋ́ɔ́ ná Sukɔtɛ nɩɛ a bʋ́lwɔ́ rɩ́ a bʋ́lɛ́: «Ɩ́ ná Zeba arɩ́ Salmuna ná, ɩ́ há tɩŋwɔ́ wɩ́ɛ́ a bʋl bɔ́ŋbɔ́ŋ cáásɩ́ŋ a bʋ́lɛ́: “Beé mʋ́l mɛ́ rɛ́, á mɔ ráá já ɓɩdííli pɛ́ɩ́ lalyoore ná há bɔ́lɛ́>> Kɛ́ɩ́ há wɩ yóé dí Zeba rɩ́ Salmuna>>”» 16 Ká sɩɛ́ ja sɔkólli arɩ́ saŋsɔrʋ vɩllɛ, a kɛ́sɛ Sukɔtɛ nɩhɩɛ̃́sɛ a bɛ́ŋsɩ́wɔ́ wérí, a makɛ wɩ́zɩ́mɛ́ pá Sukɔtɛ nɩɛ. 17 Ʋ cɩ́ ráŋ mɛ́, a zɔkɛ Penuwɛl tɔ́ɔ́ jɩtukgbo ká ɓʋ́ʋ́sʋ́ nɩɛ má.
18 Zedeyɔŋ bɔsɛ Zeba rɩ́ Salmuna a bʋ́lɛ́: «Báála ná ɩ́ há ɓʋ́ʋ́sɛ Tabɔɔrɛ paalɔ daha fa nɩhɛ̃ ɛ́ rɛ́ɛ́ rɛ́>>» Ɛ́ nɛ́ ɓa sɛ́: «Ɓa rɩ́rɩ́ nɛ́ nɩhɛ̃ náŋá, ɓa oro wuu sɩ́ɛ́ fa nɩhɛ̃́ kuóbio sɩ́ɛ́ nɛ́!» 19 Ɛ́ nɛ́ Zedeyɔŋ caasɛ bʋ́lwɔ́ rɩ́ a bʋ́lɛ́: «Ɓa fa káŋ maábináŋa nɛ́, ŋ rɩ́wɔ́ nɛ́ tʋ́ŋ maá mɛ́. Arɩ́ Nyuutɩna Wɩɩsɛ há wómmó yɩr mɛ́, ŋ ŋmɩ́ɛ́sɔ́ rɩɩ́wa nɛ́ fa wʋ́ɔ́ ɓʋ́ʋ́sɛ́, ŋ má fa wɩ́ɩ́wa ɓʋ́ʋ́sɛ!» 20 Ká bʋ́lʋ́ bihɔ̃́ Yetɛrɛ rɩ́ a bʋ́lɛ́: «Isi ɓʋ́ʋ́sɩ́wɔ́.» Ʋ wɩ wóllé lɩ́sʋ́ tókowí ɓʋ́ʋ́sɩ́wɔ́. Bee wɩ́ɛ́, ʋ fa ha múúró, aá fá héwíŋ. 21 Zeba rɩ́ Salmuna sɩɛ́ bʋ́l Zedeyɔŋ rɩ́ a bʋ́lɛ́: «Ɩ tɩɩ isi ɓʋ́ʋ́sɩ́rá, beé wɩ́ɛ́ bábɩɩlɩ́ nɛ́ wo nyɛ́ aá tʋ́ŋ. Ɛ́ nɛ́ kɛ́ɩ́ bállɩ́.» Ɛ́ nɛ́ Zedeyɔŋ ɓʋ́ʋ́sɩ́wɔ́ bɛllɛ ná wuu, ká lɩ́sɩ́wɔ́ nyʋ́kmawa baŋá bɛ́ŋzɛ́llɛ.
Zedeyɔŋ sʋʋ wɩ́ɛ́
22 Ɛ́ har mɛ́, Ɩzɩrayɛl nɩɛ bʋ́l Zedeyɔŋ rɩ́ a bʋ́lɛ́: «Dí ráá kuorí, ká rɩ́ɩ́ bio rɩ́rɩ́ɩ́ nɩhĩ́ má dí ráá kuorí, beé wɩ́ɛ́, ɩ nɛ́ yóé lárá Madɩaŋ nɩɛ nɛ́sɛ mɛ́.» 23 Ɛ́ nɛ́ Zedeyɔŋ bʋ́lwɔ́ rɩ́ a bʋ́lɛ́: «Ŋ rá waá a rɩ́ŋ ɛ́ɩ́wa kuóro, ŋ bio má rá. Nyuutɩna Wɩɩsɛ nɛ́ sɩ́ ɛ́ɩ́wa kuóro.» 24 Ká baá súúri a bʋ́lɛ́: «Ŋ táŋa có rɩ́ŋ sʋ́lɩ́wa rɩ́ wɩ́ɩ́ rɛ́: Rɩ́ nɛ́ŋ wuu lɩ́sɛ nénípɩr balá, ʋ lal ɓɩɛ sɩɛrʋ a páŋ.» Nɩɛ ná ɓa fá há yóé dí fa kéŋ nénípɩra, beé wɩ́ɛ́ ɓa ká Ɩsmayɛl duo nɩɛ nɛ́. 25 Ɛ́ nɛ́ ɓa sɛ́: «Oó á sɩ́ pɛ́ɩ́!» Ká jɛrɛ gɛrɔ, nɛ́ŋ wuu lɩ́sʋ́ lal ɓɩɛ sɩɛrʋ salmɛ nénípɩr kaa ko hé. 26 Salmɛ nénípɩra ná Zedeyɔŋ há lɛ́ɛ́, ɓa wuu zíŋ fa ká kílo mɛrɛ́ nɛ́. Ɓa ha pɔ́ʋ́ oŋwéré, dɩmmɛ́ŋsɛ, gɛwere ná há fɛ́lɛ́ Madɩaŋ kuóre fá háá súé, arɩ́ nyʋ́kmawa baŋá bɛ́ŋzɛ́llɛ. 27 Zedeyɔŋ há lá ɛ́ salmɛ, ʋ píwó mɩ́ɛ́rɛ a cʋɔrɛ veno a bílú tɔ́ɔ́ Ɔfra mɛ́. Ɩzɩrayɛl nɩɛ wuu ɓɩ́ɓáárʋ́. Ʋ bɩrmɛ bárá a pá Zedeyɔŋ rɩ́rʋ́ jaa nɩɛ.
28 A pɔ́ ɛ́ tɛ́ŋ mɛ́, Madɩaŋ nɩɛ múúríwó tɩɩ a pá Ɩzɩrayɛl nɩɛ, ɓa báá wɩ tíŋ oro wuu kéné Ɩzɩrayɛl nɩɛ sɩ́ɛ́ mɛ́. Tɔ́ɔ́ ná ké tɛŋfɩ́ɛ́l mɛ́ bɩŋsɛ mɛɛ́sɛllɛ, Zedeyɔŋ hiẽsó wuu mí.
29 Zowasɛ bio Zedeyɔŋ ná há ká Yerubaal bɩ́rɔ́ mʋ́ kénú jaa mɛ́. 30 Zedeyɔŋ lʋ́l bɛlɛ mɛɛ́sɩbotoro rɩ́ fí, bee wɩ́ɛ́ ʋ háála fa káŋ. 31 Ʋ háálɔ dudoo ná fa há mɩŋ Sɩsɛmɛ mɛ́ lʋ́l heŋbóle, ʋ hóú yɩr Abɩmɛlɛkɛ. 32 Zowasɛ bio Zedeyɔŋ, nɩ́ɩ́nɔ́ wérí ká zɩŋ sʋwɛ. Ɓa húú ʋ áná Zohasɛ lɛlbule mí, Ɔfra há ká Abɩɛzɛrɛ duo tɔ́ɔ́ mɛ́.
33 Amá Zedeyɔŋ sʋʋ har mɛ́, Ɩzɩrayɛl nɩɛ baá bɩ́rɔ́ mʋ́ aá ɓaarɛ Baalwa nɛ́. Balberiti ní káwɔ́ veno. 34 Ɓa sʋ́llɛ Nyuutɩna Wɩɩsɛ ná há káwɔ́ Wɩɩsɛ ná há lɔ́wɔ́ tá ɓa kíle dɩŋdɔma wuu nɛ́sɛ mɛ́ wɩ́ɛ́. 35 Ɩzɩrayɛl nɩɛ sʋ́llɛ Zedeyɔŋ há ká Yerubaal jaa nɩɛ wɩ́ɛ́, ɓa wʋ́ʋ́ tʋ́tʋ́ŋwere ná wuu ʋ há ɛ́ɛ́ pá Ɩzɩrayɛl nɩɛ wɩ́ɛ́ bɩ́ɩ́nɛ́.