Ɩzɩrayɛl nɩɛ ɔ́ɔ́ zɔkɛ Nyuutɩna Wɩɩsɛ mɛ́
2
1 Nyuutɩna Wɩɩsɛ malɩ́ka lɛ́ Gɩlgal mɛ́ a mʋ́ Bɔkɛŋ a bʋl pá Ɩzɩrayɛl nɩɛ a bʋ́lɛ́: «Ŋ é Nyuutɩna Wɩɩsɛ nɛ́ lɩ́sɩ́wa Ezipiti mí, a kánɩ́wa mʋ́ tɔ́ɔ́ ná ŋ há tá nʋɔ pɛ́ɩ́wa naabálwa, rɩ́ŋ sɩ́ píí pɔ́wɔ́. Ŋ fa sɛ́: “Ŋ wɩ nʋtálɔ ná há mɩŋrá pɛ́kɛ́ giri, 2 ká rɩɩ́wa sɩ́ nʋtʋmɛ bílú rɩ́ tɔ́ɔ́ né nɩɛ, ɩ́ céŋŋíwó korsi ná.” Amá ɩ́ wɩ́ŋ nʋɔ sáŋɛ́. Beé rí sɩɛ́ ɩ́ á ɛ́>> 3 Ɛ́ nɛ́ tɛ́ ŋ sɛ́: “Ŋ wɩ tɔ́ɔ́ né nɩɛ kiri ɩ́ sɩ́ɛ́ mɛ́, ká rɩ́wɔ́ wɩ́állɛ a báráwa a kɛ́sɩ́wa, rɩ́ɩ́wa baa ɓɩ́ɓáárɩ́wɔ́ wɩŋsa.”» 4 Nyuutɩna Wɩɩsɛ malɩ́ka há bʋl wɩ́ɛ́ nyáŋ pá Ɩzɩrayɛl nɩɛ ko tenni, ɓa wuu sɩɛrʋ zɔ́kɔ́, ɓa wi. 5 Ɓa pá ɛ́ dɩhɩ̃́ yɩr Bɔkɛŋ, ká ɔsɛ vʋka pá Nyuutɩna Wɩɩsɛ, ʋ mʋ́l nɛ́ ká “wííle”.Zozie sʋʋ wɩ́ɛ́
6 Ɛ́ har mɛ́, Zozie ɔ́ɔ́ jamáŋ ná col, Ɩzɩrayɛl nɛrɔ wuu mʋ́ ké tíé ná há kɔ́ʋ́ liwe mí. 7 Ɩzɩrayɛl nɩɛ tʋ́mɔ́ a pá Nyuutɩna Wɩɩsɛ Zozie hiẽso wuu mí. Nɩhɩ́ɛ̃́sɛ ná má há ná wɩ́ɛ́ ná wuu Nyuutɩna Wɩɩsɛ há ɛ́ɛ́ pá Ɩzɩrayɛl, ɓa má mɩ́nɛ́ wuu mí, Ɩzɩrayɛl nɩɛ há tʋ́mɔ́ pá Nyuutɩna Wɩɩsɛ, Zozie sʋʋ har mɛ́. 8 Nuŋ bio Zozie há ká Nyuutɩna Wɩɩsɛ tʋtʋnnɔ sʋ́wɔ́ rʋ́ʋ́ kéŋ bɩŋsɛ zɔlɔ rɩ́ fí (110) ní. 9 Ɓa húú ʋ tíé ná há kɔ́ʋ́ liwe mí, Timinatisera mɛ́, Ɩfɩrayɩŋ pallɛ sɩɛrʋ, a bɩr cáásɛ Gaasɛ paalɔ wɩɩsɛ dɩpomí nɛ́gʋɔ rɩ́. 10 Ʋ wonáŋá ná má wuu sʋsɛ. Woo ná nɔ́ŋɔ há tʋ́kʋ́ mɛ́, wɩ Nyuutɩna Wɩɩsɛ ɛ̃, ká wɩ́ɛ́ ná má ʋ há ɛ́ɛ́ pá Ɩzɩrayɛl nɩɛ, ɓa wʋ́ɔ́ má ɛ̃.
Wɩɩsɛ jamáŋ vɔ́ʋ́ nʋɔ tɩŋɛ
11 Ɩzɩrayɛl nɩɛ ɔ́ɔ́ zɔkɛ Nyuutɩna Wɩɩsɛ mɛ́, a ɓáárɛ Baalwa. 12 Ɓa vɛ́ Nyuutɩna Wɩɩsɛ, ɓa naabálwa Wɩɩsɛ ná há lɩ́sɩ́wɔ́ Ezipiti mí, káá tɩŋwɔ́ kénnináŋa wɩŋsa, a ɓírmíwó sɩ́ɛ́ a ɓáárɩ́wɔ́. Ʋ ɛ́ púsí Nyuutɩna Wɩɩsɛ cɔ́ɛ́. 13 Ɓa vɔ́ɔ́ rɩ́wɔ́ tɩŋ Nyuutɩna Wɩɩsɛ mɛ́, káá ɓaarɛ Baalwa rɩ́ Asitartewa.+ \fr 2.13 \fq Baalwa rɩ́ Asitartewa, ɓa ká veŋgúlli ní. \fp \ft 14 Ɛ́ nɛ́ Nyuutɩna Wɩɩsɛ cɔ́ɛ́ isi Ɩzɩrayɛl nɩɛ nyúú, ʋ lo nɩbɔma láwɔ́ ɓɩɛ́, ká píwó héwó kílo dɩŋdɔma má nɛ́sɛ mɛ́, ɓa wɩ dóé wuu kené. 15 Tɛ́ŋ wuu mí, rɩ Ɩzɩrayɛl nɩɛ nɛ́ mʋ́ lal dɩyóé, Nyuutɩna Wɩɩsɛ a ɓa gúl anɛ ɛ́ ʋ fá há bʋlɛ́, a ŋmɩ́ɛ́sɛ́ a pɔ́wɔ́. Ɩzɩrayɛl nɩɛ sɩɛ́ mɩŋ sazɔkɔ́ ɓɩzeno mí. 16 Ɛ́ nɛ́ Nyuutɩna Wɩɩsɛ lɩ́sɛ sarɩ́yadííre a rɩ́wɔ́ la Ɩzɩrayɛl nɩɛ tá, ɓa dɩŋdɔma nɛ́sɛ mɛ́. 17 Arɩ́ ɛ́ má wuu, Ɩzɩrayɛl nɩɛ há wɩ́wɔ́ sarɩ́yadííre nʋɔ wɩ́bʋlɛ́ zésé, ká ɓaarɛ venni náŋa, aá ɓírmíwó sɩ́ɛ́. Ɓa lɩ́wɔ́ naabálwa ŋmɛ́nɔ ná mɛ́ kɩ́kɛ́lɛ, ká ɓa naabálwa é faá tɩŋ Nyuutɩna Wɩɩsɛ kíŋse rí. Ɓa wʋ́ɔ́ ɛ́ naa píé. 18 Tɛ́ŋ wuu mí, rɩ Nyuutɩna Wɩɩsɛ nɛ́ lɩ́sɛ sarɩ́yadííro rʋ́ʋ́ mɩŋ Ɩzɩrayɛl nɩɛ sɩ́ɛ́, ʋ tɩɩ nɩ́ɩ́ pɔ́ʋ́ mɛ́, ʋ hiẽso tɛ́ŋ wuu mí, ʋ la Ɩzɩrayɛl nɩɛ aá tá ɓa dɩŋdɔma nɛ́sɛ mɛ́. Bee wɩ́ɛ́, rɩ dɩŋdɔmɔ nɛ́ kúé aá wálmɩ́wɔ́, a a ɓaá ná wɩɩla, rɩ́wɔ́ cáási hé Nyuutɩna Wɩɩsɛ mɛ́, ʋʋ́ fɔ́wɔ́ búŋse. 19 Amá sarɩ́yadííro ná sʋʋ har mɛ́, Ɩzɩrayɛl nɩɛ́ bɩrɛ zʋ́ bɔ́ŋbɔ́ŋ sɩɛrʋ a kɩ́llɩ́wɔ́ naabálwa, a ɓaarɛ venni náŋa, a ɓírmíwó sɩ́ɛ́ aá cʋ́ɔ́lɩ́wɔ́. Ká vɛ rɩ́wɔ́ bɩ́rsɛ mala, a ta wɩ́bɔma ɛɛ.
Nyuutɩna Wɩɩsɛ mɩ́l Ɩzɩrayɛl nɩɛ
20 Nyuutɩna Wɩɩsɛ cɔ́ɛ́ ísí Ɩzɩrayɛl nɩɛ nyúú, ɛ́ nɛ́ ʋ sɛ́: «Duó né nɩɛ wɩ nʋtʋmɛ ná ŋ fá há bile pɔ́wɔ́ naabálwa tɩŋɛ́, ɓa wɩ́ŋ búé. 21 Ɛ́ wɩ́ɛ́, nɩɛ ná Zozie há wɩ wóllé kiri ká sʋwɛ, ŋ wɩ́wɔ́ nɛ́ŋ balá má tɩɩ kiri ɩ́ sɩ́ɛ́ mɛ́. 22 Ká rɩ́ŋ tɩŋwɔ́ mɛ́, a mɩ́l Ɩzɩrayɛl nɩɛ a ná, rɩ ɓa nɛ́ sɩ́ saŋ zílíŋ, a sáŋɩ́ŋ nʋɔ sɛ́ anɩ́wɔ́ naabálwa fa há sáŋɩ́ŋ ɛ́.» 23 Ɛ́ nɛ́ tɛ Nyuutɩna Wɩɩsɛ wɩ Zozie ŋmɛ́nɔ pɛ́ɛ́ rʋ́ʋ́ kiri nɩɛ nyáŋ kɩ́kɛ́lɛ́, ká ló ɓa ké róŋ.