Ɩzɩrayɛl nɩɛ ɓáárɛ venni
25
1 Ɩzɩrayɛl ké Sitiimi mi, jamáŋ ná púl aá a nɩlɩ́ɩ́lɛ wɩ́ɛ́ arɩ́ Mʋabɛ tɩ́nawa tolé. 2 Mʋabɛ tɩ́nawa tolé yɩrɩ́wɔ ɓa wɩŋsa vʋka dɩ'ɔsɛ; ɓa tɩŋ díwó wɩŋsa ɓɩ́ɛ́ ká má ɓirmiwo sɩ́ɛ́. 3 Ɩsɩrayɛl tɩ́ŋɔ́ ɓáárɛ Balɩpɩhɔrɛ, ɛ́ nɛ́ Nyuutɩna Wɩɩsɛ cɔ́ɛ́ wɛ́ Ɩzɩrayɛl. 4 Nyuutɩna Wɩɩsɛ bʋl Moyizi rɩ́ a bʋlɛ́: Kɛsɛ jamáŋ ná sɩdííre ná wuu, a hé zugléŋwa a ɓel wɩpomí caasɛ, Nyuutɩna Wɩɩsɛ sɩ́ɛ́, a makɛ rʋʋ́ cɔ́ɛ́zeno ná pɔrɛ Ɩzɩrayɛl nɩɛ nyúú. 5 Moyizi bʋl Ɩzɩrayɛl nɩɛ sarɩ́yadííre ná rɩ́ a bʋlɛ́:«nɛrɔ wuu ɓʋ́ʋ́ nɩɛ sɩɛrʋ nɩɛ ná há tɩŋɛ́ ɓaarɛ Balɛpɩhɔrɛ!»6 Ká Ɩzɩrayɛl báálɔ nɔ́ŋɔ ká Madianitiwa toló nɔ́ŋɔ a kóú jaa ʋ maábináŋa sɩɛrʋ, Moyizi arɩ́ Ɩzɩrayɛl jamáŋ ná wuu sɩ́ɩ́ mɛ́, rɩ́wɔ́ mɩŋ Ceme táŋtɛ jaa dánʋɔ aá wi. 7 Fineyase há ká Ɩlɩyazarɛ bio, má há ká vʋk'ɔɔsɔ Aarɔŋ bio há nóú ɛ́, ʋ isí jamáŋ ná sɩsɩɛnʋ́wa a pi cɔlmɛ a kánʋ́ nɛ́sɛ mɛ́. 8 A tɩŋ zʋ́ báálɔ ná táŋtɛ jaa ná sɩɛrʋ a cɔ́ksɩ́wɔ́ wuu bɛlɛ púúle mi, Ɩzɩrayɛl báálɔ ná arɩ́ Madɩaŋ tɩ́nawa toló ná. Zɔ́kɩ́rʋ́ ná sɩɛ́ zɩŋ cɛ́ ká lo Ɩzɩrayɛl nɩɛ. 9 Nɩɛ bʋ́ɩ́ mɛrɛ́ arɩ́ baná nɛ́ sʋsɛ ɛ́ zɔ́kɩrɛ sɩɛrʋ.
10 Nyuutɩna Wɩɩsɛ bʋl Moyizi rɩ́ a bʋlɛ́: 11 « Fineyase há ká Ɩlɩyazarɛ bio, má há ká vʋk'ɔɔsɔ Aarɔŋ bio, giríŋ cɔ́wɩ́ɩ́lɔ Ɩzɩrayɛl nɩɛ nyúú, ʋ di bánɔ́ŋnɩ́ ŋ yɩr mɛ́, ɓa sɩɛrʋ. Ɛ́nɛ́ tɛ́ ŋ baá wɩ bánɔ́ŋnɩ́ dié rɩɩ́ zɔkɛ Ɩzɩrayɛl nɩɛ. 12 Ɛ́ wɩ́ɛ́ bʋ́l pɔ́ʋ́ a bʋlɩ́ŋ tá tɛ́ŋfɩ́ɛ́l nʋtalɔ a pɔ́ʋ́. 13 Ʋ rɩ́rʋ́ duo nɩɛ nʋtalɔ nɛ́; ɓa sɩ a Wɩɩsɛ Kuótɔ́ɔ́ vʋk'ɔɔsa a kaá mʋ́ wuu, beéwɩɛ́ ʋ di bánɔ́ŋnɩ́ a pá́ Wɩɩsɛ ká kɛrɛ zɔ́kɩ́rʋ́ wɩ Ɩzɩrayɛl nɩɛ péré.
14 Ɩzɩrayɛl báálɔ ná ɓa há ɓʋ́ɛ́ arɩ́ Madianitiwa toló ná yɩr nɛ́ fa ká Zimiri, Salu bio, ʋ fa ká Sɩmɩyɔŋ dunɩɛ jɩtɩna nɔ́ŋɔ nɛ́. 15 Madianitiwa toló ná ɓa há ɓʋ́ɛ́ yɩr nɛ́ fa ká Kozibi, Suuri toló, ɛ́ Suuri fa ká Madianitinawa duo nɔ́ŋɔ jɩtɩna nɛ́. 16 Nyuutɩna Wɩɩsɛ bʋl Moyizi rɩ́ a bʋlɛ́: 17 «Ɩ́ di dɩŋdɔmɩ́ Madianitinawa rɩ́, a ɓʋ́ʋ́sɩ́wɔ́; 18 beéwɩɛ́ ɓa fa bɩrmɩ́wa dɩŋdɔma rɛ́ a tɩŋ lɩ́ŋwɩ́ɩ́ ná ɓa há tʋmɛ́ cáásɩ́wa, Pɩhɔrɛ wɩ́ɛ́ arɩ́ Kozibi há ká Madianitiwa jɩtɩna nɔ́ŋɔ toló wɩ́ɛ́, ká ɔ́wɔ́ nátoló má, ɓa ɓʋ́ʋ́ Pɔɔrɛ zɔ́kɩ́rʋ́ ná kal.»