Moyizi tʋ́ŋ báála fí rɩ́ bɛllɛ rɩ́wɔ́ mʋ́ kɩ́ɛ́lɛ Kana tíé
13
1 Nyuutɩna Wɩɩsɛ bʋl Moyizi rɩ́ a bʋlɛ́: 2 «Tʋŋ báála rɩ́wɔ́ mʋ́ kɩ́ɛ́lɛ Kana tɔ́ɔ́ ná, ŋ há pie a pá Ɩzɩrayɛl nɩɛ (nɩɛ). Jɩmʋ́l wuu sɩɛrʋ, nɛ́ŋ balá, ʋ áná yɩr mɛ́. Ɓa nɛ́ŋ balá wuu sɩ́ a jɩtɩ́na. 3 Paraŋ gɩr ná sɩɛrʋ nɛ́ Moyizi cɛ́ ká tʋ́ŋwɔ́, anɛ ɛ́ Nyuutɩna Wɩɩsɛ fa há mákɛ́, ɛ́ báála wuu fa ká Ɩzɩrayɛl nɩɛ nɩhɩẽsɛ nɛ́. 4 Nówó yɩra:6 Ziida jɩmʋ́l: Kalɛbɛ há ká Yefune bio;
7 Ɩsakarɛ jɩmʋ́l: Yɩgalɛ há ká Zɔzɛfɛ bio;
8 Ɩfɩrayɩŋ jɩmʋ́l: Hoseya há ká Nuŋ bio;
9 Bɛŋzamɛ jɩmʋ́l: Paliti há ká Rafu bio;
10 Zabɩlɔŋ jɩmʋ́l: Gadɩyɛl há ká Sodi bio;
11 Zɔzɛfɛ jɩmʋ́l (Manase jɩmʋ́l): Gadi há ká Susi bio;
12 Daŋ jɩmʋ́l: Amɩyɛl há ká Gemali bio;
13 Azɛrɛ jɩmʋ́l: Seturi há ká Mɩkayɛl bio;
16 Nyáŋ nɛ́ ká báála ná yɩrá Moyizi ha tʋmɛ́ rɩ́wɔ́ mʋ́ kɩ́ɛ́lɛ tɔ́ɔ́ ná. Moyizi hé Hoseya há ká Nuŋ bio yɩr, Zozie.
17 Moyizi tʋ́ŋwɔ́ rɩ́wɔ́ mʋ́ kɩ́ɛ́lɛ Kana tɔ́ɔ́ ná a bʋlɛ́: «Ɩ́ tɩŋ Nɩgɛɛvɛ a mʋ́ zɛ́ paalɔ ná. 18 Ɩ́ sɩ́ kɩ́ɛ́lɛ tɔ́ɔ́ ná rɩ́ nɩɛ ná há mɩ́nʋ́ sɩɛrʋ a ná, ɓa duókó rɩ́ yáá, ɓa wɩ́ duókí, ɓa kánɔ́ rɩ́ yáá ɓa wɩ kaŋ; 19 a ná tɔ́ɔ́ ná ɓa há mɩ́nʋ́ sɩɛrʋ há nɩhɩ̄́ ɛ́, rʋʋ nɛ́ weré ɛ́ rá má rʋʋ nɛ́ bɔmɛ́, a nówó tɔ́nɛ há ká ɛ́, tɔyɔ́ɔ́wa nɛ́ yáá, tɔ́sɔɔkɛ́rɛ nɛ́; 20 a ná tíé ná ha nɩhɩ̄́ ɛ́, rʋ́ nɛ́ kéŋ kɔ́rɔ́, ɛ́ rá má rʋ́ nɛ́ wɩ́ kɔ́rɔ́ kéné, rɩ́ tuuni ní mɩ́ŋ ráŋ, ɛ́ rá má rɩ́ tuuni ní to ráŋ. Ɩ́ ká baŋcɩpɩrɩ́. Ɩ́ ɓɔrɛ tɔ́ɔ́ ná tunɔnɔ kaa ko.» (Ɛ́llɛ́wa) viinyiwa dʋ́ŋdʋ́ʋ̃́ nɔnɔ tɛ́ŋ nɛ́ fá.
21 Ɓa zɩ́ a kɩ́ɛ́lɛ tɔ́ɔ́ ná, a pɔ́ Sɩŋ gɩrbétéke mí, ká mʋ́ yákɛ Rɩhɔbɛ há mɩŋ Hamatɛ laka. 22 Ɓa zɩ́ Nɩgɛɛvɛ, a mʋ́ lɛ Ɩbrɔŋ, ráŋ nɛ́ Ahɩmaŋ, Sesayi arɩ́ Talmayi, há ká Anakɛ bɛlɛ mɩŋ. Ɩbrɔŋ ká tɔ́ɔ́ ná ɓa fa ha sɔ́ɛ́, bɩŋsɛ bálpɛ nɛ́, ká ɓa sɔ Sʋaŋ, Ezipiti mí. 23 Ɓa mʋ́ peri Ɛsɩkɔl nyipalnaa, a coki víínyi híle rɩ́rʋ́ nɔŋcik balá, nɩɛ bɛllɛ suki pi rɩ́ dapʋɔl, ɓa ɓɔ́rɛ tunɔnɔ náŋa má, ɓa háá yɩ́rɛ gɩrɩnadɩwa arɩ́ piro. 24 Ɓa yɩ́rɛ ɛ́ dɩhɩ̄́, Ɛsɩkɔl nyipalnaa, a tɩŋ víínyi nɔŋcik ná ɓa ha coki ráŋ wɩ́ɛ́.
Moyizi nɩtʋmɛ́ nubili
25 Ɓa bɩ́rɔ́ lɛ tɔ́ɔ́ ná dɩkɩ́ɛ́lɛ aá ko, rɩ tápʋlɛ mɛɛ́sɛllɛ nʋɔ súó. 26 Ɓa há mʋ́ɛ́ peri, ɓa mʋ́ Moyizi rɩ́ Aarɔŋ arɩ́ Ɩzɩrayɛl nɩɛ ná wuu laka, Kadɛsɛ tɔ́ɔ́ ná há mɩ́ŋ Paraŋ gɩrbétéke mí, a bil nʋɔ pɔ́wɔ́ rɩ́ nɩɛ ná wuu, ká pi tɔ́ɔ́ ná tunɔnɔ mákwɔ́. 27 Ná wɩ́ɛ́ ná ɓa há máŋsɛ pá Moyizi: «Á peri tɔ́ɔ́ ná ɩ há tʋŋ rá ráŋ.» Ʋ ɓɩɛ́na ká tɔ́ɔ́ ná nɛ́'ɩ́l rɩ́ tʋʋ háá pal ráŋ nɛ́, sɩɛ́ nóú tunɔnɔ nɛ́. 28 Amá nɩɛ ná há mɩŋ ɛ́ tɔ́ɔ́ sɩɛrʋ duokí, ɓa tɔ́nɛ zeŋsí, ɓa sɔɔ kɛ́rɛ má; á ná Anakɛ bɛlɛ má tɩɩ ráŋ. 29 Amalesitiwa mɩ́ŋ Nɩgɛɛvɛ tɔ́ɔ́ mɛ́; Hititiwa, Yebusitiwa arɩ́ Amoritiwa mɩ́ŋ pallɛ daha; ká Kananɩɛ̃wa mɩŋ mʋʋ laka rɩ́ Zʋrdɛŋ fuo nʋɔ.»
30 Kalɛbɛ a nɩɛ ná háá ŋmaami wɩ́ɛ́ Moyizi rɩ sikli, kɔ́ʋ́ sɛ́: «Á mʋ́, á sɩ́ la tɔ́ɔ́ ná, bee wɩ́ɛ́ á sɩ́ dí dóé ráŋ!» 31 Amá nɩɛ ná rɩ́rʋ́ fa há mʋ́ɛ́ sɛ́: «Á wɩ nɩɛ nyáŋ wuo mʋ́ aá yó, bee wɩ́ɛ́ ɓa dóé kɩ́rá.» 32 Ká sɩɛ́ mɩmáŋsɛ tɔ́ɔ́ ná ɓa há mʋ́ɛ́ kɩ́ɛ́lɛ nɩɩsɔ, Ɩzɩrayɛl nɩɛ sɩ́ɛ́ mɛ́, a nyɛ nyɩɛrʋ súúri. Ɓa sɛ́: «Tɔ́ɔ́ ná á ha mʋ́ɛ́ gʋɔrɛ kɩ́ɛ́lɛ, ká tɔ́ɔ́ ná háá dúú tɩɩ nɩɛ nɛ́; nɩɛ ná wuu á há néé ráŋ, ɓa gbésó kɩ́ŋkáŋ; 33 á ná nɩgbóru ráŋ, Anakɛ bɛlɛ há ká nɩgbóru duo: á bélrá tɩɩ, raá de nɛ nyaŋgɩrma ɓa sɩ́ɛ́, ká ɓa má sɩɛ́ ɓɩɛ́na bel, raá ká ɛ́ nɛ́, ɓa sɩ́ɛ́ mɛ́.»