Ezayu duo nɩɛ
36
1 Ezayu ná ɓa há kené aá yɩ́rɛ Edoŋ, nóú duo nɩɛ yɩra: 2 Ezayu jɔ́ʋ́ háála Kanaŋ nɩɛ tolé sɩɛrʋ nɛ́. Ɓa nɛ́ nyɛ: Ada, Hititiwa báálɔ Ɩlɔŋ toló rɩ́ Oholibama, Ana toló Hivitiwa báálɔ Sɩbɩyɔŋ nihĩ, 3 arɩ́ Basɩmatɛ, Ɩsɩmayɛlɛ toló, Nɩbayɔtɛ nátoló. 4 Ada lʋ́l Ɩlɩfaazɛ pá Ezayu; ká Basɩmatɛ má lʋl Rɩwɛlɛ pɔ́ʋ́. 5 Oholibama lʋl Yehusi, arɩ́ Yalamɛ rɩ́ Kora. Ezayu bɛlɛ ná ʋ há lʋ́l Kanaŋ tíé ní ɛ́. 6 Ezayu kɛ́sʋ́ háála, ʋ bɛlɛ rɩ́rʋ́ tolé, arɩ́ nɩbííne ná wuu há mɩ́nʋ́ jaa mɛ́, a kɛ́sʋ́ pʋwɩɛla rɩ́rʋ́ pʋzeŋsi wuu; a pa kuóɓɩɛ ná wuu ʋ há néé Kanaŋ tíé; ʋ sɩɛ́ káŋwɔ́ wuu kɛ́kʋ́ maábio Zakɔbɛ mɛ́, a mʋ́ dɩbólí, a ké tɔ́ɔ́ nɔ́ŋɔ mɛ́. 7 Beé wɩ́ɛ́ ɓa oro wuu kuóɓɩɛ kánɔ́ kɩ́ŋkáŋ, ɓa wɩ náŋá mɛ́ wuo hé a kíké. Tɔ́ɔ́ ná má wʋ́ɔ́ péré, ɓa pʋsɛ káŋ wɩ́ɛ́. 8 Ɛ́ nɛ́ Ezayu mʋ́ zɛ́ ké Seyiri pallɛ sɩɛrʋ. Ezayu ná nɛ́ ká Edoŋ. 9 Ezayu há ká Edomitiwa áná, ʋ duo nɩɛ nɛ́ ké Seyiri pallɛ sɩɛrʋ. 10 Ná Ezayu bɛlɛ yɩra: Ɩlɩfaazɛ ná maá há ká Ada, Ezayu háálɔ; Rɩwɛlɛ ná maá há ká Basɩmatɛ, Ezayu háálɔ. 11 Ɩlɩfaazɛ bɛlɛ nɛ́ ká: Temaŋ, Umaru, Sefo, Gatamɛ rɩ́ Kɩnazɛ. 12 Ezayu bio Ɩlɩfaazɛ háwie ní ká Timina. Ʋ má lʋl Amalɛkɛ pá Ɩlɩfaazɛ. Ezayu háálɔ Ada bɛlɛ nɛ́ ɛ́. 13 Ná Rɩwɛlɛ má bɛlɛ: Nahatɛ, Zera, Sama rɩ́ Mɩza. Ezayu háálɔ Basɩmatɛ nihẽ ní ɛ́. 14 Oholibama há ká Ana toló, Sɩbɩyɔŋ nihĩ, ná bɛlɛ ná ʋ má há lʋ́lɛ́ pá Ezayu yɩra: Yehusi rɩ́ Yalamɛ arɩ́ Kora.Ezayu bɛlɛ rɩ́rʋ́ nihẽ
15 Ná Ezayu nihẽ ná há dí kuorí. Ʋ bihɔ̃ Ɩlɩfazɛ bɛlɛ: kuóro Temaŋ, kuóro Umaru, kuóro Sefo, kuóro Kɩnazɛ, 16 kuóro Kora, kuóro Gatamɛ, rɩ́ kuóro Amalɛkɛ; ɓa wuu ká Ezayu rɩ́rʋ́ háálɔ Ada bihɔ̃́ Ɩlɩfaazɛ bɛlɛ nɛ́, a mɩ́ŋ Edoŋ mí. 17 Ná Ezayu bio Rɩwɛlɛ bɛlɛ: Kuóro Nahatɛ, kuóro Zera, kuóro Sama, kuóro Mɩza. ɓa nyáŋ nɛ́ ká Rɩwɛlɛ bɛlɛ ná há ká kuóré Edoŋ mí. Ezayu háálɔ Basɩmatɛ bɛlɛ nɛ́. 18 Ná Ezayu háálɔ Oholibama há ká Ana toló bɛlɛ: kuóro Yehusi, kuóro Yalamɛ, kuóro Kora. 19 Ɓa nyáŋ nɛ́ ká Ezayu ná há ká Edoŋ dunɩɛ ná há dí kuorí.
Seyiri bɛlɛ rɩ́rʋ́ nihẽ
20 Horitiwa báálɔ Seyiri, nɛ́ŋ ná há lá sɩ́ɛ́ zʋ tɔ́ɔ́ ná, nóú bɛlɛ yɩra: Lotaŋ, Sɔbalɛ, Sɩbɔŋ, Ana, 21 Dɩsɔŋ, Ɩtɩsɛrɛ arɩ́ Dɩsaŋ; ɓa nɛ́ ká Seyiri bɛlɛ ná há ká kuóre Edoŋ tɔ́ɔ́ mɛ́. 22 Lotaŋ bɛlɛ nɛ́ ká: Hori rí Hemaŋ. Lotaŋ nátoló ní ká Timina. 23 Ná Sɔbalɛ bɛlɛ yɩra: Alivaŋ, Manahatɛ, Ɩbalɛ, Sefo rɩ́ Onaŋ. 24 Ná Sɩbɔŋ bɛlɛ yɩra: Ava rɩ́ Ana. Ɛ́ Ana nɛ́ ná nyilʋma háá palɛ́ gɩrbétéke sɩɛrʋ, rʋʋ fa kenú áná Sɩbɔŋ kokúsi lɛ aá nʋɔlɛ. 25 Ná Ana bɛlɛ: Dɩsɔŋ rɩ́ Ana toló Oholibama. 26 Ná Dɩsaŋ bɛlɛ yɩra: Hɛŋdaŋ, Ɛsɩbaŋ, Yitiraŋ rɩ́ Keraŋ. 27 Ná Ɩtɩsɛrɛ bɛlɛ yɩra: Bilihaŋ, Zaavaŋ arɩ́ Akaŋ. 28 Ná Dɩsaŋ bɛlɛ yɩra: Utisi rɩ́ Araŋ. 29 Ná Horitiwa kuóre yɩra: kuóro Lotaŋ, kuóro Sɔbalɛ, kuóro Sɩbɔŋ, kuóro Ana, 30 kuóro Dɩsɔŋ, kuóro Ɩtɩsɛrɛ rɩ́ kuóro Dɩsaŋ. ɓa nyáŋ nɛ́ ká kuóré a mɩŋ Horitiwa báálɔ Seyiri dɩtɩ́llɛ.
31 Kuóre ná há lá sɩ́ɛ́ dí kuorí Edoŋ mí, ká rɩ́ kuóre zɩŋ mɩŋ Ɩzɩrayɛl mɛ́, nówó yɩra: 32 Bɩhɔrɛ bio Bela ké Dinaba mɛ́, a dí kuorí Edoŋ dɩtɩ́llɛ. 33 Bela ko sʋwɛ, ká Zera há lɛ́ Bɔtɩsɩra, ʋ bio Yɔhabɛ la kuorí. 34 Yɔhabɛ ko sʋwɛ, ká Hʋsamɛ há lɛ́ Temaŋ la kuorí. 35 Hʋsamɛ ko sʋwɛ, ká Bɩdadɛ bio Hadadɛ la kuorí. Ʋ nɛ́ yóé dí Madɩaŋ tɩ́náwa, Mɔwabɛ tɩ́náwa baksɛ mɛ́. Ʋ tɔ́ɔ́ yɩr nɛ́ ká Aviti. 36 Hadadɛ sʋwɛ, ká Samila há lɛ́ Masireka, la kuorí. 37 Samila ko sʋwɛ, ká Sayul há lɛ́ Rɩhɔbɔtɛ há mɩŋ fuo nʋɔ, ʋ la kuorí. 38 Sayul ko sʋwɛ, ká Akɩbɔrɛ bio Baal'hanaŋ la kuorí. 39 Akɩbɔrɛ bio Baal'hanaŋ ko sʋwɛ, ká Hadaarɛ la kuorí. Ʋ tɔ́ɔ́ yɩr nɛ́ Pawu, ká ʋ háálɔ yɩr a Mehetabel. Mɩzahabɛ toló Matɩrɛdɛ má toló ní ká ɛ́ Mehetabel.
40 Ezayu bɛlɛ ná há lá kuorí, a lɛ jaá jaáwa rɩ́ tɔ́ɔ́ tɔ́ɔ́wa, ɓa yɩra nɩ́ nyɛ: Kuóro Timina, kuóro Aliva, kuóro Yeteti, 41 kuóro Oholibama, kuóro Ela, kuóro Pɩnɔŋ, 42 kuóro Kɩnazɛ, kuóro Temaŋ, kuóro Mɩbɩsarɛ, 43 kuóro Magɩdɩɛlɛ, kuóro Ɩramɛ. ɓa nyáŋ nɛ́ dí kuorí Edoŋ mí; ɓa oro wuu fa kenú tɔ́ɔ́ rɛ́. Ezayu ní ká Edoŋ tɩ́náwa duo naabál.