Nowe bɛlɛ duo nɩɛ
10
1 Ná Nowe bɛlɛ duo nɩɛ; Sɛŋ, Saŋ rɩ́ Zafe lʋ́llɛ́ bɛlɛ nyigíro ɓɩzeno ná har mɛ́. Nówó duo nɩɛ: 2 Zafe bɛlɛ nɛ́ ká: Gɔmɛɛrɛ, Magɔgɛ, Madayɩ, Yavaŋ, Tubal, Mɩsɛkɛ rɩ́ Tɩrasɛ. 3 Gɔmɛɛrɛ bɛlɛ nɛ́ ká: Asɩkɩnazɛ, Rɩfatɛ rɩ́ Tɔgarma. 4 Yavaŋ bɛlɛ nɩ́ ká: Elisa, Tarsisi, Kitiimi rɩ́ Dodanimi. 5 Ɓa nɩ́ púlé a gʋɔrɛ kéké dɩhɛ̃́ ná nyii há pɔ́mɛ́ ká tíé nyɩɩsɛ mɛ́. Nɛrɔ wuu tɩ́ŋʋ́ líŋbʋlɩ́ rɩ́rʋ́ jaa nɩɛ rɩ́rʋ́ duo mí, a kénú tɔ́ɔ́ mɛ́.6 Saŋ bɛlɛ nɩ́ ká: Kusi, Mitisirayimi, Puti rɩ́ Kanaŋ. 7 Kusi bɛlɛ nɩ́ ká: Seba, Havila, Sabɩta, Rahema rɩ́ Sabɩtɩka. Rahema bɛlɛ nɩ́ ká: Saba rɩ́ Dɩdaŋ. 8 Kusi ní lʋ́l Nɩmɩrɔdɛ má. Nɩmɩrɔdɛ ná nɩ́ fa ká tíé nyúú dʋ́ŋdʋ́ʋ̃́ bɩbar. 9 Ʋ fa ká naŋballɩbɩbár rɛ́ Nyuutɩna sɩ́ɛ́; ɛ́ nɛ́ tɛ ɓaá sʋ́ɔ́lɛ bʋlɛ́: «Naŋballɩbɩbar Nyuutɩna sɩ́ɛ́, anɛ Nɩmɩrɔdɛ.» 10 Tɔ́nɛ ná Nɩmɩrɔdɛ fa há lá sɩ́ɛ́ tɩ́llɛ nɩ́ ká: Babɛl, Ɩrɛkɛ, Akadɛ rɩ́ Kalne, Sɩnɩarɛ dɩtɩ́llɛ. 11 Ʋ lɛ́ ráŋ nɛ́ a mʋ́ Asur dɩtɩ́llɛ a sɔ Ninivi, Rɩhɔbɔtɛ tɔ́ɔ́, tɔ́zeno Kala, 12 rɩ́ Resaŋ, Ninivi rɩ́ tɔ́zeno Kala pɛ́kɛ.
13 Mitisirayimi ní lʋ́l Ludi nɩɛ, Ɛyɩnamɛ nɩɛ, Lɩhavɛ nɩɛ, Nafitu nɩɛ, 14 Patrɔsɛ nɩɛ, Kasilu nɩɛ, Filisiti nɩɛ dɩlɩ́, arɩ́ Kafɩtɔɔrɛ nɩɛ. 15 Kanaŋ nɛ́ lʋ́l Sidoŋ, ʋ bihɔ̃́ arɩ́ Hɛtɛ; 16 Kanaŋ nɛ́ ká Zebuzitiwa, Amoritiwa, Girgasitiwa, 17 Hivitiwa, Arkitiwa, Sinitiwa, 18 Arvaditiwa, Semaritiwa rɩ́ Hamatitiwa naabál. Ɛ́ har mɛ́, Kananɩɛ̃wa nɩtɩ́náwa ha tɛ́l naa, 19 ɓa tíé mʋ́ lɛ Sɩdɔŋ a caasɛ Gɩrarɛ rɩ́, a mʋ́ lɛ Gaza a caasɛ Sodomi rɩ́ Gɔmɔɔrɛ, arɩ́ Adma rɩ́ Seboyimi, a kaa mʋ́ yakɛ Lesa mɛ́. 20 Saŋ bɛlɛ nɛ́ ɛ́, bamma wuu tɩ́ŋwɔ́ líŋbʋlɩ́ rɩ́wɔ́ jaa nɩɛ rɩ́wɔ́ duo mí, a kéŋwó tɔ́nɛ mɛ́.
21 Zafe máálá Sɛŋ má lʋl bɛlɛ. Ʋ nɛ́ ká Ɩbɛrɛ duo nɩɛ wuu naabál. 22 Sɛŋ bɛlɛ nɛ́ ká: Elaŋ, Asur, Arɩpaksadɛ, Ludi rɩ́ Aramɛ. 23 Aramɛ bɛlɛ nɛ́ ká: Utisi, Hul, Gɩtɛrɛ rɩ́ Masɛ. 24 Arɩpaksadɛ lʋl Sela, Sela lʋl Ɩbɛrɛ. 25 Ɩbɛrɛ lʋl bɛlɛ bɛllɛ: ɓɔhɔ̃́ yɩr nɛ́ Pelegi, ʋ mʋ́l nɩ́ ká: «Cakɔ́» bee wɩ́ɛ́ ʋ tɛ́ŋ mɛ́ nɛ́ nɩɛ ka tíé ɓa; ɓɩwie má yɩr nɛ́ Yɔktaŋ. 26 Yɔktaŋ lʋl Almʋdadɛ, Sɛlɛfɛ, Hatɩsarmavɛtɛ, Yera, 27 Hadoraŋ, Uzal, Dikila, 28 Obal, Abɩmayɛl, Saba, 29 Ofiri, Havila rɩ́ Yʋbabɛ. Ɓa nyáŋ wuu ká Yɔktaŋ bɛlɛ nɛ́. 30 Ɓa dɩkéni ní fa ká Mesa rɩ́ pallɛ tíé Sefaar pɛ́kɛ, tɔ́ɔ́ mʋ́bʋɔ rɩ́. 31 Sɛŋ bɛlɛ nɛ́ ɛ́, bamma wuu tɩ́ŋwɔ́ líŋbʋlɩ́ rɩ́wɔ́ jaa nɩɛ rɩ́wɔ́ duo mí, a kéŋwó tɔ́nɛ mɛ́.
32 Nowe bɛlɛ jaá jaáwa nɛ́ ɛ́, bamma wuu tɩ́ŋwɔ́ líŋbʋlɩ́ rɩ́wɔ́ jaa nɩɛ rɩ́wɔ́ duo mí, a kéŋwó tɔ́nɛ mɛ́. Dúníé nɩɛ, duó duówa, ɓa púlwó mí ní a ceŋ tíé, nyigíro ɓɩzeno ná har mɛ́.