Pitongow 22

Doksuꞌ pitongow na sop dinakon nong ok sapaꞌ nong mokobogoy nok . Motinow tokodoy ok sapaꞌ koyon mamaꞌ nok solamin bu miglogos tidu sok trunu nok Tuhan bug . 2 Ok tubigin miglayas sok titongaꞌ nog dalan sok siyudad koyon. Song mansing kilid nok sapaꞌ koyon ongon tinumubuꞌ nok kayu nong mokobogoy nok kotubuꞌ solama-lama. Ok kayu koyon mogbunga sopuluꞌ bu duwaꞌ kali sotahun, poꞌ bulan-bulan saan momunga, bu og dawonin inimung nog bulung nong mga kobangsa-bangsahan. 3 Daꞌdun na ok pogmulkaan nok Tuhan. Diyon ok trunu nok Tuhan bug Bataꞌ Bilibili, bu mokpudji diyanin ong mga guliponin. 4 Motongow na nilon ong muluꞌ in, bu ong ngalanin, diyon botangon sog buna nilon. 5 Daꞌdun na gobi, bu diꞌ na ilon mokkogunahan nok politaan atawa dolag nog gondow. Poꞌ ok Tuhan Pogbayaꞌ-bayaꞌ ong mokposahaya dinilon, bu mokampuꞌ na ilon mogbayaꞌ solama-lama.

6 Doksuꞌ nituꞌ miktaluꞌ ong malaikat dinakon, “Kopongandolan bu mosobonnal og lam nong mga midongog nu. Piangoy nok Tuhan Pogbayaꞌ-bayaꞌ og Ruh nin song mga , bu yanin mismu ong mikpangoy nong malaikatin bagun suksuganin ong mga guliponin bug olo ok posunguꞌ matong sog lomaꞌ-dinglag.”

Ok Pokpuliꞌ ni  Al-Masih

7 Na mikposampoy sop ong nok taluꞌ ni Isa, longin, “Ponginongog amu, ondiꞌ na mobon matongu da. Mobarakat ok sima-sima nong mogunut sok pidinsamaꞌ misulat sok kitab kini.”

8 Na akon si Yahiya, ong mikodongog bu mikotongow nog ginang kini. Pogdoksuꞌ sinumudjudu sog gadapan nong malaikat nong mikpotongow nok kotanan kini dinakon poꞌ sumbahon ku bosiya yanin. 9 Sugaid tinaluan ku nong malaikat, “Diꞌ nu akon sumbahon, poꞌ batuk ita da nog nok Tuhan, mamaꞌ nong mga koilugan nu nong mga konabihan bu kotanan nong mogunut sok kitab kini. Ok Tuhan ok sumbahon nu.” 10 Doksuꞌ tinaluanin akon, “Naꞌ nu pogbunihon og lam nok pidinsamaꞌ tumaluꞌ sok kitab kini, poꞌ posunguꞌ na koyon matong.”

11 Na ong mga monginang nok kolaatan bug koliksok-liksokan, mokpodayun na nog ginang nilon. Bu ong mga monginang nok kologdongan bug kosutsihan, mokpodayun ilon nong mga ginang nilon nong mologdong bu mosutsi.

12 Puwas nituꞌ miktaluꞌ si Isa, “Ponginongog amu, ondiꞌ na mobon matongu da bagun ku kotumbasan nog olo-olo og ininang nong monolokotow diniyu. 13 Akon kini ong Muna bu og Binayaꞌ, ok Tolipunan bu ok Kodoksuan.

14 Mobarakat ong mga tow nong moglonuꞌ nok ponapot nilon, ong maana nin sutsihon ok pongatoyan nilon. Poꞌ mokosolod ilon sog bongowan nok siyudad koyon, bu bogoyan ilon nok kopatut kuman nong mga bunga kayu kituꞌ nong mokobogoy nok . 15 Sugaid ong mibagak sog luwasan yonin na ong mga poloinang-inang, mga polojina bu mga monginang nong mokolomuꞌ-lomuꞌ, polomunuꞌ, mga polosumba sok tuhan-tuhan bug mga loliyagon moktaluꞌ bu moginang nog loput.

16 Akon kini si , ong mikpoponog nong malaikatu mokposampoy nog lam nini song mga nong mga . Akon ok ponupuꞌ ni Sultan Daud, bu akon da sop og bitun nog landuꞌ kodolag sog dapit doliꞌ-ondow.”

17 Dadi og bu ok nong mamaꞌ sopantun nok pongantim libun, mikposampoy ilon, taluꞌ nilon, “Angoy amu dini!” Na ong mga mokodongog sok pokposampoy kini, sumboy moktaluꞌ da sop ilon, “Angoy amu dini!” Na ok sosuku nok kinuwow bu meleg minum, mokpolani na bangka inum nok tubig nog daꞌdun bayadin, nog yonin na ong mokobogoy nok kotubuꞌ solama-lama.

Ok Pomilin-milin

18 Na mokpodinsamaꞌ u sok sima-sima ong mokodongog nok pidinsamaꞌ tumaluꞌ sok kitab kini. Bilaꞌ ongon og dumungag nog daꞌ kolabit sog diyalom nok kitab kini, podatongan da sop ilon nok Tuhan nong mulkaꞌ in mamaꞌ na nong milabit sok kitab kini. 19 Bu sima-sima ok kumulang nok pidinsamaꞌ tumaluꞌ sog diyalom Kitab kini, diꞌ na ilon mokosolod sok siyudad sutsi nok sinuksug sog diyalom Kitab kini. Bu awaon da sop nok Tuhan og bahagiꞌ nilon sog bunga kayu nong mokobogoy nok .

20 Na ok sinumaksiꞌ nong mosobonnal ok kotanan nong mipotongow sok kitab kini, yonin na si , bu miktaluꞌ yanin, “Tantu, matongu nong mosompun.”

Ok tabalu, “, angoya na dini, Panghuꞌ Isa.”

21 Na bung mayan modiyon diniyu mga sinutsi kotanan ok ni .

Wassalam