Rum 15

Sulut niyu og Duma niyu

Ok sosuku dinita niyu nong mopagon ok kotombaꞌ in sok Tuhan, sumboy sumabar song mga duma ta manusiyaꞌ nong molamma ok kotombaꞌ nilon sok Tuhan. Kanaꞌ tibuwa og ginawa-baran ta ok suluton ta. 2 Sumboy pobaisan nong monolokotow dinita og duma ta bagun moksipagon ok kotombaꞌ nilon. 3 Poꞌ bisan og , ondaꞌ in sulutoy og ginawa nin. Sugaid miunut ong misulat sok Kitab,

“U Tuhan, ok pogunda-unda nilon diyon dinika,

misugat dinakon.”

4 Ok kotanan nok sinulat sog diyalom Kitab sok tagnaꞌ kituꞌ, misulat bagun kotintuluan ita. Poꞌ kini ong mokpopagon nok pongatoyan ta bu moktabang dinita sok poktiggol ta. Dadi pasal sok Kitab, diꞌ mogotus ok kopongandol bu pogdodama ta sok Tuhan. 5 Na pongoni-ngonihon ku sok Tuhan, nog yonin ong mokobogoy diniyu nok poktiggol bu mokopopagon nok pongatoyan niyu. Bung mayan lolayun da yanin tumabang diniyu bagun moksulut-sulut amu. Poꞌ yonin koyon og dait inangon nong mga mogogunut ni 6 bagun moksolobuk amu mokpotas sok Tuhan, og nok Panghuꞌ ta niyu Isa Al-Masih.

Og Ginang ni Isa Al-Masih Mokopogawon sog Lam nog Bangsa

7 Tinabuk amu na nog , dadi tabuk niyu da sop og duma niyu bagun potason ok Tuhan. 8 Poꞌ taluan ku amu nong miimung si Isa nok sosuguon para song mga Yahudi, bagun mokposobonnal nog ondiꞌ moboluba ong mga jinanjiꞌ nok Tuhan song mga pingapuꞌ nami Yahudi. 9 Inimung sooy yanin nok sosuguon bagun mokpotas da sop ong mga len bangsa sok Tuhan pasal sok kololatin dinilon. Mamaꞌ na nong misulat sok Kitab,

“Pudjihon ku ika song mga bangsa ,

sangliton ku ong ngalan nu biyan sok kolangan.”

10 Misulat sop sog diyalom nok Kitab,

“U mga len bangsa,

pogloliyag amu, dunut sok piktowanin Yahudi.”

11 Bu misulat pa sok Kitab,

“Kotanan niyu nok kanaꞌ bangsa Yahudi,

pudji niyu ok Pogbayaꞌ-bayaꞌ,

og lam nong mga kobangsa-bangsahan,

potas niyu ok Tuhan.”

12 Bu miktaluꞌ da sop si Nabi ,

“Tidu sok ponupuꞌ ni Yesse,

ongon ong mindog mogbayaꞌ song mga kobangsa-bangsahan.

Yanin og dodamahan bu pongandolan nilon nong mogawon dinilon.”

13 Ok Tuhan, ok tobud nok pogdodama bug kopongandol ta niyu. Bung mayan bogoyanin amu nog lam nog loliyag bug kosannangan biyan sok kopongandol niyu diyanin bagun tidu sok kowasa nog , mogdodungag pa ok pogdodama niyu.

Ok Sabapan nok Poksulat ni Pol

14 Mga pigilugan ku, mitantu u nong mokohatul amu nok tow bu jukup ok kokosun niyu, bu mokopoktinintuluoy amu na. 15 Bisan maꞌ nituꞌ pasal sog ginang nog winakil dinakon nok Tuhan biyan sok kolasa-kololatin, miktowakkalu sumulat diniyu nok sanu-sanubuk toktang nok patut niyu pokpondomon. 16 Inimungu nok sosuguon ni bagun mokposampoy pasal diyanin song mga kobangsa-bangsahan. Mamaꞌ sopantun nog gimam, mokposampoyu dinilon nong kini tidu sok Tuhan bagun pogdoksuꞌ nilon sutsihon nog , moimung ilon mamaꞌ sopantun nok nok kosuatan dun ok Tuhan. 17 Dadi pasal sok kosolobuku diyon ni Isa Al-Masih diꞌ u mosipog mogbantug pasal song miinangu para sok Tuhan. 18 Daꞌdun na muwal ong mopongabbu u luwal ong mga pinginang nog Al-Masih biyan dinakon. Yanin da ong mokpojatu nok pokposampoyu bug ginangu bagun ongon na song mga len bangsa ok tumombaꞌ song Mobais nok Suksugan pasal diyanin. 19 Biyan sok tabang nong mga miglologinis nong mokosobuꞌ-sobuꞌ nong miinang biyan sok kowasa nog Ruh Mahasutsi, pisampoyu ong Mobais nok Suksugan pasal sog Al-Masih. Mikposampoyu bisan ayin-ayin nog inangoyan ku tidu sog toktob sog bonuwa Ilirikum. 20 Pigmuhut-muhutan ku mokposampoy ong Mobais nok Suksugan sok kobonuwahan nong mga tow nog daꞌ pa sibon pokodongog pasal sog Al-Masih bagun diꞌ u sunulon og ginang nok kitolipunan na asal nog len nok tow. 21 Sugaid mamaꞌ na nong misulat sok Kitab,

“Ok tow nog daꞌ pa kosuksugoy pasal diyanin, kosunan nilon,

ok towanan nog ondaꞌ pa sibon pokodongog pasal diyanin, mokosabut ilon.”

Mikpikil si Tumibow sog Bonuwa Rum

22 Ok pokposampoyu song mga kobonuwahan kini ok sabapan nong mianggaꞌ u mangoy diyon diniyu. 23 Tibuwa ningkomun midoksuꞌ na og ginangu dini, dadi mogdadi u na bosiya mangoy diyon diniyu. Tinahunan na sop ok sabaꞌ u tumibow diyon diniyu. 24 Dadi bilaꞌ mangoyu sog Espanya, bung mayan mokapitu diyon diniyu sok siyudad nog . Kolegan ku bosiya mogloliyagu dunut diniyu bisan mopolok sooy nog waktu, bu bung mayan kotabangan niyu akon sok kopanowu posunguꞌ diyon. 25 Tibuwa ningkomun mangoyu poguna sog mogoyit nok totabangan song mga diyon. 26 Poꞌ kisuatan ong mga sog bonuwa Makedonya bug mogbogoy nok totabangan para song mga miskin nok sukuꞌ nog Al-Masih dituꞌ sog Jerusalem. 27 Og ginang kini tidu sog leg nilon, bu mosolag da sop tokodoy ok pomondoman nilon song mga salu bangsa u nong moktotombaꞌ sog Al-Masih. Poꞌ biyan song mga Yahudi, binahagian ong mga len bangsa nok pononduꞌ ni pasal sok bug duma pa mga barakat nok Tuhan. Dadi daitan da sop ong mga len bangsa nok tabangan nilon ong mga moktotombaꞌ nog bangsa Yahudi sok kulang-kabus nilon. 28 Dadi bilaꞌ midoksuꞌ u na wakilon ok totabangan kini song mga Yahudi sog Jerusalem, bangka u pa pogdayun sog Espanya. Sugaid mapitu poguna diyon diniyu sok siyudad nog Rum. 29 Bilaꞌ matongu diyon diniyu, mitantu u nong motabuk ta ong mosolag nog barakat tidu ni Isa Al-Masih.

30 Dadi mga pigilugan, pongonihon ku diniyu biyan sok pogbayaꞌ nok Panghuꞌ ta Isa Al-Masih bu biyan sog lasa nog binogoy dinita nog nong mampuꞌ amu tumabang mongoni-ngoni para dinakon. 31 Pongoni-ngoni amu nok tabangan ku song mga tow diyon sog nog daꞌ tombaꞌ nong meleg mongmula dinakon, bu bagun da sop ong mga sukuꞌ nog Al-Masih sog Jerusalem mogloliyag tumabuk sok totabangan dinilon. 32 Dadi bilaꞌ dumuhul da ok Tuhan, matongu diyon diniyu dunut loliyag bu polasigon ta niyu ok pongatoyan ta monolokotow. 33 Na, bung mayan diyon diniyu ok Tuhan, ong mogbobogoy nok kosannangan. .