Rum 11

Og Lolat nok Tuhan song mga tow Israel

Dadi sakan ku amu, “Tinallak na taꞌ nok Tuhan ok piktowanin?” Tantu ondaꞌ, mikpomotud og ginawa-baran ku dun, poꞌ akon sooy solobuku bangsa Israel, ok ponupuꞌ ni Benhamin tidu ni Nabi . 2 Ondaꞌ tallakoy nok Tuhan ok piktowanin nok piniliꞌ in asal nok sukuꞌ in. Daꞌ niyu taꞌ kosunoy ok sinulat sok Kitab pasal ni Nabi sog waktu nok sinumbungin og ginang nok salu bangsa nin sok Tuhan? 3 Taluꞌ in, “U Tuhan, pimatoy nilon ong mga nu, bu linadak nilon ong mga para dinika. Sala-sala u dona misamaꞌ, bu pinontong nilon pa akon bagun patoyon.” 4 Tibuwa tinaluan yanin nok Tuhan, “Kanaꞌ da sala-sala nu, poꞌ pisamaan ku pa pitu ngibu kotow piktowan ku mga bangsa Israel nog daꞌ sumbaꞌ sok tuhan-tuhan nok si .” 5 Dadi mamaꞌ niyon da sop song ningkomun kini, ongon pa mga misamaꞌ sok salu-bangsa u Israel nong moliunungoy sok Tuhan, ong mga piniliꞌ in tidu sok kolasa-kololatin. 6 Ok kopiliꞌ in kanaꞌ pasal sog ginang nong mobais, sugaid pasal sok kolasa-kololatin. Poꞌ bilaꞌ piniliꞌ in ong manusiyaꞌ biyan sog ginang nilon nong mobais, kanaꞌ na kini motaluꞌ nok tidu sok kolasa-kololat nok Tuhan.

7 Saan na ok kologdongan nok pigmuhut-muhutan angkonoy nong mga tow Israel, ondaꞌ koangkon nok kodakolan dinilon. Sugaid ong mga mikoangkon dun ong mga piniliꞌ nok Tuhan moimung nok sukuꞌ in. Tibuwa ong mga len nok tow Israel, moksitogas ok pongatoyan nilon. 8 Mamaꞌ na nong misulat sog diyalom nok Kitab,

“Pisagadan nok Tuhan ok pikilan nilon nog diꞌ mokosayu sok kosobonnalan,

mipodong ong mga mata nilon,

bu mitampong ong mga tolinga nilon sampoy na song ningkomun.”

9 Bu miktaluꞌ da sop si Nabi pasal sok salu bangsa nin tow Israel nong meleg momunuꞌ diyanin,

“Bung mayan moiman pa bosiya ilon bangka kosaggow soliyan nilon mokpokorodjaan

bagun ilon tumbasan.

10 Bung mayan lumobog ok ponontong nilon boyaan diꞌ ilon mokotongow,

bu diyon ilon sok kologonan lolayun.”

11 Ong mga mamaꞌ sopantun nong mibuksak ilon pagga daꞌ ilon tombaꞌ sog . Dadi sakan ku amu: Mibuksak taꞌ ilon boyaan diꞌ na mokobuwat? Kanaꞌ. Tibuwa kidatongan ong mga len bangsa nok biyan sok pogdugtul nilon bagun moima ong mga Yahudi. 12 Na bilaꞌ kidatongan nok kobaisan ong mga len bangsa pasal sok pogdugtul nog bangsa Israel, lubaꞌ na bayuꞌ kosolag ok kobais sok tibuk nog dunya kini bilaꞌ mojukup na og dakol nong mga salu bangsa u kini tumombaꞌ sog Al-Masih.

Ok Pogawon song mga Len Bangsa

13 Na, mga pigilugan ku nok , sinuguꞌ u nok Tuhan mokposampoy diniyu pasal sog , bu hinalgaan ku tokodoy ok piinang dinakon kini. 14 Dadi bung mayan tidu sok pokposampoyu kini diniyu mga len bangsa, moima ong mga salu-bangsa u Yahudi sog barakat nong mitabuk niyu. Bu bung mayan ongon pa dinilon ong moyitu sok kotombaꞌ sog Al-Masih bagun ilon moawon. 15 Dadi ok pokpotiyang nok Tuhan song mga pigilugan ku Yahudi, miimung nog dalanan bagun koongonan puliꞌ ong mga len bangsa nong mobais ok kobotang-botang diyanin. Dadi ponoy ma kobais bilaꞌ tumombaꞌ na ong mga pigilugan ku Yahudi bangka ilon kotabuk nok Tuhan, mamaꞌ ilon na nong mitubuꞌ mokpuliꞌ tidu sok kopatoy!

16 Pagga ong mga mokogulang tagnaꞌ nok siloꞌ Nabi miimung , na yonin da sop ong mga ponupuꞌ nilon. Mamaꞌ nok pun kayu, bilaꞌ og gamutin sukuꞌ nok Tuhan, maꞌ nituꞌ da sop ong mga panga nin. 17 Ong mga Yahudi mamaꞌ nok panga sok pun kayu nok pimula, sugaid pinutuk og duma nok panga nin. Amu, mga len bangsa, mamaꞌ nok panga nok pun kayu nong mitubuꞌ sala-sala nin, bangka putukoy og duma nok panga nin bu sukpatoy sok pun nok kayu kituꞌ nok pimula. Dadi ok posabut dun, mikohampit amu, mga len bangsa sog barakat nok Tuhan dinilon. 18 Saan na diꞌ amu mogabbu song mga panga kituꞌ nok pinutuk. Pondom niyu nong mitubuꞌ amu sog gamut nok kanaꞌ diniyu dun, bu mitubuꞌ amu pasal sog gamut koyon.

19 Na sunoy moktaluꞌ amu, “Pinutuk ong mga panga bagun mosukpat ami.” 20 Oo, tibuwa pondom niyu nok pinutuk ilon pasal diꞌ ilon mongandol sog Al-Masih. Sugaid sinukpat amu tibuwa pasal sok pongandol niyu diyanin bagun amu mokindog biyan sok kotombaꞌ. Dadi diꞌ amu mogabbu, sugaid pogot niyu og gondok niyu sok Tuhan. 21 Poꞌ bilaꞌ pinutuk nok Tuhan og duma nok panga nok kayu nin, yonin da sop og inangonin diniyu. 22 Dadi mitongow ok kobaisan nok Tuhan bu ok pogmulkaꞌ in. Pogmulkaanin ong mga tow nog ondaꞌ pongandol, sugaid mobais yanin diniyu bilaꞌ mokpotattap amu mongandol sok kolasa-kololatin. Sugaid bilaꞌ ondiꞌ, pomutukonin da sop amu mamaꞌ dinilon. 23 Doksuꞌ og bangsa Yahudi da sop, bilaꞌ lotaan nilon ok kotogas nok pongatoyan nilon bangka tombaꞌ, sukpaton ilon da puliꞌ sok pun nok piktiduhan nilon kituꞌ. Poꞌ tantu ongon ok kowasa nok Tuhan mokposukpat dinilon puliꞌ. 24 Poꞌ pinutuk amu mga len bangsa tidu sok kayu nong mitubuꞌ sala-sala nin bangka sukpatoy sok pun kayu nok pimula kituꞌ. Na ilon pa taꞌ kituꞌ nog bangsa Yahudi og diꞌ mosukpat mokpuliꞌ nog asal na panga nok pun kayu nok pimula kituꞌ!

Molilolatoy ok Tuhan sog Lam nong Manusiyaꞌ

25 Dadi mga pigilugan ku, kolegan ku tokodoy nok kosunan niyu ong maksud nok Tuhan nog ugat pa kotampal, bagun diꞌ amu mogabbu. Ongon ok kotogas nog duma Yahudi, sugaid toktob da koyon sog waktu nong mojukup na og dakol nong mga len bangsa nong mongandol sog Al-Masih, bangka koimung . 26 Doksuꞌ mongandol na og lam nog bangsa Yahudi bangka ilon koawon mamaꞌ na nok pidinsamaꞌ tumaluꞌ nok Tuhan sog diyalom Kitab,

“Moktidu ong Mokpopuwas sog Jerusalem,

awaonin sog dalan molikoꞌ ong mga ponupuꞌ ni Yaꞌkub.

27 Papason ku sog waktu koyon ong mga nilon, bu mounut na ok ku dinilon.”

28 Pagga tinolikudan nok kodakolan nong mga bangsa Yahudi ong pasal ni , initung ilon nog banta nok Tuhan. Sugaid biyan dun kidatongan amu nog barakat nok . Tibuwa ok kolasa nok Tuhan dinilon ondaꞌ da kopinda pasal piniliꞌ in ong mga pingapuꞌ nilon siloꞌ , bug Yaꞌkub moimung nok piktowanin. 29 Poꞌ diꞌ na alapon nok Tuhan mokpuliꞌ ok kobaisan nog binogoyin, bu bilaꞌ piniliꞌ in ok tow, diꞌ na mopinda ok pikilanin. 30 Mamaꞌ amu da sop dinilon tagnaꞌ nog dinumugtul sok Tuhan, sugaid ningkomun kilolatanin amu biyan sok pogdugtul nong mga Yahudi sok Tuhan. 31 Ningkomun ong mga Yahudi og dinumugtul sok Tuhan, bu amu mga len bangsa ok kidatongan nog lolat nok Tuhan. Tibuwa kibogoyan amu nog lolat bagun kololatan da sop ilon biyan song mikobiyan diniyu. 32 Poꞌ pisagadan nok Tuhan og lam nong manusiyaꞌ nog dumugtul diyanin bagunin da mopotongow og lolatin sog lam nilon. 33 Ilakad tokodoy ok nok Tuhan, bu landuꞌ kodalom ok kokosun bug kopandoyin. Og hukumanin ondiꞌ motokkad, bu daꞌdun song manusiyaꞌ ong mokosaut song mga ginangin.

34 Poꞌ sima buwan dodaꞌ ong mokotokkad sog diyalom pikilan nok Tuhan?

Sima ong mokotintuluꞌ diyanin?

35 Bisan olo og bogoyon ta sok Tuhan, diꞌ ta yanin kotumbasan.

36 Poꞌ og lam nog olo-olo miktidu sok Tuhan, bu og lam miongon biyan sok pogbayaꞌ in bu para diyanin. Patut yanin potason solama-lama. .