Rum 8

Ok Kotubuꞌ nok Tow nok Pigbayaan nog

Dadi ok sosuku nok sinumolobuk ni , ondiꞌ ilon na hukumon nok Tuhan. 2 Poꞌ pasal sok poksolobuk ta niyu ni Isa Al-Masih, mipuwas ita na tidu sok kowasa nog nong mogoyit nok kopatoy bug kosiksaan. Mipuwas ita dun biyan sok kowasa nog Ruh nok Tuhan nong mokobogoy nok . 3 Pagga daꞌ kounut nong manusiyaꞌ ok saraꞌ pasal molomu ilon moyit nok sassat, miinang nok Tuhan og diꞌ moinang nok saraꞌ. Piponogin og Bataꞌ in nok si Isa Al-Masih miglawas manusiyaꞌ bagun angkononin ok kosiksaan nong mga dusa ta. Doksuꞌ bangka yanin hukumoy nok kopatoy pasal dun. 4 Miinang kini bagun unutonin ong mga suguan sok saraꞌ para dinita niyu nog diꞌ na motubuꞌ mounut sok konapsuhan ta, sugaid mounut sog leg nog Ruh nok Tuhan. 5 Poꞌ sima-sima ong motubuꞌ sok kododunyahoy, ong napsu ok pokpikilon nilon. Tibuwa ong mga tow nong motubuꞌ sog Ruh nok Tuhan, pokpikilon nilon bug olo ok kolegan nog kini. 6 Poꞌ bilaꞌ mokpoduhul ita song napsu ta, ok koposunguan ta ok siksaꞌ sog binayaꞌ gondow. Sugaid bilaꞌ mogunut ita sok kolegan nog Ruh Mahasutsi, mosannang og diyalom pongatoyan ta, bu bogoyan ita nok Tuhan nok kotubuꞌ solama-lama sok . 7 Poꞌ sima-sima ong mokpoduhul song napsu nog ginawa-baran nilon, sumaggaꞌ ilon sok Tuhan. Ondiꞌ ilon moglillaꞌ sok saraꞌ nok Tuhan, song motudin, diꞌ nilon kini moinang. 8 Bu sima-sima ok pigbayaan nong napsu sog ginawa-baran nilon, ondiꞌ ilon mokososuat sok Tuhan.

9 Sugaid amu, ondaꞌ amu na kodiyalom sog bayaꞌ nong napsu nog ginawa-baran niyu basta diyon diniyu og Ruh nok Tuhan. Tibuwa ok tow nog ondaꞌ diyon diyanin og Ruh nog Al-Masih, kanaꞌ sukuꞌ sog Al-Masih. 10 Sugaid bilaꞌ diyon og Al-Masih sok pongatoyan niyu, bisan ginantaꞌ og lawas niyu matoy pasal sog dusa, motubuꞌ da ong nyawa niyu poꞌ pilogdong amu nok Tuhan. 11 Bu pagga diyon na diniyu og Ruh nok Tuhan, potubuon amu da sop puliꞌ nok Tuhan biyan sog Ruh nin nog diyon diniyu, mamaꞌ nok kopotubuꞌ in puliꞌ ni Isa Al-Masih.

12 Dadi mga pigilugan ku, ondaꞌ ita pokutang song napsu nog ginawa-baran ta, saan na diꞌ ita sumboy mogunut dun. 13 Poꞌ bilaꞌ duhulon ta og olo-olo nong napsu nog ginawa-baran ta niyu, siksaon ita na dodaꞌ. Sugaid bilaꞌ biyan sok kotabang nog Ruh nok Tuhan, tolikudan ta ong napsu ta, na ongon ong mosannang nok kotubuꞌ ta niyu solama-lama. 14 Ok kotanan nong mipotontul sog Ruh nok Tuhan, ilon koyon ong mga gumbataꞌ nok Tuhan. 15 Poꞌ daꞌ amu bogoyoy nog Ruh nok Tuhan bagun amu moulipon mokpuliꞌ sog gondok, sugaid binogoyan amu nog Ruh nin poꞌ inimungin amu nong mga gumbataꞌ in. Saan na ongon na ok kopatut ta niyu tumawag sok Tuhan, “U Ommaꞌ.” 16 Miksobonnal og Ruh nok Tuhan sok pongatoyan ta niyu nong miimung ita mga gumbataꞌ nok Tuhan. 17 Dadi pagga inimung ita nong mga gumbataꞌ nok Tuhan, mamaꞌ sopantun ongon ok pusakaꞌ nok pidinsamaꞌ nok Tuhan para dinita sog ahirat, mamaꞌ da sop nog binogoy diyon ni Isa Al-Masih. Poꞌ bilaꞌ moktiggol ita niyu nok kobinsanaan dunut sog Al-Masih, kobahagian ita da sop sok kotasin.

Ong Mobais nok Kobotang-botang ta Loma-dinglag

18 Mitantu u nog ong mga kobinsanaan nong minanam ta niyu sog waktu kini, mamaꞌ nog daꞌdun da bilaꞌ pobatukon ta sok kobais bug kotas nog bogoyon dinita nok Tuhan sog gondow binayaꞌ. 19 Poꞌ og lam nong mga piongon nok Tuhan, kolilokon mogbagad nong matong og gondow kituꞌ nok potampalon nok Tuhan bug sima ong mga gumbataꞌ in. 20 Poꞌ og lam nong mga piongon kini misunuꞌ mokonanam nok kopatoy bug koludak nong misugat diyon niloꞌ Apuꞌ . Sugaid ongon pa ok pogdodamahan nong mobais, 21 pasal matong og gondow nok puwason nok Tuhan ong mga piongonin kituꞌ, bu diꞌ na ilon matoy bu moludak. Doksuꞌ botangonin ilon sog landuꞌ kolingkat nok kosannangan dunut nong mga gumbataꞌ in.

22 Poꞌ kiosunan ta niyu og lam nok piongon nok Tuhan mamaꞌ nong mikkolong soliyan nilon sog diyalom nok kologonan kini sampoy ningkomun. 23 Bu kanaꞌ hadja ong mga piongon koyon ok kologonan. Ita sooy nok kibogoyan nog , ong miguna nog barakat nong matong posunguꞌ dinita niyu, mikkolong ita da sop pasal sok kobinsanaan. Poꞌ gumbataꞌ ita sooy nok Tuhan, kologonan ita da sop soliyan ta mogbagad nok pongimboguhanin og lawas ta. Moinang koyon sog gondow nok potongowon nok Tuhan og lam nog barakatin nok tinogama nin para song mga gumbataꞌ in. 24 Tidu sog waktu nong miawon ita, binogoyan ita nog dodamahan kini nog ondaꞌ ta pa kotongow. Tibuwa bilaꞌ matong na og waktu, na mounut na ok pigdodamahan ta kituꞌ. Dadi motongow ta na, bu diꞌ ita na sumboy mogbagad. 25 Sugaid bilaꞌ mogdodama ita sog daꞌ ta pa kotongow, na sumboy bagadan ta dunut sabar.

26 Bu tabangan ita da sop nog Ruh nok Tuhan pagga kulang ok pagas ta, poꞌ diꞌ ta kosunan bug olo ok pongoni-ngonihon ta nok kogunahan ta, sugaid mongoni-ngoni og Ruh nok Tuhan para dinita sok suwara nog diꞌ komaanahan nong manusiyaꞌ. 27 Bu ok Tuhan mokosun tumontong bug olo dodaꞌ og diyalom pongatoyan ta niyu, bu asalin na kiosunan bug olo ok kolegan nog Ruh nin. Poꞌ mongoni-ngoni tokodoy og Ruh nin mounut sok kolegan nok Tuhan para song mga tow nok sukuꞌ in.

28 Kiosunan ta nog ininang nok Tuhan nong mobais ok kodoksuan bisan olo-olo ong mokosugat song mga molasa diyanin, ong mga inonggatin mounut song maksudin. 29 Poꞌ kiosunan asal nok Tuhan bug sima ong mga sukuꞌ in. Bu ginantaꞌ in nong mopinda ok pongaddatan nilon bagun mogbatuk-batuk sog Bataꞌ in nok si bagun moimung yanin nog gulang bataꞌ song mga pigiluganin. 30 Dadi inonggatin ong mga ginantaꞌ in moimung nong mga gumbataꞌ in. Bu ong mga inonggatin, initungin nong mologdong. Bu ong mga initungin nong mologdong, piampuꞌ in sok kotasin.

Pitongow ni Isa Al-Masih ok Kosolag nog Lasa nok Tuhan dinita

31 Dadi olo ma ong motaluꞌ ta? Pagga diyon ita sog diyalom kongkoman nok Tuhan, diꞌ ita na sumboy mondok sog bisan sima. 32 Poꞌ bisan ok solobuk Bataꞌ in, ondaꞌ in inobosoy, tibuwa inatasin pibiyan sok kopatoy para dinita kotanan. Tantu duhulon da sop nok Tuhan dinita niyu olo-olo dunut sog Bataꞌ in. 33 Daꞌdun na dodaꞌ ong mokosilaꞌ song mga tow nok piniliꞌ nok Tuhan, poꞌ yanin ong mogitung dinita nong mologdong. 34 Daꞌdun na sop ong mokopoktaluꞌ nok sumboy ita botangan nog hukuman pasal song mga ta, poꞌ mingatas matoy si pasal niyon, bu mipotubuꞌ yanin mokpuliꞌ. Dituꞌ yanin ningkomun sog dapit lintu nok Tuhan sok , bu yanin ong mongoni-ngoni para dinita. 35 Ongon taꞌ buwan ong mokopoksuwoy dinita tidu sog lasa ni Isa Al-Masih? Daꞌdun tokod, bisan kodatongan ita nok kosusahan, kologonan, atawa kobinsanaan, gutom, atawa kokulang nok ponapot, komulahan atawa kopatoy. 36 Mamaꞌ na nong misulat sog diyalom nok Kitab,

“Pasal sok kopogunut nami dinika, u Tuhan,

madap ami sok komulahan nok kopatoy gobi-gondow,

mamaꞌ ami na nog nok posunguꞌ sumbalion.”

37 Sugaid bisan na mamaꞌ niyon, momondag ita da biyan diyanin nong molasa dinita niyu. 38-39 Poꞌ mitantu u nog daꞌdun ong mokopoksuwoy dinita sog lasa nok Tuhan, bisan totubuꞌ ita atawa minatoy na, bisan ok komalaikatan, mga soytan, mga mokowasa, atawa bisan pa olo sok tas langit atawa sok silungin. Daꞌdun og olo-olo sog dunya bu sok kolangitan ningkomun atawa loma-dinglag nong mokopoksuwoy dinita sog lasa nok Tuhan dinita niyu biyan ni Isa Al-Masih, ok Panghuꞌ ta.