Rum 6

Mibogu na ok Kotubuꞌ ta

Dadi pagga miglabi-labi ok nok Tuhan, olo na ma ok taluon taꞌ? Mogdayun ita taꞌ monginang nog bagun mokkodakol ok kolasa-kololatin dinita? 2 Tantu kanaꞌ! Ondiꞌ ita na pogbayaan nog dusa poꞌ mamaꞌ nong minatoy ita na dunut ni Isa. Dadi diꞌ ita na moglokotubuꞌ nong mamaꞌ nok tagnaꞌ. 3 Kiosunan taꞌ nong misolobuk ita diyon ni sok kopogliguꞌ dinita. Dadi misolobuk ita da sop sok kopatoyin. 4 Saan na pagga minatoy yanin, mamaꞌ nong midunut ita da sop kubuloy diyanin sog waktu nok kopogliguꞌ dinita. Sugaid pitubuꞌ mokpuliꞌ si Isa biyan sok kowasa nok Tuhan, og ta. Dadi ita sooy, mamaꞌ nituꞌ da sop, mibogu ok kotubuꞌ ta.

5 Poꞌ bilaꞌ misolobuk ita sok kopatoyin, tantuꞌ ita sooy mosolobuk dunut diyanin sok pokpotubuꞌ diyanin mokpuliꞌ. 6 Kiosunan ta ok tagnaꞌ kotubuꞌ ta kituꞌ nog baldusa, mamaꞌ na nong midunut lansangoy diyon sog Al-Masih sok bagun daꞌdun na ok kowasa nog dusa sog ginawa-baran ta, bu ondiꞌ ita na pogbayaan nog dusa. 7 Poꞌ ok tow nong minatoy, mipuwas na sok pogbayaꞌ nog dusa. 8 Na bilaꞌ minatoy ita dunut sog Al-Masih, tinumombaꞌ ita nong motubuꞌ ita da sop mokpuliꞌ dunut diyanin. 9 Kiosunan ta nok pagga si Isa pitubuꞌ puliꞌ tidu sok kopatoy, diꞌ na yanin matoy puliꞌ. Daꞌdun na ok kowasa nok kopatoy diyanin. 10 Insan da ok kopatoyin pasal sog dusa nong mga manusiyaꞌ, bu ningkomun mitubuꞌ yanin para sok Tuhan. 11 Dadi niyat niyu da sop nong mamaꞌ amu nong minatoy bu diꞌ na pogbayaan nog dusa, sugaid motubuꞌ para sok Tuhan pasal sok poksolobuk niyu diyon ni Isa Al-Masih.

12 Saan na, diꞌ niyu kumboyon mogbayaꞌ og dusa sog ginawa-baran niyu, bagun diꞌ niyu unutan ong napsu niyu. 13 Bu diꞌ niyu gamiton og olo-olo nog langkap nog lawas niyu sok kodusahan. Sugaid poglillaꞌ niyu ok tibuk nog ginawa-baran niyu sok Tuhan monginang nok kologdongan poꞌ mamaꞌ amu nong mga pitubuꞌ puliꞌ tidu sok kopatoy. 14 Poꞌ og dusa, daꞌdun na ok kowasa nin diniyu pasal ondaꞌ amu na sog diyaloman nok saraꞌ, sugaid sog diyaloman amu na nok nok Tuhan.

Sima ong Mogbayaꞌ Dinita?

15 Pagga ondaꞌ ita na ma sog diyalom nok saraꞌ, sugaid sog diyaloman ita nok nok Tuhan, olo na ma? Mokpodayun ita taꞌ monginang nog ? Ondiꞌ tokodoy! 16 Tantu kiosunan niyu nog bilaꞌ mokpoulipon amu sog bisan sima towoy, moimung amu guliponin, bu unuton niyu ok suguanin. Na bilaꞌ monginang amu nog dusa, maana nin mikpoulipon amu sog dusa, bu ok kodoksuanin ok siksaꞌ. Tibuwa bilaꞌ tumombaꞌ amu sok Tuhan, mokpoulipon amu diyanin, dadi ampunonin bu imungonin amu nong mologdong. 17 Sugaid moksukul ita sok Tuhan! Poꞌ tagnaꞌ amu mga gulipon nog dusa, tibuwa ningkomun tinumombaꞌ amu na nog ikhlas sok kosobonnalan nok tinonduꞌ diniyu. 18 Mipuwas amu na sok koulipon niyu sog dusa, bu mikpoulipon amu na sok Tuhan monginang nok kologdongan. 19 Pononggian ku amu pasal song mokpoulipon bagun molomu niyu sabuton ok tinaluꞌ u. Poꞌ tagnaꞌ winakil niyu ong mga langkap nog lawas niyu song mga ginang mokolomuꞌ-lomuꞌ, bu migdungag tanan ok pogdugtul niyu sok saraꞌ. Tibuwa ningkomun, wakil niyu og lawas niyu monginang nok kologdongan bagun ok kodoksuanin ok kosutsihan.

20 Sog waktu nog inulipon amu pa nog dusa, daꞌ amu pogbilang-bilang moginang nok kologdongan. 21 Dadi olo ma og bayad nok pinginang niyu tagnaꞌ nong ningkomun ikosipog niyu ma? Na og bayad nong mga ginang kituꞌ, ok siksaꞌ sok kopatoy. 22 Sugaid ningkomun mipuwas amu na sok pogbayaꞌ nog dusa diniyu, bu miimung amu nog nok Tuhan. Ok koposunguanin, ok kosutsihan, bu ok kodoksuanin bogoyan amu nok sok . 23 Poꞌ og bayad nog dusa ok siksaꞌ sok kopatoy. Tibuwa landuꞌ kobais og bogoyon nok Tuhan, yonin na ong mosannang nok kotubuꞌ solama-lama biyan ni , ok Panghuꞌ ta.