Rum 2

Mologdong og Hukuman nok Tuhan

Na sunoy ongon diniyu monallaꞌ song mga duma niyu manusiyaꞌ. Sugaid amu nong mikopoktaluꞌ nong mamaꞌ niyon, binotangan niyu da sop nog hukuman og ginawa baran niyu poꞌ yonin da sop ok piginang niyu. Saan daꞌdun ok pogdaawa niyu. 2 Na pasal song mga tow nong monginang nok kolaatan, kiosunan ta niyu nong mologdong ok Tuhan sok ponghukumin dinilon. 3 Na olo bayuꞌ in ong niyat niyu? Baluꞌ niyu taꞌ nok kopolaguyan niyu og hukuman nok Tuhan bisan mikodusa amu da sop mamaꞌ nong mga tow nok sallaon niyu kituꞌ? 4 Atawa binabaꞌ-babaꞌ niyu taꞌ og landuꞌ kohatul nok Tuhan, ok poktiggolin bug poksabarin diniyu? Daꞌ niyu taꞌ kopikil nok pibaisan amu nok Tuhan bagun amu mokopoktowbat song mga niyu? 5 Sugaid amu koyon, mokotogas ok pongatoyan niyu, bu mopok amu moktowbat. Dadi pigdungagan niyu pa og bogat nok kosiksaan sog ginawa-baran niyu toktob sog . Dituꞌ na bokladon nok Tuhan ong mologdong nog hukumanin. 6 Poꞌ tumbasan nok Tuhan ok kokoniya sog olo-olo nong miinang nilon. 7 Bogoyon nok Tuhan ok song mga tow nong mokotiggol monginang nok kobaisan, mogapas nok kosannangan sok , bu mongmuhut-muhut nong mosuat ilon sok ponontong nok Tuhan. 8 Tibuwa ok sosuku nong mokpikil hadja sog ginawa-baran nilon, dumugtul sok kosobonnalan bu monginang nok kolaatan, kodatongan ilon nong mulkaꞌ tidu sok Tuhan. 9 Ok sosuku manusiyaꞌ nong monginang nok kolaatan, ok kodoksuan nilon ok kosiksaan bug kosusahan, tagnaan song mga mangoy song mga len bangsa. 10 Sugaid ong mga tow nong monginang nok kobaisan, potason bu barakatan nok Tuhan, bu bogoyanin ilon nok kosannangan, tagnaan song mga Yahudi mangoy song mga len bangsa. 11 Pasal ok Tuhan, daꞌdun ok polabihonin.

12 Bilaꞌ mogdusa ong mga len bangsa nong moawam ilon sok saraꞌ nok Tuhan, siksaon ilon, sugaid kanaꞌ na mounut sok saraꞌ. Bu bilaꞌ mogdusa ong mga sog diyaloman nok saraꞌ, hukumon ilon mounut sok saraꞌ. 13 Poꞌ kanaꞌ ong mga monginongog nok saraꞌ nok Tuhan ong moimung nong mologdong sok ponontongin, sugaid ong mga tow nong mogunut sok suguan nok saraꞌ. 14 Ong mga , daꞌ ilon poponogoy nok saraꞌ nok Tuhan. Tibuwa bilaꞌ inangon nilon ong misulat sok saraꞌ kituꞌ bisan daꞌ ilon kotonduoy dun, motampal nok kiosunan nilon bug olo ong mobais inangon. 15 Biyan dun motampal nog diyon sok pongatoyan nilon ok piktonduꞌ sok saraꞌ. Poꞌ mamaꞌ nong mokposun ok pongatoyan bug pikilan nilon bilaꞌ mikodusa taꞌ ilon atawa ondaꞌ. Bilaꞌ monanam nilon og ininang nilon nong molaton, moksusun ilon, bu bilaꞌ monanam nilon ong mobais, mosannang ilon. 16 Motongow koyon sog gondow nog hukumon nok Tuhan biyan ni ong mga mibuni sok pongatoyan nong manusiyaꞌ. Yonin koyon ok posampoyon ku.

Ok Saraꞌ nok Tuhan bu og Bangsa Yahudi

17 Na amu nog iningalanan nong mga bangsa Yahudi, mingandol amu sok pogunut niyu sok saraꞌ, bu migbantug amu nong molani amu sok Tuhan. 18 Kiosunan niyu dow ok kolegan nok Tuhan, bu pagga kitonduan amu biyan sok saraꞌ, mopiliꞌ niyu bug olo ong mologdong. 19 Mitantu niyu nog amu ong mokambit song mga buta sok kosobonnalan pasal sok Tuhan, bu amu dow ok tiyow nong mga tow sok kodoloman. 20 Mokopituwa amu dow song mga awam bu mga gumbataꞌ pasal sog dalan posunguꞌ sok Tuhan poꞌ piponog diniyu ok saraꞌ bug ayin motongow ok kokosun bug kosobonnalan.

21 Saan na bilaꞌ monintuluꞌ amu sok kodumahan, tintuluan niyu taꞌ poguna og ginawa-baran niyu? Pignasihatan niyu ilon nog diꞌ monakow, sugaid bilaꞌ amu, monakow amu taꞌ? 22 Miktaluꞌ amu nong molaton mogjina, sugaid inangon niyu taꞌ? Sinukang niyu ong mga tuhan-tuhan nok sumbahon nong mga duma bangsa, sugaid dakowon niyu taꞌ ong mga mokohalgaꞌ nog gungod sog diyalom baloy poksumbahan nilon? 23 Migabbu amu nok piponogan amu nok saraꞌ nok Tuhan, sugaid pobabaon niyu yanin biyan sok pogdugtul niyu sok saraꞌ in. 24 Mamaꞌ nong misulat sog diyalom Kitab: “Pasal diniyu pigunda-undahan nong mga len bangsa ong ngalan nok Tuhan.”

25 Winadjib dinita niyu bangsa Yahudi nog ong mga kolakihan, og gindanan nok piktowan ita niyu nok Tuhan. Bilaꞌ unuton ta niyu ong mga saraꞌ, mobais nog islamon, sugaid bilaꞌ diꞌ ta niyu unuton og lam niyon, daꞌdun da og halgaꞌ nok kopogislam dinita. 26 Dadi bilaꞌ ong mga len bangsa nog ondaꞌ koislam ok kolakihan nilon, migunut song mga mologdong nok suguan nok Tuhan, tantu itungon ilon koyon nok Tuhan mamaꞌ nong miislam da ilon. 27 Dadi posipogon amu mga Yahudi nong mga len bangsa nog ondaꞌ koislam, tibuwa migunut sok saraꞌ nok Tuhan. Poꞌ bisan sooy inislam amu, bu kiosunan niyu ok saraꞌ, dugtulon niyu da. 28 Poꞌ kanaꞌ sowkat na binataꞌ ok tow nog Yahudi, atawa sowkat nog inislam yanin nong miitung yanin nong motud nog Yahudi. 29 Sugaid ong motud nog Yahudi, yonin na ok tow nong mobogu ok pongatoyanin sok tabang nog . Bu ong motud nok kopogislam moinang sog diyalom pongatoyan nok tow. Na ok pokpotas song mamaꞌ niyon nok tow, kanaꞌ tidu song manusiyaꞌ, sugaid sok Tuhan.