Yahiya 20

Mitubuꞌ Puliꞌ si Panghuꞌ Isa

Na sog gondow Ahad nok sisolom pa tokodoy bu modolom-dolom pa, minangoy si dituꞌ sok kubul, bu mitongowin nong miawaꞌ na og batu nok piktambol sog bongowan nok kubul. 2 Dadi gimobok yanin dituꞌ ni Simon bu song mulid nok kolasahan ni Isa bangka nin ilon taluoy, “Inalap nilon ok Panghuꞌ sok kubulan bu diꞌ nami kosunan bug ayin nilon binotang.”

3 Dadi minangoy si Petros bug mulid koyon posunguꞌ sok kubul. 4 Migdongan ilon gumobok, sugaid mopagas og len mulid koyon, dadi mikuna yanin datong tidu ni Petros. 5 Pogokungin sumolip sog diyalom kubul, mitongowin ong mga kokanaꞌ diyon, sugaid daꞌ yanin solod. 6 Doksuꞌ minatong si Simon Petros nong miktoluyuk ilon, bangka solod sok kubul. Mitongowin ong mga kokanaꞌ nong mibotang diyon, 7 bu ok panyuꞌ nok pigdungmaꞌ nog gulu ni Isa. Ok panyuꞌ koyon, milupiꞌ na, miksuwoy bug mga kokanaꞌ. 8 Dadi simolod sop ong mulid nong mikuna matong sok kubulan. Mitongowin ong mga kokanaꞌ bu timombaꞌ yanin nong mitubuꞌ puliꞌ si Isa. 9 Bisan maꞌ nituꞌ, daꞌ pa nilon kosabut ong misulat sok Kitab nok sumboy motubuꞌ da yanin puliꞌ. 10 Doksuꞌ minuliꞌ na ong mga mulid koyon.

Mikpotongow si song mga Mulidin

11 Sugaid si Mariam dituꞌ pa migindog mogaduy sog luwasan nok kubulan. Soliyanin mogaduy, minokung yanin sumolip sok kubul. 12 Mitongowin og duwaꞌ migdogdoy nok putiꞌ miningkud sog bakas pigbotangan nog bangkoy ni , ok solokotow sog dapit gulu bu ok solokotow dapit sog botis. 13 Tinaluan yanin nong mga malaikat, “Buweꞌ, manu migaduya ma?”

Tinumabal si Mariam, “Inalap nilon og bangkoy nok Panghuꞌ u, bu diꞌ u na kosunan bug ayin nilon binotang.”

14 Pogdoksuꞌ ni Mariam moktaluꞌ, sinumunguꞌ yanin sog binayaan bu mitongowin si Isa pogindog, sugaid daꞌ in kosunoy nog yonin koyon si Isa. 15 Taluꞌ ni Isa diyanin, “Buweꞌ, manu migaduya ma? Sima ok pinontong nu?”

Tibuwa ong niyat ni Mariam diyanin, ong mogogipat nok kabbun, dadi tinaluꞌ in, “Tuwan, bug ika ong minalap nog bangkoyin, taluan nu akon bug ayin nu binotang poꞌ alapon ku.”

16 Taluꞌ ni Isa diyanin, “Mariam.”

Minadap yanin bangka poktaluꞌ ni Isa sog bahasa , “Rabbuni.” Ong maana nin, guru. 17 Taluꞌ ni Isa diyanin, “Diꞌ nu akon onggaydan poꞌ daꞌ u pa pokangoy dituꞌ sog u. Sugaid angoya song mga mulidu nog initungu nok pigilugan ku bangka nu ilon taluoy nong muliꞌ u sog Gommaꞌ u nog Gommaꞌ niyu da sop, sok Tuhan ku nok Tuhan niyu da sop.”

18 Na minangoy dituꞌ si bagun mokposun song mga mulidin. Ok taluꞌ in, “Mitongowu ok Panghuꞌ!” Tubus sinuksuganin ilon nok tinaluꞌ koyon diyanin ni Isa.

19 Dadi poglogobi sog gondow Ahad koyon, miglumpuk ong mga mulid ni Isa sok solobuk baloy. Kinunsiꞌ ong mga bongowan, poꞌ mondok ilon nong mga kounutan nog Yahudi. Sokaliꞌ tinumuwaꞌ si Isa sok titongaꞌ nilon, taluꞌ in dinilon, “Ok kosannangan diyon diniyu.” 20 Doksuꞌ in moktaluꞌ, pitongowin song mga mulidin og biyaꞌ nog lansang sok komotin duwaꞌ bolaꞌ bu biyaꞌ nog budjak sok kilidanin. Na migloliyag tokodoy ong mga mulid dangan mitongow nilon ok Panghuꞌ.

21 Miktaluꞌ dinilon si Isa mokpuliꞌ, “Ok kosannangan diyon diniyu! Pangoyon ku amu mokposampoy, mamaꞌ nok kopangoy nog Gommaꞌ dinakon dini.” 22 Pogdoksuꞌ in koyon taluon, inoyupin ilon, bu tinaluꞌ in, “Tolimaꞌ niyu og . 23 Bilaꞌ ampunon niyu og nong mga duma niyu, ampunon ilon da sop nok Tuhan. Sugaid bilaꞌ ondiꞌ, ondiꞌ ilon da sop ampunon.”

Si bu si Tomas

24 Sog waktu nong mikpotongow si song mga mulidin, kisolabuhan nog daꞌ diyon si Tomas nok poktawagon nok Kambal. Si Tomas kini, solobuk sok sopuluꞌ bu duwaꞌ . 25 Dadi sinuksugan yanin nong mga duma nong mulid, taluꞌ nilon diyanin, “Mitongow nami ok Panghuꞌ.”

Taluꞌ ni Tomas dinilon, “E, diꞌ u da tumombaꞌ bilaꞌ diꞌ u motongow bu diꞌ u mokimal nok kuyamoyu og biyaꞌ nog lansang sok komotin. Bu bilaꞌ diꞌ u da sop mokikap nok komotu og biyaꞌ nog budjak sok kilidanin, diꞌ u tumud dun.”

26 Dangan miniyan walu ondow, miktopuk na sop ong mga mulid bu mikodunut na si Tomas dinilon. Kinunsiꞌ ong mga bongowan diyon, sugaid timuwaꞌ si Isa minindog sok titongaꞌ nilon, bangka poktaluꞌ, “Ok kosannangan diyon diniyu.”

27 Tubus tinaluanin si Tomas, “Kini na, kimal nu nok kuyamoy nu ok komotu, bu kikap nu nok komot nu ok kilidan ku. Diꞌ a na mogduwaꞌ-duwaꞌ, sugaid tombaꞌ a!”

28 Miktaluꞌ si Tomas diyanin, “Panghuꞌ u bug Tuhan ku.”

29 Taluꞌ ni Isa diyanin, “Tinumombaꞌ a na poꞌ mitongow nu na akon. Mobarakat pa ok tow nog daꞌ pokotongow dinakon, sugaid tinumombaꞌ.”

30 Na modakol pa og ininang ni Isa nog len mokosobuꞌ-sobuꞌ sog gadapan nong mga mulidin nog daꞌ sulatoy sok Kitab kini. 31 Sugaid sinulat kini bagun mokotombaꞌ amu nok si Isa og , og , bu biyan sok kotombaꞌ niyu song ngalanin moongon diniyu ong mosannang nok .