Yahiya 18

Ok Poksaggow ni Panghuꞌ Isa

Na pogdoksuꞌ ni Isa mongoni-ngoni, minangoy yanin dunut nong mga mulidin bangka ilon tolipag sok sapaꞌ Kedron. Ongon dituꞌ ok kabbunan bu simolod ilon diyon. 2 Si Yudas, ong monipu diyanin, mikokosun da sop nog bonuwa koyon, poꞌ aluꞌ-aluꞌ dituꞌ siloꞌ Isa bug mga mulidin poglumpuk-lumpuk. 3 Dadi migoyit si Yudas nok tumpukan nok sundalu sampoy nong mga mogbobantoy sog nok pidunut nong mga kounutan nok koimaman bug mga . Migoyit ilon nong mga suluꞌ, tanjuꞌ bug mga bobunuan bangka angoy sok kabbunan koyon. 4 Na kiosunan na ni Isa bug olo ok koposunguanin, dadi linumpakin bangka nin sakoy, “Sima ok pinontong niyu?”

5 Tinumabal ilon, “Si Isa, ok tow .”

Taluꞌ ni Isa dinilon, “Akon, yonin na yanin.”

Na si Yudas nong minipu ni Isa, diyon da sop pogindog dunut dinilon. 6 Dangan miktaluꞌ si Isa nog, “Akon, yonin na yanin,” mikosibog ilon sog binayaan bangka kobuksak sog lupaꞌ. 7 Na sinakan ilon puliꞌ ni Isa, “Sima ok pinontong niyu?”

Ok tabal nilon, “Si Isa, ok tow Nasaret.”

8 Sinumambung si Isa, “Tinaluan ku na amu nog akon, dadi bilaꞌ akon ok pinontong niyu, potiyangoy niyu mokawaꞌ ong mga dunutu kini.”

9 Tinaluꞌ in koyon bagun mounut og bakas mitaluꞌ in, “Ommaꞌ, ondaꞌ u kobolongoy bisan solokotow sog inuwakil nu kituꞌ dinakon.”

10 Na si Simon taga kalis. Binigdasin bangka nin tigbasoy ok sosuguon nok , bu miputuk ok tolinga nin dapit sog lintu. Ong ngalan nok sosuguon koyon, Malkus. 11 Tinaluan ni Isa si Petros, “Uliꞌ nu ok kalis nu sok tagubanin. Baluꞌ nu dun, ondiꞌ u taꞌ tolimaon og binsanaꞌ nog ginantaꞌ dinakon nog u?”

Inoyit si dituꞌ ni Anas

12 Dadi ong mga sundalu bug kapitan nilon bangsa sampoy nong mga mogbobantoy bangsa Yahudi, sinaggow nilon si bangka nilon ikotoy. 13 Inoyit nilon poguna si Isa dituꞌ ni Anas, poꞌ ponugangan yanin ni , ok sok tahun kituꞌ. 14 Si Kayapas kini ong mikpituwa song mga kounutan nog nong mobais pa nok solokotow hadja ong matoy gantiꞌ song mga towanan, gabaꞌ sog lam nilon.

15 Na timuyuk si Simon bug solokotow nog len mulid diyon ni Isa. Og duma mulid koyon kilalahan nok kinotasan nog gimam koyon, dadi simolod yanin dunut ni Isa sog loma-lomahan nog gimam koyon. 16 Tibuwa si Petros, mibagak sog luwasan. Dadi linumuwas ok solobuk mulid kituꞌ nok kilalahan nok kinotasan nog gimam, bangka nin abit-abitoy ok sosuguon nog libun nong migipat sog bongowan. Tubus pisolod nong mulid koyon si Petros. 17 Poksolod ni Petros, sinakan yanin nog libun koyon, longin, “Kanaꞌ taꞌ solobuka da sop mulid nok tow misaggow koyon?”

Ok tabalin, “Kanaꞌ le.”

18 Na motigdow sog waktu kituꞌ, dadi miktagun ong mga sosuguon bug mga mogbobantoy bangka ilon pongindog mokpodondang, bu si Petros minampuꞌ da sop mokpodondang dinilon.

Sinumariyahan si nok Kinotasan nog Gimam

19 Na sinakan nok si Isa pasal song mulidin bug ponintuluꞌ in song mga tow. 20 Simambung si Isa, “Kiosunan da ok ponintuluꞌ u, daꞌdun ok pigbuni u. Mingnasihatu sok kodakolan nok tow song mga poksumbahan bu sog dini sog bug ayin poglimud ong mga Yahudi. 21 Manu akon ma ok sakan nu? Poksaka song mga tow nong mikodongog, poꞌ kiosunan nilon bug olo ok tinaluꞌ u.”

22 Pogdoksuꞌ ni Isa moktaluꞌ, sinompiling yanin nok solobuk mogbobantoy nong migindog diyon, bu taluꞌ in, “Maꞌ niyon taꞌ ok poktabal nu sok kinotasan nog gimam?”

23 Dadi simambung si Isa, “Bilaꞌ ongon ong mitaluꞌ u nong molaat, posun nu bug olo nituꞌ, sugaid bilaꞌ kosobonnalan ok tinaluꞌ u, manu sinompiling nu ma akon?”

24 Puwas nituꞌ piangoy ni Anas si Isa dunut gikotin posunguꞌ dituꞌ ni . Si Kayapas kini, ok kinotasan nog gimam.

25 Na soliyan ni diyon mogindog mokpodondang, taluꞌ nilon diyanin, “Kanaꞌ taꞌ solobuka da sop mulidin?”

Mimolilu yanin, taluꞌ in, “Kanaꞌ le.”

26 Dadi sinakan na sop yanin nok solobuk sosuguon nok kinotasan nog gimam. Ok sosuguon koyon, og lahasiyaꞌ nok pinutukan ni Petros nok tolinga. Taluꞌ nok tow koyon, “Kanaꞌ taꞌ mitongowu ika sok kabbunan dunut diyanin?”

27 Na minonsing mokpuliꞌ si Petros, bu sododuun miktukkalaꞌ ong manuk.

Inuwakil si dituꞌ ni Gubernur

28 Doksuꞌ inoyit nilon si tidu sog baloy ni posunguꞌ sog gastanaꞌ nog gubernur nok pomarinta nog . Og waktu kituꞌ doliꞌ-ondow, bu daꞌ solod ong mga Yahudi sog diyalom nog gastanaꞌ bagun diꞌ ilon mosammal bu mokokan ilon sog waktu nog . 29 Dadi linumuwas si Gubernur Pilatu bangka poksak, “Olo ok sumbungan niyu sok tow kini?”

30 Ok tabal nilon, “Bilaꞌ ok tow kini daꞌ ponginang nong molaat, ondiꞌ nami yanin oyiton dinika.”

31 Tinaluan ilon ni Pilatu, “Oyit niyu na yanin, bangka niyu yanin hukum nog unut sok saraꞌ niyu.”

Tinumabal ong mga Yahudi, “Daꞌ ami kumboyoy nog Rum nong momatoy bisan sima towoy.” 32 Ok tinaluꞌ nilon koyon, bagun mounut ok tinaluꞌ ni Isa kituꞌ bug ponoy ok pokpatoy diyanin.

33 Na simolod mokpuliꞌ si Gubernur Pilatu sog gastanaꞌ bu pitawagin si Isa bangka nin sakoy, “Ika taꞌ ok sultan nong mga Yahudi?”

34 Tinumabal si Isa, “Tidu taꞌ sok pikilan nu ok sak nu koyon, atawa ongon og len nok tow miktaluꞌ dinika pasal dinakon?”

35 Tinumabal si Pilatu, “Og Yahudi u taꞌ buwan? Inuwakila dinakon nok pokasi nu Yahudi bug mga kounutan nok koimaman. Dadi olo buwan og dusa nu?”

36 Tinumabal si Isa, “Ok piksultanan ku, kanaꞌ dini sog dunya. Bilaꞌ dini pa ok piksultanan ku, momunuan bosiya ong mga sosuguon ku bagun ondiꞌ u mosaggow nong mga Yahudi, sugaid kanaꞌ dini sog dunya ok piksultanan ku.”

37 Taluꞌ ni Pilatu diyanin, “Ok sultan ka saan!”

Tinumabal si Isa, “Tinaluꞌ nu na nog akon ok sultan. Ok sabapan nog binataꞌ u bu ok sabapan piangoyu dini sog dunya, bagun posunon ok kosobonnalan. Sima-sima ong mibukaꞌ ok pongatoyanin sok kosobonnalan, na monginongog ilon dinakon.”

38 Taluꞌ ni Pilatu, “Olo buwan ok kosobonnalan?”

Pogdoksuꞌ in moksak, limuwas yanin puliꞌ bangka nin taluoy ong mga Yahudi, “Daꞌdun ong motongowu nog nin nong mopatut yanin hukumon dun. 39 Sugaid kada Halilaya Pogliyus kilayaman niyu mongoni nok poluwason ku ok solokotow pinirisu. Meleg amu taꞌ nok poluwason ku diniyu ok sultan nong mga Yahudi?”

40 Miglosik ong mga kounutan nog Yahudi, taluꞌ nilon, “Kanaꞌ yanin, tibuwa si Barabbas ok poluwas nu!”

Na si Barabbas kini, ong molaat nok tow.