Yahiya 16

Taluꞌ pa ni Isa, “Sinuksugu diniyu og lam nini bagun diꞌ amu mosuwoy dinakon. 2 Pawaon nilon amu song mga . Bu matong da og waktu nok sima-sima ong munuꞌ diniyu, mongniyat nog ininang nilon koyon para sok Tuhan. 3 Inangon nilon koyon poꞌ daꞌ nilon kilalahoy og atawa akon. 4 Sugaid tinaluꞌ u na ong mga botang koyon diniyu, bagun bilaꞌ matong na og waktu nilon monginang niyon, mopondom niyu bug olo ok tinaluꞌ u diniyu. Daꞌ u kini taluoy diniyu sok tolipunan poꞌ dini u pa diniyu.

Og Ginang nog

5 Ningkomun, muliꞌ u na dituꞌ song mikpangoy nakon dini, tibuwa daꞌdun tanan diniyu ong miksak bug ayin ku posunguꞌ. 6 Misusa na ok pongatoyan niyu pasal nok sinuksugu diniyu og lam nini. 7 Tibuwa, taluan ku amu, ong motudin, mokobais diniyu nong mawaꞌ u, poꞌ bilaꞌ diꞌ u mawaꞌ, ondiꞌ mangoy dini ok Polopituwa. Sugaid bilaꞌ mawaꞌ u, pangoyon ku yanin diniyu. 8 Na bilaꞌ matong na ong , potampalonin song mga tow pasal sog , kologdong bug poghukum. 9 Posabutonin song mga tow pasal sog dusa poꞌ og dusa nilon nog daꞌ ilon tombaꞌ dinakon. 10 Posabutonin dinilon nong mokoangkon ilon nok kologdong tidu dinakon poꞌ mangoyu na sog u, bu diꞌ niyu na akon motongow. 11 Posabutonin sop ong mga tow pasal sog hukuman nok Tuhan, poꞌ hinukum na dinsamaꞌ og , ong migbayaꞌ sog dunya.

12 Modakol pa bosiya ok taluon ku diniyu, sugaid diꞌ niyu pa mogaga sabuton ningkomun. 13 Tibuwa bilaꞌ matong na dini og Ruh nok Tuhan nong moktonduꞌ nok kosobonnalan, posabutonin diniyu og lam nok kosobonnalan. Poꞌ ok taluonin ondiꞌ lumuwas tidu sog ginawa nin, sugaid taluonin olo-olo ong midongogin tidu sok Tuhan, bu posampoyanin amu bug olo ong matong posunguꞌ. 14 Potasonin akon, poꞌ ok kotanan nok tonduonin diniyu, asal tidu dinakon. 15 Og lam nog ongon sog Gommaꞌ u, dinakon da sop, saan na tinaluꞌ u diniyu nog lam nok tonduon diniyu nog Ruh nok Tuhan asal tidu dinakon.

Og Loliyag og Gantiꞌ nok Pogdukkaꞌ

16 Diꞌ na mobon, diꞌ niyu na akon motongow, sugaid diꞌ da sop mobon, motongow niyu da akon puliꞌ.”

17 Dadi og duma nong mga mulidin miksak-sinakoy ilon, “Olo bayuꞌ ong maana nok tinaluꞌ in kituꞌ nog diꞌ na mobon, diꞌ ta na yanin motongow, bu diꞌ da sop mobon, motongow ta da yanin puliꞌ? Olo sop posabut dun nong mangoy yanin sog in? 18 Olo bayuꞌ ong maana nok tinaluꞌ in kituꞌ nog diꞌ na mobon? Diꞌ ta niyu kosunan bug olo ong maana nok tinaluꞌ in.”

19 Kiosunan ni Isa nong meleg ilon moksak diyanin, dadi taluꞌ in dinilon, “Miksak-sinakoy amu taꞌ bug olo ong maana nok tinaluꞌ u kituꞌ diniyu nog diꞌ na mobon, diꞌ niyu na akon motongow, bu diꞌ da sop mobon, motongow niyu da akon puliꞌ? 20 Taluan ku amu, ong motudin, mogaduy bu mogdukka amu, sugaid mogloliyag ong mga tow nok kanaꞌ sukuꞌ u. Mokkorukkaan amu, tibuwa og loliyag og gantiꞌ nok pogdukkaꞌ niyu. 21 Na og libun nok posunguꞌ mogbataꞌ, mosusa yanin poꞌ og waktu nin na mognanam nong mosakit. Sugaid bilaꞌ midoksuꞌ na yanin mogbataꞌ, diꞌ in na mopondom ok sakitin, poꞌ migloliyag na yanin nog linumuwas na og bataꞌ in sog dunya. 22 Domikkiyan da sop amu, ongon ok kosusahan niyu ningkomun, tibuwa motongowu da amu puliꞌ, bu mogloliyag amu, bu daꞌdun ong mokalap nog loliyag niyu koyon tidu diniyu. 23 Sog gondow koyon, daꞌdun na ok sakon niyu dinakon. Taluan ku amu, ong motudin, bisan olo ok pongonihon niyu sog biyan song ngalan ku, duhulonin diniyu. 24 Sampoy ningkomun, daꞌ amu pa pongoni biyan song ngalan ku. Pongoni amu bu kobogoyan amu bagun sop mojukup og loliyag niyu.

25 Tinaluꞌ u kini diniyu sok pononggiꞌ. Tibuwa matong da og waktu nong motampal na ok taluꞌ u diniyu pasal sog Gommaꞌ. 26 Sog waktu niyon mongoni-ngoni amu sog Gommaꞌ biyan song ngalan ku. Maana nin nog diꞌ u sumboy mongoni-ngoni para diniyu bagun tabanganin amu. 27 Poꞌ molasa og Gommaꞌ diniyu, sabap kolasahan niyu akon, bu tinumombaꞌ amu nong miktidu u sok Tuhan. 28 Miktidu u sog Gommaꞌ, bu minangoyu dini sog dunya. Ningkomun posunguꞌ u na gonatan og dunya bangka u angoy puliꞌ sog Gommaꞌ.”

29 Dadi taluꞌ nong mga mulidin, “A, miktaluꞌ a na nong motampal, kanaꞌ na nok pononggiꞌ. 30 Na ningkomun kiosunan nami na nok kosunan nu ok kotanan, bu diꞌ a sumboy sakan poꞌ kiosunan nu dinsamaꞌ og diyalom pikilan nami. Saan na tinumud ami nok tidu a sok Tuhan.”

31 Tinabal ilon ni Isa, “Na ningkomun, tinumombaꞌ amu na taꞌ dinakon? 32 Matong da og waktu, bu minatong na tanan ningkomun, nong mokanat amu. Kokoniya diniyu muliꞌ, bu bagakon niyu akon sala-sala u. Sugaid ongon da og duma u, poꞌ og Gommaꞌ u dini dinakon. 33 Tinaluꞌ u kini diniyu bagun ongon ok kosannangan niyu pasal sok poksolobuk niyu dinakon. Dini sog dunya, ongon ok kobinsanaan niyu, sugaid popagon niyu ok pongatoyan niyu, poꞌ dininagu na ok kolaatan sog dunya.”