Yahiya 14

Si og Dalan posunguꞌ sog Gommaꞌ

Na tinaluan ni Isa ong mga mulidin, “Diꞌ amu mosusa. Pongandol amu sok Tuhan, bu pongandol amu da sop dinakon. 2 Modakol og bilik dituꞌ sog baloy nog Gommaꞌ u. Bilaꞌ kanaꞌ koyon motud, ondiꞌ u na moktaluꞌ diniyu nong mangoyu dituꞌ moktogama nok pogonongan niyu. 3 Bilaꞌ motogama u na ok pogonongan niyu, mokpuliꞌ u dini bangka u amu oyitoy bagun bug ayin ku sooy, dituꞌ amu da sop. 4 Bu kiosunan niyu da og dalan nok posunguan ku.”

5 Tinaluan yanin ni Tomas, “Panghuꞌ, diꞌ nami kosunan bug ayin ka angoy, ponoy ma ok kokosun nami nog dalan?”

6 Tinumabal si Isa diyanin, “Akon og dalan, ok kosobonnalan, bu ok kotubuꞌ. Daꞌdun ong mokangoy sog Gommaꞌ bilaꞌ diꞌ miyan dinakon. 7 Na bilaꞌ kolilahan niyu na akon, kolilahan niyu da sop og Gommaꞌ u. Tidu ningkomun, kilalahan niyu na yanin, bu mitongow niyu na yanin.”

8 Taluꞌ ni Pilip ni Isa, “Panghuꞌ, potongow nu dinami og Gommaꞌ, bu para na koyon dinami.”

9 Ok tabal ni Isa diyanin, “Pilip, miobon ku na diniyu, sokaliꞌ daꞌ nu pa akon kilalahoy? Sima-sima ong mokotongow dinakon, mitongowin da sop og Gommaꞌ. Dadi manu motaluꞌ nu nog ‘Potongow nu dinami og Gommaꞌ?’ 10 Diꞌ a taꞌ tumombaꞌ nog akon diyon ku sog bu og Gommaꞌ dini dinakon? Ong mga tinaluꞌ u diniyu, kanaꞌ tidu sog ginawa-baran ku, sugaid diyanin. Poꞌ og Gommaꞌ u lolayun dini dinakon, bu miginang yanin nong mokosobuꞌ-sobuꞌ nog ginangin biyan dinakon. 11 Tombaꞌ amu sok tinaluꞌ u nog akon diyon ku sog Gommaꞌ bu og Gommaꞌ dini dinakon. Tibuwa bilaꞌ ondiꞌ amu pa tumombaꞌ sok taluꞌ u, tombaꞌ amu sabap song mga mokosobuꞌ-sobuꞌ nok pinginangu. 12 Taluan ku amu, ong motudin, sima-sima ok tumombaꞌ dinakon, moinangin da sop og ininangu. Bu lumabi pa og inangonin poꞌ mokpuliꞌ u na dituꞌ sog Gommaꞌ. 13 Olo-olo ok pongonihon niyu biyan song ngalan ku, inangon ku, bagun mopotongow ok kotas nog Gommaꞌ u biyan dinakon og Bataꞌ in. 14 Dadi bilaꞌ mongoni amu nog olo-olo biyan song ngalan ku, na duhulon ku diniyu.”

Jinanjiꞌ ni nog Bogoyan ilon nog

15 Mikpodayun moktaluꞌ si , “Bilaꞌ molasa amu dinakon, inangon niyu og olo-olo ok suguon ku. 16-17 Mongoni-ngoni u sog , bu bogoyanin amu nog len nok Polopituwa nog gantiꞌ dinakon. Yonin na og Ruh nok Tuhan, og Ruh nok Kosobonnalan nong moktonduꞌ diniyu nok kosobonnalan, bu modiyon yanin diniyu solama-lama. Ong mga tow nog daꞌ tombaꞌ sok Tuhan diꞌ mokotolimaꞌ diyanin poꞌ diꞌ nilon yanin motongow, bu diꞌ kolilahan. Tibuwa amu, kosunan niyu yanin poꞌ diyon yanin diniyu, bu mokpotattap yanin sok pongatoyan niyu. 18 Ondiꞌ u amu potiyangan mamaꞌ nong mga bataꞌ ilu poꞌ mokpuliꞌ u da diniyu. 19 Diꞌ na mobon, diꞌ u na motongow nong mga tow sog dunya. Tibuwa amu, motongow niyu da akon poꞌ motubuꞌ u mokpuliꞌ, saan na motubuꞌ amu da sop solama-lama. 20 Sog gondow niyon, kosunan niyu na nok solobuk ami da nog Gommaꞌ. Bu amu sooy sinumolobuk dinakon, bu akon, sinumolobuku diniyu. 21 Sima-sima ok tumabuk nok taluꞌ u bu tumombaꞌ nong mga suguan ku, yanin koyon ong molasa dinakon. Bu sima-sima ong molasa dinakon, kolasahan sop yanin nog Gommaꞌ u, bu kolasahan ku yanin, bu mokpoilala u diyanin.”

22 Doksuꞌ miktaluꞌ ong mulid ni Isa nog iningalanan nog Yudas, tibuwa kanaꞌ si Yudas Iskariyot, “Panghuꞌ, manu dini a ma hadja nami pokpoilala bu kanaꞌ ma sog lam nong manusiyaꞌ?”

23 Ok tabal ni Isa diyanin, “Sima-sima ong molasa dinakon, unutonin ok taluꞌ u. Kolasahan yanin nog Gommaꞌ u, bu tattap ami nog Gommaꞌ u sok pongatoyanin. 24 Sima-sima ok kanaꞌ molasa dinakon, ondiꞌ in unuton ok taluꞌ u. Ong mga lapal nong midongog niyu koyon, kanaꞌ dinakon dun, sugaid sog Gommaꞌ u nong mikpangoy nakon dini. 25 Tinaluan ku amu nog lam nini soliyan nog dini u pa diniyu. 26 Sugaid poyiton nog Gommaꞌ ok Polopituwa, yonin na og nong moimung nog gantiꞌ u. Yanin ong moktintuluꞌ diniyu nog lam nituꞌ, bu popondomanin amu nog lam nok tinaluꞌ u diniyu.

27 Kosannangan og bagakon ku diniyu. Ok kosannangan ku kini kanaꞌ batuk sok kosannangan sog dunya, saan na sumboy diꞌ mosasow ok pongatoyan niyu, bu diꞌ amu mondok. 28 Midongog niyu ok tinaluꞌ u diniyu nong mawaꞌ u, sugaid mokpuliꞌ u da diniyu. Na bilaꞌ molasa amu dinakon, sumboy mogloliyag amu poꞌ muliꞌ u na dituꞌ sog Gommaꞌ, poꞌ og Gommaꞌ motas pa tidu dinakon. 29 Tinaluꞌ u na koyon diniyu sog daꞌ pa koinang, bagun bilaꞌ moinang na, tumombaꞌ amu. 30 Diꞌ u na popayaton ok taluon ku diniyu, poꞌ mogdodatong na og ong migbayaꞌ sog dunya kini, tibuwa daꞌdun ok kopatutin mogbayaꞌ dinakon. 31 Sugaid unutan ku ok suguan dinakon nog Gommaꞌ u bagun kosunan nong mga manusiyaꞌ nong molasa u diyanin.

Na sung, mopanow ita niyu na!”