Yahiya 13

Inugasan ni og Botis nong mga Mulidin

1-3 Molani na og bu si Yudas Iskariyot, og bataꞌ ni Simon, misassat na asal nog nok tipuhonin si Isa. Na si Isa kiosunanin nong minatong na og waktu nin nog gonatanin na og dunya kini bangka yanin angoy sog . Asal na sop kiosunan ni Isa nog inuwakil diyanin nog Gommaꞌ og lam nog olo-olo, bu tidu yanin sok Tuhan bu mokpuliꞌ da yanin sok Tuhan. Kolasahanin ong mga sukuꞌ in dini sog dunya, bu toktob sok kodoksuan pitongowin og lasa nin dinilon. Dadi sok poglolabungan nilon 4 minindog yanin tidu sok pikkanan nilon, bangka nin luwasoy og juba nin doksuꞌ minapis yanin nok tuwalya. 5 Tubus binuyusin ok tubig sok polonggana, bu miktagnaꞌ yanin mogugas nog botis nong mga mulidin bangka nin torapuhoy nok tuwalya nok tinapisin. 6 Pokpolani nin ni Simon , sinakanin si Isa, “Panghuꞌ, ugasan nu taꞌ og botisu?”

7 Tinumabal si Isa, “Diꞌ nu mosabut ningkomun bug olo og ininangu kini, sugaid sok sosunguon, kosunan nu da.”

8 Sugaid tinaluan yanin ni Petros, “Panghuꞌ, diꞌ u ika kumboyon mogugas nog botisu soumul-tahun.”

Tinumabal si Isa, “Bilaꞌ diꞌ u ika kougasan, daꞌdun og gampuꞌ nu dinakon.”

9 Taluꞌ ni Simon Petros, “Panghuꞌ, bilaꞌ maꞌ nituꞌ, kanaꞌ hadja og botisu, tibuwa sampoy na ok komot bug gulu u!”

10 Taluꞌ ni Isa diyanin, “Sima-sima ong mikopoliguꞌ na, molissin na og lawasin. Ondiꞌ na sumboy mongugas, luwal dona og botisin. Bu amu, molissin amu na, sugaid kanaꞌ og lam niyu.”

11 Tinaluꞌ koyon ni Isa poꞌ kiosunanin na asal bug sima ok tumipu diyanin, saan na tinaluꞌ in, “Kanaꞌ molissin og lam niyu.”

12 Dangan midoksuꞌ na ni Isa pongugasoy og botis nong mga mulidin, sinolugin mokpuliꞌ og juba nin bangka yanin ingkud mokpuliꞌ. Miktaluꞌ yanin, “Misabut niyu taꞌ og ininangu diniyu? 13 Poktawagon niyu akon nog Guru bug Panghuꞌ, bu simugat ok poktawag niyu koyon dinakon, poꞌ maꞌ nituꞌ u dodaꞌ. 14 Na pagga akon ok Panghuꞌ bug Guru niyu, migugas nog botis niyu, sumboy sop moginugasoy amu nog botis niyu. 15 Binogoyan ku amu nok suntuan bagun inangon niyu ong mamaꞌ nog ininangu. 16 Taluan ku amu, ong motudin, ok sosuguon ondiꞌ lumabi sog gamu nin. Domikkiyan da sop, ok sinuguꞌ ondiꞌ lumabi tidu song miksuguꞌ diyanin. 17 Bilaꞌ ungodon niyu koyon sok pongatoyan niyu bangka niyu unutoy, na mobarakat amu.

18 Kiosunan ku ok pongatoyan niyu, dadi kanaꞌ og lam niyu ok tinaluan ku nong mobarakat amu. Poꞌ ongon ok piniliꞌ u bagun mounut tokodoy ong misulat sog diyalom nok Kitab, ‘Ok tow nong moksalu dinakon, yonin na ong monipu dinakon.’

19 Taluon ku diniyu ningkomun sog daꞌ pa koinang bagun bilaꞌ mounut na, tumombaꞌ amu nog akon, yonin na yanin. 20 Taluan ku amu, ong motudin, sima-sima ok tumabuk sok tow nok pangoyon ku, tinabukin da sop akon, bu sima-sima ok tumabuk dinakon, tinabukin da sop ong mikpangoy nakon dini.”

Pidinsamaꞌ ni Tumaluꞌ nok Tipuhon Yanin

21 Pogdoksuꞌ ni moktaluꞌ nong maꞌ nituꞌ, na misasow ok pongatoyanin, bangka poktaluꞌ, “Taluan ku amu, ong motudin, ok solokotow diniyu monipu dinakon.”

22 Miktinontongoy ong mga mulidin bu migduwaꞌ-duwaꞌ ilon bug sima ok pigbinaanin koyon. 23 Na solokotow nong mulid ni Isa ok kolasahanin diyon song molani nin, 24 dadi sininyasan yanin ni Simon nok sakanin si Isa bug sima taꞌ ok pigbinaanin koyon. 25 Dinumoksol ong mulid kini dituꞌ ni Isa, bangka nin sakoy, “Panghuꞌ, sima buwan yanin?”

26 Tinumabal si Isa, “Ok tow nog bogoyan ku nok pan doksuꞌ u soksakoy sok ponaksan, yanin ok pigbinaan ku.”

Pogdoksuꞌ in soksakoy ok pan, binogoyin dituꞌ ni Yudas og bataꞌ ni Simon Iskariyot. 27 Dadi tinabuk ni Yudas ok pan. Doksuꞌ sinolodan yanin nog . Tinaluan yanin ni Isa, “Bug olo og inangon nu, inang nu na nong mosompun.”

28 Na daꞌdun sok kodumahan nilon kituꞌ ong mikosabut bug manu tinaluanin si Yudas nong maꞌ nituꞌ. 29 Baluꞌ nilon dun nok tinaluan yanin ni Isa nok sumaluy nok kogunahan nilon sog Halilaya, atawa momogoy song mga miskinan. Poꞌ si Yudas ma ong miglaluy nok sin nilon. 30 Dangan tinabuk ni Yudas ok pan, linumuwas mogdayun yanin. Og waktu koyon, gobi na.

Og Bogu Suguan

31 Pogluwas hadja ni Yudas, miktaluꞌ si , “Sog waktu kini mopotongow na ok kotasu nog akon og , bu mopotongow da sop ok kotas nok Tuhan biyan dinakon. 32 Na bilaꞌ mopotongow ok kotas nok Tuhan biyan dinakon, potongowon da sop nok Tuhan ok kotasu nog akon og Bataꞌ nong Manusiyaꞌ, bu potasonin mogdayun.”

33 Taluꞌ pa ni Isa song mga mulidin, “U, mga gumbataꞌ u, diꞌ u na mobon dini diniyu. Ponontongon niyu akon, sugaid mamaꞌ na nok tinaluꞌ u song mga Yahudi, diꞌ amu mokangoy sog gangoyan ku. 34 Bogoyan ku amu nog bogu suguan. Poglasa-linasahoy amu! Bug ponoy ok poglasa u diniyu, maꞌ nituꞌ sop ok poglasa-linasahoy niyu. 35 Na bilaꞌ moglasa-linasahoy amu, kosunan na dodaꞌ nong mga tow nong mga mulidu amu.”

Pidinsamaꞌ Tumaluꞌ ni ok Pononsing ni Simon Petros

36 Tubus taluꞌ ni Simon Petros diyanin, “Panghuꞌ, ayin ka angoy?”

Tinumabal si Isa, “Song ningkomun, diꞌ a pa mokotuyuk dinakon sog gangoyan ku, sugaid mokotuyuka da bolombula.”

37 Taluꞌ ni Petros, “Panghuꞌ, manu diꞌ u ma mokotuyuk dinika ningkomun? Poglillaꞌ u ong nyawa u dinika.”

38 Tinumabal si Isa, “Totu? Poglillaꞌ nu taꞌ ong nyawa nu dinakon? Na taluan ku ika, ong motudin, sog diꞌ pa moktukkalaꞌ ong manuk, tolu kali a pononsing nog diꞌ nu akon kolilahan.”