Yahiya 12

Tinuyungan og Botis ni nog Lana Momut

Na nom ondow pa bangka datong og , minangoy si Isa sog Betani sok pigonongan ni Lasarus nok pitubuꞌ in tidu sok kopatoy. 2 Pogdatongin, inusibaan yanin nog lolabungan. Miktolagad si Marta, bu minampuꞌ si Lasarus song mga tow nog diyon sog lomisahan. 3 Na minalap si Mariam tongaꞌ litro nog lana momut nong mohalgaꞌ nog iningalanan nong narda, bangka nin ududoy sog botis ni Isa. Tubus pinunasanin nog bukin bangka kolokop og diyalom baloy nog gomut nog lana kituꞌ. 4 Sokaliꞌ miktaluꞌ ok solokotow mulid ni Isa nok si Yudas Iskariyot, yonin na ong monipu diyanin, longin, 5 “Manu daꞌ ma dagangoy og lana momut koyon tolu gatus bangka pomogoyoy og halinin song mga miskinan?”

6 Tinaluꞌ in koyon, kanaꞌ pasal sog lolatin song mga miskin, sugaid pasal sok polonakow yanin. Poꞌ yanin ong miglaluy nok taguan nok sin niloꞌ Isa, dadi pogalapanin ok pogungodon diyon.

7 Taluꞌ ni Isa, “Potiyangoy nu na yanin. Ininangin kini bagun togamahonin asal para sog gondow pokkubul dinakon. 8 Ong mga miskin lolayun da diyon diniyu, sugaid akon kanaꞌ.”

9 Dangan kiosunan nok tumpukan nong mga nog diyon si Isa sog Betani, minangoy ilon diyon kanaꞌ hadja pasal ni Isa, sugaid bagun motongow nilon sop si Lasarus nok pitubuꞌ ni Isa mokpuliꞌ tidu sok kopatoy. 10-11 Kobalan ni Lasarus modakol na ong mga Yahudi nok tinumombaꞌ ni Isa bu simuwoy na song mga kounutan nok koimaman. Dadi miksipi ong mga kounutan koyon nok patoyon nilon da sop si Lasarus.

Pinudji si nong mga Tow Poksolodin sog Jerusalem

12 Poksolobuk gondow midongog nong mosolag nok tumpukan nong mga tow minghalilaya nong mikposunguꞌ si sog Jerusalem. 13 Dadi mingalap ilon nog langkoy nog hulma bangka ilon lumpak diyanin dunut gekes nilon, “Pudjihon ok Tuhan! Mobarakat ong matong nok kiwakilan nok Tuhan dini. Mobarakat ok Sultan nog !”

14 Na mingudaꞌ si Isa song nati nong mibalakin. Dadi miunut tokodoy ong misulat sog diyalom nok Kitab mamaꞌ na nog,

15 “Diꞌ amu mondok mga tow Jerusalem,

tontong niyu,

mikposunguꞌ na diyon ok sultan niyu,

mingudaꞌ song nati kudaꞌ himar.”

16 Sog waktu koyon ondaꞌ pa kosabut nong mga mulid ni Isa ong maana nong miinang koyon. Tibuwa dangan piotas na yanin sok , mipondom nilon nong mikpudji ilon diyanin, bu misabut nilon nog biyan dun mipomotud ong misulat sok Kitab pasal diyanin.

17 Na minuksug ong mga tow kituꞌ nong mikotongow diyanin nok tinawagin si Lasarus sok kubul bu pitubuꞌ in puliꞌ. 18 Saan na linumumpak diyanin ok tumpukan nong mga tow, poꞌ midongog nilon og ininangin nong mokosobuꞌ-sobuꞌ kituꞌ. 19 Dangan mitongow koyon nong mga , miktaluꞌ ilon sok kodumahan nilon, “Tontong niyu, daꞌdun da tokodoy ong moinang ta, og lam nok tow migunut na diyanin.”

Pidinsamaꞌ ni Tumaluꞌ ok Kopatoyin

20 Na ongon sop ong mga bangsa Grik og limuduk bagun moksumba nog Halilaya sog . 21 Dadi minangoy ilon dituꞌ ni Pilip, ok solobuk ni Isa nok taga Betsayda sog bonuwa , taluꞌ nilon, “Tuwan, meleg ami tumontong ni Isa.”

22 Inangoy ni Pilip suksugoy si Andariyas, bangka ilon angoy dituꞌ ni Isa. 23 Taluꞌ ni Isa dinilon, “Minatong na og waktu nog akon og potason. 24 Taluan ku amu, ong motudin nog bilaꞌ ondiꞌ lobuton sog lupaꞌ og boniꞌ mamaꞌ sopantun nok patoy, lolayun solobuk da og boniꞌ koyon. Tibuwa, bilaꞌ lobuton sog lupaꞌ, moongon og bogu kotubuꞌ tidu sog boniꞌ kituꞌ, dadi tumubuꞌ bu mogbunga nong modakol. Na og Bataꞌ nong Manusiyaꞌ sumboy matoy bangka kubuloy bagun modakol ok kobogoyan nok kotubuꞌ biyan diyanin. 25 Sima-sima ok polabihonin og lasa nin sok kotubuꞌ in sog dunya, kobolongan yanin nong mosannang nok . Tibuwa sima-sima ok tolikudanin ok kotubuꞌ in sog dunya, koongonan yanin nong mosannang nok kotubuꞌ solama-lama. 26 Sima-sima ong meleg moimung nok sosuguon ku, sumboy mogunut yanin dinakon. Bisan ayin ku, dituꞌ da sop ok sosuguon ku. Bu ok sosuku nong miimung nok sosuguon ku, potason yanin nog u.

27 Misasow na ok pongatoyan ku. Olo na bayuꞌ ok taluon ku? Diꞌ u sop moktaluꞌ sog Gommaꞌ u nog awononin akon tidu sok kobinsanaan kini nong matong, poꞌ yonin koyon ok sabapan nong mikosautu sog waktu kini. 28 U Ommaꞌ, bung mayan potongow nu ok kotas nong ngalan nu!”

Doksuꞌ ongon ok tingog sog langit, “Pitongowu na, bu potongowon ku pa puliꞌ.”

29 Dangan midongog koyon nok tumpukan nok tow nong migindog diyon, taluꞌ nilon, “Miglugung.”

Taluꞌ sop nong mga duma, “Malaikat laꞌ kituꞌ ong migabit-abit ni Isa.”

30 Tinumabal si Isa, “Ok tingog nong midongog niyu kituꞌ, para diniyu, kanaꞌ para dinakon. 31 Minatong na og waktu nok poghukum nok Tuhan sog dunya. Dagon na og , ok kounutan sog dunya kini. 32 Na akon, bilaꞌ potason ku sok , polanihon ku og lam dinakon.”

33 Miktaluꞌ si Isa nong maꞌ nituꞌ bagun kosunan nong mga tow bug ponoy ok kopatoy diyanin. 34 Tinabal yanin nok tumpukan nong mga tow, “Kiosunan nami sok Kitab Sutsi nong motubuꞌ og solama-lama, ondiꞌ yanin matoy. Dadi ponoy kotaluꞌ nu dun nok potason og Bataꞌ nong Manusiyaꞌ bagun patoyon sok kayu? Sima buwan og Bataꞌ nong Manusiyaꞌ kini?”

35 Ok tabal ni Isa dinilon, “Ok , diꞌ na mobon dini diniyu. Dadi panow amu imakat diyon pa diniyu ok sahaya bagun diꞌ amu mosaut nog dolom. Sima-sima ong mopanow sok kodoloman, diꞌ in kosunan bug ayin yanin posunguꞌ. 36 Imakat diyon diniyu ok sahaya, tombaꞌ amu sok sahaya kini bagun moimung amu nog gumbataꞌ nok sahaya.”

Dangan midoksuꞌ si Isa moktaluꞌ, minawaꞌ yanin bu daꞌ yanin pokpotongow dinilon.

Diꞌ Tumombaꞌ ong mga diyon ni Panghuꞌ Isa

37 Bisan modakol na og ininang ni Isa nong mokosobuꞌ-sobuꞌ sog gadapan nong mga tow diyon, daꞌ ilon da tombaꞌ diyanin. 38 Dadi miunut og asal tinaluꞌ ni Nabi sog diyalom Kitab, longin,

“U Tuhan, manu mikaan da ma ok tinumombaꞌ sok pokposampoy nami?

Manu diꞌ nilon mosabut nok pitongow nu na ok pagas nok kowasa nu dinilon?”

39 Na tinumogas na ok pongatoyan nilon saan na diꞌ ilon mokotombaꞌ poꞌ miunut ok tinaluꞌ ni Nabi Isaya nog,

40 “Binutahanin ong mga mata nilon,

bu pitogasin ong mga pongatoyan nilon

bagun diꞌ ilon mokotongow,

bu diꞌ mokosabut ok pongatoyan nilon

bangka sunguꞌ dinakon

bagun ku ilon kulioy.”

41 Tinaluꞌ koyon ni Nabi Isaya poꞌ mitongowin dinsamaꞌ ok kowasa ni , bangka yanin poksuksug pasal dun.

42 Na maꞌ nituꞌ sooy, modakol da song mga kounutan Yahudi nok tinumombaꞌ ni Isa. Tibuwa, sabap sog gondok nilon song mga , daꞌ nilon potampaloy ok kotombaꞌ nilon, poꞌ sunoy pawaon ilon sog nilon. 43 Poꞌ pilabi nilon ok sanglit nong mga tow tidu sok sanglit nok Tuhan.

44 Dadi miktaluꞌ si Isa nong mopagas, “Sima-sima ok tumombaꞌ dinakon, kanaꞌ hadja akon ok tinombaanin, sugaid sampoy ong mikpangoy nakon dini. 45 Bu sima-sima ong mokotongow dinakon, mitongowin da sop ong mikpangoy nakon dini. 46 Minangoyu dini sog dunya mamaꞌ hantang nok bagun sima-sima ok tumombaꞌ dinakon, diꞌ na mokpobagak sok kodoloman. 47 Sima-sima ong mokodongog nok taluꞌ u, sugaid diꞌ nilon tombaan, diꞌ u da yanin hukumon. Poꞌ daꞌ u angoy sog dunya bagun hukumon ong manusiyaꞌ, sugaid bagun mogawon dun. 48 Tibuwa sima-sima ok tumolikud dinakon bu diꞌ tumolimaꞌ sok posampoyu, og humukum diyanin sog binayaꞌ gondow, yonin da ong mga lapalu koyon. 49 Poꞌ daꞌ u poktaluꞌ nok tidu sok kopatutu, sugaid og nong mikpangoy nakon dini, yanin ong miksuguꞌ dinakon bug olo ok taluon ku. 50 Bu kiosunan ku ong mga suguanin mokobogoy nok kotubuꞌ nong mosannang solama-lama. Saan na taluon ku bug olo-olo ok sinuguꞌ tumaluꞌ dinakon nog Gommaꞌ u.”