Yahiya 11

Ok Kopatoy ni Lasarus

Na ongon ok tow ong ngalanin si Lasarus. Dituꞌ yanin migonong sog Betani, ok kowman nok pigonongan nog duwaꞌ kotow gilugin nog libun, si Mariam bu si Marta. 2 Si Mariam kini ong migloklas nog lana momut sog botis ni bu pinunasanin nog bukin.

Na misaki og gilug nilon nok si Lasarus. 3 Dadi miktugun og duwaꞌ kotow libun mogilug kini diyon ni Isa, long nilon, “Panghuꞌ ok supali nu nok kolasahan nu, milongkoꞌ.”

4 Dangan midongog ni Isa, miktaluꞌ yanin, “Og longkoanin kini, kanaꞌ ok kopatoy ok kodoksuanin, sugaid para mopotongow ok kotas nok Tuhan bagun mopotas og sabap niyon.”

5 Na kolasahan ni Isa ok tolu kotow mogilug nok si Marta, Mariam bu si Lasarus. 6 Saan na minsan midongogin nong milongkoꞌ si Lasarus, miglihan pa yanin sog bonuwa koyon duwaꞌ ondow. 7 Pogbiyan nog duwaꞌ ondow koyon, tinaluan ni Isa ong mga mulidin, “Mangoy ita niyu puliꞌ sog .”

8 Tinaluan yanin nong mga mulidin, “Guru, bogu da ong mga dituꞌ mogapas tumibag dinika nog batu. Mokpuliꞌ a pa taꞌ lungkan dituꞌ?”

9 Ok tabal ni Isa, “Kanaꞌ taꞌ sopuluꞌ bu duwaꞌ oras ok sondow? Bilaꞌ ongon ong mopanow sog gondow, ondiꞌ yanin mobuksak, poꞌ motongowin og biyananin kobalan nong mata gondow, ok sahaya nog dunya. 10 Sugaid bilaꞌ ongon ong mopanow nog gobi, mobuksak na dodaꞌ, poꞌ daꞌdun ok sahaya diyon diyanin.”

11 Pogdoksuꞌ in moktaluꞌ, dinungaganin pa ok taluꞌ in, “Ok supali ta niyu nok si Lasarus mitulug na, sugaid angoyon ku yanin tanudoy.”

12 Taluꞌ nong mga mulidin, “Panghuꞌ, bilaꞌ mobais na ok tulugin, posunguꞌ na bayuꞌ yanin kulian.”

13 Maꞌ niyon ok taluꞌ nilon poꞌ ok ponabut nilon nong mitulug da si Lasarus, sugaid ong maana ni Isa dun nong minatoy na yanin. 14 Dadi pilogdong na dinilon ni Isa, taluꞌ in, “Minatoy na si Lasarus. 15 Bu pasal diniyu, migloliyagu nog daꞌ u pokosolabu dituꞌ bagun kodungagan ok pongandol niyu. Sugaid alung na, mangoy ita na dituꞌ diyanin.”

16 Dadi miktaluꞌ si Tomas nog iningalanan nok Kambal song mga duma nin, “Mangoy ita niyu sop dituꞌ, bagun matoy ita dunut diyanin.”

17 Dangan minatong na siloꞌ Isa sog Betani, pat ondow na tidu kubulon si Lasarus. 18 Na og Betani molani da sog , mga tolu kilumitru da og layuꞌ in, 19 bu modakol ong mga Yahudi minangoy dituꞌ ni Marta bu ni Mariam mokpobogan nok porossahan nilon sabap sok kopatoy nog gilug nilon.

20 Dangan midongog ni Marta nong minatong na si Isa, inangoyin lumpakoy, sugaid si Mariam mikpobagak sog baloy nilon. 21 Tinaluan ni Marta si Isa, “Panghuꞌ, bilaꞌ dini a da, ondiꞌ bosiya matoy og gilugu. 22 Sugaid kiosunan ku nog bisan ningkomun, duhulon da nok Tuhan og olo-olo ok pongonihon nu.”

23 Tinumabal si Isa diyanin, “Motubuꞌ da puliꞌ og gilug nu.”

24 Ok taluꞌ ni Marta diyanin, “Kiosunan ku nong motubuꞌ da yanin puliꞌ sog binayaꞌ gondow bilaꞌ potubuon na mokpuliꞌ ong mga manusiyaꞌ.”

25 Taluꞌ ni Isa diyanin, “Akon ong mokopotubuꞌ mokpuliꞌ song mga tow minatoy, bu akon ok pun nok kotubuꞌ. Na sima-sima ok tumombaꞌ dinakon, bisan matoy yanin, motubuꞌ da puliꞌ nong mosannang. 26 Bu sima-sima ok totubuꞌ nok tinumombaꞌ dinakon, ondiꞌ yanin matoy solama-lama. Tinumombaꞌ a taꞌ sok taluꞌ u kini?”

27 Tinumabal si Marta, “Oo Panghuꞌ, tinumombaꞌ u nog ika og , og Bataꞌ nok Tuhan, yonin na ok pigdodamahan nong mangoy dini sog dunya.”

28 Pogdoksuꞌ ni Marta moktaluꞌ, inangoyin si Mariam, bangka nin ilom-ilomoy, “Dini na og Guru bu sinabi nin ika.”

29 Midongog hadja ni Mariam, migbuwat mogdayun yanin bangka angoy ni Isa. 30 Sog waktu koyon, daꞌ pa pokosampoy si Isa sok kowman, dituꞌ pa yanin sok piglumpakan diyanin ni Marta. 31 Na ong mga Yahudi kituꞌ nong mikpobogan nok porossahan niloꞌ Mariam, diyon da sog baloy nilon. Dangan mitongow nilon nong minindog mogdayun si Mariam bangka luwas, tinuyuk nilon yanin. Ong niyat nilon, mangoy yanin sok kubul nog gilugin mogaduy.

32 Dangan minatong na si Mariam diyon ni Isa bangka nin kotongow, simudjud yanin sog gadapanin bangka poktaluꞌ, “Panghuꞌ, bilaꞌ dini a da, ondiꞌ bosiya matoy og gilugu.”

33 Dangan mitongow ni Isa nong migaduy si Mariam sampoy ong mga Yahudi nong miktuyuk, milolat tokodoy si Isa, bu minganduꞌ-nganduꞌ ok pongatoyanin. 34 Doksuꞌ miksak yanin, “Ayin niyu yanin kinubul?”

Taluꞌ nilon, “Pogunuta Tuwan, bangka nu tontong.”

35 Migaduy si Isa. 36 Dadi miktaluꞌ ong mga Yahudi, “Tontong niyu ba bug ponoy og lasa nin ni Lasarus.”

37 Sugaid taluꞌ sop nog duma, “Mikopotongow yanin kini nog buta, manu daꞌ in ma kosaggaoy ok kopatoy ni Lasarus?”

38 Dadi minganduꞌ-nganduꞌ na sop ok pongatoyan ni Isa, bu minangoy yanin dituꞌ sok pikkubulan ni Lasarus sog langub. Og langub koyon tinambolan nog batu mosolag.

Pitubuꞌ ni si Lasarus tidu sok Kopatoy

39 Pogdatong nilon dituꞌ, tinaluan ilon ni Isa, “Awaꞌ niyu og batu nok timambol sok kubul.”

Miktaluꞌ si Marta, og gilug nong minatoy kituꞌ, “Panghuꞌ, moduꞌ na laꞌ koyon, poꞌ pat ondow na yanin tidu kubulon.”

40 Tinaluan yanin ni Isa, “Kanaꞌ ta buwan tinaluan ku ika nog bilaꞌ tumombaꞌ a, motongow nu ok kowasa nok Tuhan.”

41 Dadi inawaꞌ nilon na og batu koyon. Doksuꞌ timongal si Isa bangka poktaluꞌ, “U Ommaꞌ, moksukulu nog ininongogan nu akon. 42 Kiosunan ku nog lolayun nu akon inongogan, sugaid tinaluꞌ u kini sabap song mga tow nong migindog dini bagun ilon tumombaꞌ nog ika dodaꞌ ong mikpangoy nakon dini.”

43 Dangan mitaluꞌ in na kini, miktaluꞌ yanin nong mopagas, “Lasarus, luwasa!”

44 Dadi linumuwas ok patoy koyon pimogbod nok kokanaꞌ bisan ok komot bug botisin, sampoy og gulu nin binogbod nok panyuꞌ. Doksuꞌ tinaluan ilon ni Isa, “Ubad niyu og gikot nok saputin bagun mokopanow.”

Ok Poksipi nong mga Kounutan Patoyon si Panghuꞌ Isa

45 Na modakol na ong mga nong minangoy dituꞌ ni Mariam nok tinumombaꞌ na ni Isa pasal song mitongow nilon nog ininangin. 46 Sugaid og duma dinilon minangoy dituꞌ song mga bangka nilon suksugoy bug olo og ininang ni Isa. 47 Dadi pitawag nong mga kounutan nok koimaman bug mga Parisi ong mga , bangka poktaluꞌ, “Olo og inangon ta niyu? Poꞌ ok tow kituꞌ, modakol na ong miinangin nong mokosobuꞌ-sobuꞌ. 48 Bilaꞌ potiyangan ta yanin monginang nong maꞌ niyon, tumombaꞌ na og lam nok tow diyanin. Doksuꞌ mangoy pa dini ong mga sundalu nog bangsa bangka nilon ladakoy og Baloy Sutsi nok Tuhan kini sampoy na og bangsa ta niyu.”

49 Na miktaluꞌ ok solokotow dinilon, yonin na si , ok sok tahun kituꞌ, longin, “Daꞌdun tokodoy ok kosun-sunan niyu. 50 Daꞌ niyu taꞌ kosabut nog ikobais diniyu nok solokotow hadja matoy gantiꞌ song mga tow, gabaꞌ song mongmula og lam nog bangsa ta.”

51 Na ok tinaluꞌ ni Kayapas kituꞌ, kanaꞌ tidu sok pikilanin. Sugaid pagga yanin ok kinotasan nog gimam sok tahun kituꞌ, pitaluꞌ dinsamaꞌ diyanin nok Tuhan nong matoy si Isa para sog bangsa nilon. 52 Bu ok kopatoyin koyon kanaꞌ hadja para sog bangsa Yahudi, sugaid bagun mosolobukin ong mga bataꞌ nok Tuhan nong mikanat ayin-ayin sog dunya. 53 Dadi tidu sog gondow kituꞌ pigisunan nilon bug ponoy ok kopatoy nilon ni Isa.

54 Saan na daꞌ na pokpotampal si Isa sok kodakolan mga tow Yahudi, sugaid minangoy yanin molani sok talunan sog lungsud pogingalanan nog Eprayim. Bu dituꞌ yanin migdukon dunut nong mga mulidin.

55 Na sog waktu koyon molani na og Halilaya nong mga Yahudi nog iningalanan nog . Dadi modakol ong miktidu sok kobonuwahan nong minangoy sog sog daꞌ pa og Halilaya, bagun moksutsi nog lawas nilon mamaꞌ nong miaddat nog bangsa nilon. 56 Pinontong nilon si Isa, bu miksak-sinakoy ilon soliyan nilon mogindog-indog sog , taluꞌ nilon, “Olo sok pikilan niyu? Diꞌ taꞌ bayuꞌ yanin mangoy dini sok poghalilayahan?”

57 Tibuwa miksuguꞌ na asal ong mga kounutan nok koimaman bug mga Parisi nok sima-sima ong mokokosun bug ayin yanin dun, sumboy posunan ilon bagun nilon yanin mosaggow.