Yahiya 10

Ok Pononggiꞌ pasal song Mogogipat nog Bilibili

Miksuksug si Isa nok pononggian, taluꞌ in, “Taluan ku amu, ong motudin, sima-sima og diꞌ miyan sog bongowan nok kulungan nong mga , sugaid monguyangat, na ok tow koyon polonakow bu tow molaat. 2 Tibuwa ong , sumolod yanin miyan sog bongowan. 3 Yanin og bukaan nong miktungguꞌ nog bongowan bu kilalahan nong mga bilibili koyon ok tingogin. Sabihonin ong ngalan nong mga bilibili nin bangka nin ilon oyitoy lumuwas. 4 Bilaꞌ moyitin na lumuwas og lam nog bilibili nin, moguna yanin tidu dinilon, bu moktuyuk diyanin ong mga bilibili koyon poꞌ kosunan nilon ok tingogin. 5 Tibuwa diꞌ meleg moktuyuk ong mga bilibili sok tow nog len. Molaguy ilon poꞌ diꞌ nilon kosunan ok tingogin.”

6 Tinaluꞌ ni Isa ok pononggiꞌ koyon dinilon, sugaid daꞌ nilon kosabut ong maksud nok tinaluꞌ in koyon. 7 Dadi tinaluan ilon puliꞌ ni Isa, “Taluan ku amu, ong motudin, akon mamaꞌ nog bongowan nong mga bilibili. 8 Og lam nong mikuna dinakon nog baluꞌ-baluꞌ mga guru, mamaꞌ ilon nong mga polonakow bug mga tow molaat, sugaid daꞌ ilon inongogoy nong mga bilibili. 9 Akon og bongowan kituꞌ. Sima-sima ok sumolod miyan dinakon, moawon yanin. Mamaꞌ yanin nog bilibili nog ipaton mahatul nong moksolod-luwas nong mosannang bu mokobalak nong mobais nong mosoksabin. 10 Ok polonakow, mangoy hadja monakow, momatoy, bu mongladak nong mga bilibili. Sugaid akon, minangoyu dini bagun koongonan ilon nok kotubuꞌ nong moglipuwas. 11 Akon da sop kini ong mahatul nong . Ong mahatul nong mogogipat nog bilibili, poglillaꞌ in ong nyawa nin para sog ikobais nong mga bilibili nin. 12 Sugaid ok tow nok tahan da tinindanan mogipat, gumobok da bilaꞌ mokotongow nog gayam talun mokposunguꞌ diyon. Gonatanin da ong mga bilibili koyon poꞌ kanaꞌ da diyanin dun, bu kanaꞌ da yanin ong motud nong mogogipat dun. Dadi ukpaan nong mga gayam talun ong mga bilibili bangka nilon kanatoy. 13 Saan na milaguy ok tow kituꞌ poꞌ tahan da yanin tinindanan, bu daꞌdun da og balanin nong mga bilibili. 14 Akon ong mahatul nong mogogipat nog bilibili. Kilalahan ku og dinakon, bu kilalahan nilon sop akon, 15 mamaꞌ nong mikokilala og u dinakon, bu akon sop, kilalahan ku og Gommaꞌ u. Bu poglillaꞌ u ok kotubuꞌ u para sok kobaisan nong mga bilibili. 16 Ongon pa ong mga len bilibili u nog daꞌ dini sok kulungan kini. Sumboy da sop oyiton ku ilon, bu unutan nilon sop ok tingogu. Dadi mosolobuk na ok tumpukan nog bilibili, bu solobuk da ong mogogipat dun.

17 Saan na molasa dinakon og Gommaꞌ, poꞌ poglillaꞌ u ong nyawa u bagun moalapu da sop puliꞌ. 18 Daꞌdun ong mokalap nong nyawa u tidu dinakon, sugaid poglillaꞌ u koyon tidu sok kolegan ku. Ongon ok kowasa u moglillaꞌ nong nyawa u, bu ongon sop ok kowasa u malap dun puliꞌ. Yonin kini ok sinuguan dinakon nog Gommaꞌ u.”

19 Dadi mibahagiꞌ na sop ok pikilan nong mga pasal sok tinaluꞌ ni Isa. 20 Modakol ong miktaluꞌ, “Sinolodan yanin nok soytan, bu bunogon yanin. Manu moginongog amu ma diyanin?”

21 Sugaid taluꞌ sop nong mga duma, “Kanaꞌ maꞌ niyon ok ponaluon nok tow sinolodan nok soytan. Mopotongow taꞌ nok soytan ok tow buta?”

Daꞌ Tolimaoy si nong mga Yahudi

22 Minatong na ok pokkoradjaan sog nog iningalanan nok Pogwakil. Misolabu koyon sok timpu ponigdow. 23 Na mikpanowan si Isa dituꞌ sog sog lambul nok poktawagon nok Pogbiyanan ni . 24 Dadi piglibutan si Isa nong mga kounutan nog Yahudi, bangka nilon taluoy, “Andun pa og bon nami mogbagad bagun nu ami taluan bug sima a tokodoy? Bilaꞌ ika na og , na taluan nu na ami nong mologdong.”

25 Tinumabal si Isa dinilon, “Tinaluan ku na amu, sugaid diꞌ amu tumombaꞌ dinakon. Ong mga ginang nok pinginangu song ngalan nog u, yonin na ong mokosaksiꞌ bug sima u tokodoy. 26 Sugaid diꞌ amu da tumombaꞌ dinakon poꞌ kanaꞌ amu ong mga bilibili u. 27 Ong mga bilibili u monginongog nok tingogu. Kiosunan ku ilon, bu mogunut ilon dinakon. 28 Bogoyan ku ilon nok . Ondiꞌ ilon monarkaꞌ, bu daꞌdun ong mokodanggut dinilon sok kongkoman ku. 29 Og Gommaꞌ u, ong migbogoy nilon dinakon. Yanin ok kinotasan sok kotanan, bu daꞌdun ong mokodanggut dinilon tidu sok kongkomanin. 30 Akon bug Gommaꞌ u solobuk da.”

31 Na mingomud na sop nog batu ong mga Yahudi bagun tibagan nilon si Isa. 32 Tinaluan ilon ni Isa, “Pitongowan ku na amu nong modakol nog ginang nong mobais tidu sog Gommaꞌ u. Ayin song mga pinginangu koyon ok sabapan nog batuhon niyu akon dun?”

33 Ok tabal nong mga Yahudi ni Isa, “Kanaꞌ sabap sog ginang nu nong mobais nog batuhon nami ika dun, sugaid sabap sok taluꞌ nu nok pinglaatan nu ok Tuhan. Poꞌ ika koyon ong manusiyaꞌ a da, sugaid pibatuk nu og ginawa-baran nu sok Tuhan.”

34 Tinumabal si Isa dinilon, “Ondaꞌ taꞌ kosulat sok Kitab ta niyu ok Parman nok Tuhan sok piktowanin, miktaluꞌ yanin, ‘Amu koyon ong mga tuhan?’ 35 Na ok Kitab diꞌ na mopinda soumulan. Dadi bilaꞌ tinawagin nong mga tuhan ong mga tow kituꞌ nok pisampoyan nok Parman nok Tuhan, 36 labi-labi pa akon ok piniliꞌ nog Gommaꞌ bangka pangoyoy dini sog dunya. Dadi manu tinaluꞌ niyu ma akon nok pigunda-undahan ku ok Tuhan, sowkat na nok tinaluꞌ u nog ‘Akon og ?’ 37 Bilaꞌ daꞌ u poginang nong mga ginang nog Gommaꞌ u, na diꞌ niyu akon tombaan. 38 Tibuwa bilaꞌ ininangu og ginangin, bisan ondiꞌ niyu akon tombaan, tombaoy niyu hadja ong mga ginangu bagun kosunan bu mosabut niyu nog dini dinakon og Gommaꞌ, bu akon diyon ku sog Gommaꞌ.”

39 Dadi sinuloyan nilon na sop saggowon si Isa, sugaid mikawaꞌ yanin.

40 Pogawaꞌ in diyon, minangoy yanin puliꞌ sog dipag nok , sog bonuwa nong miktagnaꞌ mongliguꞌ si Yahiya, bu dituꞌ yanin migonong-onong. 41 Na modakol nok tow ong minangoy diyanin, taluꞌ nilon, “Daꞌdun ong miinang ni Yahiya nong mokosobuꞌ-sobuꞌ, sugaid ok sosuku nok tinaluꞌ in pasal sok tow kini, motud.”

42 Na modakol ok tinumombaꞌ diyanin dituꞌ.