Yahiya 8

Ok Kibuyaan Mogjina

Na pasal ni Isa, minangoy yanin sog Bontud Jaytun. 2 Dangan doliꞌ-ondow na mikpuliꞌ yanin sog . Na modakol ong mga tow miglimud dituꞌ diyanin, dadi miningkud yanin bangka nin ilon tintuluoy. 3 Soliyanin monintuluꞌ, minangoy dituꞌ ong mga guru agama bug mga migoyit nok solobuk libun kibuyaan mogjina, bangka nilon botangoy sog lot nilon. 4 Taluꞌ nilon ni Isa, “Tuwan Guru, kibuyaan og libun kini mogjina. 5 Na sok saraꞌ ni Nabi Musa, sinuguꞌ ita nog batuhon ong monginang nong maꞌ niyon. Dadi olo ma dinika?”

6 Ok sak nilon koyon, poksuloy ni poꞌ pongalap-sabap nilon sok taluꞌ in bagun mosumbung nilon yanin. Tibuwa minokung hadja yanin bangka poksulat sog lupaꞌ nok tonduꞌ in. 7 Sugaid mikpodayun ilon moksak ni Isa, dadi minindog si Isa bangka poktaluꞌ dinilon, “Sima-sima diniyu og daꞌdun og nin, yanin ok pouna niyu tumibag nog batu sog libun koyon.”

8 Doksuꞌ minokung yanin puliꞌ, bangka poksulat nok tonduꞌ in sog lupaꞌ.

9 Dangan midongog nong mga bug mga Parisi ok taluꞌ ni Isa, minawaꞌ ilon sosolokotow, tagnaan song mga mogulang dinilon toktob misamaꞌ dona si Isa bu og libun nok pogindog diyon. 10 Tubus minindog si Isa, bangka poksak sog libun, “Buweꞌ, ayin na ilon dun? Daꞌdun taꞌ ong mobilin motang nika nog hukuman?”

11 Ok tabal nog libun, “Daꞌdun Panghuꞌ.”

Taluꞌ sop ni Isa, “Diꞌ u da sop ika botangan nog hukuman. Mogdadi a na mawaꞌ, bu diꞌ a na moginang mokpuliꞌ nong mokodusa.”

Si ok Sahaya nong Manusiyaꞌ

12 Doksuꞌ nituꞌ miktaluꞌ na sop si Isa song mga tow, longin, “Akon ok nong manusiyaꞌ. Sima-sima ong mogunut dinakon ondiꞌ na mopanow sok kodoloman, sugaid sok kodolagan na, poꞌ ok sahaya u sok pongatoyanin mokobogoy diyanin nok kotubuꞌ.”

13 Na sinumaggaꞌ ong mga diyanin, taluꞌ nilon, “Ika da sala nu ok sinumaksiꞌ pasal sog ginawa-baran nu. Na bilaꞌ tahan da ika, daꞌdun ok tantu nin nong motud ok pinaluꞌ nu.”

14 Tinumabal si Isa dinilon, “Bisan akon ok sinumaksiꞌ sog ginawa-baran ku, motud ok pinuksugu poꞌ kiosunan ku ok piktiduhan ku bu posunguan ku. Sugaid amu koyon, daꞌ niyu kosunoy. 15 Amu koyon, humukum nog duma niyu biyan sok pikilan nong manusiyaꞌ. Sugaid akon, daꞌdun og hukuman ku. 16 Tibuwa bisan soupama monghukumu, mologdong og hukuman ku poꞌ kanaꞌ sala-sala u og humukum, sugaid duwaꞌ ami nog ong mikpangoy nakon dini. 17 Bisan sok saraꞌ niyu misulat nog bilaꞌ mogbatuk ok poksaksiꞌ nog duwaꞌ kotow, ok taluꞌ nilon koyon motud. 18 Na akon, sumaksiꞌ u sog ginawa-baran ku, bu og Gommaꞌ u nong mikpangoy nakon dini sumaksiꞌ da sop dinakon.”

19 Dadi miksak ong mga Parisi ni Isa, taluꞌ nilon, “Ayin og gommaꞌ nu dun?”

Tinumabal si Isa, “Diꞌ niyu akon kilalahan bug Gommaꞌ u. Bilaꞌ kilalahan niyu akon, kilalahan niyu da sop og Gommaꞌ u.”

20 Tinaluꞌ ni Isa og lam niyon soliyanin monintuluꞌ dituꞌ sog , molani sok poksodokkahan. Sugaid daꞌdun ok sinumaggow diyanin, poꞌ daꞌ pa datong og waktu nin.

21 Miktaluꞌ na sop si Isa song mga tow, “Akon kini mawaꞌ u na. Doksuꞌ monontong amu dinakon, sugaid diꞌ amu mokangoy sog gangoyan ku poꞌ moyit niyu matoy og niyu.”

22 Na miksak-sinakoy ong mga Yahudi, taluꞌ nilon, “Moksolipatoy taꞌ bayuꞌ yanin? Poꞌ miktaluꞌ ma yanin nog, ‘Diꞌ amu mokangoy sog gangoyan ku.’ ”

23 Ok tabal ni Isa dinilon, “Amu koyon, tidu dini sok silung, akon tidu sok tas. Amu koyon tow dini sog dunya, akon kanaꞌ. 24 Saan na tinaluan ku amu koyna nong moyit niyu matoy og dusa niyu. Poꞌ bilaꞌ ondiꞌ amu tumombaꞌ nog akon, yonin na yanin, matoy amu na dodaꞌ nog daꞌ koampun og dusa niyu.”

25 Taluꞌ nilon ni Isa, “Sima a tokodoy koyon?”

Tinumabal si Isa dinilon, “Tinaluan ku na amu tidu pa sok ponognaan bug sima u. 26 Modakol pa ong motaluꞌ u pasal diniyu bu mohukum diniyu. Sugaid pisampoyu hadja song manusiyaꞌ bug olo ong midongogu song mikpangoy nakon dini, bu yanin kituꞌ ong mosobonnal.”

27 Tibuwa daꞌ nilon kosabut nog ok pigbinaan ni Isa sok tinaluꞌ in kituꞌ, ok Tuhan, Gommaꞌ in. 28 Dadi taluꞌ ni Isa dinilon, “Bilaꞌ potason niyu na akon, og sok , na kosunan niyu na nog akon, yonin na yanin. Bu og lam nok ponginangon bu ponaluon ku kanaꞌ tidu sog ginawa-baran ku, sugaid miktidu sok pinituwa dinakon nog Gommaꞌ u. 29 Yanin ong mikpangoy nakon dini bu dinumahanin akon. Ondaꞌ in akon potiyangoy nok sala-sala u, poꞌ lolayun ku inangon ong mokosuat diyanin.”

30 Soliyan ni Isa moktaluꞌ niyon, modakol na ok tinumombaꞌ diyanin.

Ok Kosobonnalan ong Mokopuwas

31 Na tinaluan ni ong mga nok tinumombaꞌ diyanin, “Bilaꞌ unuton niyu ok tintuluan ku diniyu, na tantu ong mulidu amu, 32 bu kosunan niyu ok kosobonnalan, bu ok kosobonnalan koyon mokpuwas diniyu.”

33 Tinumabal ilon diyanin, “Ami kini, mga ponupuꞌ ni Nabi , bu daꞌ ami sibon koulipon nok sima-sima. Manu miktaluꞌ a ma nong mokopuwas ami?”

34 Ok tabal ni Isa dinilon, “Taluan ku amu, ong motudin, ok sosuku nong mikodusa, inulipon yanin nong napsu nog dusa. Mamaꞌ yanin nok solokotow nog . 35 Na og gulipon daꞌdun kopatutin sog baloy nog gapuꞌ in solama-lama. Sugaid og bataꞌ nog gapuꞌ baloy, taga kopatut diyon solama-lama. 36 Dadi bilaꞌ puwason amu na nog , mipuwas amu na tokodoy sok koulipon niyu. 37 Kiosunan ku da nok ponupuꞌ amu ni Nabi Ibrahim, sugaid ongon diniyu miksipi matoy dinakon poꞌ diꞌ niyu motolimaꞌ ok tintuluan ku diniyu. 38 Sinuksugu bug olo ong mitongowu sog u, bu amu monginang amu bug olo ong midongog niyu sog gommaꞌ niyu.”

39 Tinumabal ilon diyanin, “Si Nabi Ibrahim og gommaꞌ nami.”

Tinaluan ilon ni Isa, “Bilaꞌ motud nog gumbataꞌ amu ni Nabi Ibrahim, logilingan niyu bosiya og ininangin. 40 Sugaid piksipihan niyu akon patoyon, yonin na ok tow nong miksuksug diniyu nok kosobonnalan nong midongogu sok Tuhan. Kanaꞌ maꞌ niyon og ininang ni Nabi Ibrahim. 41 Ok ponginangon niyu koyon, ok pinginang da nog gommaꞌ niyu tokodoy.”

Taluꞌ nilon diyanin, “Kanaꞌ ami og bataꞌ halambiyaraꞌ. Solobuk da og Gommaꞌ nami, yonin na ok Tuhan.”

42 Taluꞌ ni Isa dinilon, “Bilaꞌ ok Tuhan og Gommaꞌ niyu, kolasahan niyu bosiya akon poꞌ miktidu u sok Tuhan. Kana u minangoy dini mounut sog ginawa u, sugaid yanin tokodoy ong mikpangoy dinakon dini. 43 Manu ondiꞌ niyu ma sabuton ok pinaluꞌ u? Pasal ondiꞌ niyu kosandalan inongogan ok pononduꞌ u. 44 Og gommaꞌ niyu og , bu ok kolegan niyu, monginang nok kolegan nog gommaꞌ niyu. Ok polomatoy yanin tidu pa sok ponognaan, bu daꞌdun og balanin nok kosobonnalan poꞌ daꞌdun ok kosobonnalan diyanin. Bilaꞌ mogloput yanin, moktaluꞌ yanin nok tidu sog gaddatin, poꞌ moloput yanin, bu yanin ok piktiduhan nok koloputan. 45 Sugaid akon, ok sinuksugu ok kosobonnalan, saan diꞌ amu da tumombaꞌ dinakon. 46 Sima diniyu ong mokopokpomotud nok taga u? Na bilaꞌ suksugan ku amu nong motud, manu diꞌ amu ma tumombaꞌ dinakon? 47 Sima-sima ok , inongoganin ok tintuluan nok tidu sok Tuhan. Saan na diꞌ amu monginongog poꞌ kanaꞌ amu sukuꞌ nok Tuhan.”

48 Tinabal yanin nong mga Yahudi, “Kanaꞌ taꞌ motud ok tinaluꞌ nami nok tow Samariya a, bu sinolodan ka nok soytan?”

49 Tinumabal si Isa, “Ondaꞌ u tokodoy solodoy nok soytan. Piotasu og Gommaꞌ u, sokaliꞌ binabaꞌ-babaꞌ niyu akon. 50 Ondaꞌ u pogomuꞌ nong mopotongow ok kotasu. Sugaid solobuk da ong migomuꞌ dun, bu yanin ong mokohukum. 51 Taluan ku amu, ong motudin, sima-sima ok tumombaꞌ nok tintuluan ku, diꞌ mokinam nok kopatoy.”

52 Dadi tinaluan yanin nong mga Yahudi, “Kiosunan nami na nok sinolodan ka nok soytan. Si Nabi Ibrahim minatoy da, sampoy ong mga konabihan, sokaliꞌ taluꞌ nu, sima-sima ok tumombaꞌ sok tintuluan nu diꞌ mokinam nok kopatoy. 53 Labi a pa taꞌ tidu sog gommaꞌ nami nok si Nabi Ibrahim nong minatoy na? Bu ong mga konabihan, minatoy da sop! Sok pikilan nu, sima a?”

54 Tinumabal si Isa, “Bilaꞌ akon ong mokpotas nog ginawa-baran ku, daꞌdun da ok polosuddahanin. Sugaid ong mikpotas dinakon, yonin na og Gommaꞌ u nok poktaluon niyu nok Tuhan niyu. 55 Diꞌ niyu yanin kolilahan. Tibuwa akon, kilolahan ku yanin. Bilaꞌ moktaluꞌ u nog diꞌ u yanin kolilahan, na moloputu da sop mamaꞌ diniyu. Sugaid kilolahan ku tokodoy yanin, bu inunutu ok taluꞌ in. 56 Og gommaꞌ niyu nok si Nabi Ibrahim, migloliyag poꞌ migdodama yanin nong motongowin ok pogdatongu dini. Na mitongowin bu migloliyag tokodoy yanin.”

57 Taluꞌ nilon ni Isa, “Daꞌ pa tanan pokosaut lima puluꞌ og gumul nu, sokaliꞌ mitongow nu na si Nabi Ibrahim?”

58 Dadi taluꞌ ni Isa dinilon, “Taluan ku amu, ong motudin, sog daꞌ pa bataoy si Nabi Ibrahim, asalu na ongon.”

59 Dadi minalap ilon nog batu poꞌ tibagan nilon si Isa, sugaid mibuni yanin sok ponontong nilon, bangka luwas sog .