Yahiya 7

Og Halilaya Lokow-lokow^a

Pogdoksuꞌ niyon, miglibut-libut si sok probinsiya nog . Diꞌ yanin mangoy dituꞌ sok probinsiya nog , poꞌ piksipihan yanin patoyon nong mga kounutan nog Yahudi. 2 Sog waktu koyon, posunguꞌ na ok pokoradjaan nong mga nog iningalanan nog Halilaya Lokow-lokow. 3 Dadi tinaluan si Isa nong mga gilugin nog laki, “Gonatoy nu na og bonuwa kini, bangka a angoy sog Yahudiya bagun motongow sop nong mga mulid nu dituꞌ ong mga ginang nu. 4 Poꞌ daꞌdun ok tow nong mogbuni nog ginangin bilaꞌ koleganin kilalahan nong mga tow. Na bilaꞌ inangon nu ong mokosobuꞌ-sobuꞌ koyon, potongow nu na sok kodakolan.”

5 Tinaluꞌ nong mga gilug ni Isa ong maꞌ niyon, poꞌ bisan ilon, daꞌ da tombaꞌ diyanin. 6 Tinaluan ilon ni Isa, “Daꞌ pa datong og waktu u mangoy diyon. Tibuwa amu minsan olo waktuhoy dun, mogdadi da diniyu. 7 Diꞌ amu kopogdumutan nok tow, sugaid dinumutan nilon akon poꞌ pogbistuhon ku ok ponginangon nilon nong molaat. 8 Angoy amu na dituꞌ sok pokoradjaan, diꞌ u pa mangoy dituꞌ poꞌ daꞌ pa datong og waktu u.”

9 Poktaluꞌ in niyon, mikpobagak yanin sog Jalil.

10 Sugaid dangan mipanow na ong mga gilugin posunguꞌ sok pokoradjaan, minangoy da sop yanin dituꞌ. Tibuwa daꞌ yanin pokpotampal sok kodakolan. 11 Na sok pokoradjaan koyon, pinontong nong mga kounutan nog Yahudi si Isa, taluꞌ nilon, “Ayin na dun ok tow kituꞌ?”

12 Migilom-ilom ong mga tow pasal diyanin. Taluꞌ nog duma, “Mobais yanin nok tow.”

Og duma sop miktaluꞌ, “Kanaꞌ, poꞌ pingakkalanin hadja ok tumpukan nok tow.”

13 Sugaid daꞌdun ong mokotowakkal moktaluꞌ sok kodakolan pasal ni Isa poꞌ mondok ilon song mga kounutan nong mga Yahudi.

14 Dangan mitongaꞌ-tongaꞌ na ok pokoradjaan, minangoy si Isa sog Baloy nok Tuhan bangka ponintuluꞌ. 15 Misobuꞌ tokodoy ong mga kounutan nong mga Yahudi sok ponintuluꞌ ni Isa, taluꞌ nilon, “Manu taga kokosun ma ok tow kini sokaliꞌ daꞌ ma tanan yanin koyon pokopongadjiꞌ?”

16 Dadi tinabal ilon ni Isa, “Ok ponintuluꞌ u, kanaꞌ tidu dinakon, sugaid tidu song mikpangoy nakon dini. 17 Bilaꞌ ok tow meleg mogunut sok kolegan nok Tuhan, kosunanin bilaꞌ ok ponintuluꞌ u kini tidu taꞌ sok Tuhan atawa sog ginawa-baran ku hadja. 18 Ong monintuluꞌ tidu sog ginawa nin, koleganin potason yanin. Sugaid ong monintuluꞌ bagun potason ong mikpangoy diyanin, na yanin koyon mologdong bu motud ok pinaluꞌ in. 19 Kanaꞌ taꞌ binogoy diniyu ni Nabi Musa ok saraꞌ nok Tuhan? Tibuwa daꞌdun diniyu ong migunut tokodoy sok saraꞌ koyon. Manu piksipihan niyu ma akon patoyon?”

20 Tinumabal ong mga tow diyanin, “Sinolodan ka nok soytan! Sima buwan ong miksipi matoy dinika?”

21 Ok tabal ni Isa dinilon, “Solobuk og ininangu nong mokosobuꞌ-sobuꞌ sog , dadi misobuꞌ amu kotanan. 22 Ong mattanin, moginang amu da sop sog Gondow Pogogulali, poꞌ mongislam amu da sop nog gumbataꞌ niyu nog laki bilaꞌ modopot na walu ondow tidu bataon. Inangon niyu bisan sooy mitang sog Gondow Pogogulali bagun mounut niyu ok saraꞌ pogislam nog binogoy ni Nabi Musa. Na pasal sok saraꞌ koyon, ong motudin, miktagnaꞌ koyon tidu song mga pingapuꞌ niyu nong mikuna pa tidu ni Nabi Musa. 23 Na bilaꞌ mogdadi da ok tow sog Gondow Pogogulali bagun diꞌ modugtul ok saraꞌ ni Nabi Musa, manu milingit amu ma dinakon dangan pikodagu ok tow sog Gondow Pogogulali? 24 Diꞌ amu monghukum tidu sog bayuꞌ-bayuꞌ, sugaid ponghukum amu nong mologdong.”

Si taꞌ og nong Mipiliꞌ Mogbayaꞌ?

25 Na ongon ong mga tow miktaluꞌ, “Kanaꞌ taꞌ ok tow koyon ok piksipihan nilon kituꞌ patoyon? 26 Kini na yanin, miktaluꞌ sok kodakolan, tibuwa daꞌdun sok kounutan ta ok sinumaggaꞌ diyanin! Olo bayuꞌ, tinumombaꞌ na taꞌ ilon nog yanin koyon og Al-Masih? 27 Tibuwa diꞌ koyon mogdadi poꞌ daꞌdun le ong mokokosun bug ayin tidu og Al-Masih bilaꞌ mangoy na yanin dini. Sugaid ok tow kini kiosunan ta bug ayin tidu.”

28 Dadi soliyan pa ni Isa monintuluꞌ sog diyalom , taluꞌ in nong monamal, “Song niyat niyu kiosunan niyu akon bu ayin ku tidu. Sugaid ondaꞌ u angoy dini tidu sok pogbayaꞌ u sugaid tidu sog bayaꞌ nong miksuguꞌ dinakon. Yanin ong mosobonnal, sugaid daꞌ niyu yanin kolilahoy. 29 Akon, kilalahan ku yanin poꞌ miktidu u diyanin, bu yanin ong mikpangoy nakon dini.”

30 Dadi piksipihan nilon bosiya saggowon si Isa, sugaid daꞌdun ok sinumaggow diyanin, poꞌ daꞌ pa datong og waktu nin. 31 Tibuwa modakol na nok tow ok tinumombaꞌ diyanin, taluꞌ nilon, “Yanin na kini og Al-Masih. Poꞌ daꞌdun ong mokopoginang nong mokosobuꞌ-sobuꞌ nong modakol pa tidu song miinang nok tow kini.”

32 Na midongog nong mga ok pigilom-iloman nong mga tow pasal ni Isa. Dadi miksuguꞌ ilon sampoy mga kounutan nok koimaman song mga mogbobantoy sog Baloy nok Tuhan nok saggowon si Isa. 33 Tubus miktaluꞌ si Isa, “Kanaꞌ u na tantu mobon dini diniyu. Mokpuliꞌ u na dituꞌ song mikpangoy nakon dini. 34 Ponontongon niyu akon, sugaid diꞌ niyu akon mobalak. Diꞌ amu mokangoy sog gangoyan ku.”

35 Miktaluꞌ ong mga kounutan Yahudi sok kodumahan nilon, “Ayin bayuꞌ angoy ok tow kini nog diꞌ ta yanin mobalak? Miksipi taꞌ yanin mangoy sok pigonongan nong mga salu bangsa ta Yahudi sog bonuwa bangka sop poktonduꞌ song mga tow Grik? 36 Olo bayuꞌ in ong maksud nok tinaluꞌ in nog ‘Ponontongon niyu akon, sugaid diꞌ niyu akon mobalak,’ bu ‘Diꞌ amu mokangoy sog bonuwa nog gangoyan ku?’ ”

Ok Tubig nong Mokopotubuꞌ Solama-lama

37 Na sok kodoksuan nog gondow nog , yonin na ong mosolag nog gondow, minindog si bangka poktaluꞌ nong monamal, “Bilaꞌ ongon ok tow kinuwow, mangoy yanin dinakon bangka inum. 38 Sima-sima ok tumombaꞌ dinakon, moongon diyanin ok tinaluꞌ sok Kitab, ‘Moktubud sok pongatoyanin ok tubig nong mokopotubuꞌ solama-lama.’ ”

39 Na ok pigbinaan ni Isa nok tubig nong moktubud kini, yonin na og nok posunguꞌ motabuk nok sosuku nok tinumombaꞌ diyanin. Tibuwa sog waktu koyon, daꞌ pa bogoyoy og Ruh nok Tuhan, poꞌ daꞌ pa potasoy si Isa biyan sok kopatoyin bu pokpuliꞌ in sok .

40 Dangan midongog nok kodakolan nok tow ok tinaluꞌ ni Isa koyon, miktaluꞌ og duma, “Yanin na dodaꞌ ong nok pigdodamahan ta niyu.”

41 Taluꞌ sop nog duma, “Yanin na koyon og !”

Sugaid taluꞌ nog duma, “Moktidu taꞌ buwan sog og Al-Masih? 42 Kanaꞌ taꞌ tinaluꞌ nok Kitab nog luwas og Al-Masih tidu sok ponupuꞌ ni Sultan bu moktidu sog , ok pigbonuwahan ni Sultan Daud?”

43 Dadi mibahagiꞌ ok pikilan nok tow pasal ni Isa. 44 Og duma nok tow meleg sumaggow diyanin, sugaid daꞌdun ong mingonggayd dun.

Diꞌ Tumombaꞌ ni ong mga Kounutan Yahudi

45 Doksuꞌ mikpuliꞌ na ong mga mogbobantoy kituꞌ nok sumaggow bosiya ni Isa. Sinakan ilon nong mga bu kounutan nok koimaman, taluꞌ nilon, “Manu daꞌ niyu ma yanin oyitoy?”

46 Ok tabal nong mga mogbobantoy, “Daꞌdun pa sibon ok tow nong mikoponintuluꞌ mamaꞌ nok tow kini!”

47 Tinabal ilon nong mga Parisi, “Kiakkalanin da taꞌ sop amu? 48 Ongon taꞌ bisan solokotow ok kounutan nong mga atawa Parisi ok tinumombaꞌ dun? 49 Na daꞌdun. Sugaid ok tinumombaꞌ diyanin ong mga tow nog daꞌdun ok kosunsunanin sok saraꞌ ni Musa. Pogmulkaan da ilon koyon nok Tuhan.”

50 Na miktaluꞌ si Nikodemus, ok solobuk Parisi nog bakas minangoy dituꞌ ni Isa, longin, 51 “Tinaluꞌ taꞌ nok saraꞌ ta nog hukumon na ok tow bisan daꞌ pa kosakoy bu daꞌ pa kosunoy og ininangin?”

52 Tinumabal ilon, “Ok tow a da taꞌ sop? Tontong nu sok Kitab bagun kosunan nu nog daꞌdun ong nong moktidu sog Jalil.”

53 Doksuꞌ nituꞌ minuliꞌ ok sosolokotow sog baloy nilon.