Yahiya 6

Mipokan ni ong Modakol nok Tow

Pogdoksuꞌ niyon, timolipag siloꞌ Isa sog nok poktawagon sop nog Linow Tiberias. 2 Pasal song mga mokosobuꞌ-sobuꞌ nog ininang ni Isa nok kiulianin ong mga tow misaki, modakol tokodoy ong mga tow nong miktuyuk diyanin. 3 Doksuꞌ tinumukad si Isa sog bontud bangka ingkud dunut nong mga mulidin. 4 Na sog waktu koyon, posunguꞌ na og Halilaya nong mga Yahudi, yonin na og .

5 Poktontong ni Isa, mitongowin ong modakol nok tow nok posunguꞌ dituꞌ dinilon, tinaluan ni Isa si Pilip, “Ayin ita saluy nok kan bagun mokokan ong mga tow kini?”

6 Miktaluꞌ hadja yanin nong mamaꞌ niyon hantang poksuloyin ni Pilip, poꞌ kiosunanin na bug olo og inangonin. 7 Tinumabal si Pilip, “Bisan og duwaꞌ gatus , ondiꞌ mokojukup poksaluy nok kan para sok kokoniya dinilon bisan mikaan da og bogoyon dinilon.”

8 Puwas nituꞌ miktaluꞌ ok solobuk mulid ni Isa nok si Andariyas, og gilug ni Simon , longin, 9 “Kinya da og bataꞌ nog laki dunut panin lima buk bu duwaꞌ buk sodaꞌ, sugaid andun da koyon sok kodakol nong mga tow kini?”

10 Miktaluꞌ si Isa, “Pingkud niyu ong mga tow.”

Na modakol ok sigbotan sog bonuwa koyon, dadi miningkud ong mga tow. Ok kolakihan tibuwa mga lima ngibu kotow. 11 Doksuꞌ inalap ni Isa ong mga pan bangka yanin poksukul sok Tuhan. Tubus pipogbahagiꞌ in song mga migingkud kituꞌ sampoy na ok sodaꞌ, andun-andun na ok kolegan nilon.

12 Dangan mibosug na ong mga tow, tinaluan ni Isa ong mga mulidin, “Timud niyu ong mga samaꞌ nok pan bagun diꞌ mogasta.”

13 Dadi tinimud na nong mga mulid ni Isa ong mga misamaꞌ koyon. Sog dakol nog lima buk nok pan kituꞌ nok piokan song mga tow, ongon pa sopuluꞌ bu duwaꞌ ambung ong misamaꞌ.

14 Dangan mitongow nong mga tow ong mokosobuꞌ-sobuꞌ nog ininangin, taluꞌ nilon, “Yonin na tokodoy kini ong nog dinodamahan ta mangoy dini sog dunya.”

15 Mibatik hadja ni Isa nok posunguꞌ yanin togolon nong mga tow bagun imungon nok sultan nilon, minawaꞌ yanin bangka pogdayun tumukad sog bontud sala-sala nin.

Mipanow si sog Dibabow Tubig

16 Dangan posunguꞌ na gobi, dimiksun na ong mga mulidin sok kilid dagat. 17 Modolom na bu daꞌ pa angoy si Isa dinilon. Dadi sinumakoy ilon sog bangkaꞌ, bu tinumolipag ilon sog linow posunguꞌ sok Kapernaum. 18 Soliyan nilon tumolipag, dinatongan ilon nog galuꞌ mopagas, bu sinumolag ong nabok. 19 Dangan mikopomolula ilon mga lima mangoy song nom kilumitru, mitongow nilon si Isa mipanow sog dibabow nok tubig mokpolani sog bangkaꞌ nilon, bu miondok ilon tokodoy. 20 Sugaid taluꞌ ni Isa dinilon, “Akon kini. Naꞌ amu mondok.”

21 Pogdongog nilon niyon, migloliyag ilon mokposakoy ni sog bangkaꞌ, bu sokadyap da ilon mikodongguꞌ sog angoyan nilon.

22 Poksunud gondow diyon pa sog dipag nog linow og duma nong mga tow nok piokan ni Isa. Migbagad ilon ni Isa, poꞌ mipondom nilon nok kogobi solobuk da og bangkaꞌ nong mga mulidin. Kiosunan saan nilon da sop nog daꞌ pogunut si Isa sog bangkaꞌ nong mga mulidin, sugaid timulak nog ilon-ilon da.

23 Tubus ongon ong mga bangkaꞌ nok tidu sok Tiberias dimongguꞌ diyon, molani sok pikkanan nilon kituꞌ nok pan song miniyan nog gondow pogdoksuꞌ moksarang-sukul ni Panghuꞌ Isa sog . 24 Dadi dangan kiosunan nong mga tow nog daꞌ na dituꞌ si Isa bug mga mulidin, sinumakoy na ilon song mga bangkaꞌ koyon, bu minangoy ilon sok Kapernaum monontong ni Isa.

Ok Kan nong Mogbogoy nok Kotubuꞌ nog daꞌdun ok Kodoksuanin

25 Pogdatong nong mga tow diyon sog dipag nog , mibalak nilon si Isa, bangka pa poktaluꞌ, “Tuwan Guru, konanu a dini?”

26 Tinabal ilon ni , “Ong motudin, pinontong niyu akon kanaꞌ pasal song mikotongow amu nog ginang nong mokosobuꞌ-sobuꞌ, sugaid pasal song mikokan bu mibosug amu. 27 Na diꞌ niyu poktiksaan ok kan nong monglos da, sugaid ok poktiksaan niyu, ok kan nok tumatas bu mokobogoy nok . Akon, og ong mokobogoy niyon diniyu, poꞌ akon og inuwakilan dun nok Tuhan, og u.”

28 Doksuꞌ sinakan nilon si Isa, “Olo og inangon nami bagun mounut nami ok kolegan nok Tuhan?”

29 Ok tabal ni Isa dinilon, “Og ginang nok kolegan nok Tuhan nog inangon niyu, yonin na nok tombaan niyu akon, ok piangoyin dini.”

30-31 Dadi tinumabal ong mga tow kituꞌ diyanin, “Olo ma ong mopotongow nu nog gindanan dinami bagun ami mokotombaꞌ dinika? Kinuman ong mga pingapuꞌ ta nong manna dituꞌ sog sog waktu ni Nabi Musa, mamaꞌ na nong misulat sok Kitab, ‘Binogoyanin ilon nok kan tidu sok bagun ilon mokokan.’ Dadi bilaꞌ ika, olo og inangon nu?”

32 Ok tabal ni Isa dinilon, “Taluan ku amu, ong motudin, kanaꞌ si Nabi Musa ong migbogoy nok kan kituꞌ nok tidu sok surgaꞌ, sugaid og Gommaꞌ u ong mogbogoy diniyu nong motud nok kan tidu sok surgaꞌ. 33 Poꞌ ok kan nok tidu sok Tuhan, yonin na ong minonog tidu sok surgaꞌ bu mogbogoy nong mosobonnal nok kotubuꞌ song manusiyaꞌ.”

34 Tinaluan yanin nong mga tow, “Panghuꞌ, bogoyan nu ami lolayun nok kan koyon.”

35 Tinaluan ilon ni Isa, “Akon ok kan koyon nong mokobogoy nok kotubuꞌ. Sima-sima ong mangoy dinakon, diꞌ na gutomon, bu sima-sima ok tumombaꞌ dinakon diꞌ na kuwowon. 36 Sugaid mamaꞌ na nok tinaluꞌ u diniyu, diꞌ amu da tumombaꞌ dinakon bisan mitongow niyu na akon. 37 Og lam nog binogoy dinakon nog Gommaꞌ u, matong da dinakon, bu sima-sima ong minatong dinakon, tabukon ku da dodaꞌ. 38 Poꞌ minonogu tidu sok surgaꞌ bagun inangon ok kolegan nog Gommaꞌ u ong mikpangoy dinakon. Daꞌ u angoy dini bagun ok kolegan ku ong mounut. 39 Bu yonin kini ok kolegan nog Gommaꞌ, nog diꞌ u kobolongan nog bisan solokotow sog lam nog binogoyin dinakon, bu potubuon ku ilon mokpuliꞌ sog gondow binayaꞌ. 40 Poꞌ ok kolegan nog Gommaꞌ u, sima-sima ong mokokilala bu tumombaꞌ dinakon, moongon diyanin ok , bu potubuon ku yanin sog gondow binayaꞌ.”

41 Dadi mikkumong-umong ong mga diyon ni Isa pasal sok taluꞌ in nog yanin ok kan koyon nong minonog tidu sok surgaꞌ.

42 Taluꞌ nilon, “Kanaꞌ taꞌ si Isa kini og bataꞌ ni Yusup? Kilalahan ta og gommaꞌ bug ginaꞌ in. Manu mikotaluꞌ ma yanin nong minonog yanin tidu sok surgaꞌ?”

43 Tinumabal si Isa dinilon, “Diꞌ amu mokkumong-umong sok sosolokotow diniyu. 44 Daꞌdun ong mokangoy dinakon bilaꞌ diꞌ yanin polanihon nakon nog Gommaꞌ nong mikpangoy dinakon dini, bu potubuon ku yanin mokpuliꞌ sog gondow binayaꞌ. 45 Misulat sok Kitab Konabihan, ‘Og lam nong manusiyaꞌ tintuluan nok Tuhan.’ Na ok sosuku nong monginongog bu mikopoganad tidu sok Tuhan, mangoy da dinakon. 46 Kanaꞌ koyon hati nin nog ongon na ong mikotongow sog Gommaꞌ. Ong mikotongow nog Gommaꞌ, yonin na ong miktidu sok Tuhan, daꞌdun na muwal.

47 Taluan ku amu, ong motudin, sima-sima ok tumombaꞌ ongon ok kotubuꞌ in solama-lama, 48 poꞌ akon ok kan nong mokobogoy nok kotubuꞌ. 49 Kinuman ong mga pingapuꞌ niyu nong dituꞌ sog ginlupaan mimala, sugaid mimatoy da ilon. 50 Tibuwa ok kan nong minonog tidu sok surgaꞌ selen. Sima-sima ok kuman dun, ondiꞌ na matoy. 51 Akon ok kan kini nong minonog tidu sok surgaꞌ nong mokobogoy nok kotubuꞌ. Bilaꞌ ongon ok kuman nok kan kini, motubuꞌ yanin solama-lama. Ok kan kini yonin na og lawasu nok poglillaꞌ u bagun koongonan ong manusiyaꞌ nok .”

52 Dadi migdaawa na ong mga Yahudi, taluꞌ nilon, “Ponoyon nok tow kini pogbogoy og lawasin dinita bagun kanon ta?”

53 Tinaluan ilon ni Isa, “Taluan ku amu, ong motudin, bilaꞌ diꞌ amu kuman nog gungod nog Bataꞌ nong Manusiyaꞌ bu diꞌ amu minum nog duguꞌ in, daꞌdun ok kotubuꞌ diniyu. 54 Tibuwa sima-sima ok kuman nog gungodu bu minum nog duguꞌ u, ongon diyanin ok kotubuꞌ solama-lama, bu potubuon ku yanin puliꞌ sog binayaꞌ gondow. 55 Poꞌ og gungodu ong motud nok kan bu og duguꞌ u ong motud nog ginumon. 56 Sima-sima ok kuman nog gungodu bu minum nog duguꞌ u, na sinumolobuk yanin dinakon, bu sinumolobuku sop diyanin. 57 Og Gommaꞌ u ong mikpangoy nakon dini, ok pun nok kotubuꞌ, bu mitubuꞌ u sabap diyanin. Dadi domikkiyan sop, sima-sima ok kuman dinakon, na moongon diyanin nog bogu kotubuꞌ sabap dinakon. 58 Akon ong motud nok kan nong minonog tidu sok surgaꞌ, poꞌ sima-sima ok kuman nok kan kini, motubuꞌ solama-lama. Ok kan kini kanaꞌ mamaꞌ nok kan kituꞌ nok kinan nong mga pingapuꞌ niyu nong mimatoy da.”

59 Yonin koyon ok tinaluꞌ ni Isa dangan minintuluꞌ yanin sog dituꞌ sok Kapernaum.

60 Dangan midongog nong modakol nong mulid ni Isa ok tinaluꞌ in, miktaluꞌ ilon, “Mologon kini nok tintuluan, sima ma ong mokotolimaꞌ niyon?”

61 Na kiosunan ni Isa nong mikkumong-umong ong mga mulidin, dadi tinaluanin ilon, “Miuba amu taꞌ dun? 62 Bilaꞌ maꞌ niyon, moolo amu na bayuꞌ in bilaꞌ motongow niyu akon, og monek na sok piktiduhan ku? 63 Og ong mokobogoy nok kotubuꞌ sobonnal-bonnal, ondiꞌ koyon moinang nong manusiyaꞌ. Ong mga lapal kituꞌ nok tinaluꞌ u diniyu, miktidu sog Ruh nok Tuhan bu mokobogoy nok kotubuꞌ sok sima-sima ok tumombaꞌ. 64-65 Sugaid ongon diniyu og daꞌ tombaꞌ. Yonin koyon ok sabapan saan na tinaluꞌ u nog daꞌdun ong mokangoy dinakon luwal bilaꞌ polanihon yanin nog Gommaꞌ.”

Tinaluꞌ ni Isa nong maꞌ niyon poꞌ kiosunanin tidu pa sok tolipunan bug sima og daꞌ tombaꞌ diyanin, bu sima ok tumipu diyanin.

66 Pogdoksuꞌ nini modakol ong mga mulidin minawaꞌ bu daꞌ na pogunut diyanin. 67 Saan na sinakan ni Isa ok sopuluꞌ bu duwaꞌ nong mulidin, taluꞌ in, “Meleg amu da taꞌ sop mawaꞌ?”

68 Tinabal yanin ni Simon , “Panghuꞌ, sima og angoyan nami? Diyon dinika og lapal nong mokobogoy nok kotubuꞌ solama-lama. 69 Tinumombaꞌ ami, bu kiosunan nami nog ika ok Solobuk-lobuk Sutsi nong miktidu sok Tuhan.”

70 Tinaluan ilon ni Isa, “Kanaꞌ taꞌ piniliꞌ u amu sopuluꞌ bu duwaꞌ kotow? Sugaid ok solokotow diniyu pigbayaan nog .”

71 Na ok pigbinaan ni Isa kini, yonin na si Yudas, og bataꞌ ni Simon Iskariyot. Solokotow yanin sok sopuluꞌ bu duwaꞌ mulid ni Isa, sugaid yanin ok tumipu ni Isa.