Yahiya 5

Pikodag ni  og Daday

Pogdoksuꞌ nituꞌ ongon ok pokoradjaan nong mga sog , dadi minangoy si Isa dituꞌ. 2 Na solobuk song mga bongowan sog Jerusalem iningalanan nog Bongowan Bilibili. Molani diyon ongon og linow nog bilaꞌ sog bahasa , ong ngalanin Bitsatta. Og linow koyon, taga baloy-baloy batu lima buk pokponilungan. 3 Na diyon migbobolilid ong modakol tokodoy nok tow taga saki, mamaꞌ na nog buta, pingkaꞌ bug daday. 4 Migbagad ilon nog ongon ong monog moglimbuwal sog linow koyon. Poꞌ sima-sima ong mokuna sumigbow sog linow doksuꞌ nituꞌ, kulian ok saki nin, minsan olo sakitoy dun. 5 Na ongon solokotow dituꞌ nok tolu puluꞌ bu walu tahun na misaki. 6 Dangan mitongow yanin ni Isa, bu kiosunanin na asal nong miobon na ok saki nok tow koyon, sinakanin, “Melega taꞌ kulian?”

7 Tinumabal diyanin ok tow misaki, “Tuwan, daꞌdun ong moksikwat dinakon sog linow bilaꞌ molimbuwal na. Bu bilaꞌ mongmuhut-mohutu mangoy dituꞌ, kounahan ku na nog len.”

8 Taluꞌ ni Isa diyanin, “Pogbuwata, alap nu ok pigbolilidan nu bangka a panow.”

9 Sododuun kiulian ok tow nong misaki. Inalapin ok pigbolilidanin bangka yanin panow.

Sugaid og gondow kituꞌ, . 10 Dadi tinaluan nong mga kounutan nong mga Yahudi ok tow nog bakas misaki, “Uy, gondow kini Gondow Pogogulali. Dadi haram dinika ong mogoyit nok pigbolilidan nu.”

11 Sugaid tinabalin ilon, “Ok taluꞌ nok tow nong mikokuliꞌ dinakon, ‘Oyit nu ok pigbolilidan nu bangka a panow.’ ”

12 Dadi miksak ong mga kounutan koyon, “Sima towoy ong miksuguꞌ dinika nong maꞌ nituꞌ?”

13 Sugaid diꞌ kosunan nok tow bakas misaki bug sima ok tow nong mikokuliꞌ diyanin, poꞌ minawaꞌ na si Isa sok kodakolan nok tow.

14 Doksuꞌ nituꞌ mibalak ni Isa sog diyalom nog og bakas misaki kituꞌ, bu tinaluanin, “Tontong nu ba, kiulian ka na! Hallioy nu na og bagun daꞌdun ong molaat nong matong dinika nog labi pa tidu sok tagnaꞌ kituꞌ.”

15 Pogdoksuꞌ, minawaꞌ na og bakas misaki bu sinuksuganin ong mga kounutan Yahudi nok si Isa ong mikokuliꞌ diyanin. 16 Dadi sabap sok pogbulung ni Isa sok tow koyon sog Gondow Pogogulali, miktolipun ong mga kounutan Yahudi sumaggaꞌ diyanin.

17 Tinumabal si Isa dinilon, “Og u, ondiꞌ mulali moginang, dadi akon sooy, maꞌ nituꞌ u da sop.”

18 Saan na migdodungag ok poksipi nong mga Yahudi patoyon si Isa. Poꞌ kanaꞌ hadja dinugtulin ok saraꞌ nog Gondow Pogogulali, sugaid tinaluꞌ in pa nog Gommaꞌ in ok Tuhan, pibatukin og ginawa nin sok Tuhan.

Ok Kowasa ni Panghuꞌ Isa

19 Dadi miktaluꞌ si dinilon, “Taluan ku amu, ok sobonnalin, akon og Bataꞌ, daꞌdun ong moinangu bilaꞌ sala u da. Sugaid inangon ku na tibuwa bug olo ong mitongowu inangon nog u. Poꞌ olo-olo og inangon nog Gommaꞌ, domikkiyan da sop og inangon ku. 20 Og Gommaꞌ u, landuꞌ tokodoy og lasa nin dinakon nog Bataꞌ in, saan na mokpopotongow yanin dinakon nog lam nog ginangin. Oo, potongowonin pa dinakon og ginang nong mokosobuꞌ-sobuꞌ pa tidu song mga kisaksian niyu. Bilaꞌ motongow niyu na, mosobuꞌ amu tokodoy dun. 21 Og Gommaꞌ u mokopotubuꞌ nong mga minatoy, domikkiyan da sop akon, og Bataꞌ, mokopotubuꞌ nok sima-sima kolegan ku. 22 Na og Gommaꞌ, daꞌdun tanan og hukumonin, sugaid binogoyin dinakon nog Bataꞌ in ok kopatut monghukum song mga manusiyaꞌ 23 bagun pogaddatan nilon akon mamaꞌ nok pogaddat nilon sog Gommaꞌ u. Sima-sima og diꞌ mogaddat sog Bataꞌ, na daꞌ in da sop pogaddatoy og Gommaꞌ, ong mikpangoy diyanin.

24 Taluan ku amu, ong motudin, sima-sima ong monginongog nok taluꞌ u bu tumombaꞌ song mikpangoy nakon dini, ongon ok kotubuꞌ in solama-lama, bu diꞌ na yanin kobotangan nog hukuman. Daꞌdun na ok kosiksaanin, sugaid mikalap yanin nok . 25 Taluan ku amu, ong motudin, matong da og waktu bu minatong na tanan nong modongog nong mga patoy ok suwara nog , bu motubuꞌ ong mga monginongog kituꞌ. 26 Og Gommaꞌ u, ok pun nok kotubuꞌ. Dadi og Bataꞌ in sooy, inimungin da sop nok pun nok kotubuꞌ. 27 Binogoyin sop diyanin ok kopatut monghukum song mga manusiyaꞌ poꞌ yanin og Bataꞌ nong Manusiyaꞌ. 28 Diꞌ amu mosobuꞌ sok tinaluꞌ u kini, poꞌ matong da og waktu nok sosuku nog dituꞌ sog diyalom kubul, mokodongog na nok suwara nin. 29 Bu mogbuwat ilon tidu sok kubul bu motubuꞌ puliꞌ ok kotanan nilon. Na ong mga minginang nong mobais, bogoyan ilon nok kotubuꞌ solama-lama, sugaid ong mga minginang nong molaat, mosugat nok poghukum.”

30 Miktaluꞌ pa si Isa, “Sala nog ginawa u, diꞌ u mokoinang nog olo-olo, poꞌ ok koponghukumu ayin da ok taluon nog u. Dadi mologdong ok koponghukumu, poꞌ ok polabihon ku og leg nog Gommaꞌ u, ong mikpangoy dinakon dini. 31 Bilaꞌ akon da ok sumaksiꞌ sog ginawa-baran ku, diꞌ motantu nong motud ok tinaluꞌ u koyon. 32 Sugaid ongon pa ok sinumaksiꞌ dinakon, yonin na og Gommaꞌ, bu kiosunan ku nong mosobonnal og lam nok saksiꞌ in. 33 Dangan piangoy niyu ong mga sosuguon niyu dituꞌ ni Yahiya, sinaksianin da sop ong motud pasal dinakon. 34 Sugaid kanaꞌ sumboy ongon ok sumaksiꞌ nok tow para dinakon. Pipondomu tibuwa diniyu ok poksaksiꞌ ni Yahiya bagun amu moawon bilaꞌ tumombaꞌ amu sok taluꞌ in. 35 Si Yahiya mamaꞌ sopantun nok politaan, bu migloliyag amu podaliꞌ sok pidolagin diniyu. 36 Sugaid akon, ongon pa ong mopagas nok saksiꞌ u luwal ni Yahiya. Yonin ok pinginangu ok sinuguꞌ dinakon nog u dumoksuꞌ. Ok pinginangu kini, ong mokosaksiꞌ nog Gommaꞌ ong mikpangoy dinakon dini. 37 Oo, og Gommaꞌ, ong mikpangoy dinakon, bu yanin ok sinumaksiꞌ para dinakon. Sugaid daꞌ niyu inongogoy ok suwara nin, bu daꞌ niyu sop kotongow og bayuꞌ-bayuꞌ in, 38 bu ondaꞌ niyu ungodoy sok pongatoyan niyu ok Parmanin poꞌ diꞌ amu tumombaꞌ sok piangoyin dini. 39 Pingadjian niyu ong mga Kitab poꞌ tinumombaꞌ amu nog ongon ok kotubuꞌ solama-lama tidu diyon. Sugaid ong mga Kitab nok pingadjian niyu, sinumaksiꞌ pasal dinakon. 40 Sokaliꞌ mopok amu mangoy dinakon malap nok kotubuꞌ koyon.

41 Daꞌ u pogomuꞌ nok potason ku nong manusiyaꞌ, 42 poꞌ kiosunan ku og diyalom pongatoyan niyu nog daꞌdun og lasa niyu sok Tuhan. 43 Minangoyu dini song ngalan nog Gommaꞌ u, sugaid daꞌ niyu akon tolimaoy. Sokaliꞌ bilaꞌ ongon og len nok tow mangoy dini tidu da sog ginawa nin, yanin ok tolimaon niyu. 44 Ponoy ok kotombaꞌ niyu dinakon bilaꞌ pilabi niyu ok poksanglit tidu da sok pokasi niyu, sugaid daꞌ amu poktuyuꞌ malap nok poksanglit nok tidu sok solobuk-lobuk Tuhan? 45 Na diꞌ amu mokpikil nok sumbungon ku amu dituꞌ sog Gommaꞌ u. Dinodamahan niyu nok tumabang diniyu si Nabi Musa, sugaid yanin ok tumaksil diniyu. 46 Bilaꞌ tinumombaꞌ amu sok tinaluꞌ ni Nabi Musa, sumboy amu tumombaꞌ sop dinakon poꞌ sinulatin sog diyalom nok Kitab ok pasal dinakon. 47 Sugaid bilaꞌ diꞌ amu tumombaꞌ sok sinulat ni Nabi Musa, ponoy na ok poktombaꞌ niyu sok taluꞌ u?”