Yahiya 4

Ok Pogbalak ni bu og Libun taga Samariya

1-2 Sog waktu koyon modakol pa nok tow migunut bu piliguꞌ ni Isa tidu ni Yahiya. Tibuwa ong motudin, ong mingliguꞌ koyon kanaꞌ si Isa, sugaid ong mga mulidin. Na dangan kiosunan ni Isa nong misaut og dongogan koyon song mga , 3 minawaꞌ yanin dunut nong mga mulidin sog bonuwa nog bangka pokpuliꞌ posunguꞌ sog bonuwa . 4 Sokaliꞌ sumboy miyan yanin sog bonuwa Samariya.

5 Dadi minatong siloꞌ Isa sok solobuk lungsud nok Samariya nok pogingalanan Sikar, molani sog lupaꞌ nok pinusakaꞌ ni Yaꞌkub sog bataꞌ in nok si Yusup, 6 bu dituꞌ sop ok timbaꞌ ni Yaꞌkub. Na kiboloyan na si Isa sok panowin, dadi miningkud yanin sok kilid nok timbaꞌ. Lotu-ondow na sog waktu nituꞌ.

7 Tubus ongon minatong solobuk libun taga Samariya poꞌ sumigob nok tubig. Tinaluan yanin ni Isa, “Pinum nu pa akon.”

8 Sog waktu koyon, likud nong mga mulidin minangoy sok kowman monaluy nok kan. 9 Na misobuꞌ og libun sok pongoni ni Isa kituꞌ poꞌ mopok mogampuꞌ ong mga tow song mga tow Samariya. Saan tinaluanin si Isa, “Kanaꞌ taꞌ ika ok tow Yahudi, sugaid akon ok tow Samariya, bu libun pa? Manu mongoni a ma nok tubig dinakon?”

10 Na tinumabal si Isa diyanin, “Bilaꞌ bosiya kiosunan nu da ong mobogoy nok Tuhan, bu sima ong mingoni dinika kini nok tubig, na mongoni a dodaꞌ diyanin, bu bogoyanin dodaꞌ ika nok tubig nong mokobogoy nok kotubuꞌ.”

11 Taluꞌ nog libun dituꞌ ni Isa, “Tuwan, daꞌdun da ok saguk nu, bu ok timbaꞌ kini modalom. Ayin nu alapoy ok tubig kituꞌ nong mokobogoy nok kotubuꞌ? 12 Motasa pa taꞌ buwan tidu sok pingapuꞌ ta kituꞌ nok si Yaꞌkub nog yonin na ong migbogoy dinami nok timbaꞌ kini? Dini yanin poginum song masa tagnaꞌ sampoy ong mga gumbataꞌ in bug mga potubuonin.”

13 Tinumabal si Isa, “Kotanan nong moginum nok tubig sok timbaꞌ kini, kuwowon da mokpuliꞌ. 14 Sugaid sima-sima ong minum nok tubig nog bogoyon ku diyanin, diꞌ na yanin kuwowon mokpuliꞌ. Poꞌ ok tubig nok pomogoyon ku, mamaꞌ nok tubudan sok pongatoyan nog diꞌ kotihan bu mokobogoy nong mosannang nok .”

15 Dadi tinaluan nog libun si Isa, “Tuwan, bogoyan pa nok pigbinaan nu koyon nok tubig bagun diꞌ u na kuwowon, bu bagun diꞌ u na mokpuliꞌ-puliꞌ sumaguk nok tubig dini.”

16 Na taluꞌ ni Isa diyanin, “Angoy nu tawagoy og laki nu bangka amu pokpuliꞌ dini.”

17 Tinumabal og libun, “Daꞌdun og laki u.”

Miktaluꞌ si Isa, “Motud ok taluꞌ nu nog daꞌdun og laki nu, 18 poꞌ mikopoglaki a na sibon lima kotow, bu og laki nok sinolobuk nu ningkomun kanaꞌ nu og laki. Dadi mattan ok tinaluꞌ nu koyon.”

19 Taluꞌ nog libun dituꞌ ni Isa, “Tuwan, ong a saan koyon. 20 Na ong mga pingapuꞌ nami kituꞌ, dini ilon sog bontud kini poksombahayang sok Tuhan. Sugaid amu ong mga tow Yahudi, ok taluꞌ niyu nog da og bonuwa poksombahayangan.”

21-22 Taluꞌ ni Isa diyanin, “Amu mga bangsa Samariya, diꞌ niyu tantu kosunan ok poksumbahon niyu. Sugaid ami mga bangsa Yahudi, kosunan nami poꞌ ong mogawon nong manusiyaꞌ miktidu sog bangsa nami. Tombaꞌ a dinakon nong matong da og waktu nok kanaꞌ hadja sog bontud kini atawa sog Jerusalem poksombahayang ong mga tow sog . 23 Na ong motudin, matong da og waktu, bu minatong na tanan og waktu nin nong moksumba ong motud nong moksosumba sog Gommaꞌ biyan sok poktabang nog Ruh nin bu mounut sok kosobonnalan. Poꞌ mamaꞌ niyon ok koleganin bilaꞌ ok tow sumumba diyanin. 24 Ok Tuhan og Ruh yanin, dadi sima-sima ok sumumba dun sumboy sumumba biyan sok poktabang nog Ruh nin bu mounut sok kosobonnalan.”

25 Taluꞌ nog libun dituꞌ ni Isa, “Kiosunan ku nong matong og , ok piniliꞌ nok Tuhan. Pogdatongin, mokpotongow yanin nog lam nituꞌ dinami.”

26 Taluꞌ ni Isa diyanin, “Ok piglabit nu koyon, yonin na akon, og duma nu kini mogabit-abit.”

27 Na solabu ni Isa mogabit-abit bug libun koyon, minatong na ong mga mulid ni Isa. Misobuꞌ ilon nog libun og duma nin mogabit-abit. Sugaid daꞌdun dinilon moksak nog, “Olo ok kolegan nu diyanin?”

Bu daꞌ na ilon poksak, “Manu mikopogabit-abita ma diyanin?”

28 Na binagak nog libun og banggaꞌ in bangka yanin pokpuliꞌ sog lungsud, doksuꞌ tinaluanin ong mga tow dituꞌ, 29 “Sung, angoy niyu tontong ok tow nong mikokosun nog lam nog bakasu miinang. Kanaꞌ taꞌ bayuꞌ yanin na og Al-Masih?”

30 Dadi linumuwas ilon sog lungsud bangka angoy dituꞌ ni Isa.

31 Sog daꞌ pa datong ong mga tow, inonggat si Isa nong mga mulidin kuman, “Guru, kan ka na.”

32 Sugaid ok tabal ni Isa, “Ongon da ok kan ku nog diꞌ niyu kosunan.”

33 Dadi miksak-sinakoy na ong mga mulidin, “Ongon taꞌ ok tow nong migoyit diyanin nok kan?”

34 Tinaluan ilon ni Isa, “Ok kan ku, yonin na ong monginang nok kolegan nong mikpangoy nakon dini, bu mogdoksuꞌ nok piinangin dinakon. 35 Kanaꞌ taꞌ tinaluꞌ niyu, ‘Ongon pa pat bulan og bonin, bangka poglogani,’ sugaid taluan ku amu, waktu na nok poglogani ningkomun. Tontong niyu ba pahatul ong mga tow, ibadat sok paloyan, miinug na ilon, bu mobais na ganihon. 36 Na sima-sima og gumani, mokotabuk nok pahalaꞌ, bu ok paloy nog ganihon nilon, yonin na ok tow nong mokotabuk nong mosannang nok kotubuꞌ solama-lama. Dadi ong mga polomula bu ong mga pologani, mansing mogloliyag.”

37 Taluꞌ pa ni Isa, “Motud ok poktaluon nong mga tow nok selen ong momula bu selen sop og gumani. 38 Sinuguꞌ u amu gumani nok piktiksaan nog duma, bu ningkomun amu ong mikohampit nok piktiksaan nilon.”

39 Na pasal song mga tow Samariya sok kowman koyon, modakol dinilon nok tinumud dituꞌ ni Isa sabap tibuwa sok suksugan nog libun kituꞌ nok kiosunan dow ni Isa og lam nok kohinanganin. 40 Dangan minatong diyon ni Isa ong mga tow Samariya, pingoni nilon diyanin nog diyon yanin dinilon soliyan. Dadi diyon si Isa dinilon duwaꞌ ondow. 41 Na sabap sok pognasihat ni Isa song mga tow, miksidakol pa ok tinumombaꞌ diyanin. 42 Doksuꞌ taluꞌ nilon sog libun kituꞌ, “Tinumombaꞌ ami, kanaꞌ na tidu sok suksugan nu, poꞌ ami na tokodoy ong mikodongog diyanin, bu kiosunan nami nog yanin tokodoy ong Mogogawon nong mga manusiyaꞌ.”

Pikodag ni og Bataꞌ nok Solobuk Kounutan

43 Pogdoksuꞌ niloꞌ Isa lumihan diyon duwaꞌ ondow, migdayun na ilon sog . 44 Tinaluꞌ na asal ni Isa nog diꞌ pogaddatan ong sog bonuwa nin. 45 Sugaid dangan minatong na ilon sog Jalil, linumpak na ilon nok tow diyon, poꞌ mikangoy da sop ilon sog sog . Dadi mitongow nilon na ong mokosobuꞌ-sobuꞌ nog ininang ni Isa dituꞌ sog waktu koyon.

46 Tubus minatong puliꞌ siloꞌ Isa sok Kana sakup nog Jalil, sog bonuwa nog inimungin nok ok tubig. Sog waktu niyon, ongon og bataꞌ nok solobuk kounutan nok parinta milongkoꞌ dituꞌ sog lungsud Kapernaum. 47 Dangan midongog nok kounutan koyon nong minatong si Isa sog Jalil tidu sog Yahudiya, minangoy yanin dituꞌ ni Isa bangka pokpokilolat nog angoyonin pa bulungoy og bataꞌ in poꞌ posunguꞌ na matoy. 48 Dadi taluꞌ ni Isa diyanin, “Sumboy amu na hadja mokotongow nog gindanan atawa ginang nong mokosobuꞌ-sobuꞌ bangka amu pa tombaꞌ.”

49 Ok tabal nok kounutan koyon, “Anduꞌ Panghuꞌ, alung na sog diꞌ pa matoy og bataꞌ u.”

50 Taluꞌ ni Isa diyanin, “Uliꞌ a na, diꞌ da matoy og bataꞌ nu.”

Dadi tinumombaꞌ ok kounutan koyon sok tinaluꞌ ni Isa bangka na yanin uliꞌ. 51 Soliyanin dumiksun muliꞌ, linumpak yanin nong mga sosuguonin, bu sinuksugan yanin nok kiulian na og bataꞌ in. 52 Dadi sinakan ilon nok kounutan koyon bug olo orasoy kiulian og bataꞌ in. Ok taluꞌ nilon, “Kolabung lisag solobuk.”

53 Na kiosunanin nog yonin da sop kituꞌ og waktu nok tinaluꞌ ni Isa, “Diꞌ da matoy og bataꞌ nu!”

Dadi tidu nituꞌ tinumombaꞌ na yanin ni Isa sampoy na og lam nok kodumahanin sog baloy.

54 Yonin koyon og ikoduwaꞌ nong mokosobuꞌ-sobuꞌ nog gindanan nog ininang ni Isa dangan minatong yanin sok probinsiya Jalil tidu sok probinsiya Yahudiya.