Yahiya 1

Ong Mobais nok Suksugan

pasal ni Isa Al-Masih

nok Sinulat ni

YAHIYA

Ok Parman

Sok tolipunan tokodoy ongon ok Parman, bu ok Parman koyon diyon sok Tuhan, bu ok Parman, yonin na ok Tuhan. 2 Dadi sog daꞌ pa koongon og dunya, diyon na ok Parman sok Tuhan. 3 Og lam nog olo-olo piongon biyan sok Parman, bu daꞌdun ok piongon nok kanaꞌ biyan diyanin. 4 Ok Parman kini ok pun nok kotubuꞌ, bu ok kotubuꞌ kini ok nong mga manusiyaꞌ. 5 Suminag lolayun ok sahaya kini sok kodoloman, bu og dolom diꞌ mokatu dun.

6-7 Na ongon ok tow nog iningalanan Yahiya. Piangoy yanin nok Tuhan dini mokposampoy pasal nok sahaya kini, bagun mokotombaꞌ og lam nok tow dun. 8 Kanaꞌ si Yahiya ok pigbinaan nok sahaya, sugaid piangoy hadja yanin mokposampoy pasal sok sahaya.

9 Na ong motud nok sahaya kituꞌ ong mokopodolag sok pikilan nog lam nok tow, yonin na ok Parman nong mogogangoy sog dunya. 10 Pogdatongin dini, ondaꞌ yanin kindanoy nong mga manusiyaꞌ bisan yanin tanan ong mikpoongon nog dunya. 11 Minangoy yanin sok piktowanin, sugaid daꞌ da yanin tolimaoy nog bangsa nin. 12 Sugaid sima-sima ok tinumolimaꞌ bu tinumombaꞌ diyanin, binogoyanin nok kopatut moimung nog gumbataꞌ nok Tuhan. 13 Ok kopogbataꞌ nilon kanaꞌ mamaꞌ hantang nok pogbataꞌ nong mga tow dini sog dunya nog binataꞌ tidu sok kolegan atawa gantaꞌ nong manusiyaꞌ, sugaid miimung ilon nog bataꞌ nok Tuhan tidu sok kowasa nin.

14 Na ok Parman kituꞌ miktimaluy nok tow bu minampuꞌ mogonong dini dinita niyu. Miponuꞌ yanin nok , bu yanin ok kosobonnalan. Mitongow nami ok kotas bu ok kowasa nin nok tumolop sok solobuk-lobuk kini nok tidu sog in, yonin na ok Tuhan.

15 Sinuksug ni Yahiya Mongliliguꞌ ok pasal sok Parman, taluꞌ in, “Yanin kini ok piktaluꞌ u diniyu nok sumunud dinakon, sugaid motas pa yanin tidu dinakon, poꞌ sog daꞌ u pa bataoy asal na yanin ongon tidu pa song masa tagnaꞌ” 16 Pasal sok kosolag nok kolasa-kololatin, miglabi-labi ok kobaisanin dinita niyu. 17 Song masa tagnaꞌ binogoy nok Tuhan ok saraꞌ biyan ni Nabi Musa, sugaid ningkomun pitongowin dinita niyu ok kolasa-kololatin bu ok kosobonnalanin biyan ni . 18 Daꞌdun pa sibon ong manusiyaꞌ nong mikotongow nok Tuhan, sugaid mikopotampal ok solobuk-lobuk nog Bataꞌ in pasal diyanin, poꞌ Tuhan da yanin, miksolobuk sog in.

Ok Kosaksiꞌ ni

19 Na ongon og gondow sinuguꞌ nong mga kounutan Yahudi sog ong mga koimaman bug mga ponindog nong mga gimam posunguꞌ dituꞌ ni Yahiya Mongliliguꞌ bagun moksak bug sima taꞌ tokodoy yanin. 20 Na daꞌ pogalang-alang si Yahiya, pilogdongin tumaluꞌ, “Kanaꞌ akon og .”

21 Dadi miksak ilon. “Na sima a buwan dodaꞌ? Ika taꞌ si Nabi ?”

Tinumabal yanin, “Kanaꞌ.”

Miksak ilon puliꞌ, “Ika taꞌ ong nok pigdodamahan nami?”

Tinumabal yanin, “Kanaꞌ.”

22 Dadi miktaluꞌ ilon, “Na taluan nu ami bug sima a bagun ongon ong moposampoy nami song mga tow nong mikpangoy nami dini. Olo ong motaluꞌ nu pasal dinika?”

23 Tinumabal si Yahiya, “Akon ok pigbinaan ni Nabi , ok tingog nong mikposampoy nok taluꞌ monamal dituꞌ sok talunan, ‘Pologdong niyu og dalan nok Pogbayaꞌ-bayaꞌ sok pogdatongin.’ ”

24 Na og duma nok sinuguꞌ koyon, ong mga , 25 dadi sinakan nilon si Yahiya, “Bilaꞌ kanaꞌ a og Al-Masih, atawa si Nabi Elyas atawa ong nabi nok pigdodamahan ta, manu mongliguꞌ a ma nong mga tow?”

26 Ok tabal ni Yahiya, “Ok pongliguꞌ u diniyu, ok tubig, sugaid ongon motas pa tidu dinakon nog limimugoy diniyu nog diꞌ niyu kilalahan. 27 Yanin ok sinumunuꞌ dinakon, bu pasal sok kotasin, kanaꞌ u tanan tolopon mogubad nog gikot nok tolumpaꞌ in.”

28 Og lam nini dituꞌ miinang sog bonuwa Betani sog dipag nok bug ayin mingliguꞌ si Yahiya.

29 Poglomaꞌ mitongow ni Yahiya si mipanow posunguꞌ diyon diyanin. Taluꞌ ni Yahiya, “Tontong niyu ba, yonin koyon og nok kurbanon bagun papason og nong mga manusiyaꞌ. 30 Yanin koyon ok tinaluꞌ u diniyu, ‘Ongon ok sumunud dinakon nong motas pa tidu dinakon, poꞌ sog daꞌ u pa bataoy asal na yanin ongon tidu pa song masa tagnaꞌ.’ 31 Sok tagnaꞌ daꞌ u kosunoy bug sima ok sumunud kituꞌ dinakon, sugaid og gawoyu dini, mongliguꞌ song mga tow nok tubig bagun kilalahan yanin nong mga tow .

32-33 Daꞌ u tokodoy kosunoy bug sima ong matong posunguꞌ kituꞌ. Sugaid ong miksuguꞌ dinakon mongliguꞌ biyan sok tubig, mikposun na asal dinakon nog, ‘Ok tow nong mitongow nu nong minonog diyanin og bangka na pogonong dun, yanin koyon ong mongliguꞌ biyan sog .’ ”

Bu sinumaksiꞌ si Yahiya, taluꞌ in, “Mitongowu og Ruh Mahasutsi mamaꞌ nok kolopati dinumapal tidu sog langit bangka pogonong diyanin. 34 Mitongowu tokodoy yanin bu kisaksian ku nog yanin na og .”

Ong mga Miguna Mogunut ni Panghuꞌ Isa

35 Dadi poggondow solobuk dituꞌ na sop si Yahiya sog dipag nok dunut nog duwaꞌ kotow mulidin. 36 Dangan mitongowin si Isa miniyan, taluꞌ in, “Tontong niyu, koyon og .”

37 Dangan midongog koyon nog duwaꞌ kotow mulid ni Yahiya, migunut ilon ni Isa. 38 Poglingoy ni Isa, mitongowin og duwaꞌ kotow miktuyuk diyanin, taluꞌ in dinilon, “Olo ok pinontong niyu?”

Ok tabal nilon, “Rabbi, ayin ka migonong?”

Na ong maana nog Rabbi, guru. 39 Taluꞌ ni Isa dinilon, “Pogunut amu bagun niyu motongow.”

Dadi migunut na ilon bu mitongow nilon ok pigononganin. Mga lisag pat na nog lolabung bu kigobihan na ilon dituꞌ.

40 Ong ngalan nok solokotow nong mikodongog nok tinaluꞌ ni Yahiya bangka pogunut ni Isa, yonin na si Andariyas, og gilug ni Simon . 41 Pogawaꞌ ni Andariyas diyon ni Isa, pinontongin poguna og gilugin nok si Simon. Dangan mibalakin, tinaluanin, “Mibalak nami na og .” Na ok posabut nog Al-Masih, yonin na og inuwakilan nok Tuhan mogbayaꞌ.

42 Doksuꞌ inoyitin si Simon dituꞌ ni Isa. Tinontong yanin ni Isa bangka nin taluoy, “Ika si Simon, og bataꞌ ni Yahiya, sugaid gollalan ka nok Kepas.” Ok Kepas kini batuk sok Petros, bu ong maana nin batu.

43-44 Poglogondow meleg si Isa mangoy sog bonuwa , bu mibalakin si Pilip, ok tow Betsayda. Salu bonuwa ilon ni Andariyas bu ni Petros. Taluꞌ ni Isa diyanin, “Pogunuta dinakon.”

45 Tubus mibalak ni Pilip ok supali nin nok si Natanael, bu tinaluanin, “Mibalak nami na ok pigbinaan ni Musa bug mga konabihan song mga sinulat nilon sok Kitab Sutsi. Ong ngalanin si Isa, og bataꞌ ni Yusup nok tidu sog bonuwa .”

46 Dadi taluꞌ ni Natanael diyanin, “Ongon taꞌ buwan ong mobais tidu song Nasaret?”

Tinumabal si Pilip, “Alung, tontong nu.”

47 Dangan mitongow ni Isa si Natanael posunguꞌ diyon diyanin, taluꞌ ni Isa, “Yonin kini ok solokotow motud ponupuꞌ ni nok kanaꞌ mongakkal.”

48 Na miksak si Natanael diyanin, “Tuwan Guru, ponoy ok kokosun nu dinakon?”

Tinumabal si Isa, “Sog daꞌ a pa tawagoy ni Pilip, mitongowu ika sok silung nok kayu .”

49 Tinumabal si Natanael, “Tuwan Guru, ika og , ika ok Sultan nog bangsa Israel.”

50 Taluꞌ ni Isa diyanin, “Tinumombaꞌ a taꞌ dinakon sowkat na nok tinaluan ku ika nong mitongowu ika dituꞌ sok silung nok kayu higera? Na mokotongowa da nong mga mokosobuꞌ-sobuꞌ nog labi pa tidu diyon.”

51 Bu taluꞌ pa ni Isa, “Taluan ku amu, ong motudin, motongow niyu og langit mobukaꞌ bu ong mga nok Tuhan mogmonog-monek dinakon, og .”