Matiyu 17

Miksahaya og Bayuꞌ-bayuꞌ ni Panghuꞌ Isa

Pogbiyan nong nom ondow, inoyit ni Isa si , si Yaꞌkub bu og gilugin nok si Yahiya posunguꞌ song motas nog bontud nog ilon-ilon da. 2 Dangan diyon na ilon, mipinda og bayuꞌ-bayuꞌ ni Isa sog gadapan nilon. Sinumahaya ong muluꞌ in mamaꞌ nog gondow, bu mokopollag ok ponapotin mamaꞌ nog ligaꞌ. 3 Bu sunoy pa mikpotongow si Nabi Musa bu si Nabi dinilon, migabit-abit ilon ni Isa. 4 Na tinaluan ni Petros si Isa, “Panghuꞌ, mobais da nog dini ami. Bilaꞌ melega, mokpotindogu dini nok tolu buk , solobuk nika, solobuk ni Nabi Musa, bu solobuk sop ni Nabi Elyas.”

5 Soliyan pa ni Petros moktaluꞌ, kidungmaan ilon nog gabun nong mosahaya, bu ongon ok taluꞌ tidu sog gabun, “Yonin kini og Bataꞌ u nok kolasahan ku, bu kisulutan ku tokodoy diyanin. Inongogoy niyu bu tombaoy niyu yanin.”

6 Dangan midongog koyon nong mga mulid, mikponglob ilon dunut gondok. 7 Tibuwa inangoy ilon doponoy ni Isa, taluꞌ in, “Pogbuwat amu, bu diꞌ amu mondok.” 8 Dangan tinumongal ilon, daꞌdun na ong mitongow nilon luwal dona si Isa.

9 Pogdiksun nilon tidu sog bontud, pigondian ilon ni Isa, taluꞌ in, “Diꞌ niyu ponuksug bug olo ong mitongow niyu koyon toktob song motubuꞌ u na puliꞌ, og tidu sok kopatoy.”

10 Na sinakan yanin nong mga mulidin, “Panghuꞌ, manu buwan miktaluꞌ ma ong mga guru agama nok sumboy matong poguna si Nabi Elyas bangka pa og ?” 11 Tinumabal si Isa, taluꞌ in, “Motud nong matong poguna si Nabi Elyas mokpodinsamaꞌ nog lam nituꞌ. 12 Tibuwa taluan ku amu, tidu na si Nabi Elyas mikangoy dini, bu daꞌ yanin kolilahoy nong mga tow, sugaid bininsanaꞌ nilon yanin mounut sok kolegan nilon. Na domikkiyan sop akon, og Bataꞌ nong Manusiyaꞌ mobinsanaꞌ sok kongkoman nilon.” 13 Doksuꞌ misabut na nong mga mulidin nok si ok pigbinaan ni Isa sok taluꞌ in nok si Nabi Elyas koyon.

Kiulian ni og Bataꞌ nok Sinolodan nok Soytan

14 Pogdatong nilon sok tumpukan nong mga tow, minangoy diyanin ok solokotow bangka luhud sog gadapanin, 15 bu tinaluꞌ in, “Tuwan, kololatoy nu og bataꞌ u nog laki! Babuy-babuyon yanin bu mibinsanaꞌ tokodoy yanin, poꞌ lolayun yanin mobuksak sog gapuy bu sok tubig. 16 Inoyitu na song mga mulid nu, sugaid diꞌ ilon mokokuliꞌ diyanin.”

17 Tinumabal si , “U amu mga tow sog waktu kini nog daꞌ pongandol bu molikoꞌ. Andun pa toktob ok poksandalu diniyu? Oyit niyu na dini nakon og bataꞌ.” 18 Tubus pigbinaan ni Isa ok soytan, dadi limuwas tidu sog lawas nog bataꞌ. Na kiulian mogdayun og bataꞌ koyon.

19 Puwas nituꞌ pilanihan si Isa nong mga mulidin nog ilon-ilon da bangka poktaluꞌ, “Manu ondiꞌ nami ma mopoluwas ok soytan kituꞌ?” 20 Ok tabal ni Isa dinilon, “Poꞌ kulang ok kotombaꞌ niyu. Ong motudin, taluan ku amu, bilaꞌ ongon ok kotombaꞌ niyu bisan dona mamaꞌ nok kobeteꞌ tokodoy nog boyaan, motaluꞌ niyu sog bontud kini, ‘Pokpinda a dituꞌ tidu dini.’ Na mokpinda koyon, bu daꞌdun og diꞌ niyu moinang. 21 Sugaid ong mga soytan nong mamaꞌ niyon, diꞌ na dodaꞌ koyon lumuwas bilaꞌ diꞌ amu mongoni-ngoni bangka amu pokpuwasa.”

Tinaluꞌ puliꞌ ni pasal sok Kopatoyin

22 Soliyan nilon moglimud sog bonuwa , tinaluan ni Isa ong mga mulidin pasal song matong sog ginawa nin, longin, “Og posunguꞌ na wakilon sok kongkoman nong mga tow, 23 bangka na nilon patoyoy. Sugaid sog ikotolu ondow motubuꞌ da yanin mokpuliꞌ.”

Na misusa tokodoy ong mga mulidin.

Pasal sok Totulungan sog

24 Pogdatong nilon sok Kapernaum, inangoy si nong mga mongongabat nog jakat para sog Baloy nok Tuhan, bangka poktaluꞌ, “Og guru niyu, ondiꞌ taꞌ mogjakat para sog Baloy nok Tuhan?” 25 Ok tabal ni Petros, “Mogbayad le.” Tubus pogangoyin sog baloy, sinakan yanin ni Isa, “Olo sok pikilan nu, Petros? Ayin pokpongabat nog bayad atawa ong mga sultan sog dunya? Dituꞌ taꞌ song mga gumbataꞌ nilon atawa song mga len tow?” 26 Ok tabal ni Petros, “Song mga len tow.” Taluꞌ sop ni Isa, “Dadi diꞌ da pobayadon ong mga gumbataꞌ nilon. 27 Tibuwa bagun diꞌ ilon moubaꞌ dinita, angoya pomonggit sog linow. Tubus alap nu ok sodaꞌ nong mikuna kalap, bu bilaꞌ bukaon nu og babaꞌ in, motongow nu solobuk sin . Alap nu kituꞌ bangka nu bogoy dinilon para pogjakat ta duwaꞌ.”