Ponognaan 36

Ong mga Ponupuꞌ ni Esaw

Na yonin kini ok suksugan pasal song mga ponupuꞌ ni Esaw nog iningalanan da sop nog Edom. 2 Miglibun si Esaw nog duwaꞌ kotow taga . Yonin na siloꞌ Ada, og bataꞌ ni Elon nog bangsa Hit, bu si Oholibama og bataꞌ ni Ana, og gapuꞌ ni Sibeon nog bangsa Hib. 3 Piglibunin da sop og goguwapuꞌ in nok si Basemat, og bataꞌ ni bu og gilug ni Nebayot.

4 Na og bataꞌ ni Ada diyon ni Esaw, yonin na si Elipas. Bu og bataꞌ ni Esaw ni Basemat, yonin na si Ruel. 5 Og gumbataꞌ ni Esaw ni Oholibama, yonin na si Yeus, si Yalam bug si Kora. Yonin kini ong mga gumbataꞌ ni Esaw nog laki nog binataꞌ sok Kanaan.

6 Doksuꞌ inoyit ni Esaw moglalin ong mga libun bug gumbataꞌ in, piktowanin, mga potubuonin, bug gartaꞌ in nong mialapin sok Kanaan. Mikpolayuꞌ yanin sog gilugin nok si Yaꞌkub. 7 Miglalin saan yanin poꞌ diꞌ ilon mogdadi moksolobuk nok pogonongan sabap kulang ok sigbot para song modakol nok potubuon nilon sog bonuwa koyon. 8 Dadi migonong si Esaw nog iningalanan da sop Edom, dituꞌ sok kobukidan nok Seir.

9 Na yonin kini ong mga ponupuꞌ ni Esaw, og gommaꞌ nog bangsa Edom nong migonong sok kobukidan nok Seir. 10 Og bataꞌ ni Esaw nog laki sog libunin nok si Ada, yonin na si Elipas, bu og bataꞌ in sog libunin nok si Basemat, yonin na si Ruel.

11 Ong mga gumbataꞌ ni Elipas nog laki, yonin na si Teman, Omar, Sepo, Gatam bu si Kenas. 12 Ongon da sop og bataꞌ ni Elipas nog laki sog len libunin nok si Timna, yonin na si Amalek. Ilon koyon ong mga gapuꞌ ni Ada, og libun ni Esaw.

13 Na yonin sop kini ong mga gumbataꞌ ni Ruel nog laki, siloꞌ Nahat, Sera, Samma, bu si Missa. Ilon koyon ong mga gapuꞌ ni Basemat, og libun ni Esaw.

14 Ong mga gumbataꞌ ni Esaw nog laki diyon ni Oholibama, yonin na si Yeus, Yalam bug si Kora. Si Oholibama og bataꞌ ni Ana bug gapuꞌ sop ni Sibeon.

15 Ong mga ponupuꞌ ni Esaw tidu sog bataꞌ in nog gulang bataꞌ nok si Elipas, miimung nog datuꞌ song mga ponupuꞌ nilon, yonin na siloꞌ Teman, Omar, Sepo, Kenas, 16 Kora, Gatam bug Amalek. Ilon kini ong migdatuꞌ sog bonuwa Edom, ong mga gapuꞌ ni Ada biyan sog bataꞌ in nok si Elipas. 17 Migdatuꞌ da sop sog bonuwa Edom ong mga gumbataꞌ ni Ruel, yonin na si Nahat, Sera, Samma, bu Missa. Og lam nilon kini ong mga gapuꞌ ni Basemat, og libun ni Esaw. 18 Miimung sop nog datuꞌ ong mga gumbataꞌ ni Oholibama, og bataꞌ ni Ana, bu og libun ni Esaw, yonin na siloꞌ Yeus, Yalam bug Kora. 19 Na og lam nilon koyon ong mga ponupuꞌ ni Esaw, bu miimung ilon nong mga datuꞌ.

Ong mga Ponupuꞌ ni Seir, og Bangsa Hor

20-21 Na ongon ok tow nong migonong na asal sog Edom, ong ngalanin si Seir, nog bangsa Hor. Og gumbataꞌ in nog laki, yonin na siloꞌ, Lotan, Sobal, Sibeon, Ana, Dison, Eser bug Disan. Ilon koyon ong migdatuꞌ song mga bangsa Hor nong migonong sog Edom. 22 Na og gumbataꞌ ni Lotan nog laki, yonin na siloꞌ Hori bug Heman. Mogilug si Lotan bu og libun ni Elipas nok si Timna. 23 Ong mga gumbataꞌ ni Sobal nog laki, yonin na siloꞌ Alban, Manahat, Ebal, Sepo bug Onam. 24 Ong mga gumbataꞌ ni Sibeon nog laki, yonin na si Aya bu si Ana. Mikobalak si Ana nok tubudan nong minit dituꞌ sok talunan sog waktu nong migipat yanin nok nog gommaꞌ in. 25 Ong mga gumbataꞌ ni Ana, yonin na si Dison og laki, bu si Oholibama og libun. 26 Ong mga gumbataꞌ ni Dison nog laki, yonin na si Hemdan, Esban, Itran bug Keran. 27 Yonin kini ong mga gumbataꞌ ni Eser nog laki, siloꞌ Bilhan, Saaban bug Akan. 28 Og gumbataꞌ sop ni Disan nog laki, si Us bug si Aran.

29 Dadi ong migdatuꞌ sok ponupuꞌ nog bangsa Hor sog bonuwa Seir, yonin na siloꞌ Lotan, Sobal, Sibeon, Ana, 30 Dison, Eser bug Disan. Ilon kini ong mga datuꞌ sog bangsa Hor sog bonuwa Seir mounut song mga pangkatan nilon.

Ong mga Sultan bug Datuꞌ sog bonuwa nog Edom

31 Na ong mga miksultan sop sog bonuwa Edom sog daꞌdun pa ong miksultan sog bangsa , yonin na 32 si Bela, og bataꞌ ni Beor. Ong ngalan nok siyudadin Dinhaba. 33 Dangan minatoy si Bela, kisuklihan yanin moksultan ni Yobab, og bataꞌ ni Sera ok tow nok tidu sog Busra. 34 Dangan minatoy si Yobab, kisuklihan yanin moksultan ni Husam nong miktidu sog bonuwa nong mga tow Teman. 35 Pokpatoy ni Husam, kisuklihan yanin moksultan ni Hadad, og bataꞌ ni Bedad. Ong ngalan nok siyudadin Abit. Si Hadad ong mimondag song mga bangsa Midiyan dituꞌ sog bonuwa Moab. 36 Dangan minatoy si Hadad, simukli na sop moksultan si Samla tidu sog bonuwa Masreka. 37 Dangan minatoy si Samla, kisuklihan yanin moksultan ni Saul nong miktidu sog bonuwa Rehobot sok kilid nok subaꞌ Alpurati. 38 Pokpatoy ni Saul, kisuklihan yanin moksultan ni Baal-Hanan, og bataꞌ ni Akbor. 39 Dangan minatoy si Baal-Hanan, kisuklihan yanin moksultan ni Hadar. Ong ngalan nok siyudadin Pau. Ong ngalan nog libunin si Mehetabel, og bataꞌ ni Matred bu og gapuꞌ ni Mesahab.

40 Na yonin kini ong mga ponupuꞌ ni Esaw nong miimung nog datuꞌ sok pangkatan nilon, bu ong ngalan nong mga bonuwa nilon inalap song ngalan nilon, yonin na ok Timna, Alba, Yetet, 41 Oholibama, Ela, Pinon, 42 Kenas, Teman, Mibsar, 43 Magdiel bug Iram. Og lam nilon kini, mga datuꞌ sog bonuwa nog Edom, mikkokoniya ilon nok pigbonuwahan. Na yonin na koyon ok suksugan pasal sok ponupuꞌ ni Esaw, yonin na og gommaꞌ nog bangsa Edom.